EYOKUQALA EYEMILANDO
5 Amadodana kaJafethi kwakunguGomeri, loMagogi, loMadayi, loJavani, loThubhali,+ loMeshekhi+ kanye loThirasi.+
6 Amadodana kaGomeri kwakungu-Ashikhenazi loRifathi loThogama.+
7 Amadodana kaJavani kwakungu-Elisha loThashishi loKhithimu loRodanimi.
8 Amadodana kaHamu kwakunguKhushi+ loMizirayimi loPhuthi loKhenani.+
9 Amadodana kaKhushi kwakunguSebha,+ loHavila, loSabhitha, loRema+ kanye loSabhitheka.
Amadodana kaRema kwakunguShebha loDedani.+
10 UKhushi wazala uNimrodi+ njalo uNimrodi waba ngowokuqala ukuba liqhawe elilamandla* emhlabeni.
11 UMizirayimi wazala uLudimi,+ lo-Anami, loLehabi, loNafithuhi,+ 12 loPhatrusi,+ loKhasiluhi (okwavela kuye amaFilisti)+ kanye loKhafithori.+
13 UKhenani wazala uSidoni+ izibulo lakhe, loHethi,+ 14 lamaJebusi,+ lama-Amori,+ lamaGirigashi,+ 15 lamaHivi,+ lama-Akhi, lamaSini, 16 lama-Arivadi,+ lamaZemari, lamaHamathi.
18 U-Aphakhishadi wazala uShela+ njalo uShela wazala u-Ebheri.
19 U-Ebheri wazala amadodana amabili. Enye kwakuthiwa nguPhelegi*+ ngoba ngesikhathi eyaphila ngaso umhlaba wehlukaniswa.* Ibizo lomfowabo kwakunguJokhithani.
20 UJokhithani wazala u-Alimodadi, loShelefi, loHazamavethi, loJera,+ 21 loHadoramu, lo-Uzali, loDikila, 22 lo-Obhali, lo-Abhimayeli, loShebha, 23 lo-Ofiri,+ loHavila,+ loJobhabhi. Bonke laba babengamadodana kaJokhithani.
24 UShemu,
u-Aphakhishadi,
uShela,
25 u-Ebheri,
uPhelegi,+
uRewu,+
26 uSerugi,+
uNahori,+
uThera,+
27 u-Abrama, okwakuthiwa ngu-Abrahama.+
28 Amadodana ka-Abrahama kwakungu-Isaka+ lo-Ishmayeli.+
29 Nanzi izimuli ezadabuka kubo: Izibulo lika-Ishmayeli kwakunguNebhayothi+ elandelwa nguKhedari,+ lo-Adibheli, loMibhisamu,+ 30 loMishima, loDuma, loMasa, loHadadi, loThema, 31 loJethuri, loNafishi kanye loKhedema. La yiwo amadodana ka-Ishmayeli.
32 UKhethura,+ omunye umfazi ka-Abrahama, wazala uZimrani, loJokhishani, loMedani, loMidiyani,+ lo-Ishibhakhi, loShuwa.+
Amadodana kaJokhishani kwakunguShebha loDedani.+
33 Amadodana kaMidiyani kwakungu-Efa,+ lo-Eferi, loHanokhi, lo-Abhida, lo-Elida.
Bonke laba babengamadodana kaKhethura.
34 U-Abrahama wazala u-Isaka.+ Amadodana ka-Isaka kwakungu-Esawu+ lo-Israyeli.+
35 Amadodana ka-Esawu kwakungu-Elifazi, loRehuweli, loJewushi, loJalamu loKhora.+
36 Amadodana ka-Elifazi kwakunguThemani,+ lo-Omari, loZefo, loGathamu, loKhenazi, loThimina lo-Amaleki.+
37 Amadodana kaRehuweli kwakunguNahathi, loZera, loShama loMiza.+
38 Amadodana kaSeyiri+ kwanguLothani, loShobhali, loZibhiyoni, lo-Ana, loDishoni, lo-Ezeri, loDishani.+
39 Amadodana kaLothani kwakunguHori loHomami. Udadewabo kaLothani kwakunguThimina.+
40 Amadodana kaShobhali kwakungu-Alivani, loManahathi, lo-Ebhali, loShefo, lo-Onami.
Amadodana kaZibhiyoni kwakungu-Ayiya lo-Ana.+
41 Indodana ka-Ana kwakunguDishoni.
Amadodana kaDishoni kwakunguHemidani, lo-Eshibhani, lo-Ithirani, loKherani.+
42 Amadodana ka-Ezeri+ kwakunguBhilihani loZahavani lo-Akhani.
Amadodana kaDishani kwakungu-Uzi lo-Arani.+
43 Nanka amakhosi ayebusa elizweni lako-Edomi+ kungakabi lenkosi ko-Israyeli:+ UBhela indodana kaBheyori, idolobho lakhe kwakuthiwa yiDinihabha. 44 UBhela wathi esefile, uJobhabhi indodana kaZera weBhozira+ waba yinkosi esikhundleni sakhe. 45 UJobhabhi esefile, uHushami owayevela elizweni lamaThemani waba yinkosi esikhundleni sakhe. 46 UHushami wathi esefile, kwabusa uHadadi indodana kaBhedadi, owanqoba amaMidiyani elizweni lamaMowabi. Idolobho lakhe kwakuthiwa yi-Avithi. 47 UHadadi esefile, uSamila waseMasirekha waba yinkosi esikhundleni sakhe. 48 USamila wathi esefile, uShawuli waseRehobhothi waba yinkosi esikhundleni sakhe. 49 UShawuli esefile, uBhali-hanani indodana ka-Akhibhori waqalisa ukubusa esikhundleni sakhe. 50 Kwathi uBhali-hanani esefile, uHadadi waba yinkosi esikhundleni sakhe. Idolobho lakhe kwakuthiwa yiPhawu njalo inkosikazi yakhe kwakuthiwa nguMehethabheli indodakazi kaMathiredi, indodakazi kaMezahabi. 51 UHadadi laye wafa.
Nanzi induna* zako-Edomi: Induna uThimina, induna u-Aliva, induna uJethethi,+ 52 induna u-Oholibhama, induna u-Ela, induna uPhinoni, 53 induna uKhenazi, induna uThemani, induna uMibhizari, 54 induna uMagidiyeli kanye lenduna u-Iramu. Lezi yizo induna zako-Edomi.
2 Amadodana ka-Israyeli+ kwakunguRubheni,+ loSimiyoni,+ loLevi,+ loJuda,+ lo-Isakhari,+ loZebhuloni,+ 2 loDani,+ loJosefa,+ loBhenjamini,+ loNafithali,+ loGadi,+ lo-Asheri.+
3 Amadodana kaJuda kwakungu-Eri lo-Onani loShela. Womathathu wawazalelwa yindodakazi kaShuwa eyayingumKhenani.+ Kodwa izenzo zika-Eri izibulo likaJuda zazingamthokozisi uJehova, ngakho wambulala.+ 4 UThamari+ umalukazana kaJuda wazalela uJuda uPherezi+ loZera. Esewonke amadodana kaJuda ayemahlanu.
5 Amadodana kaPherezi kwakunguHezironi loHamuli.+
6 Amadodana kaZera kwakunguZimri, lo-Ethani, loHemani, loKhalikholi, loDara. Esewonke ayemahlanu.
7 Indodana kaKhami kwakungu-Akhari.* U-Akhari lo nguye owephula umlayo owawuphathelane lezinto okwakumele zitshabalaliswe,+ kwasekusenza ukuthi abako-Israyeli behlelwe luhlupho.+
8 Indodana ka-Ethani kwakungu-Azariya.
9 Amadodana kaHezironi kwakunguJerameli+ loRamu+ loKhelubhayi.*
10 URamu wazala u-Aminadabi,+ u-Aminadabi wazala uNashoni+ owayengumkhokheli wezizukulwane zakoJuda. 11 UNashoni wazala uSalima,+ uSalima wazala uBhowazi.+ 12 UBhowazi wazala u-Obhedi, u-Obhedi wazala uJese.+ 13 UJese wazala u-Eliyabi izibulo lakhe, indodana yakhe yesibili kwakungu-Abhinadabi,+ eyesithathu kunguShimeya.+ 14 UNethaneli wayengowesine, uRadayi engowesihlanu, 15 u-Ozemu engowesithupha, uDavida+ engowesikhombisa. 16 Odadewabo kwakunguZeruya lo-Abhigeli.+ UZeruya wayelamadodana amathathu, u-Abhishayi+ loJowabi+ lo-Asaheli.+ 17 U-Abhigeli yena wazala u-Amasa.+ Uyise ka-Amasa kwakunguJetheri um-Ishmayeli.
18 UKhalebhi* indodana kaHezironi wazalelwa amadodana ngumkakhe u-Azubha kanye loJeriyothi. Amadodana akhe kwakunguJesheri loShobhabhi lo-Adoni. 19 U-Azubha wathi esefile uKhalebhi wathatha u-Efratha+ owamzalela uHuri.+ 20 UHuri wazala u-Uri, u-Uri wazala uBhezaleli.+
21 Ngemva kwalokho uHezironi walala lendodakazi kaMakhiri,+ uyise kaGiliyadi.+ Wayeleminyaka engu-60 ngesikhathi eyithatha njalo yamzalela uSegubi. 22 USegubi wazala uJayiri.+ UJayiri wayelamadolobho angu-23 eGiliyadi.+ 23 Ngokuhamba kwesikhathi uGeshuri+ loSiriya+ bathumba amadolobho ayengawabantu laba, iHavothi-jayiri,+ leKhenathi+ lamadolobho aseduze kwayo, wonke ayengu-60. Zonke lezi kwakuyizizukulwane zikaMakhiri uyise kaGiliyadi.
24 Ngemva kokufa kukaHezironi+ eKhalebhi-efratha, umkakhe u-Abhija wamzalela u-Ashuri+ uyise kaThekhowa.+
25 Amadodana kaJerameli izibulo likaHezironi kwakunguRamu izibulo, loBhuna, lo-Oreni, lo-Ozemu, lo-Ahija. 26 UJerameli wayelenye inkosikazi okwakuthiwa ngu-Athara. U-Athara wayengunina ka-Onami. 27 Amadodana kaRamu izibulo likaJerameli kwakunguMahazi loJamini lo-Ekheri. 28 Amadodana ka-Onami kwakunguShamayi loJada. Amadodana kaShamayi kwakunguNadabi lo-Abhishuri. 29 Umka-Abhishuri kwakungu-Abhihayili, owamzalela u-Ahibhani loMolidi. 30 Amadodana kaNadabi kwakunguSeledi lo-Aphayimi. Kodwa uSeledi wafa engelabantwana. 31 Indodana ka-Aphayimi kwakungu-Ishi. Indodana ka-Ishi kunguSheshani, indodana kaSheshani kungu-Ahilayi. 32 Amadodana kaJada umfowabo kaShamayi kwakunguJetheri loJonathani. Kodwa uJetheri wafa engelabantwana. 33 Amadodana kaJonathani kwakunguPhelethi loZaza. Lezi kwakuyizizukulwane zikaJerameli.
34 USheshani wayelamadodakazi kuphela, engelamadodana. Kodwa wayelenceku engumGibhithe okwakuthiwa nguJariha. 35 USheshani wendisela indodakazi yakhe encekwini yakhe uJariha, yasimzalela u-Athayi. 36 U-Athayi wazala uNathani, uNathani wazala uZabhadi. 37 UZabhadi wazala u-Efilali, u-Efilali wazala u-Obhedi. 38 U-Obhedi wazala uJehu, uJehu wazala u-Azariya. 39 U-Azariya wazala uHelezi, uHelezi wazala u-Eleyasa. 40 U-Eleyasa wazala uSisimayi, uSisimayi wazala uShalumi. 41 UShalumi wazala uJekhamiya, uJekhamiya wazala u-Elishama.
42 Amadodana kaKhalebhi*+ umfowabo kaJerameli kwakunguMesha izibulo lakhe, owayenguyise kaZifi lamadodana kaMaresha indodana kaHebroni. 43 Amadodana kaHebroni kwakunguKhora, loThaphuwa, loRekhemu, loShema. 44 UShema wazala uRahama uyise kaJokheyama. URekhemu wazala uShamayi. 45 Indodana kaShamayi kwakunguMawoni. UMawoni wayenguyise kaBhethi-zuri.+ 46 U-Efa omunye wabafazi bakaKhalebhi wamzalela uHarani loMoza loGazezi. UHarani wazala uGazezi. 47 Amadodana kaJahidayi kwakunguRegemi, loJothamu, loGeshani, loPhelethi, lo-Efa, loShahafi. 48 UMahakha omunye wabafazi bakaKhalebhi wamzalela uShebheri loThirihana. 49 Ngokuhamba kwesikhathi wazala uShahafi uyise kaMadimana,+ loSheva uyise kaMakhibhena, loGibheya.+ Indodakazi kaKhalebhi+ kwakungu-Akhisa.+ 50 Lezi kwakuyizizukulwane zikaKhalebhi.
Amadodana kaHuri+ izibulo lika-Efratha+ kwakunguShobhali uyise kaKhiriyathi-jeyarimi,+ 51 loSalima uyise kaBhethilehema,+ loHarefi uyise kaBhethi-gaderi. 52 UShobhali uyise kaKhiriyathi-jeyarimi wayelendodana okwakuthiwa nguHarowe. UShobhali wayengukhokho wengxenye yabantu beMenuhothi. 53 Izimuli zikaKhiriyathi-jeyarimi kwakungama-Ithiri,+ lamaPhuthi, lamaShumathi, lamaMishirayi. Yikho lapho okwavela khona amaZorathi+ lama-Eshithawoli.+ 54 Amadodana kaSalima kwakunguBhethilehema,+ lamaNethofa, lo-Athirothi-bhethi-jowabi, lengxenye yamaManahathi kanye lamaZori. 55 Izimuli zababhali ezazihlala eJabhezi kwakungamaThirathi lamaShimeyathi lamaSukhathi. La yiwo amaKheni+ ayezalwa nguHamathi uyise wabendlu kaRekhabi.+
3 La ngamadodana kaDavida azalelwa eHebroni:+ Izibulo kwakungu-Amnoni+ owayezalwa ngu-Ahinowami+ weJeziriyeli, owesibili kunguDanyeli owayezalwa ngu-Abhigeli+ weKhameli. 2 Owesithathu kwakungu-Abhisalomu+ indodana kaMahakha indodakazi kaThalimayi inkosi yeGeshuri, owesine kungu-Adonija+ indodana kaHagithi. 3 Owesihlanu kwakunguShefathiya owayezalwa ngu-Abhithali, owesithupha kungu-Ithereyamu owayezalwa ngumkakhe u-Egila. 4 Bonke laba abayisithupha bazalelwa eHebroni. UDavida wabusa eHebroni okweminyaka eyisikhombisa lenyanga eziyisithupha, wasebusa eJerusalema okweminyaka engu-33.+
5 Nanka amadodana akhe azalelwa eJerusalema:+ UShimeya, loShobhabhi, loNathani,+ loSolomoni.+ Bobane babezalwa nguBhathishebha+ indodakazi ka-Amiyeli. 6 UDavida wayelamanye amadodana angu-9: U-Ibhari, lo-Elishama, lo-Elifelethi, 7 loNoga, loNefegi, loJafiya, 8 lo-Elishama, lo-Eliyada, lo-Elifelethi. 9 Bonke laba babengamadodana kaDavida, kodwa kwakulamanye futhi ayewazalelwe ngabanye abafazi. Amadodana kaDavida ayelodadewabo okwakuthiwa nguThamari.+
10 Indodana kaSolomoni kwakunguRehobhowami+ uyise ka-Abhija,+ uyise ka-Asa,+ uyise kaJehoshafathi,+ 11 uyise kaJehoramu,+ uyise ka-Ahaziya,+ uyise kaJehowashi,+ 12 uyise ka-Amaziya,+ uyise ka-Azariya,+ uyise kaJothamu,+ 13 uyise ka-Ahazi,+ uyise kaHezekhiya,+ uyise kaManase,+ 14 uyise ka-Amoni,+ uyise kaJosiya.+ 15 Amadodana kaJosiya kwakunguJohanani izibulo lakhe, owesibili kunguJehoyakhimu,+ owesithathu kunguZedekhiya,+ owesine kunguShalumi. 16 Indodana kaJehoyakhimu kwakunguJekhoniya+ uyise kaZedekhiya. 17 Amadodana kaJekhoniya isibotshwa kwakunguSheyalithiyeli, 18 loMalikhiramu, loPhedaya, loShenazari, loJekhamiya, loHoshama, loNedabhiya. 19 Amadodana kaPhedaya kwakunguZerubhabheli+ loShimeyi. Amadodana kaZerubhabheli kwakunguMeshulami loHananiya futhi ayelodadewabo okwakuthiwa nguShelomithi. 20 Amanye amadodana akhe amahlanu kwakunguHashuba, lo-Oheli, loBherekhiya, loHasadiya, loJushabi-hesedi. 21 Amadodana kaHananiya kwakunguPhelathiya loJeshaya. Indodana kaJeshaya kwakunguRefaya, indodana kaRefaya kungu-Arinani, indodana ka-Arinani kungu-Obhadiya, indodana ka-Obhadiya kunguShekhaniya. 22 Indodana kaShekhaniya kwakunguShemaya, amadodana kaShemaya kwakunguHathushi, lo-Igali, loBhariya, loNeyariya, loShafathi, ayeyisithupha. 23 Amadodana kaNeyariya ayemathathu, kwakungu-Eliyonayi loHizikhiya lo-Azirikhamu. 24 Amadodana ka-Eliyonayi wona ayeyisikhombisa, kwakunguHodaviya, lo-Eliyashibhi, loPhelaya, lo-Akhubi, loJohanani, loDelaya kanye lo-Anani.
