• UJeremiya 5:31
    IBhayibhili Elingcwele

    • 31 Abaphrofethi baphrofetha amanga,+

      Abaphristi basebenzisa izikhundla zabo ukuze bazenzele umathanda phezu kwabantu,

      Njalo abantu bami bakuthanda kunjalo.+

      Kodwa lizakwenzani nxa ukuphela sekufikile?”

  • UJeremiya 6:12-15
    IBhayibhili Elingcwele

    • 12 Izindlu zabo zizanikwa abanye,

      Konke lamasimu abo lamakhosikazi abo.+

      Ngizakwelulela isandla sami ebantwini abahlala elizweni,” kutsho uJehova.

      13 “Kusukela komncane kusiya komkhulu, bonke benza inzuzo ngobuqili,+

      Kusukela kumphrofethi kusiya kumphristi, bonke nje baqila abantu.+

      14 Belapha inxeba labantu bami besenza angathi alilibi kakhulu besithi,

      ‘Kulokuthula! Kulokuthula!’

      Khona kungelakuthula.+

      15 Bayayangeka yini ngezinto ezenyanyekayo abazenzileyo?

      Abalanhloni ngitsho!

      Akusathi thiki kubo nxa besenza okubi!+

      Yikho bazakuwa ndawonye labawayo.

      Bazakhubeka nxa sengibajezisa,” kutsho uJehova.

  • UJeremiya 27:9
    IBhayibhili Elingcwele

    • 9 “‘“‘Ngakho lingabalaleli abaphrofethi benu, labahlahlulayo, labaphupha amaphupho, labenza amasalamusi kanye lezangoma zenu ezithi kini: “Alisoze libuswe yinkosi yeBhabhiloni.”

  • IZililo 2:14
    IBhayibhili Elingcwele

    • 14 Abaphrofethi bakho bakutshele imibono yamanga engancedi ngalutho.+

      Abazange basiveze egcekeni isono sakho ukuze bakuncede ungathunjwa,+

      Kodwa baqhubeke bekutshela imibono engamanga bekwenza ulahleke.+

  • UHezekheli 22:28
    IBhayibhili Elingcwele

    • 28 Kodwa abaphrofethi bakho bagudula izono zabo ngekalaga. Babona imibono yamanga, bahlahlule lezinto ezingamanga+ besithi: “Nanku okutshiwo yiNkosi Enkulu uJehova,” uJehova yena engatshongo lutho.