¿Uelis ikaj tikneltokiliskej? | ¿Tlen kijtoua Biblia?

Miakej motekipachouaj uan kualanij porque akinmej moneki makinpaleuikan amo ijkon kichiuaj. Matikitakan akinmej ijkon kichiuaj:

• Tekiuajkej amo kintekipachoua tlen kinpanoua oksekimej uan san kintekipachoua tlen yejuan kinpanoua.

• Akinmej kipanoltiaj noticias san tlakajkayauaj uan amo kijtouaj nochi tlen moneki momatis.

• Ixtlamatkej amo tekipanouaj para kinpaleuiskej oksekimej.

• Akinmej kinyekanaj religiones okachi kipatioitaj mokajkalakiskej itech política uan amo kinpaleuiaj oksekimej makixmatikan toTajtsin Dios.

Moneki timomaluiskej uan amo nochtin tikinneltokiliskej porque Biblia kijtoua:

• “Amo xikinneltokilikan akinmej tlanauatiaj nion okse tlakatl porque yejuan amo uelis temakixtiskej” (Salmo 146:3).

¿Akin uelis tikneltokiliskej?

Biblia kijtoua uelis tikneltokiliskej Jesucristo. Ye amo san okatka se tlakatl yolkuali tlen yiuejkika ochantiaya. Biblia kijtoua: ‘Ye nochipa tlanauatis [...] uan iTekiuajkayo amo keman tlamis’ (Lucas 1:32, 33). Non kijtosneki toTajtsin Dios okitlali makinauati iTekiuajkayo. Axkan ye yitlanauatijtok ompa iluikak (Mateo 6:10).

• Para okachi tikmatis tleka uelis tikneltokas Jesús, xiktlajtolti kanin kijtoua “¿Akin kiyekana nin Tekiuajkayotl?” uan kanin kijtoua “¿Tlen kichiuas iTekiuajkayo toTajtsin Dios?”.