4 Amadodana kaJuda kwakunguPherezi,+ loHezironi,+ loKhami,+ loHuri, loShobhali.+ 2 UReyaya indodana kaShobhali wazala uJahathi. UJahathi wazala u-Ahumayi loLahadi. Lezi yizo izimuli zamaZorathi.+ 3 La ngamadodana kayise ka-Ethami:+ UJeziriyeli lo-Ishima lo-Idibhashi (ibizo likadadewebo kwakunguHazeleliphoni). 4 UPhenuweli wayenguyise kaGedori, u-Ezeri enguyise kaHusha. La kwakungamadodana kaHuri+ izibulo lika-Efratha, njalo uHuri wayenguyise kaBhethilehema.+ 5 U-Ashuri+ uyise kaThekhowa+ wayelamakhosikazi amabili, uHela loNahara. 6 UNahara wamzalela u-Ahuzami, loHeferi, loThemeni, loHahashithari. La yiwo amadodana kaNahara. 7 Amadodana kaHela kwakunguZerethi lo-Izihari lo-Ethani. 8 UKhozi wazala u-Anubi loZobhebha. UKhozi ngukhokho wezizukulwane zika-Ahaheli indodana kaHarumi.
9 UJabhezi wayehlonipheka ukwedlula abafowabo futhi unina wamnika ibizo elithi Jabhezi* esithi: “Ngimbelethe ngisizwa ubuhlungu.” 10 UJabhezi wathandaza kuNkulunkulu ka-Israyeli wathi: “Kwangathi ungangibusisa unginike indawo enkulu. Isandla sakho kasibe lami futhi ungivikele ngingehlelwa ngumonakalo ukuze kungabi lolutho olubi olwenzakala kimi!” Ngakho uNkulunkulu wakwenza lokho ayekucelile.
11 UKhelubi umfowabo kaShuha wazala uMehiri uyise ka-Eshithoni. 12 U-Eshithoni wazala uBhethi-rafa, loPhaseya, loThehina uyise ka-Iri-nahashi. La kwakungamadoda aseRekha. 13 Amadodana kaKhenazi kwakungu-Othiniyeli+ loSeraya, indodana ka-Othiniyeli kunguHathathi. 14 UMeyonothayi wazala u-Ofira. USeraya wazala uJowabi uyise wamaGe-harashimi.* Ayebizwa njalo ngenxa yokuthi ayezingcitshi zomsebenzi.
15 Amadodana kaKhalebhi+ indodana kaJefune kwakungu-Iru lo-Ela loNahama. Indodana ka-Ela kwakunguKhenazi. 16 Amadodana kaJehaleleli kwakunguZifi, loZifa, loThiriya, lo-Asareli. 17 Amadodana ka-Ezira kwakunguJetheri, loMeredi, lo-Eferi, loJaloni. Owesifazana* wazithwala wabeletha uMiriyamu loShamayi lo-Ishibha uyise ka-Eshithemowa. 18 (Umkakhe ongumJuda wazala uJeredi uyise kaGedori, loHebheri uyise kaSokho, loJekuthiyeli uyise kaZanowa.) La kwakungamadodana kaBhithiya indodakazi kaFaro eyayithethwe nguMeredi.
19 Amadodana enkosikazi kaHodiya yiwo azala uKheyila umGami lo-Eshithemowa umMahakhathi. UmkaHodiya wayengudadewabo kaNahamu. 20 Amadodana kaShimoni kwakungu-Amnoni, loRina, loBheni-hanani, loThiloni. Amadodana ka-Ishi kwakunguZohethi loBheni-zohethi.
21 Amadodana kaShela+ indodana kaJuda kwakungu-Eri uyise kaLekha, loLahada uyise kaMaresha, lezimuli zalabo ababesebenza ukwenza amalembu amahle, abendlu ka-Ashibheya, 22 loJokhimu, lamadoda eKhozeba, loJowashi, loSarafi, abathatha amakhosikazi angamaMowabi, loJashubhi-lehemu. Konke lokhu kuyatholakala emibhalweni yakudala. 23 Babengababumbi ababehlala eNethayimi leGedera. Babehlala lapho futhi besebenzela inkosi.
24 Amadodana kaSimiyoni+ kwakunguNemuweli, loJamini, loJaribi, loZera, loShawuli.+ 25 UShawuli wazala uShalumi, uyise kaMibhisamu, uyise kaMishima. 26 Indodana kaMishima kwakunguHamuweli, uyise kaZakhuri, uyise kaShimeyi. 27 UShimeyi wayelamadodana angu-16 lamadodakazi ayisithupha, kodwa kubafowabo akula owaba lamadodana amanengi. Akulazimuli zabo ezaba lamadodana amanengi njengamadoda akoJuda.+ 28 Babehlala eBheri-shebha,+ leMolada,+ leHazari-shuwali,+ 29 leBhiliha, le-Ezema,+ leTholadi, 30 leBhethuweli,+ leHoma,+ leZikhilagi,+ 31 leBhethi-marikhabhothi, leHazari-susimi,+ leBhethi-bhiri, leSharayimi. La yiwo okwakungamadolobho abo kwaze kwaqala ukubusa uDavida.
32 Babehlala e-Ethami, le-Ayini, leRimoni, leThokheni, le-Ashani,+ amadolobho amahlanu, 33 lasezigabeni ezaziseduze lamadolobho la kuze kuyefika eBhali. Le yiyo imibhalo yosendo lwabo lendawo ababehlala kuzo. 34 Ezinye izizukulwane zikaSimiyoni kwakunguMeshobhabhi, loJamileki, loJosha indodana ka-Amaziya, 35 loJoweli, loJehu indodana kaJoshibhiya, indodana kaSeraya, indodana ka-Asiyeli, 36 lo-Eliyonayi, loJahakhoba, loJeshohaya, lo-Asaya, lo-Adiyeli, loJesimiyeli, loBhenaya, 37 loZiza indodana kaShifi, indodana ka-Aloni, indodana kaJedaya, indodana kaShimiri, indodana kaShemaya. 38 Laba abaqanjwe ngamabizo babengabakhokheli bezimuli zabo njalo izimuli zaboyise zanda kakhulu. 39 Baya eduze leGedori, empumalanga yesigodi besiyadingela imihlambi yabo amadlelo. 40 Ekucineni bathola amadlelo amahle njalo aluhlaza. Ilizwe lelo lalibanzi, lilokuthula futhi abantu behlalisekile. AmaHamu yiwo ayeke ahlala khona.+ 41 Laba abalamabizo aqanjiweyo bafika ngensuku zikaHezekhiya+ inkosi yakoJuda, bahlasela amatende amaHamu lawamaMewunimi ayehlala lapho. Bawatshabalalisa wonke aphela, yikho lalamuhla engekho. Ngemva kwalokho bahlala endaweni yawo ngoba kwakulamadlelo amahle emihlambi yabo.
42 Amanye amadoda akoSimiyoni angu-500 aya entabeni iSeyiri+ ekhokhelwa nguPhelathiya, loNeyariya, loRefaya, lo-Uziyeli, amadodana ka-Ishi. 43 Babulala ama-Amaleki+ ayebaleke azohlala lapho, basebehlala khona. Balokhu belapho kuze kube lamuhla.
5 La ngamadodana kaRubheni+ izibulo lika-Israyeli. Nguye owayelizibulo kodwa wangcolisa umbheda kayise+ wasethathelwa ilungelo lokuba lizibulo, laphiwa amadodana kaJosefa+ indodana ka-Israyeli. Yikho emibhalweni yosendo lwakibo kungabhalwanga ukuthi ulizibulo. 2 Lanxa uJuda+ wayelamandla kulabafowabo futhi kwavela kuye lowo owayezakuba ngumkhokheli,+ ilungelo lobuzibulo lalingelikaJosefa. 3 Amadodana kaRubheni izibulo lika-Israyeli kwakunguHanokhi, loPhalu, loHezironi loKhami.+ 4 Indodana kaJoweli kwakunguShemaya uyise kaGogi, uyise kaShimeyi, 5 uyise kaMikha, uyise kaReyaya, uyise kaBhali, 6 uyise kaBheyera owathunjwa nguThiligathi-philineseri+ inkosi ye-Asiriya. UBheyera wayengumkhokheli wabakoRubheni. 7 Abafowabo ababebhalwe emibhalweni yosendo lwakibo ngezimuli zabo yilaba: UJeyiyeli umkhokheli wabo, loZakhariya, 8 loBhela indodana ka-Azazi indodana kaShema indodana kaJoweli. Indawo ababehlala kuyo yayisukela e-Aroweri+ ize iyefika eNebho leBhali-meyoni.+ 9 Emhlubulweni osempumalanga indawo yabo yayinaba ize iyefika emfuleni uYufrathe+ lapho okuqalisa khona inkangala ngoba izifuyo zabo zasezizinengi kakhulu elizweni leGiliyadi.+ 10 Ngensuku zikaSawuli balwa lamaHagari bawanqoba, basebehlala ematendeni awo kuyo yonke indawo eyayisempumalanga kweGiliyadi.
11 Izizukulwane zakoGadi zazihlala duze kwabo elizweni leBhashani kuze kuyefika eSalekha.+ 12 EBhashani uJoweli nguye owayengumkhokheli, umsekeli wakhe kunguShafama. UJanayi loShafathi labo babengabakhokheli. 13 Izihlobo zabo kwakunguMikhayeli, loMeshulami, loShebha, loJorayi, loJakhani, loZiya, lo-Ebheri, sezizonke zaziyisikhombisa. 14 La kwakungamadodana ka-Abhihayili indodana kaHuri, indodana kaJarowa, indodana kaGiliyadi, indodana kaMikhayeli, indodana kaJeshishayi, indodana kaJahido, indodana kaBhuzi. 15 Umkhokheli wabendlu kayise kwakungu-Ahi indodana ka-Abhidiyeli indodana kaGuni. 16 Babehlala eGiliyadi,+ leBhashani+ lasemadolobheni aseduze kwayo kanye lakuwo wonke amadlelo eSharoni kusiyafika ekucineni kwawo. 17 Bonke babhalwa emibhalweni yosendo ngesikhathi sikaJothamu+ inkosi yakoJuda langensuku zikaJerobhowami*+ inkosi yako-Israyeli.
18 AbakoRubheni labakoGadi lengxenye yesizwana sakoManase babelamaqhawe angu-44 760 ebuthweni labo. Ayethwala amahawu lezinkemba kanye lemitshoko futhi wonke ayekufundisiwe ukulwa impi. 19 Bahlasela amaHagari,+ lezizukulwane zikaJethuri, lezikaNafishi+ lezikaNodabi. 20 Ngesikhathi besilwa lawo uNkulunkulu wabancedisa bawanqoba amaHagari labo bonke ababelawo. Bamcela ukuthi abancedise empini wasebaphendula ngoba babethembele kuye.+ 21 Ngakho bathumba izifuyo zawo, amakamela angu-50 000 lezimvu ezingu-250 000 labobabhemi abangu-2 000. Bathumba labantu abangu-100 000. 22 Kwafa abantu abanengi ngoba impi le yayingekaNkulunkulu weqiniso.+ Ngemva kwalokho bahlala endaweni yabantu labo kwaze kwaba yilapho bethunjwa.+
23 Izizukulwane zengxenye yesizwana sakoManase+ zazihlala elizweni eliqalisela eBhashani lize liyefika eBhali-hemoni leSeniri, lidlule liyefika entabeni iHemoni.+ Zazizinengi kakhulu. 24 Abakhokheli bezindlu zaboyise kwakuyilaba: U-Eferi, lo-Ishi, lo-Eliyeli, lo-Aziriyeli, loJeremiya, loHodaviya kanye loJahidiyeli. Babengamaqhawe futhi bedumile, bengabakhokheli bezindlu zaboyise. 25 Kodwa abazange bathembeke kuNkulunkulu wabokhokho babo, bakhonza onkulunkulu* bezizwe ezazihlala elizweni lelo,+ lezo uNkulunkulu ayezitshabalalisile phambi kwabo. 26 Ngakho uNkulunkulu ka-Israyeli wenza ukuthi uPhuli inkosi ye-Asiriya+ (owayebizwa langokuthi nguThiligathi-philineseri)+ athumbe abakoRubheni, labakoGadi, lengxenye yesizwana sakoManase. Wabathatha wayabahlalisa eHala, leHabhori, leHara lasemfuleni uGozani+ njalo balokhu bekulezondawo kuze kube lamuhla.
6 Amadodana kaLevi+ kwakunguGeshoni loKhohathi+ loMerari.+ 2 Amadodana kaKhohathi kwakungu-Amramu, lo-Izihari,+ loHebroni, lo-Uziyeli.+ 3 Abantwana baka-Amramu+ kwakungu-Aroni+ loMosi+ loMiriyamu.+ Amadodana ka-Aroni wona kwakunguNadabi, lo-Abhihu,+ lo-Eliyazari,+ lo-Ithamari.+ 4 U-Eliyazari wazala uFiniyasi,+ uFiniyasi wazala u-Abhishuwa. 5 U-Abhishuwa wazala uBhukhi, uBhukhi wazala u-Uzi. 6 U-Uzi wazala uZerahiya, uZerahiya wazala uMerayothi. 7 UMerayothi wazala u-Amariya, u-Amariya wazala u-Ahithubi.+ 8 U-Ahithubi wazala uZadokhi,+ uZadokhi wazala u-Ahimazi.+ 9 U-Ahimazi wazala u-Azariya, u-Azariya wazala uJohanani. 10 UJohanani wazala u-Azariya, owaba ngumphristi endlini eyakhiwa nguSolomoni eJerusalema.
11 U-Azariya wazala u-Amariya, u-Amariya wazala u-Ahithubi. 12 U-Ahithubi wazala uZadokhi,+ uZadokhi wazala uShalumi. 13 UShalumi wazala uHilikhiya,+ uHilikhiya wazala u-Azariya. 14 U-Azariya wazala uSeraya,+ uSeraya wazala uJehozadakhi.+ 15 UJehozadakhi wathunjwa ngesikhathi uJehova esenza ukuthi abantu bakoJuda labeJerusalema bathunjwe nguNebhukhadinezari.
16 Amadodana kaLevi kwakunguGeshomu* loKhohathi loMerari. 17 Amadodana kaGeshomu kwakunguLibhini loShimeyi.+ 18 Amadodana kaKhohathi kwakungu-Amramu, lo-Izihari, loHebroni, lo-Uziyeli.+ 19 Amadodana kaMerari kwakunguMahili loMushi.
Nanzi izimuli zamaLevi ngezindlu zabokhokho bawo:+ 20 Abendlu kaGeshomu+ yilaba: UGeshomu wazala uLibhini, uyise kaJahathi, uyise kaZima, 21 uyise kaJowa, uyise ka-Ido, uyise kaZera, uyise kaJeyatherayi. 22 Izizukulwane zikaKhohathi yilezi: UKhohathi wazala u-Aminadabi uyise kaKhora,+ uyise ka-Asiri, 23 uyise ka-Elikhana, uyise ka-Ebhiyasafi,+ uyise ka-Asiri, 24 uyise kaThahathi, uyise ka-Uriyeli, uyise ka-Uziya, uyise kaShawuli. 25 Amadodana ka-Elikhana kwakungu-Amasayi lo-Ahimothi. 26 Izizukulwane zika-Elikhana yilezi: U-Elikhana wazala uZofayi uyise kaNahathi, 27 uyise ka-Eliyabi, uyise kaJerohamu, uyise ka-Elikhana.+ 28 Amadodana kaSamuyeli+ kwakunguJoweli izibulo, elandelwa ngu-Abhija.+ 29 Izizukulwane zikaMerari yilezi: UMerari wazala uMahili+ uyise kaLibhini, uyise kaShimeyi, uyise ka-Uza, 30 uyise kaShimeya, uyise kaHagiya, uyise ka-Asaya.
