Miak tomin kitekitiltiaj itech guerras | ¿Ken techtlajyouiltia?

Miak tomin kitekitiltiaj ijkuak mochiuaj guerras.

• The Washington Post, 13 de febrero 2024 kijtoua: “Kanaj 2.2 billones de dolares kitekitiltiaj ijkuak katej guerras”.

Pero amo san kitekitiltiaj tomin. Matikitakan tlen opanok Ucrania.

• Soldados. Yikipia ome xiuitl opejki guerra uan kanaj 500.000 soldados yoixpolikej uan sekimej san omokojkojkej.

• Akinmej ompa chantij. Kanaj 28.000 yoixpolikej noso omokojkojkej. Organización de las Naciones Unidas kijtoua: “Itech guerra amo san kitekitiltiaj tomin noijki sapanoua miakej ixpoliuij.a

Miakej tlajyouiaj porque panoua guerras uan noijki mokualaniaj itech nochi tlaltikpak.

• 114 millones. Yokiskej itech inmialtepe porque katej guerras uan tlajyouiaj, ijkon opejki kichiuaj septiembre 2023.

• 783 millones. Tlajyouiaj porque amo kipiaj tlen kikuaskej. Programa Mundial de Alimentos kijtoua: “Kanaj 70% amo kipiaj tlen kikuaskej porque chantij kanin panoua guerras uan kintlajyouiltiaj”.

¿Nochipa yetos guerras? ¿Keman timoyolseuiskej? ¿Tlen kajki itech tlaltikpak techpaleuis para matikpiakan tlen moneki uan matikpiakan tlen tikkuaskej? ¿Tlen kijtoua Biblia?

Guerras

Biblia kineskayotia guerras ika se caballo.

• “Noijki okiski okse caballo chichiltik. Akin oyaya ipan caballo okikauilijkej makichiua guerra ipan tlaltikpak uan ijkon mamomiktikan akinmej ompa chantij. Noijki okimakakej se ueyi espada” (Apocalipsis 6:4).

Pero Biblia kijtoua ok katej ome caballos, se kineskayotiaj amo tikpiaskej tlen tikkuaskej uan ok se kineskayotia mikilistli porque axkan miakej mokokouaj uan ixpoliuij (Apocalipsis 6:5-8). Tla tikneki tikmatis tlen okachi kijtoua nin profecía xiktlajtolti tlamachtil tlen itoka “¿Qué representan los jinetes del Apocalipsis?”.

Timoyolseuiskej

Ayakmo miak poliui uan tlen onka itech tlaltikpak ayakmo kitekitiltiskej para kichiuaskej guerras, ¿akin ijkon kichiuas? ¿Tlen kijtoua Biblia?

• ToTajtsin Dios “kintlajtlamia guerras itech nochi tlaltikpak” (Salmo 46:9).

• ToTajtsin Dios kipojpolos guerras porque techtlajyouiltia. “Ye kinmixayouajuatsas, ayakmo yetos mikilistli, ayakmo ikaj moyolkokos, ayakmo ikaj chokas nion ayakmo ikaj tlajyouis. Yopojpoliuik tlen achto okatka” (Apocalipsis 21:4).

• ToTajtsin Dios techpaleuis para matimoyolseuijtokan. “Noaltepe chantis kanin yetos yolseuilistli, kanin amitlaj kimomojtis uan moseuis kanin tlakualkan” (Isaías 32:18).

Biblia kijtoua guerras uan nochi tlen amo kuali axkan panotok kiteititia yitikatej itlamian tonalmej.

¿Tlen kichiuas toTajtsin Dios para timoyolseuiskej? Techpaleuis ika iTekiuajkayo tlen kajki iluikak (Mateo 6:10). ¿Tikneki tikmatis tlen iTekiuajkayo toTajtsin Dios uan tlen kichiuas? Xikita nin video ¿Tlen iTekiuajkayo toTajtsin Dios?