TLAMACHTIL TLEN IKA PEUA | ¿MITSPAKTISKIA TIKMATIS TLEN TLAMACHTIA BIBLIA?

Nochtin uelis momachtiskej

ITlaixpantijkauan Jehová kinmixmatij pampa tetlapouiaj. Pero ¿otikmatiaya yejuan noijki tlamachtiaj?

Se tlakalt momachtijtok Biblia kanin tekiti

Itech xiuitl 2013, 7,965,954 (siete millones novecientos sesenta y cinco mil novecientos cincuenta y cuatro) iTlaixpantijkauan Jehová itech 239 uejueyij altepemej okinmachtijkej 9,254,963 (nueve millones doscientos cincuenta y cuatro mil novecientos sesenta y tres) tlaltikpaktlakamej itech sejse metstli.a Uan onka kanaj 140 uejueyij altepemej kanin amo chantij nion nochtin tlaltikpaktlakamej tlen tejuan tikinmachtiaj.

Pampa uelis tlamachtiskej iTlaixpantijkauan Jehová, kinchijchiuaj sapanoa miakej amatlajkuilolmej —ken Biblias, amochmej, revistas— uan noijki kintlajtolkuepaj ika miak tlatlamantli tlajtolmej. Uan nin tekitl kitekauilia ma momachtikan tlaltikpaktlakamej ika san tlen tlajtoli kinekiskej.

MOTLAJTLANIAJ KEN TITLAMACHTIAJ

¿Ken titlamachtiaj?

Titlamachtiaj itech tlatlamantli tlamachtilmej tlen kipia Biblia. Ma tiktlalikan se neskayotl, tlamachtil itech toTajtsin Dios. Biblia techiluia akin toTajtsin Dios, ken iyelis, tlen itoka, kanin kajki uan kox uelis iuan timouikaskej. Tikinmachtiaj kanin kajsiskej tlanankilistli tlen kitemaka Biblia.

Pampa uelis tikchiuaskej, tiktekitiltiaj se amochtli tlen kipia 224 páginas uan itoka ¿Tlen melauak tlamachtia Biblia?b Nin amochtli okichijchijkej pampa ma kinpaleui tlaltikpaktlakamej ma kajsikamatikan seki melauak tlamachtilmej itech Biblia. Kipia tlamachtilmej tlen tlajtoaj itech toTajtsin Dios, Jesús, tleka titlajyouiaj, yolitilistli, tlatlaujtilistli uan okseki tlamachtilmej.

¿Kanin uan keman titlamachtiaj?

Tejuatsin tikijtos kanin timomachtis uan keman.

¿Uejkaua tlamachtil?

Miakej tlaltikpaktlakamej kipejpenaj momachtiskej tlajko hora noso se hora itech se semana. Pero tla amo tiuelis, tejuatsin tikijtos tlen hora uan tejuan ijkon tikchiuaskej. Sekimej momachtiaj san diez minutos noso quince minutos.

¿Moneki se kitlaxtlauas?

Amo. Mitsmachtiskej uan noijki tlen tiktekitiltis amo tiktlaxtlauas. Pampa Jesús okijto: “San ijki ononkiselijkeh, san ijki xiktemakakah” (Mateo 10:8).

¿Uejkaua tlamachtil?

Uelis timomachtis san tlen kauitl tiknekis. Amochtli ¿Tlen melauak tlamachtia Biblia? kinpia 19 tlamachtilmej. Uelis timomachtis tlen tiknekis.

¿Moneki se mochiuas iTlaixpantijka Jehová?

Amo. Tejuan tikintlakaitaj tlaltikpaktlakamej, yejuan kipejpenaskej kox mochiuaskej iTlaixpantijkauan Jehová noso amo. Pero tlen momachtiskej itech Biblia, kinpaleuis kuali ma kipejpenakan tlen kichiuaskej.

¿Kanin uelis nikajsis okachi?

Itech www.jw.org/ncx tikajsis okseki tlamantli tlen tikneltokaj uan tlen tikchiuaj.

¿Kanin se moijkuilos?

Xikijkuilo kanin mitstlajtlania itech www.jw.org/ncx.
Itech página 2 tikajsis dirección.
Ximotlapoui iuan se iTlaixpantijka Jehová ik kanin tichanti.

a Kinmachtiaj sejse noso uelis yetoskej miakej.

b Kichijchiuaj iTlaixpantijkauan Jehová. Nin amochtli sapanoa miakej yotikinchijchijkej uan noijki ika miak tlatlamantli tlajtolmej.

TLAPALEUILISTLI PAMPA KALCHANEJKEJ

“Ijkuak nosiua opejki momachtia Biblia onikitak miak tlamantli okipatlak itech inemilis. Itech nokalijtik nochi kuali okatka. Oniknekiaya nikmatis tleka, uan opejki nimomachtia. Tlen onimomachti okichi ma niyeto niyolkuali. Tlen otimomachtiayaj itech Biblia okichi okachi ma timouikakan ken kalchanejkej.” (Eziquiel)

“Ijkuak opejki nimomachtia Biblia, ayakmo onikualaniaya, ayakmo oniktekitiltiaya drogas nion onitlakoniaya. Axkan nokalijtik chipauak uan kuali kajki. Axkan okachi nikintlasojtla nokalchanejkauan uan sapanoa nechpaktia nikinpaleuis. Axkan okachi niyolpaki.” (Karen)

“Miakej otlajtoayaj notech pampa onimomachtiaya Biblia. Pero nonamik onechpaleuiaya. Onechiluiaya: ‘Amo nechtekipachoa tlen kijtoaj tlaltikpaktlakamej. Ne okachi nikpatioita ken axkan kuali tika. Nochipa ijkon xikchiua’. Tokalchanejkauan melauak yolpakij.” (Viniana)