31 Laba yibo abakhethwa nguDavida ukuthi bakhokhele abahlabeleli endlini kaJehova ngemva kokulethwa kwebhokisi lesivumelwano khona.+ 32 Yibo ababekhokhela ekuhlabeleni ethabanikeli, etendeni lokuhlangana, kwaze kwaba yilapho uSolomoni esakha indlu kaJehova eJerusalema.+ Umsebenzi wabo bawenza belandela imilayo ababeyiphiwe.+ 33 Nanka amadoda ayehlabela lamadodana awo: KumaKhohathi kwakunguHemani+ umhlabeleli, indodana kaJoweli,+ indodana kaSamuyeli, 34 indodana ka-Elikhana,+ indodana kaJerohamu, indodana ka-Eliyeli, indodana kaThowa, 35 indodana kaZufi, indodana ka-Elikhana, indodana kaMahathi, indodana ka-Amasayi, 36 indodana ka-Elikhana, indodana kaJoweli, indodana ka-Azariya, indodana kaZefaniya, 37 indodana kaThahathi, indodana ka-Asiri, indodana ka-Ebhiyasafi, indodana kaKhora, 38 indodana ka-Izihari, indodana kaKhohathi, indodana kaLevi, indodana ka-Israyeli.
39 Umfowabo* u-Asafi+ wayesima ngakwesokudla sikaHemani. U-Asafi wayeyindodana kaBherekhiya indodana kaShimeya, 40 indodana kaMikhayeli, indodana kaBhahaseya, indodana kaMalikhija, 41 indodana ka-Ethini, indodana kaZera, indodana ka-Adaya, 42 indodana ka-Ethani, indodana kaZima, indodana kaShimeyi, 43 indodana kaJahathi, indodana kaGeshomu, indodana kaLevi.
44 Abafowabo ababeyizizukulwane zikaMerari+ babesima kwesenxele. Kwakulo-Ethani+ indodana kaKhishi, indodana ka-Abhidi, indodana kaMalukhi, 45 indodana kaHashabhiya, indodana ka-Amaziya, indodana kaHilikhiya, 46 indodana ka-Amizi, indodana kaBhani, indodana kaShemeri, 47 indodana kaMahili, indodana kaMushi, indodana kaMerari, indodana kaLevi.
48 Abanye abafowabo ababengamaLevi babekwa ukuthi benze yonke imisebenzi yethabanikeli, indlu kaNkulunkulu weqiniso.+ 49 U-Aroni lamadodana akhe+ babetshisa iminikelo e-alithareni lokwenzela iminikelo yokutshiswa+ lase-alithareni lempepha,+ besenza imisebenzi ephathelane lezinto ezingcwele kakhulu, ukuze abako-Israyeli bahlawulelwe.+ Lokhu babekwenza belandela konke ababekutshelwe nguMosi inceku kaNkulunkulu weqiniso. 50 Nanzi izizukulwane zika-Aroni:+ U-Aroni wazala u-Eliyazari+ uyise kaFiniyasi, uyise ka-Abhishuwa, 51 uyise kaBhukhi, uyise ka-Uzi, uyise kaZerahiya, 52 uyise kaMerayothi, uyise ka-Amariya, uyise ka-Ahithubi,+ 53 uyise kaZadokhi,+ uyise ka-Ahimazi.
54 Nanzi indawo amaLevi ayehlala kuzo, lapho amisa khona amatende awo: Inkatho yokuqala yaba ngeyezizukulwane zika-Aroni zemuli yamaKhohathi. 55 Bazinika iHebroni+ lamadlelo ayo elizweni lakoJuda. 56 Kodwa wonke nje umango wedolobho lelo lezigaba zalo kwaphiwa uKhalebhi+ indodana kaJefune. 57 Izizukulwane zika-Aroni zaphiwa amadolobho okuphephela,*+ iHebroni,+ leLibhina+ lamadlelo ayo, leJathiri,+ le-Eshithemowa lamadlelo ayo,+ 58 leHileni lamadlelo ayo, leDebhiri+ lamadlelo ayo, 59 le-Ashani+ lamadlelo ayo, leBhethi-shemeshi+ lamadlelo ayo. 60 Esizwaneni sakoBhenjamini zaphiwa iGebha+ lamadlelo ayo, le-Alemethi lamadlelo ayo, le-Anathothi+ lamadlelo ayo. Wonke amadolobho aphiwa izizukulwane zika-Aroni ayengu-13.+
61 Amanye amaKhohathi aphiwa amadolobho alitshumi ezimulini zezinye izizwana lasengxenyeni yesizwana sakoManase.+
62 AbakoGeshomu baphiwa amadolobho angu-13 ngezimuli zabo. Bawaphiwa esizwaneni sako-Isakhari, lesako-Asheri, lesakoNafithali, lesakoManase eBhashani.+
63 Benza inkatho, izimuli zamaMerari zaphiwa amadolobho angu-12. Zawaphiwa esizwaneni sakoRubheni lesakoGadi lesakoZebhuloni.+
64 Ngakho abako-Israyeli banika amaLevi amadolobho la lamadlelo awo.+ 65 Benza inkatho bawanika amadolobho la aqanjwe ngamabizo, esizwaneni sakoJuda lesakoSimiyoni lesakoBhenjamini.
66 Ezinye izimuli zamaKhohathi zazilamadolobho esizwaneni sako-Efrayimi.+ 67 Nanka amadolobho okuphephela* ezawaphiwayo: IShekhemu+ lamadlelo ayo ezintabeni zako-Efrayimi, leGezeri+ lamadlelo ayo, 68 leJokhimiyamu lamadlelo ayo, leBhethi-horoni+ lamadlelo ayo, 69 le-Ayijaloni+ lamadlelo ayo, leGathi-rimoni+ lamadlelo ayo. 70 Engxenyeni yesizwana sakoManase ezinye izimuli zamaKhohathi zaphiwa i-Aneri lamadlelo ayo, leBhileyamu lamadlelo ayo.
71 Engxenyeni yesizwana sakoManase, abakoGeshomu baphiwa iGolani+ eseBhashani lamadlelo ayo, le-Ashitharothi lamadlelo ayo.+ 72 Esizwaneni sako-Isakhari baphiwa iKhedeshi lamadlelo ayo, leDabherathi+ lamadlelo ayo,+ 73 leRamothi lamadlelo ayo, le-Anema lamadlelo ayo. 74 Esizwaneni sako-Asheri baphiwa iMashali lamadlelo ayo, le-Abhidoni lamadlelo ayo,+ 75 leHukhokhi lamadlelo ayo, leBhethi-rehobhi+ lamadlelo ayo. 76 Esizwaneni sakoNafithali baphiwa iKhedeshi+ eseGalile+ lamadlelo ayo, leHamoni lamadlelo ayo, leKhiriyathayimi lamadlelo ayo.
77 AbakoMerari abaseleyo baphiwa iRimono lamadlelo ayo, leThabhori lamadlelo ayo esizwaneni sakoZebhuloni.+ 78 Nanzi indawo abaziphiwa emangweni weJodani eJerikho, empumalanga kukaJodani: Esizwaneni sakoRubheni baphiwa iBhezeri enkangala kanye lamadlelo ayo, leJahazi+ lamadlelo ayo, 79 leKhedemothi+ lamadlelo ayo, leMefahathi lamadlelo ayo, 80 esizwaneni sakoGadi baphiwa iRamothi eseGiliyadi lamadlelo ayo, leMahanayimi+ lamadlelo ayo, 81 leHeshibhoni+ lamadlelo ayo, leJazeri+ lamadlelo ayo.
7 Amadodana ka-Isakhari kwakunguThola, loPhuwa, loJashubhi, loShimroni.+ Esewonke ayemane. 2 Amadodana kaThola kwakungu-Uzi, loRefaya, loJeriyeli, loJahamayi, lo-Ibhisamu, loShemuweli. Laba babengabakhokheli bezindlu zaboyise. KuThola kwavela amaqhawe alamandla njalo ngensuku zikaDavida ayengu-22 600. 3 Izizukulwane zika-Uzi kwakungu-Izirahiya lamadodana akhe uMikhayeli, lo-Obhadiya, loJoweli, lo-Ishiya. Bobahlanu babezinduna. 4 Izizukulwane zabo ngezindlu zaboyise zazilebutho elilamasotsha angu-36 000 ayelungele impi ngoba babelamakhosikazi amanengi lamadodana amanengi. 5 Abafowabo ababevela ezimulini zonke zako-Isakhari babengamaqhawe alamandla. Bonke babengu-87 000 futhi babebhaliwe emibhalweni yosendo.+
6 Amadodana kaBhenjamini+ ayemathathu, kwakunguBhela+ loBhekheri+ loJediyeli.+ 7 Amadodana kaBhela ayemahlanu, kwakungu-Ezibhoni, lo-Uzi, lo-Uziyeli, loJerimothi, lo-Iri. Ayengabakhokheli bezindlu zaboyise futhi engamaqhawe alamandla. Emibhalweni yosendo lwakibo kwakulotshwe abangu-22 034.+ 8 Amadodana kaBhekheri kwakunguZemira, loJowashi, lo-Eliyezeri, lo-Eliyonayi, lo-Omri, loJeremothi, lo-Abhija, lo-Anathothi, lo-Alemethi. Bonke laba babengamadodana kaBhekheri. 9 Emibhalweni yosendo okwakulotshwe khona abakhokheli bezimuli lezizukulwane zabo, kwakubhalwe amaqhawe alamandla angu-20 200. 10 Indodana kaJediyeli+ kwakunguBhilihani. Amadodana kaBhilihani kwakunguJewushi, loBhenjamini, lo-Ehudi, loKhenana, loZethani, loThashishi, lo-Ahishahari. 11 Bonke laba babengamadodana kaJediyeli. Emibhalweni yosendo lwezimuli zaboyise kwakulotshwe amaqhawe angu-17 200 ayelungele ukuya empini.
12 AmaShuphimi lamaHuphimi ayengamadodana ka-Iri,+ amaHushimi wona engamadodana ka-Aheri.
13 Amadodana kaNafithali+ kwakunguJahiziyeli, loGuni, loJezeri, loShalumi. Ayeyisizukulwane sikaBhiliha.+
14 Izizukulwane zikaManase+ yilezi: U-Asiriyeli amzalelwa ngomunye umfazi wakhe owayengumSiriya. (Wamzalela uMakhiri+ uyise kaGiliyadi. 15 UMakhiri wadingela uHuphimi loShuphimi abafazi, ibizo likadadewabo kwakunguMahakha.) Owesibili kwakunguZelofehadi+ kodwa yena wayelamadodakazi kuphela.+ 16 UMahakha inkosikazi kaMakhiri wazala umntwana ongumfana wamnika ibizo elithi Phereshi. Umfowabo kwakuthiwa nguShereshi futhi amadodana akhe kwakungu-Ulamu loRekhemu. 17 Indodana ka-Ulamu kwakunguBhedani. Bonke laba babengamadodana kaGiliyadi indodana kaMakhiri indodana kaManase. 18 Udadewabo kwakunguHamolekethi. Wazala u-Ishodi lo-Abhiyezeri loMahila. 19 Amadodana kaShemida kwakungu-Ahiyani, loShekhemu, loLikhi, lo-Aniyami.
20 Indodana ka-Efrayimi+ kwakunguShuthela,+ uyise kaBheredi, uyise kaThahathi, uyise ka-Eleyada, uyise kaThahathi, 21 uyise kaZabhadi, uyise kaShuthela. U-Efrayimi waphinda wazala u-Ezeri lo-Eliyadi. Abantu beGathi+ ababezalelwe elizweni bababulala ngoba bahamba bayathumba izifuyo zabo. 22 Uyise u-Efrayimi wabakhalela okwezinsuku ezinengi. Abafowabo babelokhu bebuya bezomduduza. 23 Ngemva kwalokho walala lenkosikazi yakhe yasizithwala yabeletha indodana. Wayinika ibizo elithi Bheriya* ngoba umkakhe wayeyibelethe ngesikhathi abako-Efrayimi behlelwe yibunzima. 24 Indodakazi yakhe kwakunguShera. Yiyo eyakha iBhethi-horoni ephansi+ leBhethi-horoni ephezulu+ kanye le-Uzeni-shera. 25 URefa loReshefi babeyizizukulwane zika-Efrayimi. UReshefi wazala uThela uyise kaThahani, 26 uyise kaLadani, uyise ka-Amihudi, uyise ka-Elishama, 27 uyise kaNuni, uyise kaJoshuwa.*+
28 Izindawo ababehlala kuzo kwakuyiBhetheli+ lamadolobho aseduze kwayo, leNaharani empumalanga, leGezeri entshonalanga lamadolobho aseduze kwayo, leShekhemu lamadolobho aseduze kwayo, kuze kuyefika e-Aya lamadolobho aseduze kwayo. 29 Emngceleni welizwe lakoManase baphiwa iBhethi-sheyani+ lamadolobho aseduze kwayo, leThanakhi+ lamadolobho aseduze kwayo, leMegido+ lamadolobho aseduze kwayo, leDori+ lamadolobho aseduze kwayo. Lapha yikho okwakuhlala khona izizukulwane zikaJosefa indodana ka-Israyeli.
30 Amadodana ka-Asheri kwakungu-Imna, lo-Ishiva, lo-Ishivi kanye loBheriya+ njalo udadewabo kwakunguSera.+ 31 Amadodana kaBheriya kwakunguHebheri loMalikhiyeli uyise kaBhirizayithi. 32 UHebheri wazala uJafilethi, loShomeri, loHothamu, lodadewabo uShuwa. 33 Amadodana kaJafilethi kwakunguPhasakhi loBhimihali lo-Ashivathi. La kwakungamadodana kaJafilethi. 34 Amadodana kaShemeri* kwakungu-Ahi, loRohiga, loJehubha, lo-Aramu. 35 Amadodana omfowabo uHelemu* kwakunguZofa, lo-Imina, loSheleshi, lo-Amali. 36 Amadodana kaZofa kwakunguSuwa, loHarineferi, loShuwali, loBheri, lo-Imra, 37 loBhezeri, loHodi, loShama, loShilisha, lo-Ithirani, loBhiyira. 38 Amadodana kaJetheri kwakunguJefune loPhisipha lo-Ara. 39 Amadodana ka-Ula kwakungu-Eyira loHaniyeli loRiziya. 40 Bonke laba babengamadodana ka-Asheri futhi babengabakhokheli bezimuli zaboyise. Babengamaqhawe akhethiweyo alamandla njalo bengabakhokheli bezinduna zempi. Emibhalweni yosendo lwabo+ kwakubhalwe amadoda angu-26 000+ ayelungele ukuya empini.
8 UBhenjamini+ wazala uBhela+ izibulo lakhe. Owesibili kwakungu-Ashibheli,+ owesithathu kungu-Ahara, 2 owesine kunguNoha, owesihlanu kunguRafa. 3 Amadodana kaBhela kwakungu-Adari, loGera,+ lo-Abhihudi, 4 lo-Abhishuwa, loNamani, lo-Ahowa, 5 loGera, loShefufani, loHuramu. 6 Nanka amadodana ka-Ehudi ayengabakhokheli bezimuli zaboyise ezazihlala eGebha+ ezathunjwa zahanjiswa eManahathi: 7 UNamani lo-Ahija loGera. UGera nguye owabahambisa ekuthunjweni. UGera wazala u-Uza lo-Ahiyudi. 8 UShaharayimi waba labantwana elizweni lakoMowabi ngemva kokuxotsha abantu ababelapho. UHushimi loBhahara babengamakhosikazi akhe.* 9 Inkosikazi yakhe uHodeshi yamzalela uJobhabhi, loZibhiya, loMesha, loMalikhamu, 10 loJewuzi, loSakhiya, loMirima. La yiwo okwakungamadodana akhe njalo ayengabakhokheli bezimuli zaboyise.
11 Inkosikazi yakhe uHushimi yamzalela u-Abhithubi lo-Eliphali. 12 Amadodana ka-Eliphali kwakungu-Ebheri, loMishami, loShemedi (owakha i-Ono+ leLodi+ lamadolobho aseduze kwayo), 13 loBheriya loShema. Laba babengabakhokheli bezimuli zaboyise ezazihlala e-Ayijaloni+ futhi baxotsha abantu ababehlala eGathi. 14 Kanti njalo kwakulo-Ahiyo, loShashaki loJeremothi, 15 loZebhadiya, lo-Aradi, lo-Ederi, 16 loMikhayeli, lo-Ishipha, loJoha. Babengamadodana kaBheriya. 17 Abanye kwakunguZebhadiya, loMeshulami, loHizikhi, loHebheri, 18 lo-Ishmerayi, lo-Iziliya, loJobhabhi, amadodana ka-Eliphali, 19 loJakhimu, loZikhiri, loZabhidayi, 20 lo-Eliyenayi, loZilethayi, lo-Eliyeli, 21 lo-Adaya, loBheraya, loShimirathi, amadodana kaShimeyi, 22 lo-Ishiphani, lo-Ebheri, lo-Eliyeli, 23 lo-Abhidoni, loZikhiri, loHanana, 24 loHananiya, lo-Elami, lo-Anithothija, 25 lo-Ifideya, loPhenuweli, amadodana kaShashaki, 26 loShamisherayi, loShehariya, lo-Athaliya, 27 loJareshiya, lo-Elija, loZikhiri, amadodana kaJerohamu. 28 Laba kwakungabakhokheli bezimuli zaboyise. Amabizo abo ayebhalwe emibhalweni yosendo lwakibo futhi babehlala eJerusalema.
