TLAMACHTIL 2

Ma mokaki ikaj iuan timotlapouijtok

2 Corintios 2:17

XIKILNAMIKTO: Ijkuak titlamachtis ma mokaki ikaj iuan timotlapouijtok, ma ajsi itech inyolo uan ma mota mitstekipachoa tlen kinpanoa oksekimej.

Ximotlatlaujti uan kuali ximomachti. Xikilui Jehová ma mitspaleui kuali xitlamachti. Xikilnamikto tlen tlamantli okachi moneki tikinyekiluis akinmej tikinmachtis. Noijki xitlamachti ken ikaj iuan timotlapouijtoskia uan amo san xiktlajtoltijti amatl.

Tla tikintlajtoltis textos noso okseki amatlajkuilolmej, moneki kuali xikinmojpaui. Tla tiktlajtoltis itlaj tlen ikaj okijto, xiktlajtolti ken moneki uan amo xitsatsajtsi.
Ma ajsi itech inyolo tlen tikinmachtis. Ximokuayejyeko tleka moneki tikinmachtis. Ximotekipacho itech akinmej tikinmachtis. Kuali ximoyekketsa, xikinmolini momauan uan ma mota tiyolpaki uan noijki ma mota titetlakaita.

Xitlajto ken moneki uan amo san tlen amo xikijto. Xikteititi tikpatioita tlen titlamachtia uan kuali xitlajto.
Amo ximotolo ijkuak titlamachtis. Tla kanin tichanti amo itlaj kijtoaj noso amo mokuejsoaj tikintlatos, xikintlato akinmej ompa katej uan amo oksekan xitlajtlachia.