• U-Isaya 2:3, 4
    IBhayibhili Elingcwele

    •  3 Abantu bezizwe ezinengi bazahamba bathi:

      “Wozani siqanse entabeni kaJehova,

      Siye endlini kaNkulunkulu kaJakhobe.+

      Uzasifundisa izindlela zakhe,

      Njalo sizahamba ezindleleni zakhe.”+

      Umthetho uzavela* eZiyoni,

      Lelizwi likaJehova liphume eJerusalema.+

       4 Uzakwahlulela phakathi kwezizwe

      Alungise izinto* ukuze ancede abantu abanengi.

      Bazakhanda inkemba zabo zibe yizikali zamakhuba okulima,

      Lemikhonto yabo ibe zingqamu zokuthena izihlahla.+

      Akulasizwe esizaphakamisela esinye inkemba,

      Njalo azisoze ziphinde zifundele ukulwa impi.+

  • U-Isaya 11:6-9
    IBhayibhili Elingcwele

    •  6 lzinyane lemvu leganyana kuzaphumula ndawonye,*+

      Ingwe ilale ndawonye lezinyane lembuzi,

      lsilwane lethole kanye lenyamazana enonileyo kuzakuba ndawonye,*+

      Njalo kuzakhokhelwa ngumfana omncane.

       7 Inkomo lebhere kuzakudla ndawonye,

      Amathole enyamazana lezi alale ndawonye.

      Isilwane sizakudla utshani njengenkunzi.+

       8 Umntwana omunyayo uzadlalela lapho okulomlindi wephimpi khona,

      Lomntwana okhutshwe ebeleni uzafaka isandla sakhe emlindini wenyoka eyingozi.

       9 Akukho okuzalimaza+

      Loba kudilize kuyo yonke intaba yami engcwele,+

      Ngoba emhlabeni kuzagcwala ulwazi olumayelana loJehova

      Njengamanzi agcwele ulwandle.+

  • UMikha 4:2
    IBhayibhili Elingcwele

    •  2 Izizwe ezinengi zizahamba zithi:

      “Wozani siqanse entabeni kaJehova,

      Siye endlini kaNkulunkulu kaJakhobe.+

      Uzasifundisa izindlela zakhe,

      Njalo sizahamba ezindleleni zakhe.”

      Umthetho* uzavela eZiyoni,

      Lelizwi likaJehova liphume eJerusalema.