29 UJeyiyeli uyise kaGibhiyoni wayehlala eGibhiyoni.+ Umkakhe kwakuthiwa nguMahakha.+ 30 Izibulo lakhe kwakungu-Abhidoni, elandelwa nguZuri, loKhishi, loBhali, loNadabi, 31 loGedori, lo-Ahiyo, loZekheri. 32 UMikhilothi wazala uShimeya. Bonke babehlala duze labafowabo eJerusalema ndawonye labanye abafowabo.
33 UNeri+ wazala uKhishi, uKhishi wazala uSawuli,+ uSawuli wazala uJonathani,+ loMalikhi-shuwa,+ lo-Abhinadabi,+ lo-Eshibhali.*+ 34 UJonathani wazala uMeribhi-bhali,*+ uMeribhi-bhali wazala uMikha.+ 35 Amadodana kaMikha kwakunguPhithoni, loMeleki, loThareya lo-Ahazi. 36 U-Ahazi wazala uJehowada, uJehowada wazala u-Alemethi, lo-Azimavethi, loZimri. UZimri wazala uMoza. 37 UMoza wazala uBhineya, uyise kaRafa, uyise ka-Eleyasa, uyise ka-Azeli. 38 U-Azeli wayelamadodana ayisithupha, u-Azirikhamu, loBhokheru, lo-Ishmayeli, loSheyariya, lo-Obhadiya, loHanana. Bonke laba babengamadodana ka-Azeli. 39 Amadodana ka-Eshekhi kwakungu-Ulamu izibulo lakhe, eyesibili kunguJewushi, eyesithathu kungu-Elifelethi. 40 Amadodana ka-Ulamu ayengamaqhawe alamandla ayezingcitshi zokutshoka imitshoko. Ayelamadodana labazukulu abanengi ababefika 150. Bonke laba babeyizizukulwane zikaBhenjamini.
9 Bonke abako-Israyeli babebhaliwe emibhalweni yosendo lasebhukwini lamakhosi ako-Israyeli. AbakoJuda bathunjwa bahanjiswa eBhabhiloni ngoba babengathembekanga.+ 2 Abokuqala ukuphenduka emadolobheni akibo kwakungabaphristi, lamaLevi, lezisebenzi zethempelini*+ kanye lamanye ama-Israyeli. 3 Ezinye izizukulwane zakoJuda,+ lezakoBhenjamini,+ lezako-Efrayimi, lezakoManase zafika zahlala eJerusalema. 4 Kwakungu-Uthayi indodana ka-Amihudi, indodana ka-Omri, indodana ka-Imri, indodana kaBhani, owosendo lukaPherezi+ indodana kaJuda. 5 Ezizukulwaneni zikaShilo kwakungu-Asaya izibulo kanye lamadodana akhe. 6 Emadodaneni kaZera+ kwakunguJewuweli labafowabo abangu-690.
7 Ezizukulwaneni zikaBhenjamini kwakunguSalu indodana kaMeshulami, indodana kaHodaviya, indodana kaHasenuwa, 8 lo-Ibheneya indodana kaJerohamu, lo-Ela indodana ka-Uzi indodana kaMikhiri, loMeshulami indodana kaShefathiya, indodana kaRehuweli, indodana ka-Ibhinija. 9 Abafowabo ababebhalwe emibhalweni yosendo babengu-956. Bonke laba babengabakhokheli bezindlu zaboyise.
10 Kubaphristi kwakuloJedaya, loJehoyaribhi, loJakhini,+ 11 lo-Azariya indodana kaHilikhiya, indodana kaMeshulami, indodana kaZadokhi, indodana kaMerayothi, indodana ka-Ahithubi owayengumkhokheli endlini kaNkulunkulu* weqiniso, 12 lo-Adaya indodana kaJerohamu, indodana kaPhashuri, indodana kaMalikhija, loMahasayi indodana ka-Adiyeli, indodana kaJahizera, indodana kaMeshulami, indodana kaMeshilemithi, indodana ka-Imeri, 13 labafowabo abangu-1 760 ababengabakhokheli bezimuli zaboyise, amadoda alamandla ayelungele ukwenza umsebenzi endlini kaNkulunkulu weqiniso.
14 AmaLevi kwakunguShemaya+ indodana kaHashubhi, indodana ka-Azirikhamu, indodana kaHashabhiya owosendo lwamaMerari, 15 loBhakhibhakhari, loHereshi, loGalali, loMathaniya indodana kaMikha, indodana kaZikhiri, indodana ka-Asafi, 16 lo-Obhadiya indodana kaShemaya, indodana kaGalali, indodana kaJeduthuni, loBherekhiya indodana ka-Asa, indodana ka-Elikhana owayehlala endaweni yamaNethofa.+
17 Abalindi bamagedi+ kwakunguShalumi, lo-Akhubi, loThalimoni, lo-Ahimani, lomfowabo uShalumi owayengumkhokheli. 18 Kuze kube yilesosikhathi wayesegedini lenkosi elisempumalanga.+ Laba yibo ababelinda emagedini endawo okwakuhlala kuyo amaLevi. 19 UShalumi indodana kaKhore, indodana ka-Ebhiyasafi, indodana kaKhora labafowabo bosendo lukaKhora babekhangela umsebenzi walabo ababelinda itende. Oyise labo babevele bekhangela ithabanikeli likaJehova,* belinda emnyango. 20 UFiniyasi+ indodana ka-Eliyazari+ nguye owayengumkhokheli wabo kudala futhi uJehova wayelaye. 21 UZakhariya+ indodana kaMeshelemiya wayelinda egedini letende lokuhlangana.
22 Wonke amadoda ayekhethwe ukuthi alinde emagedini ayengu-212. Ayehlaliswe kusiya ngosendo lwawo.+ UDavida loSamuyeli umboni*+ banika amadoda la imisebenzi le ngenxa yokuthembeka kwawo. 23 Wona lamadodana awo ayekhangela umsebenzi wokulinda emagedini endlu kaJehova,+ ithabanikeli. 24 Abalindi babesemaceleni womane, empumalanga, entshonalanga, enyakatho laseningizimu.+ 25 Izikhathi ngezikhathi abafowabo kwakumele babuye bevela ezindaweni ababehlala kuzo bezobancedisa okwensuku eziyisikhombisa. 26 Kwakulezinduna zabalindi ezine ezaziphathiswe umsebenzi lo ngoba zazithembekile. ZazingamaLevi futhi zazikhangela izindlu zokudlela lezindlu zokugcinela inotho yendlu kaNkulunkulu weqiniso.+ 27 Babelinda ubusuku bonke besezindaweni zabo, begombolozele indlu kaNkulunkulu weqiniso ngoba babephathiswe umsebenzi wokulinda. Yibo ababelekhiye yendlu kaNkulunkulu njalo babevula iminyango yayo nsuku zonke ekuseni.
28 Abanye babo babekhangela izitsha+ ezazisetshenziswa ekukhonzeni. Babezibala nxa bezingenisa, baphinde bazibale nxa bezikhipha. 29 Abanye bakhethwa ukuthi bakhangele ezinye izitsha, lazo zonke izitsha ezingcwele,+ lefulawa ecolekileyo,+ lewayini,+ lamafutha,+ lenhlaka yokwenza impepha,+ lamafutha ebhalisamu.+ 30 Amanye amadodana abaphristi ayesenza amafutha ebhalisamu anukelelayo. 31 UMathithiya umLevi owayelizibulo likaShalumi owosendo lukaKhora, wayephiwe umsebenzi wokukhangela izinto ezazibhekhwa ngamapani+ ngoba wayethembekile. 32 Abanye abafowabo ababevela emulini yamaKhohathi babelomsebenzi wokwenza isinkwa sokubukiswa+ masabatha wonke.+
33 Bonke laba babengabahlabeleli ababengabakhokheli bezimuli zamaLevi, ababesebenzisa izindlu zokudlela. Babengenzi eminye imisebenzi ngoba kwakumele babe semsebenzini wabo ubusuku lemini. 34 Laba babengabakhokheli bezimuli zamaLevi ababebhalwe emibhalweni yosendo. Babezinduna njalo behlala eJerusalema.
35 UJeyiyeli uyise kaGibhiyoni+ wayehlala eGibhiyoni. Umkakhe kwakuthiwa nguMahakha. 36 Izibulo lakhe kwakungu-Abhidoni, elandelwa nguZuri, loKhishi, loBhali, loNeri, loNadabi, 37 loGedori, lo-Ahiyo, loZakhariya, loMikhilothi. 38 UMikhilothi wazala uShimeyamu. Bonke babehlala duze labafowabo eJerusalema ndawonye labanye abafowabo. 39 UNeri+ wazala uKhishi, uKhishi wazala uSawuli,+ uSawuli wazala uJonathani,+ loMalikhi-shuwa,+ lo-Abhinadabi,+ lo-Eshibhali. 40 UJonathani wazala uMeribhi-bhali,+ uMeribhi-bhali wazala uMikha.+ 41 Amadodana kaMikha kwakunguPhithoni, loMeleki, loThareya lo-Ahazi. 42 U-Ahazi wazala uJara, uJara wazala u-Alemethi, lo-Azimavethi, loZimri. UZimri wazala uMoza. 43 UMoza wazala uBhineya, uyise kaRefaya, uyise ka-Eleyasa, uyise ka-Azeli. 44 U-Azeli wayelamadodana ayisithupha, u-Azirikhamu, loBhokheru, lo-Ishmayeli, loSheyariya, lo-Obhadiya, loHanana. La yiwo amadodana ka-Azeli.
10 Ngalesosikhathi amaFilisti ayesilwa labako-Israyeli. Amadoda ako-Israyeli abaleka, kwabulawa amabutho awo amanengi entabeni iGilibhowa.+ 2 AmaFilisti amhlala izithende uSawuli lamadodana akhe, abulala amadodana akhe uJonathani lo-Abhinadabi loMalikhi-shuwa.+ 3 Impi yatshisa kwaba nzima kuSawuli, abatshoka imitshoko bamthola bamlimaza.+ 4 USawuli wasetshela inceku yakhe eyayimthwalela izikhali wathi: “Hwatsha inkemba yakho ungigwaze ukuze amadoda la angasokanga angangifici abesengenza isihluku.”+ Kodwa inceku yakhe yayingafuni ngoba yayisesaba kakhulu. Ngakho uSawuli wathatha inkemba yakhe wawela phezu kwayo.+ 5 Inceku eyayimthwalela izikhali yathi ibona ukuthi uSawuli usefile, layo yathatha inkemba yayo yawela phezu kwayo yafa. 6 Ngakho uSawuli lamadodana akhe amathathu labo bonke abendlu yakhe bafa ndawonye.+ 7 Bonke abako-Israyeli ababesesigodini bathi benanzelela ukuthi wonke amabutho abalekile empini lokuthi uSawuli lamadodana akhe basebefile, baphuma emadolobheni abo babaleka, amaFilisti afika azihlalela kuwo.
8 Ngelanga elilandelayo amaFilisti athi esezothatha impahla yalabo ababebulewe, athola uSawuli lamadodana akhe befile entabeni iGilibhowa.+ 9 Yikho amkhipha izigqoko njalo amquma ikhanda aselithatha, athatha lezigqoko zakhe zempi. AmaFilisti athumela ilizwi kulo lonke ilizwe lawo ukuze kubikwe ezithombeni zawo+ lasebantwini. 10 Afaka izigqoko zakhe zempi endlini kankulunkulu* wawo, abethela ukhakhayi lwakhe endlini kaDagoni.+
11 Bonke abantu beJabheshi+ eseGiliyadi bezwa ngakho konke amaFilisti ayekwenze kuSawuli.+ 12 Ngakho wonke amaqhawe asuka ayathwala isidumbu sikaSawuli lezidumbu zamadodana akhe abuya lazo eJabheshi. Angcwaba amathambo abo ngaphansi kwesihlahla esikhulu eJabheshi,+ asezila ukudla okwamalanga ayisikhombisa.
13 Ngakho-ke uSawuli wafa ngenxa yokuthi kazange athembeke kuJehova. Kalilalelanga ilizwi likaJehova+ njalo wabuza esangomeni+ 14 kulokuthi abuze kuJehova. Yikho uNkulunkulu wambulala, ubukhosi wasebunika uDavida indodana kaJese.+
11 Ngemva kwesikhathi bonke abako-Israyeli babuthana kuDavida eHebroni+ bathi kuye: “Thina siyizihlobo zakho.*+ 2 Ngesikhathi sibuswa nguSawuli, nguwe owawukhokhela abako-Israyeli nxa besiya empini+ futhi uJehova uNkulunkulu wakho wathi kuwe: ‘Uzakwelusa abantu bami bako-Israyeli njalo uzakuba ngumkhokheli wabantu bami bako-Israyeli.’”+ 3 Ngakho bonke abadala bako-Israyeli baya enkosini uDavida eHebroni. UDavida wenza labo isivumelwano eHebroni phambi kukaJehova, basebemgcoba ukuthi abe yinkosi yako-Israyeli,+ njengoba nje uJehova wayetshilo esebenzisa uSamuyeli.+
4 Ngokuhamba kwesikhathi uDavida labo bonke abako-Israyeli basuka baya eJerusalema, eJebusi,+ lapho amaJebusi+ ayehlala khona. 5 AmaJebusi eyisa uDavida athi: “Awusoze ungene lapha!”+ Kodwa uDavida wayithumba inqaba yeZiyoni.+ Khathesi isibizwa ngokuthi lidolobho likaDavida.+ 6 UDavida wathi: “Loba ngubani ozaqala ukuyahlasela amaJebusi uzakuba yinduna futhi abe yisikhulu.” UJowabi+ indodana kaZeruya wahamba kuqala wasesiba yinduna. 7 Ngemva kwalokho uDavida waqalisa ukuhlala enqabeni leyo. Yikho bayibiza ngokuthi lidolobho likaDavida. 8 Waqalisa ukwakha umduli wedolobho lezinye izakhiwo kuwo wonke amacele, kusukela eqaqeni* kusiya ezindaweni eziseduze, njalo uJowabi wavuselela idolobho lonke. 9 UDavida waqhubeka esiba lamandla+ futhi uJehova wamabutho wayelaye.
10 Nampa abakhokheli bamabutho kaDavida alamandla ababesekela ubukhosi bakhe labanye bonke abako-Israyeli befuna ukumbeka ukuthi abe yinkosi, njengoba nje uJehova wayetshilo mayelana labako-Israyeli.+ 11 La ngamaqhawe kaDavida alamandla: UJashobheyamu+ indodana yomHakhimoni wayengumkhokheli wabathathu.+ Wabulala abantu abangu-300 ngomkhonto ngasikhathi sinye.+ 12 Wayelandelwa ngu-Eliyazari+ indodana kaDodo um-Ahohi.+ U-Eliyazari wayengomunye wamaqhawe amathathu alamandla. 13 WayeloDavida ePhasi-damimi+ lapho amaFilisti ayebuthene khona ezokulwa. Kwakulensimu eyayilinywe ibhali futhi abantu basebebalekile besesaba amaFilisti. 14 Kodwa yena wama phakathi kwayo wayivikela, waqhubeka ebulala amaFilisti, uJehova wabenza banqoba okumangalisayo.+
15 Abakhokheli abathathu kwabangu-30 baya edwaleni, ebhalwini lwase-Adulamu+ lapho uDavida ayekhona. Ngalesosikhathi amaFilisti ayemise inkamba yawo esigodini seRefayimi.+ 16 UDavida wayesenqabeni njalo kwakuleqembu lebutho lamaFilisti eBhethilehema. 17 UDavida wathi: “Aluba nje benginganatha amanzi omgodi osegedini leBhethilehema!”+ 18 Ngakho laba abathathu bathi besizwa lokhu, bangena ngenkani enkambeni yamaFilisti bayakukha amanzi emgodini osegedini leBhethilehema babuya lawo kuDavida. Kodwa uDavida wala ukuwanatha, wawathela phansi phambi kukaJehova, 19 wathi: “Ngeke ngenze into enjalo ngoba ayilunganga kuNkulunkulu wami! Kambe nginganatha igazi lamadoda la afake impilo zawo engozini?+ Phela afake impilo zawo engozini esiyakukha amanzi la.” Ngakho wala ukuwanatha. Lezi yizo izinto ezenziwa ngamaqhawe akhe amathathu.
