TLAMACHTIL 11

Xitlamachti ika nochi moyolo

Romanos 12:11, TNM

XIKILNAMIKTO: Ijkuak titlamachtis kuali xikintlapoui uan ijkon ajsis itech inyolo.

Kuali ximomachti. Miak ipati tlen titlamachtis. Ik non, kuali ximomachti uan ma mota melauak tikneltoka tlen titlamachtis.
Ximokuayejyeko ken tikinpaleuis akinmej tikinmachtis. Ximokuayejyeko ken kinpaleuis tlen tikijtos noso tlen tiktlajtoltis. Noijki xikita ken titlamachtis uan ijkon kajsikamatiskej uan okachi kipatioitaskej tlen nanmomachtiskej.
Amo xikinkochiti akinmej tikinmachtis. Kuali xikintlapoui uan ijkon ajsis itech inyolo. Xiixuetska uan ma mota mitspaktia tlen tikinmachtia uan amo ma uiuiokakan momauan.

Tlatlamantli ximolini uan ijkon amo tikinsotlauas. Achto xikita kox moneki tikinmolinis momauan. Ma mota titlamachtia ika nochi moyolo ijkuak tikijtos tlen okachi ipati noso ijkuak tikinmiluis tlen moneki kichiuaskej. Pero san kualtsin xitlamachti tlamo ayakmo kinekiskej mitskakiskej.