Jesús ayakmo kitekauilis matetlajyouiltikan

Jesús kimati ijkuak ikaj kitlajyouiltiaj. Ye amitlaj itlajtlakol okipiaya pero okitlajtlakoltijkej miak tlamantli, sapanoua okiteuijkej, okixkomakakej uan okixpolojkej. Pero “okitemakako iyolilis para miakej kintlaxtlauas” maski amitlaj okichi (Mateo 20:28; Juan 15:13). Axkan kiyekana iTekiuajkayo toTajtsin Dios. Ye ayakmo ikaj kikauilis matetlajyouilti uan nochtin kuali yetoskej (Isaías 42:3).

Biblia kijtoua ken chantiskej itech tlaltikpak ijkuak Jesús ayakmo kitekauilis matetlajyouiltikan:

• “Akinmej amo yolkualmej ayakmo yetoskej, maski kintemoskej ayakmo ompa yetoskej. Pero akinmej yolkualmej kinmakaskej tlaltikpak uan melauak yolpakiskej porque yetos miak yolseuilistli” (Salmo 37:10, 11).

¿Ken uelis tikteititiskej tiktlasojkamatij nochi tlen Jesús yokichi uan tlen kichiuas satepan? Moneki matikmatikan tlen kijtosneki “kuali tlajtoli tlen kijtoua toTajtsin Dios ualtlanauatis ipan tlaltikpak” tlen Jesús otetlapoui (Lucas 4:43). Noijki xiktlajtolti tlamachtil “¿Tlen iTekiuajkayo toTajtsin Dios?”.