20 U-Abhishayi+ umfowabo kaJowabi+ waba ngumkhokheli welinye iqembu lamaqhawe amathathu. Wabulala abantu abangu-300 ngomkhonto futhi wayelodumo njengamaqhawe amathathu akuqala.+ 21 Eqenjini labo bebathathu, wayelodumo ukwedlula laba abanye ababili futhi engumkhokheli wabo. Lanxa kunjalo, kazange alingane lamaqhawe amathathu eqembu lakuqala.
22 UBhenaya+ indodana kaJehoyada wayeyindoda elesibindi* futhi watshengisa ubuqhawe bakhe kanengi eKhabhuzeli.+ Wabulala amadodana amabili ka-Ariyeli wakoMowabi njalo wangena emgodini wamanzi mhla kulongqwaqwane wabulala isilwane.+ 23 Wabulala lendoda engumGibhithe eyayinkulu okwesabekayo, iyizingalo ezinhlanu* ubude.+ Lanxa umGibhithe wayethwele umkhonto onjengesigodo somaluki,+ yena wamlanda ethwele induku nje kuphela, wafika wamjwamulela umkhonto wakhe wambulala ngawo.+ 24 Lezi yizo izinto ezenziwa nguBhenaya indodana kaJehoyada, njalo wayelodumo olunjengolwamaqhawe amathathu eqembu lakuqala. 25 Lanxa wayelodumo ukwedlula abakhokheli abangu-30, kazange alingane lamaqhawe amathathu eqembu lakuqala.+ Kodwa uDavida wambeka ukuthi abe yinduna yabalindi bakhe.
26 Amaqhawe alamandla ayesebuthweni likaDavida kwakungu-Asaheli+ umfowabo kaJowabi, lo-Elihanani indodana kaDodo weBhethilehema,+ 27 loShamothi umHarori, loHelezi umPheloni, 28 lo-Ira+ indodana ka-Ikheshi weThekhowa, lo-Abhiyezeri+ we-Anathothi, 29 loSibhekhayi+ umHusha, lo-Ilayi um-Ahohi, 30 loMaharayi+ weNethofa, loHeledi+ indodana kaBhahana weNethofa, 31 lo-Ithayi indodana kaRibhayi weGibheya yakoBhenjamini,+ loBhenaya umPhirathoni, 32 loHurayi owezihotsheni* zeGahashi,+ lo-Abhiyeli um-Aribhathi, 33 lo-Azimavethi weBhahurimi, lo-Eliyaba umShalabhimi, 34 lamadodana kaHashemi umGizoni, loJonathani indodana kaShage umHarari, 35 lo-Ahiyamu indodana kaSakhari umHarari, lo-Elifali indodana ka-Uri, 36 loHeferi umMekherathi, lo-Ahija umPheloni, 37 loHeziro umKhameli, loNarayi indodana ka-Ezibhayi, 38 loJoweli umfowabo kaNathani, loMibhari indodana kaHagiri, 39 loZelekhi um-Amoni, loNaharayi umBherothi, owayethwala izikhali zikaJowabi indodana kaZeruya, 40 lo-Ira um-Ithiri, loGarebhi um-Ithiri, 41 lo-Uriya+ umHithi, loZabhadi indodana ka-Ahilayi, 42 lo-Adina indodana kaShiza wakoRubheni, owayengumkhokheli wabakoRubheni, kanye labangu-30 ababelaye, 43 loHanana indodana kaMahakha, loJoshafathi umMithini, 44 lo-Uziya um-Ashitherathi, loShama loJeyiyeli amadodana kaHothamu um-Aroweri, 45 loJediyeli indodana kaShimiri, loJoha umfowabo owayengumThizi, 46 lo-Eliyeli umMahavi, loJeribhayi loJoshaviya amadodana ka-Elinahamu, lo-Ithima umMowabi, 47 lo-Eliyeli, lo-Obhedi kanye loJahasiyeli umMezobha.
12 La ngamadoda aya kuDavida eZikhilagi+ ngesikhathi engenelisi ukuhamba ekhululekile ngenxa kaSawuli+ indodana kaKhishi. Ayephakathi kwamaqhawe alamandla ayemsekela empini.+ 2 Ayethwala imitshoko futhi esenelisa ukutshoka imitshoko lokuphosa amatshe ngesavutha+ esebenzisa isandla sokudla loba esenxele.+ Ayengabafowabo bakaSawuli njalo ayengawesizwana sakoBhenjamini.+ 3 Umkhokheli wawo kwakungu-Ahiyezeri elandelwa nguJowashi futhi bobabili babengamadodana kaShemaha waseGibheya.+ KwakuloJeziyeli loPhelethi amadodana ka-Azimavethi,+ loBherakha, loJehu wase-Anathothi, 4 lo-Ishmaya waseGibhiyoni,+ iqhawe elilamandla elalingomunye wabakhokheli abangu-30+ futhi likhokhela abangu-30. Abanye kwakunguJeremiya, loJahaziyeli, loJohanani, loJozabhadi umGedera, 5 lo-Eluzayi, loJerimothi, loBheyaliya, loShemariya, loShefathiya umHarifi, 6 lo-Elikhana, lo-Ishiya, lo-Azareli, loJowezeri, loJashobheyamu, abosendo lukaKhora.+ 7 Abanye kwakunguJowela loZebhadiya, amadodana kaJerohamu weGedori.
8 Abanye abakoGadi bahlamuka balandela uDavida, baya kuye ngesikhathi esenqabeni enkangala.+ Babengamaqhawe alamandla ayefundiswe ukulwa impi njalo babehlome ngemikhonto langamahawu amakhulu. Ubuso babo babunjengobuso bezilwane futhi babelejubane njengempala ezintabeni. 9 U-Ezeri nguye owayengumkhokheli, owesibili kungu-Obhadiya, owesithathu kungu-Eliyabi, 10 owesine kunguMishimana, owesihlanu kunguJeremiya, 11 owesithupha kungu-Athayi, owesikhombisa kungu-Eliyeli, 12 owesi-8 kunguJohanani, owesi-9 kungu-Elizabhadi, 13 owesi-10 kunguJeremiya, owesi-11 kunguMakhibhanayi. 14 Laba babengabesizwana sakoGadi,+ bengabakhokheli bebutho. Omncane wabo wayengamelana labangu-100 eyedwa, kuthi omkhulu wabo amelane labangu-1 000.+ 15 Amadoda la yiwo achapha uJodani ngenyanga yokuqala, umfula ugcwele uchitha. Axotsha bonke ababehlala ezigodini ngokuya empumalanga lentshonalanga.
16 Amanye amadoda akoBhenjamini lawakoJuda lawo abuya kuDavida enqabeni.+ 17 UDavida waphuma waya kuwo wathi: “Nxa lize ngokuthula lizonginceda, sizamanyana sibe munye. Kodwa nxa lifuna ukungithengisa ezitheni zami mina ngingenzanga lutho olubi, uNkulunkulu wabokhokho bethu kakubone lokho futhi ahlulele.”+ 18 Umoya wasusehlela ku-Amasayi+ umkhokheli wabangu-30 wathi:
“Singabakho Davida njalo siyakusekela wena ndodana kaJese.+
Ukuthula, kwangathi ungaba lokuthula wena lalabo abakuncedisayo,
Ngoba uNkulunkulu wakho uyakusiza.”+
Ngakho uDavida wabamukela wasebabeka ukuthi babe ngabakhokheli bamabutho.
19 Abanye abakoManase bahlamukela kuDavida ngesikhathi elamaFilisti ayezokulwa loSawuli. Kodwa kazange ancedisane lamaFilisti ngoba amakhosi amaFilisti+ axoxisana asesithi: “Uzasihlamukela aye enkosini yakhe uSawuli kube yikufa kwethu.” Yikho amtshela ukuthi abuyele.+ 20 AbakoManase abahlamukela kuDavida ngesikhathi eseZikhilagi+ yilaba: Kwakungu-Adinahi, loJozabhadi, loJediyeli, loMikhayeli, loJozabhadi, lo-Elihu, loZilethayi, abakhokheli bezinkulungwane zakoManase.+ 21 Bancedisa uDavida ngesikhathi esilwa lamabutho ayehlasela ngoba bonke babengamadoda alamandla futhi alesibindi.+ Baba zinduna zamabutho. 22 Nsuku zonke kwakufika abantu kuDavida+ bezomncedisa, inkamba yakhe yaze yabankulu angathi yinkamba kaNkulunkulu.+
23 Nanti inani labakhokheli bamabutho ayehlomele impi abafika kuDavida eHebroni+ bezomnika ubukhosi bukaSawuli, njengoba nje uJehova wayetshilo:+ 24 Amadoda akoJuda ayelungele ukulwa futhi ehlome ngemikhonto langamahawu amakhulu ayengu-6 800. 25 Amadoda akoSimiyoni ayesebuthweni ayengu-7 100. Ayelamandla futhi elesibindi.
26 Amadoda akoLevi ayengu-4 600. 27 UJehoyada+ nguye owayengumkhokheli wamadodana ka-Aroni,+ wayelabangu-3 700. 28 Omunye wabo kwakunguZadokhi+ ijaha elalilamandla futhi lilesibindi kanye lezinduna ezingu-22 ezazivela kwabendlu yaboyise.
29 AbakoBhenjamini, abafowabo bakaSawuli,+ babengu-3 000 njalo inengi labo lalikade lisekela abendlu kaSawuli futhi lithembekile kubo. 30 Abako-Efrayimi babengu-20 800. Babengamadoda alamandla futhi alesibindi ayedumile ezindlini zaboyise.
31 Engxenyeni yesizwana sakoManase kwakulamadoda angu-18 000 ayekhethwe ukuthi azobeka uDavida ukuthi abe yinkosi. 32 Esizwaneni sako-Isakhari kwakulezinduna ezingu-200 ezaziqedisisa izikhathi njalo zisazi okwakumele kwenziwe ngabako-Israyeli, yizo ezazikhokhela bonke abafowabo. 33 KwabakoZebhuloni kwakulabangu-50 000 ababengangena ebuthweni, ababehlomile futhi belungele impi. Bonke babesekela uDavida ngenhliziyo yonke. 34 KwabakoNafithali kwakulezinduna ezingu-1 000 futhi zazilamabutho angu-37 000 ayehlome ngemikhonto langamahawu amakhulu. 35 KwabakoDani kwakulamadoda angu-28 600 ayelungele ukulwa impi. 36 Kwabako-Asheri kwakulabangu-40 000 ababesenelisa ukuba sebuthweni njalo babelungele impi.
37 Phetsheya kukaJodani+ kwabakoRubheni labakoGadi lasengxenyeni yesizwana sakoManase, kwakulamabutho angu-120 000 ayehlome ngayo yonke imihlobo yezikhali zempi. 38 Wonke la kwakungamadoda empi ayekulungele ukulwa. Abuya enhliziyonye eHebroni ezobeka uDavida ukuthi abe yinkosi phezu kwabo bonke abako-Israyeli. Bonke abantu bako-Israyeli babemanyene befuna ukubeka uDavida ukuthi abe yinkosi.+ 39 Bahlala loDavida okwamalanga amathathu, besidla futhi benatha lokho ababekulungiselwe ngabafowabo. 40 Lalabo ababeseduze kwabo, kugoqela lababekhatshana khonale ko-Isakhari lakoZebhuloni lakoNafithali baletha ukudla bekuthwele ngabobabhemi, langamakamela, lezimbongolo* kanye lenkomo. Baletha ifulawa lamakhekhe enziwe ngamagilebisi awonyisiweyo langamakhiwane. Baletha lewayini, lamafutha, lenkomo, lezimvu ezinengi kakhulu, ngoba abantu babethokoza ko-Israyeli.
13 UDavida wacebisana lezinduna zezinkulungwane lezinduna zamakhulu kanye labo bonke abakhokheli,+ 2 wasesithi kubo bonke abako-Israyeli: “Nxa likubona kukuhle futhi kusamukeleka kuJehova uNkulunkulu wethu, asithumeleni ilizwi kubafowethu abaseleyo kuzo zonke izabelo zako-Israyeli, lakubaphristi, lakumaLevi asemadolobheni+ awo alamadlelo ukuthi babuye bazomanyana lathi, 3 besesiletha ibhokisi+ likaNkulunkulu wethu.” Phela ngensuku zikaSawuli babengasazihluphi ngalo.+ 4 Bonke abantu bavumelana lakho lokho ngoba kwakukhanya kukuhle kubo. 5 Ngakho uDavida wabuthanisa bonke abako-Israyeli kusukela emfuleni weGibhithe* kwaze kwayafika eLebho-hamathi,*+ ukuze bayethatha ibhokisi likaNkulunkulu weqiniso eKhiriyathi-jeyarimi.+
6 UDavida labo bonke abako-Israyeli baya eBhahala,+ eKhiriyathi-jeyarimi yakoJuda, besiyathatha ibhokisi likaNkulunkulu weqiniso ohlezi esihlalweni sobukhosi phezu* kwamakherubhi.+ Abantu babiza ibizo likaJehova bephambi kwebhokisi lelo. 7 Balithatha ibhokisi likaNkulunkulu weqiniso balifaka enqoleni entsha,+ basuka lalo endlini ka-Abhinadabi. U-Uza lo-Ahiyo yibo ababekhokhela inqola.+ 8 UDavida labo bonke abako-Israyeli babethokoza phambi kukaNkulunkulu weqiniso ngenhliziyo yonke, behlabela izingoma futhi betshaya amahabhu,* lamathamborini,+ lamasimbali,*+ lamacilongo+ kanye lezinye iziginci. 9 Kodwa bathi befika esizeni* sikaKhidoni, inkomo zaphosa zawisa ibhokisi likaNkulunkulu, u-Uza waseselula isandla walibamba. 10 UJehova wamthukuthelela kakhulu u-Uza, wahle wamtshaya wafa ngenxa yokuthi welula isandla sakhe wabamba ibhokisi.+ Ngakho u-Uza wafela khonapho phambi kukaNkulunkulu.+ 11 Kodwa uDavida wazonda* ngenxa yokuthi ulaka lukaJehova lwalwehlele phezu kuka-Uza. Kuze kube lamuhla indawo leyo ibizwa ngokuthi yiPherezi-uza.*
12 UDavida wamesaba uNkulunkulu weqiniso ngalelolanga, wathi: “Manje ibhokisi likaNkulunkulu weqiniso ngingahamba lalo njani lapho engihlala khona?”+ 13 UDavida kasazange ahambe lebhokisi likaNkulunkulu edolobheni lakhe* lapho ayehlala khona, kodwa wathi lihanjiswe endlini ka-Obhedi-edomi umGithi. 14 Ibhokisi likaNkulunkulu weqiniso lahlala endlini ka-Obhedi-edomi okwenyanga ezintathu. UJehova wayelokhu ebabusisa abendlu ka-Obhedi-edomi kanye lakho konke ayelakho.+
14 UHiramu+ inkosi yeThire wathuma izithunywa kuDavida. Wathumela lezigodo zomsedari, labantu abakwazi ukwakha ngamatshe,* lababazi ukuze bayekwakhela uDavida indlu.*+ 2 UDavida wayekwazi ukuthi uJehova wayesebumise baqina ubukhosi bakhe ko-Israyeli,+ ngoba wayebuphakamisile ubukhosi bakhe ngenxa yabantu bakhe bako-Israyeli.+
3 UDavida wathatha abanye abafazi+ eJerusalema, wazala amanye amadodana lamadodakazi.+ 4 Nanka amabizo abantwana abazala esehlala eJerusalema:+ UShamuwa, loShobhabhi, loNathani,+ loSolomoni,+ 5 lo-Ibhari, lo-Elishuwa, lo-Eliphelethi, 6 loNoga, loNefegi, loJafiya, 7 lo-Elishama, loBheyeliyada, lo-Elifelethi.
