Tlaltikpak ijtlakaui | ¿Tlen kichiuas iTekiuajkayo toTajtsin Dios?

“Miakej sapanoua motekipachouaj porque san totoka ijtlakaui tlaltikpak. Sapanoua ejekakiaui uan tlaxixini, ikinon miakej ayakmo kipiaj kanin chantiskej uan tlen ika mopanoltiskej. Noijki seki yolkamej tlen chantij ijtik atl uelis mikiskej porque atl totonia” (Inger Andersen, secretaria general adjunta de las Naciones Unidas y directora ejecutiva del Programa de las Naciones Unidas para el Medio Ambiente, 25 de julio 2023).

¿Uelis tekiuajkej san sekan mopaleuiskej uan kiyektlaliskej tlen kipanotok tlaltikpak? ¿Uelis itlaj kichiuaskej tlen melauak makipaleui?

Biblia kijtoua onka se tekiua tlen uelis kiyektlalis nochi tlen kijtlakoua tlaltikpak. Kijtoua “toTajtsin Dios tlen kajki iluikak kitlalis se tekiuajkayotl” tlen tlanauatis itech nochi tlaltikpak (Daniel 2:44). Ijkuak tlanauatis non tekiua “amikaj kichiuas tlen amo kuali nion tlaijtlakos”. Yejuan amo moteuiskej nion kijtlakoskej tlaltikpak (Isaías 11:9).