¿Ken tlamachtiaj iTlaixpantijkauan Jehová?
Tlamachtil ika Biblia tlen kitemakaj iTlaixpantijkauan Jehová yokinpaleui miakej. Nin tlamachtil mitspaleuis para:
Xiyolpaki.
Tiyetos iyolikni toTajtsin Dios.
Tikmatis tlen kijtoua Biblia panos satepan.
Tikinnankiliskej ninmej tlajtlanilmej:
Tla nikselis manechmachtikan ika Biblia, ¿moneki nimochiuas iTlaixpantijka Jehová?
Tla onimomachtiaya Biblia inmiuan iTlaixpantijkauan Jehová, ¿uelis oksepa nimomachtis?
¿Ken tlamachtiaj iTlaixpantijkauan Jehová?
Ikaj uelis mitspaleuis para tikmatis tlen tlamachtia moBiblia. Ijkuak timomachtis ika amochtli Tiyoltos uan tiyolpakis, tikajsikamatis tlen tlamachtia Biblia uan ken uelis mitspaleuis. Tla tikneki okachi tikmatis xikita nin video.
¿Moneki niktlaxtlauas?
Amo. TiiTlaixpantijkauan Jehová tikchiuaj tlen Jesús okinmilui idiscípulos: “Ijkuak onankiselijkej amo onankitlaxtlajkej, noijki ijkon xiktemakakan” (Mateo 10:8 TNM). Amo moneki tiktlaxtlauas Biblia nion amochtli Tiyoltos uan tiyolpakis tlen mitsmakaskej.
¿Keski horas moneki nimomachtis?
Nin amochtli kipia 60 tlamachtilmej. Tejuatsin uelis tikijtos keski horas uelis timomachtis. Miakej momachtia san se tlamachtil se semana, pero oksekimej momachtiaj kanaj ome noso okachi tlamachtilmej itech se semana.
¿Tlen moneki achto nikchiuas?
1. Xiktemiti se amatl tlen kajki itech jw.org. Moneki tiktlalis motoka, monúmero uan okseki tlamantli para se iTlaixpantijka Jehová uelis mitsnotsas.
2. Akin mitsmachtis ika Biblia mitsnotsas. Mitsiluis ken uelis nanmomachtiskej Biblia uan mitsnankilis nochi tlen tiktlajtlanis.
3. Tejuatsin uelis tikijtos keman uan kanin nanmomachtiskej. Uelis nanmomachtiskej mokalijtik, ika teléfono, videollamada, ika cartas noso correo electrónico. Ualeua momachtiaj san tepitsin noso kanaj se hora pero tejuatsin tikijtos kox tiuejkauas timomachtis.
¿Uelis san nikitas ken tlamachtiaj?
Kema. Xiktemiti se amatl tlen kajki itech jw.org. Ijkuak se iTlaixpantijka Jehová mitsnotsas xikilui san tikneki tikitas ken tlamachtiaj. Nanmomachtiskej ika amatlajkuilol Tiyoltos uan tiyolpakis, tlen san kiualika eyi tlamachtilmej.
Tla nikselis manechmachtikan ika Biblia, ¿moneki nimochiuas iTlaixpantijka Jehová?
Amo. ITlaixpantijkauan Jehová kinekij kinmachtiskej oksekimej ika Biblia, pero amo kinchiualtiaj mamochiuakan iTlaixpantijkauan Jehová. Ijkuak kinmiluiaj tlen tlamachtia Biblia kinkauiliaj makipejpenakan kox kineki kineltokaskej noso amo (1 Pedro 3:15).
¿Uelis nechmachtiskej ika noBiblia?
Kema. Uelis timomachtis ika Biblia tlen tikpia. ITlaixpantijkauan Jehová kitekitiltia Traducción del Nuevo Mundo porque kuali okitlajtolkopkej uan moajsikamati pero tejuatsin tikijtos ika tlen Biblia timomachtis.
¿Uelis ikaj nikyoleuas ijkuak nimomachtis?
Kema. Uelis tikyoleuas mofamilia noso moyolikniuan.
Tla onimomachtiaya Biblia inmiuan iTlaixpantijkauan Jehová, ¿uelis oksepa nimomachtis?
Kema. Xamo axkan okachi mitspaktis porque ika nin amochtli amo oui tikajsikamatiskej tlen kijtoua Biblia. Noijki okachi kualtsin porque kipia fotos, videos uan tlajtlanilmej tlen namechpaleuis okachi ximotlapouikan.
¿Uelis san noselti nimomachtis?
Kema. Maski miakej okachi momachtiaj tlen kijtoua Biblia ijkuak ikaj kinpaleuia, oksekimej kinpaktia san inselti momachtiskej. Uelis tikalakis itech sección “Techpaleuis matimomachtikan Biblia”, ompa kipia seki tlamantli tlen mitspaleuis uan amo tiktlaxtlauas.
Ninmej videos techpaleuiaj matimomachtikan Biblia. Itech ninmej videos tlen amo uejkauaj tikitas tlen tlamachtia Biblia.
¿Tlen kijtoua Biblia? Ompa tikajsis tlamachtilmej tlen mitspaleuis xikmati tlen kijtoua Biblia itech seki tlamantli.
Textos bíblicos explicados. Xikita tlen kijtosneki seki textos.