8 AmaFilisti athi esizwa ukuthi uDavida usegcotshwe ukuthi abe yinkosi yabo bonke abako-Israyeli,+ aphuma wonke esiyamdinga.+ UDavida wathi ekuzwa lokho waphuma wayakulwa lawo. 9 AmaFilisti afika aqalisa ukuhlasela labo ababehlala esigodini seRefayimi.+ 10 UDavida wasebuza uNkulunkulu wathi: “Ngihambe yini ngiyekulwa lamaFilisti? Uzawanikela yini esandleni sami?” UJehova wasesithi kuye: “Hamba, ngizawanikela esandleni sakho.”+ 11 Ngakho uDavida wasuka waya eBhali-pherazimi+ wafika wawabulala amaFilisti wasesithi: “UNkulunkulu weqiniso uhambe phambi kwami wazehlula izitha zami, kwaba angathi ngamanzi ediliza umduli.” Yikho babiza indawo leyo ngokuthi yiBhali-pherazimi.* 12 AmaFilisti alahlela onkulunkulu bawo khonapho, uDavida wasesithi kabatshiswe ngomlilo.+
13 Ngemva kwesikhathi amaFilisti aphinda ahlasela esigodini seRefayimi.+ 14 UDavida waphinda wabuza kuNkulunkulu weqiniso, yena wamphendula wathi: “Ungathutshi phambi kwawo kodwa bhoda uye ngemva kwawo, ubusuwahlasela phambi kwezihlahla zamabhakha.+ 15 Nxa ungezwa izisinde ezingathi ngezamabutho ahambayo zizwakalela phezu kwezihlahla zamabhakha, uhle uwahlasele amaFilisti ngoba uNkulunkulu weqiniso uyabe ehamba phambi kwakho ewabulala.”+ 16 UDavida wenza khona kanye ayekutshelwe nguNkulunkulu weqiniso.+ Ngakho bawabulala amaFilisti kusukela eGibhiyoni kwaze kwayafika eGezeri.+ 17 Udumo lukaDavida lwafika kuwo wonke amazwe njalo uJehova wenza ukuthi zonke izizwe zimesabe.+
15 UDavida waqhubeka ezakhela izindlu edolobheni lakhe, walungisa lendawo lapho okwakuzahlala khona ibhokisi likaNkulunkulu weqiniso wasemisa itende.+ 2 Ngalesosikhathi uDavida wathi: “Akulamuntu okumele athwale ibhokisi likaNkulunkulu weqiniso ngaphandle kwamaLevi, ngoba yiwo uJehova awakhethileyo ukuthi athwale ibhokisi likaJehova lokuthi amenzele inkonzo engcwele kokuphela.”+ 3 UDavida wabuthanisa wonke ama-Israyeli eJerusalema ukuze alethe ibhokisi likaJehova endaweni ayeyilungisile.+
4 Ngemva kwalokho wabuthanisa izizukulwane zika-Aroni+ lamaLevi:+ 5 KumaKhohathi kwakulo-Uriyeli induna labafowabo abangu-120. 6 KumaMerari kwakulo-Asaya+ induna labafowabo abangu-220. 7 KumaGeshomu kwakuloJoweli+ induna labafowabo abangu-130. 8 Ezizukulwaneni zika-Elizafani+ kwakuloShemaya induna labafowabo abangu-200. 9 Ezizukulwaneni zikaHebroni kwakulo-Eliyeli induna labafowabo abangu-80. 10 Ezizukulwaneni zika-Uziyeli+ kwakulo-Aminadabi induna labafowabo abangu-112. 11 UDavida wabiza umphristi uZadokhi+ lomphristi u-Abhiyatha,+ lamaLevi u-Uriyeli, lo-Asaya, loJoweli, loShemaya, lo-Eliyeli, lo-Aminadabi, 12 wathi kubo: “Yini abakhokheli bezimuli zamaLevi. Zihlambululeni* lina labafowenu, beseliletha ibhokisi likaJehova uNkulunkulu ka-Israyeli endaweni engiyilungisileyo. 13 Kuqala+ kayisini elalithwalayo yikho intukuthelo kaJehova uNkulunkulu wethu yehlela phezu kwethu.+ Asenzanga izinto ngendlela efaneleyo.”+ 14 Ngakho abaphristi lamaLevi bazihlambulula* ukuze bayethwala ibhokisi likaJehova uNkulunkulu ka-Israyeli.
15 AmaLevi alithwala ibhokisi likaNkulunkulu weqiniso emahlombe esebenzisa izigodo zokulithwala,+ njengoba nje uJehova wayetshilo esebenzisa uMosi. 16 UDavida watshela izinduna zamaLevi ukuthi zikhethe abafowabo ababengabahlabeleli ukuze bahlabele ngentokozo, ngapha kutshaywa amachacho atshiyeneyo. Kwakutshaywa iziginci lamahabhu*+ kanye lamasimbali.*+
17 Ngakho amaLevi akhetha phakathi kwabafowabo uHemani+ indodana kaJoweli, lo-Asafi+ indodana kaBherekhiya, kwasekusithi kubafowabo abangamaMerari akhetha u-Ethani+ indodana kaKhushaya. 18 Babelabafowabo ababeseqenjini lesibili,+ uZakhariya, loBheni, loJaziyeli, loShemiramothi, loJehiyela, lo-Uni, lo-Eliyabi, loBhenaya, loMahaseya, loMathithiya, lo-Elifelehu, loMikhineya, lo-Obhedi-edomi, loJeyiyeli ababengabalindi bamagedi. 19 Abahlabeleli uHemani+ lo-Asafi+ lo-Ethani babezatshaya amasimbali ekhopha,+ 20 besekusithi uZakhariya, lo-Aziyeli, loShemiramothi, loJehiyela, lo-Uni, lo-Eliyabi, loMahaseya, loBhenaya batshaye iziginci ngetshuni ye-Alamothi.*+ 21 UMathithiya,+ lo-Elifelehu, loMikhineya, lo-Obhedi-edomi, loJeyiyeli, lo-Azaziya babezatshaya amahabhu ngetshuni yeSheminithi,*+ bakhokhele ekuhlabeleni. 22 UKhenaniya+ induna yamaLevi nguye owayebona ngokuthwalwa kwebhokisi likaNkulunkulu ngoba wayewazi kuhle umsebenzi lo, 23 njalo uBherekhiya lo-Elikhana yibo ababelinda ibhokisi. 24 Abaphristi uShebhaniya, loJoshafathi, loNethaneli, lo-Amasayi, loZakhariya, loBhenaya, lo-Eliyezeri yibo ababetshaya amacilongo phambi kwebhokisi likaNkulunkulu weqiniso.+ U-Obhedi-edomi loJehiya labo babelinda ibhokisi.
25 UDavida labadala bako-Israyeli lezinduna zezinkulungwane babethokoza+ ngesikhathi besiyathatha ibhokisi lesivumelwano sikaJehova endlini ka-Obhedi-edomi.+ 26 Banikela ngamajongosi ayisikhombisa langenqama eziyisikhombisa ngoba uNkulunkulu weqiniso wayewancedisile amaLevi ukuthwala ibhokisi lesivumelwano sikaJehova.+ 27 UDavida wayegqoke ijazi elingelamikhono elalenziwe ngelembu elilohlonzi, njengawo wonke amaLevi ayethwele ibhokisi, labahlabeleli, loKhenaniya induna yabahlabeleli owayebona ngokuthwala kwebhokisi. UDavida wayegqoke le-efodi* yelineni.+ 28 Wonke ama-Israyeli ayethokoza kakhulu+ etshaya uphondo lamacilongo+ lamasimbali njalo esenza umsindo omkhulu ngeziginci langamahabhu+ ngesikhathi ebuya lebhokisi lesivumelwano sikaJehova.
29 Kwathi ibhokisi lesivumelwano sikaJehova lifika edolobheni likaDavida,+ uMikhali+ indodakazi kaSawuli walunguza ngewindi wabona iNkosi uDavida ithokoza igida iseqa, waseqala ukuyeyisa enhliziyweni yakhe.+
16 Bangenisa ibhokisi likaNkulunkulu weqiniso etendeni elalimiswe nguDavida,+ basebenikela iminikelo yokutshiswa lemihlatshelo yobudlelwano phambi kukaNkulunkulu weqiniso.+ 2 UDavida wathi eseqedile ukunikela iminikelo yokutshiswa+ lemihlatshelo yobudlelwano,+ wabusisa abantu ngebizo likaJehova. 3 Phezu kwalokho wathatha izinkwa, lamakhekhe enziwe ngezithelo zesihlahla selala kanye lamakhekhe enziwe ngamagilebisi awonyisiweyo, wanika bonke abantu bako-Israyeli, abesilisa labesifazana. 4 Ngemva kwalokho wakhetha amanye amaLevi ukuthi enze inkonzo engcwele phambi kwebhokisi likaJehova+ ukuze ahloniphe,* abonge futhi adumise uJehova uNkulunkulu ka-Israyeli. 5 U-Asafi+ nguye owayewakhokhela, umsekeli wakhe kunguZakhariya. UJeyiyeli, loShemiramothi, loJehiyela, loMathithiya, lo-Eliyabi, loBhenaya, lo-Obhedi-edomi, loJeyiyeli+ babetshaya iziginci lamahabhu.*+ U-Asafi yena wayetshaya amasimbali,*+ 6 njalo abaphristi uBhenaya loJahaziyeli babetshaya amacilongo zikhathi zonke phambi kwebhokisi lesivumelwano sikaNkulunkulu weqiniso.
7 Ngalelolanga kwaba ngokokuqala ukuthi uDavida abhale ingoma yokubonga uJehova abeseyinika u-Asafi+ labafowabo ukuze bayihlabele. Yayisithi:
8 “Bongani uJehova+ libize ibizo lakhe.
Litshele izizwe ngemisebenzi yakhe!+
9 Mhlabeleleni, hlabelani limdumise.+
Cabangisisani* ngayo yonke imisebenzi yakhe emangalisayo.+
10 Zigqajeni ngebizo lakhe elingcwele.+
Izinhliziyo zalabo abadinga uJehova kazithokoze.+
11 Dingani uJehova+ lithembele emandleni akhe.
Khangelani kuye zikhathi zonke.+
12 Khumbulani imisebenzi emangalisayo ayenzileyo,+
Lezimangaliso zakhe kanye lezahlulelo azikhulumileyo,
13 Lina zizukulwane zika-Israyeli inceku yakhe,+
Madodana kaJakhobe, lina abakhethiweyo bakhe.+
15 Khumbulani isivumelwano sakhe kuze kube nini lanini,
Isithembiso asenza* ebantwini bakhe,+
16 Isivumelwano asenza lo-Abrahama,+
Lesifungo asenza ku-Isaka,+
17 Leso asenza saba ngumthetho kuJakhobe,+
Isivumelwano esizahlala isikhathi eside, asenza lo-Israyeli
18 Esithi, ‘Ngizakupha ilizwe leKhenani+
Libe lilifa lakho.’+
19 Lokhu wakutsho lisesebalutshwana.
Lalibalutshwana kakhulu, liyizihambi elizweni.+
20 Babehamba bethutha besuka kwesinye isizwe besiya kwesinye,
Besuka komunye umbuso besiya komunye.+
21 Kavumelanga loba ngubani ukuthi abacindezele.+
Wakhuza amakhosi ngenxa yabo+
22 Wathi, ‘Lingabathinti abagcotshiweyo bami,
Lingenzi lutho olubi kubaphrofethi bami.’+
23 Hlabelelani uJehova lonke lina elisemhlabeni!
Memezelani insindiso yakhe nsuku zonke.+
24 Khulumani ngenkazimulo yakhe phakathi kwezizwe,
Litshele bonke abantu ngemisebenzi yakhe emangalisayo,
25 Ngoba uJehova mkhulu futhi kumfanele kakhulu ukudunyiswa.
Kumele esatshwe ukwedlula bonke abanye onkulunkulu.+
28 Nikani uJehova okumfaneleyo, bantu bezizwe zonke.
Phanini uJehova okumfaneleyo ngoba ulamandla lenkazimulo.+
Khothamani phambi kukaJehova* ligqoke izigqoko ezingcwele.*+
30 Qhaqhazelani phambi kwakhe lonke lina elisemhlabeni.
Umhlaba umiswe waqina, awusoze ususwe endaweni yawo.*+
31 Amazulu kawathokoze lomhlaba ujabule.+
Memezelani phakathi kwezizwe lithi: ‘UJehova useyiNkosi!’+
32 Aluhlokome ulwandle lakho konke okukulo,
Iganga lakho konke okukulo akuthokoze.
33 Lezihlahla eziseguswini kazimemeze ngentokozo phambi kukaJehova,
Ngoba uyeza* ukuzokwahlulela umhlaba.
35 Wothini, ‘Sisindise awu Nkulunkulu wensindiso yethu,+
Siqoqe njalo usikhulule ezizweni,
Ukuze silibonge ibizo lakho elingcwele,+
Sikudumise sithokoza.+
Bonke abantu bathi, “Ameni!”* basebedumisa uJehova.
37 Ngemva kwalokho uDavida watshiya u-Asafi+ labafowabo phambi kwebhokisi lesivumelwano sikaJehova ukuze baqhubeke besenza inkonzo engcwele phambi kwalo,+ besenza konke okwakumele kwenziwe nsuku zonke.+ 38 U-Obhedi-edomi labafowabo abangu-68, lo-Obhedi-edomi indodana kaJeduthuni, loHosa, babelinda emagedini. 39 Umphristi uZadokhi+ labanye abaphristi babephambi kwethabanikeli likaJehova elalisendaweni ephakemeyo eGibhiyoni,+ 40 ukuze bahlale benikela kuJehova iminikelo yokutshiswa ekuseni lantambama e-alithareni lokwenzela iminikelo yokutshiswa, njalo benze konke okubhalwe eMthethweni uJehova awunika abako-Israyeli.+ 41 BabeloHemani loJeduthuni+ lamanye amadoda ayeqanjwe ngamabizo ayekhethwe ukuthi abonge uJehova+ ngoba “uthando lwakhe oluqotho luhlala kuze kube nini lanini.”+ 42 UHemani+ loJeduthuni bona babezatshaya amacilongo lamasimbali leziginci zokudumisa uNkulunkulu* weqiniso. Amadodana kaJeduthuni+ wona ayelinda egedini. 43 Ngemva kwalokho bonke abantu babuyela emizini yabo, uDavida wasesiyabusisa imuli yakhe.
17 UDavida wathi esehlala endlini yakhe* wathi kuNathani+ umphrofethi: “Mina ngihlala endlini eyakhiwe ngemisedari+ kodwa ibhokisi lesivumelwano sikaJehova lihlala etendeni.”+ 2 UNathani waphendula uDavida wathi: “Yenza loba yini esenhliziyweni yakho ngoba uNkulunkulu weqiniso ulawe.”
3 Ngalobobusuku ilizwi likaNkulunkulu lafika kuNathani lathi: 4 “Hamba uyetshela inceku yami uDavida uthi, ‘Nanku okutshiwo nguJehova: “Ayisuwe ozangakhela indlu engizahlala kuyo.+ 5 Phela mina angikaze ngihlale endlini kusukela ngakhipha abantu bako-Israyeli eGibhithe kuze kube lamuhla. Bengilokhu ngisuka kwelinye itende ngiye kwelinye, ngisuke kwelinye ithabanikeli ngiye kwelinye.*+ 6 Isikhathi sonke leso ngihamba labako-Israyeli ngake ngababuza yini ngathi, ‘Kungani lingangakhelanga indlu yemisedari?’ Ngake ngababuza umbuzo lo yini abahluleli bako-Israyeli engababeka ukuthi beluse abantu bami?”’
