• UDutheronomi 30:1-3
    IBhayibhili Elingcwele

    • 30 “Nxa amazwi wonke la esegcwalisekile kini, isibusiso lesiqalekiso engisifake phambi kwenu+ lamuhla futhi nxa lingawakhumbula*+ likuwo wonke amazwe uJehova uNkulunkulu wenu azalisabalalisa liye kuwo,+ 2 beselibuyela kuJehova uNkulunkulu wenu,+ lina kanye labantwabenu njalo lilalele ilizwi lakhe ngokuvumelana lakho konke engililaya ngakho lamuhla futhi likwenze ngenhliziyo yenu yonke langomphefumulo wenu wonke,+ 3 lapho-ke uJehova uNkulunkulu wenu uzabaphendukisa abathunjiweyo benu,+ abe lesihawu kini+ futhi aliqoqe kutsha livela kuzo zonke izizwe uJehova uNkulunkulu wenu ayabe elisabalalise laya kuzo.+

  • U-Isaya 11:16
    IBhayibhili Elingcwele

    • 16 Kuzakuba lomgwaqo omkhulu+ ophuma e-Asiriya owenzelwe abantu bakhe abaseleyo,+

      Njengoba nje kwakulomgwaqo owawenzelwe ama-Israyeli ngelanga aphuma ngalo elizweni leGibhithe.

  • U-Isaya 43:6
    IBhayibhili Elingcwele

    •  6 Inyakatho ngizakuthi kuyo, ‘Bayekele bahambe,’+

      Ngitshele leningizimu ngithi, ‘Ungabavimbeli.

      Lethani amadodana ami asezindaweni ezikhatshana kanye lamadodakazi ami asemikhawulweni yomhlaba,+

  • U-Isaya 60:4
    IBhayibhili Elingcwele

    •  4 Vusa amehlo akho ukhangele kuyo yonke indawo eduze kwakho.

      Bonke sebebuthanisiwe, sebesiza kuwe.

      Amadodana akho alokhu ebuya evela khatshana.+

      Lamadodakazi akho abuya ephethwe.*+

  • U-Isaya 60:9
    IBhayibhili Elingcwele

    •  9 Izihlenge zizathembela kimi,+

      Imikhumbi yeThashishi iyakhokhela,

      Izoletha abantwabakho abavela khatshana,+

      Baphethe isiliva legolide labo

      Ukuze bazodumisa ibizo likaJehova uNkulunkulu wakho, oNgcwele ka-Israyeli,

      Ngoba uzakukhazimulisa.*+