• UJeremiya 2:8
    IBhayibhili Elingcwele

    •  8 Abaphristi abazange babuze ukuthi ungaphi uJehova,+

      Labo okwakumele bafundise abantu uMthetho abazange bangazi,

      Abelusi bangihlamukela,+

      Abaphrofethi baphrofetha ngoBhali,+

      Balandela onkulunkulu abangelancedo.

  • UJeremiya 8:10-12
    IBhayibhili Elingcwele

    • 10 Ngizathatha abafazi babo ngibanike amanye amadoda,

      Ngithathe amasimu abo ngiwanike abanye abantu,+

      Ngoba kusukela komncane kusiya komkhulu, bonke benza inzuzo ngobuqili,+

      Kusukela kumphrofethi kusiya kumphristi, bonke nje baqila abantu.+

      11 Belapha inxeba labantu bami besenza angathi alilibi kakhulu besithi,

      “Kulokuthula! Kulokuthula!”

      Khona kungelakuthula.+

      12 Bayayangeka yini ngezinto ezenyanyekayo abazenzileyo?

      Abalanhloni ngitsho!

      Akusathi thiki kubo nxa besenza okubi!+

      Yikho bazakuwa ndawonye labawayo.

      Bazakhubeka nxa sengibajezisa,’+ kutsho uJehova.

  • UMikha 3:5
    IBhayibhili Elingcwele

    •  5 Nanku okutshiwo nguJehova mayelana labaphrofethi abadukisa abantu bami,+

      Nxa bangaphiwa okuthile abangakuhlafuna*+ bamemeza bathi, ‘Ukuthula!’+

      Kodwa nxa umuntu engafakanga lutho emilonyeni yabo bayamhlasela:

  • UMikha 3:11
    IBhayibhili Elingcwele

    • 11 Abakhokheli bayo bayafunjathiswa nxa besahlulela,+

      Abaphristi bayo bafundisela ukuthola imbadalo,+

      Abaphrofethi bayo bayahlahlula ukuze bathole imali.*+

      Ngapha bezenza bona abathembele kuJehova besithi:

      “UJehova kakho phakathi kwethu yini?+

      Akulahlupho oluzasehlela.”+