7 “Ngakho tshela inceku yami uDavida uthi, ‘Nanku okutshiwo nguJehova wamabutho: “Ngakuthatha emadlelweni uselusa izimvu ukuze ube ngumkhokheli wabantu bami bako-Israyeli.+ 8 Ngizakuba lawe loba ngaphi lapho oya khona+ futhi ngizaziqeda zonke izitha zakho phambi kwakho.+ Ngizakwenza ibizo lakho laziwe njengamabizo abantu abadumileyo emhlabeni.+ 9 Abantu bami bako-Israyeli ngizabakhethela indawo ngibahlalise kuyo. Bazahlala lapho njalo akulamuntu ozabahlupha. Abantu ababi abasoze baphinde babathwalise nzima njengalokho ababekwenza kudala,+ 10 kusukela ngelanga engabeka ngalo abahluleli ukuthi bakhokhele abantu bami bako-Israyeli.+ Ngizazinqoba zonke izitha zakho.+ Phezu kwalokho ngithi kuwe, ‘UJehova uzakwakhela indlu.’*
11 “‘“Nxa insuku zakho sezifike ekucineni, usufile,* ngizabeka omunye wabantwabakho,* indodana yakho,+ ukuthi abe yinkosi njalo ngizakwenza umbuso wakhe uqine.+ 12 Nguye ozangakhela indlu+ futhi ngizasiqinisa isihlalo sakhe sobukhosi kuze kube nini lanini.+ 13 Ngizakuba nguyise yena abe yindodana yami.+ Uthando lwami oluqotho angisoze ngilususe kuye+ njengalokho engakwenza kulowo owayebusa ngaphambi kwakho.+ 14 Ngizambeka endlini yami ngimhlalise esihlalweni sami sobukhosi kuze kube nini lanini+ futhi umbuso wakhe uzahlala kuze kube phakade.”’”+
15 UNathani watshela uDavida wonke amazwi la kanye lakho konke ayekubone embonweni.
16 INkosi uDavida yathi isizwa lokho yangena yahlala phambi kukaJehova yathi: “Awu Jehova Nkulunkulu, kambe mina ngingubani futhi labendlu yami bayini ukuthi usungaze ungenzele konke lokhu?+ 17 Lanxa ungenzele izinto ezinengi kangaka Nkulunkulu, usuphinde wakhuluma ngokuthi indlu yenceku yakho izahlala isikhathi eside,+ njalo ungibona ngingumuntu ofanele ukuphakanyiswa kakhulu* awu Jehova Nkulunkulu. 18 Phela wena uyazi ngcono inceku yakho uDavida.+ Manje kuyini okunye engingakutsho ngodumo lolu onginike lona? 19 Awu Jehova, wenze izinto zonke lezi ezinkulu njalo waveza ubukhulu bakho ngenxa yenceku yakho, langenxa yokuthi lokhu kuvumelana lenhliziyo* yakho.+ 20 Kakho onjengawe Jehova+ futhi ngaphandle kwakho akula omunye uNkulunkulu.+ Konke esikuzwe ngendlebe zethu kuyakufakazela lokhu. 21 Kambe yisiphi esinye isizwe emhlabeni esinjengabantu bakho bako-Israyeli?+ Wena Nkulunkulu weqiniso wahamba wayabakhulula baba ngabantu bakho.+ Wenza ibizo lakho laziwa ngokwenza izinto ezinkulu lezimangalisayo.+ Waxotsha izizwe phambi kwabantu bakho+ owabakhulula eGibhithe. 22 Abantu bako-Israyeli wabenza baba ngabantu bakho kuze kube nini lanini,+ njalo wena Jehova waba nguNkulunkulu wabo.+ 23 Khathesi-ke Jehova kwangathi lokho okuthembise inceku yakho labendlu yayo kungagcwaliseka kuze kube nini lanini, njalo kwangathi ungakwenza lokho okuthembisileyo.+ 24 Ibizo lakho kaliphakanyiswe+ futhi lihlale kuze kube phakade ukuze abantu bathi, ‘UJehova wamabutho uNkulunkulu ka-Israyeli, unguNkulunkulu ka-Israyeli.’ Kwangathi indlu yenceku yakho uDavida ingahlala kuze kube nini lanini.+ 25 Phela wena Nkulunkulu wami, uyitshelile inceku yakho ukuthi uhlose ukuyakhela indlu.* Lokhu yikho okwenza inceku yakho ikhululeke ukuthandaza kuwe ngalindlela. 26 Awu Jehova, wena unguNkulunkulu weqiniso njalo uthembise zonke izinto lezi ezinhle mayelana lenceku yakho. 27 Kwangathi kungakuthokozisa ukubusisa indlu yenceku yakho, iqhubeke iphambi kwakho kuze kube phakade ngoba wena Jehova uyibusisile njalo izahlala ibusisekile kuze kube nini lanini.”
18 Ngemva kwesikhathi uDavida wahlasela amaFilisti wawanqoba, wasewathathela+ iGathi+ lamadolobho aseduze kwayo. 2 Wanqoba lamaMowabi+ asesiba zinceku zakhe futhi aqalisa ukubhadala umthelo kuye.+
3 Wanqoba loHadadezeri+ inkosi yeZobha+ eduze leHamathi+ ngesikhathi uHadadezeri esiyamisa umbuso wakhe emangweni ongasemfuleni uYufrathe.+ 4 UDavida wathumba izinqola zempi ezingu-1 000, lamabutho angu-7 000 ayegade amabhiza kanye lamanye amabutho angu-20 000.+ Waquma wonke amabhiza imisipha watshiya angu-100 kuphela.+ 5 AmaSiriya aseDamaseko athi ezoncedisa uHadadezeri inkosi yeZobha, uDavida wabulala amabutho awo angu-22 000,+ 6 wasefaka amaqembu amabutho akhe eSiriya yeDamaseko. Abantu beSiriya baba zinceku zikaDavida baqalisa ukubhadala umthelo kuye. UJehova wayesenza uDavida anqobe loba ngaphi lapho ayesiya khona.+ 7 UDavida wathatha amahawu egolide ayisigombolozi ezincekwini zikaHadadezeri wawaletha eJerusalema. 8 Wathatha lekhopha enengi kakhulu emadolobheni kaHadadezeri, iThibhathi leKhuni. Yiyo uSolomoni enza ngayo itanka+ lezinsika kanye lezitsha.+
9 UThowu inkosi yeHamathi wathi esizwa ukuthi uDavida wayenqobe lonke ibutho likaHadadezeri+ inkosi yeZobha,+ 10 wahle wathuma indodana yakhe uHadoramu kuDavida ukuthi iyembingelela futhi imenzele amhlophe ngenxa yokuthi wayelwe loHadadezeri wamnqoba. (Phela uHadadezeri wayehlala esilwa loThowu.) UHadoramu wahamba lezinto ezenziwe ngegolide lesiliva lekhopha. 11 INkosi uDavida yenza izinto lezi zaba ngcwele kuJehova,+ kugoqele lesiliva legolide eyayilithethe kuzo zonke izizwe, kuma-Edomi, lakumaMowabi, lakuma-Amoni,+ lakumaFilisti,+ lakuma-Amaleki.+
12 U-Abhishayi+ indodana kaZeruya+ wabulala ama-Edomi angu-18 000 esigodini sesawudo.+ 13 Wafaka amaqembu amabutho ko-Edomi njalo bonke abantu bako-Edomi baba zinceku zikaDavida.+ UJehova wayesenza uDavida anqobe loba ngaphi lapho ayesiya khona.+ 14 UDavida waqhubeka ebusa bonke abantu bako-Israyeli.+ Wayesahlulela kuhle futhi esenzela wonke umuntu okulungileyo.+ 15 UJowabi indodana kaZeruya nguye owayekhokhela ibutho,+ njalo uJehoshafathi+ indodana ka-Ahiludi wayebhalela inkosi konke okwakusenzakala. 16 UZadokhi indodana ka-Ahithubi, lo-Ahimeleki indodana ka-Abhiyatha babengabaphristi, uShavisha yena engunobhala. 17 UBhenaya indodana kaJehoyada wayekhokhela amaKherethi+ lamaPhelethi.+ Amadodana kaDavida wona ayelezikhundla eziphezulu, elandela inkosi embusweni.
19 Ngemva kwesikhathi uNahashi inkosi yama-Amoni wafa, indodana yakhe yasisiba yinkosi esikhundleni sakhe.+ 2 UDavida wathi: “Ngizakuba lothando oluqotho+ kuHanuni indodana kaNahashi ngoba uyise waba lothando oluqotho kimi.” Ngakho wathuma izinceku zakhe ukuthi ziyemduduza njengoba wayefelwe nguyise. Kodwa izinceku zikaDavida zathi zifika elizweni lama-Amoni+ zisiyaduduza uHanuni, 3 izinduna zama-Amoni zathi kuHanuni: “Ubona angani uDavida uthume abantu ukuthi bazokududuza ngenxa yokuthi uhlonipha uyihlo yini? Ubathume ukuthi bazohlolisisa lokuthi badingisise konke okwenzakala elizweni ukuze akuhlasele akunqobe.” 4 Ngakho uHanuni wathatha amadoda ayethunywe nguDavida wawagela indevu,+ wasika izigqoko zawo ngemuva, izihlalo zawo zasala zisegcekeni wasewayekela ahamba. 5 INkosi uDavida yathi ikuzwa lokhu yahle yathuma abantu ukuthi bayewahlangabeza ngoba ayeyangiswe kakhulu. Yathi kuwo: “Hlalani eJerikho+ indevu zenu zize zikhule beselibuya.”
6 Ngokuhamba kwesikhathi ama-Amoni ananzelela ukuthi uDavida wayesewazonda. Yikho uHanuni lama-Amoni bathumela amathalenta* esiliva angu-1 000 eMesophothamiya,* le-Aramu-mahakha, leZobha+ ukuze baqhatshe izinqola zempi labagadi bamabhiza. 7 Baqhatsha inkosi yeMahakha labantu bayo kanye lezinqola zempi ezingu-32 000. Basebesuka bayamisa inkamba yabo duze leMedebha.+ Ama-Amoni aphuma emadolobheni awo aqoqana ezokulwa impi.
8 UDavida wathi ekuzwa lokhu wathuma uJowabi+ lebutho lonke kanye lamaqhawe akhe ayewathembile.+ 9 Ama-Amoni aphuma ayakuma egedini ledolobho elungele ukulwa. Amakhosi ayebuyile wona ayewodwa emagcekeni egangeni.
10 UJowabi wathi ebona ukuthi amabutho esitha ayethutsha emuva laphambili, wakhetha amanye amadoda ako-Israyeli ayeyazi kuhle impi, wawahlela kuhle ukuze ayedibana lamabutho eSiriya.+ 11 Wabeka umfowabo u-Abhishayi+ ukuthi akhokhele wonke amanye amadoda ayesele, awahlele ukuze ayedibana lama-Amoni empini. 12 Wathi: “Nxa amaSiriya+ esengikhulela kumele ubuye uzongincedisa njalo nxa ama-Amoni esekukhulela, lami ngizabuya ngizokuncedisa. 13 Kumele siqine futhi sibe lesibindi+ silwele abantu bakithi lamadolobho kaNkulunkulu wethu. UJehova yena uzakwenza lokho akubona kukuhle.”
14 UJowabi lamadoda ayelaye basuka bayadibana lamaSiriya, amaSiriya ambalekela.+ 15 Ama-Amoni athi ebona ukuthi amaSiriya asebalekile, lawo abalekela u-Abhishayi umfowabo kaJowabi ayangena edolobheni. Ngemva kwalokho uJowabi wabuyela eJerusalema.
16 AmaSiriya athi ebona ukuthi anqotshwe ngabako-Israyeli athuma izithunywa ukuthi ziyebiza amaSiriya ayesesabelweni semfuleni.*+ AmaSiriya lawa ayekhokhelwa nguShofaki induna yebutho likaHadadezeri.+
17 UDavida wathi ekuzwa lokhu wahle waqoqa wonke amabutho ako-Israyeli wachapha uJodani wabalanda. Wahlela amabutho akhe ukuthi ayedibana lamaSiriya. AmaSiriya abuya alwa laye+ 18 kodwa anqotshwa ababalekela abako-Israyeli. UDavida wabulala abagadi bezinqola abangu-7 000 lamanye amasotsha eSiriya angu-40 000, wabulala loShofaki induna yebutho. 19 Izinceku zikaHadadezeri zathi zibona ukuthi sezinqotshwe ngabako-Israyeli,+ zahle zenza ukuthula loDavida zaba ngaphansi kwakhe.+ AmaSiriya ayengasafuni ukuphinda ancedise ama-Amoni.
20 Ekuqaliseni komnyaka,* ngesikhathi amakhosi ahamba ngaso ukuyahlasela, uJowabi+ wakhokhela ibutho wayatshabalalisa ilizwe lama-Amoni. Bafika eRabha+ bayivimbezela, kodwa uDavida yena wayesele eJerusalema.+ UJowabi wahlasela iRabha wayidiliza.+ 2 UDavida wathatha umqhele owawusekhanda lesithombe sikaMalikhamu, wathola ukuthi wawulesisindo esilithalenta* legolide njalo wawuceciswe ngamatshe aligugu. Umqhele lo wagqokiswa uDavida. UDavida wathumba lempahla enengi edolobheni leli.+ 3 Wathatha abantu ababelapho, abanye wabanika umsebenzi+ wokubaza amatshe. Abanye babesebenzisa amahloka lamanye amathuluzi ensimbi abukhali. Lokhu yikho ayekwenza kuwo wonke amadolobho ama-Amoni. Ngemva kwalokho uDavida lamabutho akhe babuyela eJerusalema.
4 Kwavuka impi eGezeri, ama-Israyeli esilwa lamaFilisti. Empini leyo uSibhekhayi+ umHusha wabulala uSiphayi owayeyisizukulwane samaRefayimi,+ kwaba yikunqotshwa kwamaFilisti.
5 Kwaphinda kwavuka enye impi lamaFilisti. U-Elihanani indodana kaJayiri wabulala uLahimi umfowabo kaGoliyathi+ umGithi, owayelomkhonto owawuloluthi olwalungani yisigodo somaluki.+
6 Kwavuka enye impi eGathi.+ Kwakulendoda eyayinkulu kakhulu+ eyayileminwe eyisithupha esandleni ngasinye, lamazwane ayisithupha enyaweni ngalunye. Sekukonke kwakungu-24. Layo yayiyisizukulwane samaRefayimi.+ 7 Yayilokhu ichothoza+ abako-Israyeli. Yikho uJonathani indodana kaShimeya+ umfowabo kaDavida wayibulala.
8 Amadoda la ayeyizizukulwane zamaRefayimi+ aseGathi+ njalo abulawa nguDavida lezinceku zakhe.
21 USathane* wamelana labako-Israyeli wabangela ukuthi uDavida abale abantu.+ 2 UDavida watshela uJowabi+ lezinduna zabantu wathi: “Hambani liyebala abantu bako-Israyeli kusukela eBheri-shebha kuze kuyefika koDani,+ beseliphenduka lizongitshela ukuze ngazi ukuthi bangaki.” 3 Kodwa uJowabi wathi: “Kwangathi uJehova angandisa abantu bakhe ngokuphindwe ka-100. Nkosi yami, angithi bonke bavele bazinceku zakho. Manje kungani inkosi yami ifuna ukwenza into enje? Kungani kumele yenze abantu bako-Israyeli babe lecala?”
4 Lanxa kunjalo ilizwi lenkosi lakhulela elikaJowabi. Ngakho uJowabi wasuka walibhoda lonke elako-Israyeli wasephenduka eJerusalema.+ 5 Wafika wanika uDavida inani labantu ababebhaliwe. Amadoda ako-Israyeli ayehlome ngezinkemba ayengu-1 100 000, njalo koJuda kwakulangu-470 000 ayehlome ngezinkemba.+ 6 Kodwa abakoLevi labakoBhenjamini abazange babhaliswe+ ngoba uJowabi kazange akuthande lokho inkosi eyayimtshele ukuthi akwenze.+
7 Okwenziwa nguDavida kwakukubi kakhulu kuNkulunkulu weqiniso, yikho wabajezisa abako-Israyeli. 8 UDavida wasesithi kuNkulunkulu weqiniso: “Ngonile+ kakhulu ngokwenza lokhu. Ngicela uyixolele inceku yakho+ ngoba yenze ubuthutha obukhulu.”+ 9 Ngakho uJehova wakhuluma loGadi+ umboni kaDavida wathi: 10 “Hamba uyekuthi kuDavida, ‘Nanku okutshiwo nguJehova: “Ngizakunika izinto ezintathu, wena ubusukhetha okukodwa phakathi kwazo ofuna ngikwehlisele khona.”’” 11 UGadi wafika kuDavida wathi: “Nanku okutshiwo nguJehova, ‘Ukhetha kuphi? 12 Ukuthi kube lendlala+ okweminyaka emithathu, kumbe ukuthi izitha zakho zikuhlasele ngenkemba+ okwenyanga ezintathu zikwehlule, loba ukuthi uJehova ahlasele ilizwe ngenkemba yakhe, kube lesifo esibulalayo+ okwensuku ezintathu ingilosi kaJehova ibulala abantu+ kulo lonke elako-Israyeli?’ Cabangisisa ukuthi ufuna ngimphendule ngithini lowo ongithumileyo.” 13 UDavida wasesithi kuGadi: “Into le iyangikhathaza kakhulu, ngicela ukuthi ngingaweli ezandleni zabantu.+ Kungcono ngiwele esandleni sikaJehova ngoba isihawu sakhe sikhulu kakhulu.”+
14 Ngakho uJehova wehlisela abantu bako-Israyeli isifo esibulalayo.+ Kwafa abantu abangu-70 000.+ 15 Phezu kwalokho uNkulunkulu weqiniso wathuma ingilosi ukuthi iyetshabalalisa iJerusalema, kodwa yathi isizakwenza njalo uJehova wabona umonakalo owawehlele abantu wezwa ubuhlungu,*+ wasesithi engilosini eyayibulala abantu: “Sekwanele,+ yehlisa isandla sakho.” Ngalesosikhathi ingilosi kaJehova yayiseduze lesiza* sika-Onani+ umJebusi.+
16 UDavida wathi ephakamisa amehlo wabona ingilosi kaJehova imi phakathi komhlaba lamazulu, ithwele inkemba,+ yelulele isandla sayo eJerusalema. UDavida labadala bazilahla phansi bathi mbo ngobuso emhlabathini+ begqoke izembatho zamasaka.+ 17 UDavida wasesithi kuNkulunkulu weqiniso: “Awu Jehova Nkulunkulu wami, ayisimi yini engithe abantu babalwe? Mina yimi engonileyo futhi yimi engenze icala.+ Pho izimvu lezi zona zoneni? Ngicela isandla sakho sehlele phezu kwami labendlu kababa, kodwa ungehliseli umkhuhlane lo ebantwini bakho.”+
18 Ingilosi kaJehova yasitshela uGadi+ ukuthi ayetshela uDavida ukuthi ahambe ayekwakhela uJehova i-alithare esizeni sika-Onani umJebusi.+ 19 UDavida wasuka wayakwenza lokho uGadi ayemtshele khona ethunywe nguJehova. 20 Ngalesosikhathi u-Onani wayebhula ingqoloyi. Watshibilika wabona ingilosi, amadodana akhe amane asecatsha. 21 Wathi ekhangela wabona uDavida esiza kuye, wahle waphuma esizeni waguqa phambi kwakhe wathi mbo phansi ngobuso. 22 UDavida wathi ku-Onani: “Ngithengisela* isiza sakho, ngifuna ukwakhela uJehova i-alithare. Ngithengisela sona ngentengo yaso epheleleyo ukuze umkhuhlane lo oqeda abantu uphele.”+ 23 Kodwa u-Onani wathi kuDavida: “Sithathe sibe ngesakho. Inkosi yami kayenze lokho ekubona kukuhle. Nanzi inkomo zomnikelo wokutshiswa lesileyi sokubhula+ esizakuba zinkuni zokubasa umlilo. Nansi lengqoloyi ezakuba ngumnikelo wamabele. Konke lokhu ngiyakunika.”
