¿Tleka tiyoltokej?

Biblia kijtoua

Miakej tlatlamantli mokuayejyekouaj. Sekimej motlajtlaniaj: “¿Tleka nikan tikatej?” Noso “¿Tleka tiyoltokej?”. Biblia kijtoua toTajtsin Dios otechchijchi para iuan ma timouikakan. Para kuali tikajsikamatiskej, ma tikitakan tlen techmachtia Biblia.

• ToTajtsin Dios otechchijchi. Biblia kijtoua: “ToTajtsin Dios. Ye akin otechchijchi uan tejuan tiiaxkauan” (Salmo 100:3; Apocalipsis 4:11).

• ToTajtsin Dios amo san nenka otlachijchi uan noijki tejuan amo san nenka otechchijchi (Isaías 45:18).

• Totajtsin Dios okitlali itech toyolo ma tiknekikan iuan timouikaskej uan ijkon tiknekiskej tiyoltoskej (Mateo 5:3). Ye kineki ma tikpiakan tlen tiknekij (Salmo 145:16).

• Kuali timouikaj iuan toTajtsin Dios ijkuak timochijchikauaj tikixmatiskej uan nin tinochtin uelis tikchiuaskej. Biblia techiluia: “Xiwalmijkuanikah [ximotokikan] inawak Dios, iwa Ye mijkuanis [motokis] nomonawak” (Santiago 4:8; 2:23).

• Tla tiknekij timouikaskej iuan toTajtsin Dios moneki tikchiuaskej tlen ye kineki. Biblia kijtoua tleka otechchijchi: “ToTajtsin Dios okichijchi tlakatl para ma kitlakamati, ma kitlasojtla uan ma kintlakamati itlanauatiluan” (Eclesiastés 12:13, versión de Ángel Sánchez, nota; lenguaje actualizado).

• Satepan, ijkuak toTajtsin Dios kipojpolos tlajyouilistli, iyolikniuan nochipa yoltoskej porque yejuan amo keman okikajkej, non tonal mochiuas tlen toTajtsin Dios okinekiaya para tinochtin (Salmo 37:10, 11).