Miakej amo kipiaj tlen ika mopanoltiskej | ¿Tlen kichiuas iTekiuajkayo toTajtsin Dios?

Miakej amo kipiaj kanin tekipanoskej ikinon kitaj oui kitlaniskej tomin para kipiaskej tlen ika mopanoltiskej.

• Se informea tlen yikin okichijkej kijtoua ipan nochi tlaltikpak miakej “ayakmo kuali kintlaxtlauiaj”. Tla amitlaj kichiuaskej, satepan “sekimej okachi kintlaxtlauiskej uan oksekimej amo”. Nin kichiuas “miakej ayakmo makipiakan tlen ika mopanoltiskej”.

¿Uelis itlaj kichiuaskej tekiuajkej para tlapaleuiskej? Noso ¿uelis kichiuaskej ayakmo ikaj matlajyoui uan makipiakan tlen ika mopanoltiskej?

Biblia kijtoua onka se tekiua tlen uelis kiyektlalis nin tlamantli uan kichiuas ayakmo ikaj makichikoitakan. Kijtoua “toTajtsin Dios tlen kajki iluikak kitlalis se tekiuajkayotl” uan san ye kinauatis tlaltikpak (Daniel 2:44). Nin tekiuajkayotl nochtin kinpaleuis uan amikaj kikauas iselti (Salmo 9:18). ITekiuajkayo toTajtsin Dios kichiuas nochtin makipiakan tlen ika mopanoltiskej uan mayolpakikan. Nochtin kinteochiuaskej porque kuali tekipanoskej (Isaías 65:21, 22).