65 Phela uJehova wayekhulume ngabo wathi: “Loba sekutheni bazafela enkangala.”+ Ngakho kakho loyedwa phakathi kwabo owasala ephila ngaphandle kukaKhalebhi indodana kaJefune loJoshuwa indodana kaNuni.+

11 ‘Wonke amadoda aphume eGibhithe aleminyaka engu-20 kusiya phezulu kawasoze alibone ilizwe+ engafunga ngalo ku-Abrahama lo-Isaka loJakhobe+ ngoba kawazange angilandele ngenhliziyo yonke, 12 ngaphandle kukaKhalebhi+ indodana kaJefune umKhenizi loJoshuwa+ indodana kaNuni ngenxa yokuthi balandele uJehova ngenhliziyo yonke.’+

34 “Kusenzakala konke lokhu uJehova wayesizwa elalikukhuluma njalo wathukuthela waze wafunga+ wathi, 35 ‘Kakho loyedwa umuntu kulesi sizukulwane esibi ozalibona ilizwe elihle engathembisa ukulinika oyihlo+ 36 ngaphandle kukaKhalebhi indodana kaJefune. Uzalibona njalo ilizwe ahamba kulo ngizalinika yena lamadodana akhe ngoba ulandele uJehova ngenhliziyo yonke.*+ 37 (UJehova waze wangizondela lami ngenxa yenu wathi: “Lawe futhi awusoze ungene kulo.+ 38 UJoshuwa indodana kaNuni oma phambi kwakho+ nguye ozangena elizweni lelo.+ Mqinise*+ ngoba nguye ozakwenza abako-Israyeli balithathe libe lilifa labo.”)