¿Keski iTlaixpantijkauan Jehová katej itech nochi tlaltikpak?

¿Ken tikmatij keski iTlaixpantijkauan Jehová?

Akinmej tetlapouiaj sejse metstli tikinpouaj ken iTlaixpantijkauan Jehová (Mateo 24:14, TNM). Akinmej tetlapouiaj maski ayamo moapolaktiaj noijki tikinpouaj ken iTlaixpantijkauan Jehová.

¿Moneki kitemakas tomin akin kineki mochiuas iTlaixpantijka Jehová?

Amo. Tla tiktemakaskej tomin amo kichiuas matimochiuakan tiiTlaixpantijkauan Jehová nion techpaleuis matechmakakan se tekitl (Hechos 8:​18-​20). Ijkuak ikaj kitemaka tomin, amo momati akin okitemakak. Nochtin iTlaixpantijkauan Jehová majxiliaj tetlapouiskej uan kitemakaj tomin ika nochi inyolo, yejuan kitemakaj tlen uelij (2 Corintios 9:7).

¿Ken tikmatij keski iTlaixpantijkauan Jehová tetlapouiaj sejse metstli?

ITlaixpantijkauan Jehová sejse metstli kitemaktiliaj kanin monechikouaj keski hora otetlapouijkej.

Nochi nin horas kisetiliaj uan kititlanij Betel uan satepan kititlanij itech kali kanin kinyekanaj iTlaixpantijkauan Jehová.

Sejse xiuitla moijtoua keski hora otetlapouijkej itech sejse altepetl. Ijkon kimatij keski iTlaixpantijkauan Jehová katej itech nochi tlaltikpak. Itech internet tikpiaj se página itoka “Ipan nochi tlaltikpak” kanin kijtoua nochi tekitl tlen otikchijkej itech sejse altepetl. Techpaktia tikmatiskej tekitl tlen omochi ijkon ken tokniuan itech achto siglo (Hechos 2:41; 4:4; 15:3).

¿Noijki tikinpouaj ken iTlaixpantijkauan Jehová akinmej amo tetlapouiaj pero touan monechikouaj uan tikinmachtiaj?

Maski amo tikinpouaj ken iTlaixpantijkauan Jehová, tiyolpakij touan mamonechikokan. Miakej touan monechikouaj ijkuak tikilnamikij imikilis Jesús. Tikmatij keski touan monechikouaj porque tikmatokej keski iTlaixpantijkauan Jehová katej itech nochi tlaltikpak. Itech xiuitl 2023 otimonechikojkej 20,461,767 ijkuak otikilnamikej imikilis Jesús.

Miakej tikinmachtiaj pero amo touan monechikouaj. Itech xiuitl 2023 sejse metstli okinmachtijkej kanaj 7,281,212. Miakej san sekan otikinmachtijkej.

¿Tleka ijkuak kichiuaj censo kijtouaj okachi miakej katej iTlaixpantijkauan Jehová?

Ijkon panoua porque ijkuak kichiuaj censo, kintlajtlaniaj tlen religión kipiaj. Matikitakan tlen okijtojkej akinmej tekipanouaj itech Oficina del Censo de Estados Unidos. Ijkuak kichiuaj censo kintlajtlaniaj “kox pouij itech se religión”. Noijki ye okijto kitlaliaj san tlen kinmiluiaj pero amo kitaj kox melauak iTlaixpantijkauan Jehová. Pero tejuan tikinpouaj ken iTlaixpantijkauan Jehová akinmej tetlapouiaj uan kijtouaj tlen tekitl okichijkej.