• UJeremiya 4:10
    IBhayibhili Elingcwele

    • 10 Ngakho ngathi: “Awu Nkosi Enkulu Jehova, ubayengile sibili abantu laba+ kanye leJerusalema wathi, ‘Lizakuba lokuthula,’+ yona inkemba isezintanyeni zethu.”

  • UJeremiya 5:31
    IBhayibhili Elingcwele

    • 31 Abaphrofethi baphrofetha amanga,+

      Abaphristi basebenzisa izikhundla zabo ukuze bazenzele umathanda phezu kwabantu,

      Njalo abantu bami bakuthanda kunjalo.+

      Kodwa lizakwenzani nxa ukuphela sekufikile?”

  • UJeremiya 6:13, 14
    IBhayibhili Elingcwele

    • 13 “Kusukela komncane kusiya komkhulu, bonke benza inzuzo ngobuqili,+

      Kusukela kumphrofethi kusiya kumphristi, bonke nje baqila abantu.+

      14 Belapha inxeba labantu bami besenza angathi alilibi kakhulu besithi,

      ‘Kulokuthula! Kulokuthula!’

      Khona kungelakuthula.+

  • UJeremiya 23:16, 17
    IBhayibhili Elingcwele

    • 16 Ngakho nanku okutshiwo nguJehova:

      “Lingawalaleli amazwi abaphrofethi abaphrofetha kini,+

      Bayaliqila.*

      Umbono abalitshela wona uvela ezinhliziyweni zabo,+

      Kawuveli emlonyeni kaJehova.+

      17 Baqhubeka besithi kulabo abangangihloniphiyo,

      ‘UJehova uthi: “Lizakuba lokuthula.”’+

      Wonke umuntu olandela inhliziyo yakhe embi bathi kuye,

      ‘Akulamonakalo ozakwehlela.’+

  • UJeremiya 27:8-10
    IBhayibhili Elingcwele

    • 8 “‘“‘Loba yiwuphi umbuso kumbe isizwe esala ukubuswa nguNebhukhadinezari inkosi yeBhabhiloni loba ukuba ngaphansi kwejogwe lakhe, ngizasijezisa ngenkemba+ langendlala langesifo esitshabalalisayo ngize ngisiqede ngesandla sikaNebhukhadinezari,’ kutsho uJehova.

      9 “‘“‘Ngakho lingabalaleli abaphrofethi benu, labahlahlulayo, labaphupha amaphupho, labenza amasalamusi kanye lezangoma zenu ezithi kini: “Alisoze libuswe yinkosi yeBhabhiloni.” 10 Baphrofetha amanga kini, yikho ngizalisusa elizweni lenu ngilihambise endaweni ekhatshana, ngilichithachithe litshabalale lonke.

  • UHezekheli 13:10
    IBhayibhili Elingcwele

    • 10 Konke lokhu kubangelwa yikuthi benze abantu bami bahlanhlatha bebatshela ukuthi kulokuthula khona kungelakuthula.+ Nxa kungakhiwa umduli ongaqinanga bona bayawugudula ngekalaga.’*+

  • UMikha 3:11
    IBhayibhili Elingcwele

    • 11 Abakhokheli bayo bayafunjathiswa nxa besahlulela,+

      Abaphristi bayo bafundisela ukuthola imbadalo,+

      Abaphrofethi bayo bayahlahlula ukuze bathole imali.*+

      Ngapha bezenza bona abathembele kuJehova besithi:

      “UJehova kakho phakathi kwethu yini?+

      Akulahlupho oluzasehlela.”+