24 INkosi uDavida yathi ku-Onani: “Hatshi ngizasithenga kuwe ngentengo yaso epheleleyo, ngoba ngeke ngithathe okungokwakho ngikunike uJehova futhi angisoze nginikele imihlatshelo yokutshiswa engingazange ngiyibhadalele lutho.”+ 25 Ngakho uDavida wathenga isiza sika-Onani ngamashekheli* egolide angu-600, 26 wasesakhela uJehova i-alithare+ endaweni leyo, wanikela imihlatshelo yokutshiswa lemihlatshelo yobudlelwano. Wabiza uJehova, yena wamphendula ngomlilo+ owehlela e-alithareni lomnikelo wokutshiswa uvela ezulwini. 27 UJehova wasetshela ingilosi+ ukuthi ibuyisele inkemba yayo esikhwameni. 28 UDavida wabona ukuthi uJehova wayemphendulile esizeni sika-Onani umJebusi, yikho wayesehlala enikela khona imihlatshelo. 29 Ngalesosikhathi ithabanikeli likaJehova elalenziwe nguMosi enkangala kanye le-alithare leminikelo yokutshiswa kwakusendaweni ephakemeyo eGibhiyoni.+ 30 Kodwa uDavida wehluleka ukuya khona ukuze ayebuza kuNkulunkulu ngoba wayesesaba inkemba yengilosi kaJehova.
22 UDavida wathi: “Le yindlu kaJehova uNkulunkulu weqiniso futhi leli li-alithare leminikelo yokutshiswa yabantu bako-Israyeli.”+
2 UDavida wathi kulethwe abantu bezinye izizwe+ ababehlala ko-Israyeli. Wabanika umsebenzi wokuquma lokubaza amatshe okwakha indlu kaNkulunkulu weqiniso.+ 3 UDavida wadinga insimbi ezinengi zokulungisa izipikili zeminyango yamagedi lezokulungisa insimbi zokuhlanganisa. Waqoqa lekhopha enengi kakhulu okokuthi yayingeke ilinganiswe,+ 4 lezigodo zomsedari+ ezazingeke zibalwe ngoba abantu beSidoni+ labeThire+ babephathele uDavida izigodo zomsedari ezinengi kakhulu. 5 UDavida wathi: “USolomoni indodana yami usesengumntwana futhi kalalwazi,+ kodwa indlu le okumele yakhelwe uJehova kumele ibenhle kakhulu+ ukuze udumo lwayo lobuhle bayo+ kwaziwe emazweni wonke.+ Yikho ngizamqoqela lokho azakusebenzisa.” Ngakho uDavida waqoqa impahla enengi kakhulu engakafi.
6 Phezu kwalokho wabiza indodana yakhe uSolomoni wayitshela ukuthi yakhele uJehova uNkulunkulu ka-Israyeli indlu. 7 UDavida wathi kuSolomoni: “Ngangikufisa kakhulu* ukwakha indlu ezakwenza ibizo likaJehova uNkulunkulu wami lidunyiswe.+ 8 Kodwa ilizwi likaJehova lafika kimi lathi, ‘Ubulele abantu abanengi kakhulu futhi ulwe izimpi ezinengi. Awusoze wakhe indlu ezakwenza ibizo lami lidunyiswe+ ngoba ubulele abantu abanengi kakhulu phambi kwami. 9 Kodwa uzakuba lendodana+ ezakuba ngumuntu wokuthula.* Ngizayiphumuza kuzo zonke izitha zayo eziyigombolozeleyo+ ngoba ibizo layo kuzathiwa nguSolomoni.*+ Ngensuku zayo+ abantu bako-Israyeli bazakuba lokuthula lokuhlaliseka. 10 Yiyo ezangakhela indlu ezakwenza ibizo lami lidunyiswe.+ Izakuba yindodana yami, mina ngibe nguyise.+ Isihlalo sayo sobukhosi ngizasimisa siqine phezu kwabako-Israyeli kuze kube nini lanini.’+
11 “Khathesi-ke ndodana yami, kwangathi uJehova angaba lawe. Kwangathi ungaphumelela ukwakha indlu kaJehova uNkulunkulu wakho, njengoba nje ekhulumile mayelana lawe.+ 12 UJehova kabe lawe akunike ukuhlakanipha lokuzwisisa+ nxa esekunika amandla phezu kwabako-Israyeli, ukuze ugcine umthetho kaJehova uNkulunkulu wakho.+ 13 Uzaphumelela nxa ungagcina yonke imithetho+ kanye lezahlulelo uJehova atshela uMosi ukuthi azinike abako-Israyeli.+ Qina ube lesibindi, ungesabi futhi ungatshaywa luvalo.+ 14 Ngisebenze nzima ngilungiselela ukwakhiwa kwendlu kaJehova. Ngiqoqe amathalenta* egolide angu-100 000, lawesiliva angu-1 000 000. Ngiqoqe lekhopha lensimbi+ okunengi kakhulu okungeke kulinganiswe, ngalungisa lamapulanka lamatshe,+ wena uzakwengezelela kukho. 15 Kulezisebenzi ezinengi kakhulu, ababazi bamatshe labakwazi ukwakha ngamatshe,+ lababazi, lazo zonke ingcitshi zomsebenzi.+ 16 Igolide, lesiliva, lekhopha, lensimbi kunengi kakhulu.+ Ngakho sukuma uqale umsebenzi. Kwangathi uJehova angaba lawe.”+
17 UDavida wasetshela abakhokheli bako-Israyeli ukuthi bancedise indodana yakhe uSolomoni, wathi: 18 “Angithi uJehova uNkulunkulu wenu ulani futhi useliphe ukuphumula kuzo zonke indawo? Ungenze nganqoba bonke abantu ababehlala elizweni futhi ilizwe selingelikaJehova labantu bakhe. 19 Ngakho zimiseleni ngenhliziyo yonke langomphefumulo* wonke ukudinga uJehova uNkulunkulu wenu.+ Qalisani ukwakha indawo engcwele kaJehova uNkulunkulu weqiniso,+ ukuze lilethe ibhokisi lesivumelwano sikaJehova kanye lezitsha ezingcwele zikaNkulunkulu weqiniso+ endlini elizayakhela ukudumisa ibizo likaJehova.”+
23 UDavida wathi eseluphele futhi esezakufa* wabeka indodana yakhe uSolomoni ukuthi ibe yinkosi yabako-Israyeli.+ 2 Wabuthanisa bonke abakhokheli bako-Israyeli labaphristi+ kanye lamaLevi.+ 3 AmaLevi ayeleminyaka engu-30 kusiya phezulu abalwa.+ Kwabalwa umLevi ngamunye kwatholakala ukuthi ayengu-38 000. 4 Angu-24 000 ayekhangela umsebenzi owawusenziwa endlini kaJehova futhi angu-6 000 ayengabaphathi labahluleli.+ 5 Angu-4 000 ayengabalindi bamagedi+ njalo amanye angu-4 000 ayedumisa+ uJehova etshaya iziginci, lezo uDavida ayethe uzenzele ukudumisa uNkulunkulu.
6 UDavida wahlela amaLevi aba ngamaqembu+ kusiya ngokuthi ayeyisizukulwane sikabani emadodaneni kaLevi, uGeshoni loKhohathi loMerari.+ 7 Amadodana kaGeshoni kwakunguLadani loShimeyi. 8 Amadodana kaLadani ayemathathu, kwakunguJehiyela umkhokheli loZethami loJoweli.+ 9 Amadodana kaShimeyi lawo ayemathathu, kwakunguShelomothi loHaziyeli loHarani. Bonke babengabakhokheli bezimuli zosendo lukaLadani. 10 Amadodana kaShimeyi kwakunguJahathi, loZina, loJewushi, loBheriya. Bobane babengamadodana kaShimeyi. 11 UJahathi wayengumkhokheli, umsekeli wakhe kunguZiza. Kodwa njengoba uJewushi loBheriya babengelabantwana abanengi, babalwa njengendlu eyodwa, kwathiwa bazasebenza ndawonye.
12 Amadodana kaKhohathi ayemane, kwakungu-Amramu, lo-Izihari,+ loHebroni, lo-Uziyeli.+ 13 Amadodana ka-Amramu kwakungu-Aroni+ loMosi.+ Kodwa u-Aroni wakhethwa+ waphiwa umsebenzi wokwenza iNgcwelengcwele ihlale ingcwele. Yena lamadodana akhe bakhethwa ukuthi benze umsebenzi lo kokuphela, banikele imihlatshelo phambi kukaJehova, bamenzele inkonzo engcwele njalo bahlale bebusisa abantu ngebizo lakhe.+ 14 Amadodana kaMosi umuntu kaNkulunkulu weqiniso wona abalwa phakathi kwesizwana samaLevi. 15 Amadodana kaMosi kwakunguGeshomu+ lo-Eliyezeri.+ 16 Emadodaneni kaGeshomu, uShebhuweli+ nguye owayengumkhokheli. 17 Ezizukulwaneni zika-Eliyezeri,* uRehabhiya+ nguye owayengumkhokheli. U-Eliyezeri kazange abe lamanye amadodana, kodwa uRehabhiya waba lamadodana amanengi. 18 Emadodaneni ka-Izihari,+ uShelomithi+ nguye owayengumkhokheli. 19 Amadodana kaHebroni kwakunguJeriya owayengumkhokheli, eyesibili kungu-Amariya, eyesithathu kunguJahaziyeli, eyesine kunguJekhameyamu.+ 20 Amadodana ka-Uziyeli+ kwakunguMikha owayengumkhokheli, eyesibili kungu-Ishiya.
21 Amadodana kaMerari kwakunguMahili loMushi.+ Amadodana kaMahili kwakungu-Eliyazari loKhishi. 22 U-Eliyazari wafa engelandodana, wayelamadodakazi kuphela. Ngakho abafowabo, amadodana kaKhishi, bawathatha aba ngomkabo. 23 Amadodana kaMushi ayemathathu, kwakunguMahili lo-Ederi loJeremothi.
24 La kwakungamadodana kaLevi ngezindlu zaboyise, ayebalwa ngaphansi kwabakhokheli bezimuli zaboyise. Abalwa, amabizo awo abhalwa phansi kusukela kwaleminyaka engu-20 kusiya phezulu, lawo ayesenza inkonzo engcwele endlini kaJehova. 25 Phela uDavida wayethe: “UJehova uNkulunkulu ka-Israyeli unike abantu bakhe ukuphumula,+ njalo uzahlala eJerusalema kuze kube nini lanini.+ 26 AmaLevi kuyabe kungasadingakali ukuthi athwale ithabanikeli kanye lazo zonke izinto ezisetshenziswa ukwenza inkonzo kulo.”+ 27 AmaLevi ayeleminyaka engu-20 kusiya phezulu abalwa, kulandelwa imilayo kaDavida yokucina. 28 Umsebenzi wawo kwakuyikuncedisa amadodana ka-Aroni+ ukwenza inkonzo engcwele endlini kaJehova. Yiwo ayekhangela amaguma ethempeli,+ lezindlu zokudlela, lokuhlanjululwa kwezinto zonke ezingcwele kanye lomsebenzi okwakumele wenziwe endlini kaNkulunkulu weqiniso. 29 Ayencedisa ekulungiseni isinkwa sokubukiswa,+ lefulawa ecolekileyo yomnikelo wamabele, lezinkwa eziyisipatalala ezingelamvubelo,+ lamakhekhe abhekhwe ngomganu wensimbi kanye lefulawa evutshiweyo.+ Yiwo futhi ayelomsebenzi wokukala konke okwakusetshenziswa. 30 Nsuku zonke ekuseni+ lantambama kwakumele ame ezindaweni zawo abonge uJehova futhi amdumise.+ 31 Ayencedisa nxa kunikelwa imihlatshelo yokutshiswa kuJehova ngamaSabatha+ langokuthwasa kwenyanga+ langezikhathi zemikhosi,*+ kulandelwa lokho okwakubhalwe emthethweni. Lokhu ayekwenza zikhathi zonke phambi kukaJehova. 32 Ayesenza leminye imisebenzi etendeni lokuhlangana lasendaweni engcwele. Ayencedisa labafowabo, amadodana ka-Aroni, ukwenza inkonzo engcwele endlini kaJehova.
24 Izizukulwane zika-Aroni zazehlukwaniswe zaba ngamaqembu. Amadodana ka-Aroni kwakunguNadabi, lo-Abhihu,+ lo-Eliyazari, lo-Ithamari.+ 2 UNadabi lo-Abhihu bafa uyise esaphila+ futhi babengelamadodana. Kodwa u-Eliyazari+ lo-Ithamari baqhubeka bengabaphristi. 3 UDavida loZadokhi+ owayeyisizukulwane sika-Eliyazari lo-Ahimeleki owayeyisizukulwane sika-Ithamari, behlukanisa izizukulwane zika-Aroni zaba ngamaqembu ukuze zenze imisebenzi yazo. 4 Njengoba amadodana ka-Eliyazari ayelabakhokheli abanengi kulamadodana ka-Ithamari, babehlukanisa abakhokheli laba. Amadodana ka-Eliyazari aba labakhokheli abangu-16 bezindlu zaboyise, amadodana ka-Ithamari wona aba labakhokheli abangu-8 bezindlu zaboyise.
5 Baphinda behlukanisa amadodana ka-Eliyazari lamadodana ka-Ithamari besebenzisa inkatho,+ ngoba emaqenjini la womabili kwakulezinduna zendawo engcwele lezinduna zikaNkulunkulu weqiniso. 6 Ngemva kwalokho uShemaya indodana kaNethaneli unobhala wamaLevi, wabhala phansi amabizo abo phambi kwenkosi, leziphathamandla, loZadokhi+ umphristi, lo-Ahimeleki+ indodana ka-Abhiyatha,+ labakhokheli bezimuli zabaphristi, labakhokheli bezimuli zamaLevi. Kwakukhethwa imuli eyodwa ku-Eliyazari, kukhethwe eyodwa ku-Ithamari.
7 Inkatho yokuqala yadla uJehoyaribhi, eyesibili yadla uJedaya, 8 eyesithathu yadla uHarimi, eyesine yadla uSeworimi, 9 eyesihlanu yadla uMalikhija, eyesithupha yadla uMijamini, 10 eyesikhombisa yadla uHakhozi, eyesi-8 yadla u-Abhija,+ 11 eyesi-9 yadla uJeshuwa, eyesi-10 yadla uShekhaniya, 12 eyesi-11 yadla u-Eliyashibhi, eyesi-12 yadla uJakhimu, 13 eyesi-13 yadla uHupha, eyesi-14 yadla uJeshebheyabi, 14 eyesi-15 yadla uBhiliga, eyesi-16 yadla u-Imeri, 15 eyesi-17 yadla uHeziri, eyesi-18 yadla uHaphizezi, 16 eyesi-19 yadla uPhethahiya, eyesi-20 yadla uJehezikheli, 17 eyesi-21 yadla uJakhini, eyesi-22 yadla uGamuli, 18 eyesi-23 yadla uDelaya, eyesi-24 yadla uMahaziya.
19 Le yiyo indlela ababehlelwe ngayo ukuze benze imisebenzi yabo+ endlini kaJehova, belandela lokho okwakuhlelwe ngukhokho wabo u-Aroni, njengoba nje uJehova uNkulunkulu ka-Israyeli wayemtshelile.
20 Amanye amaLevi kwakuyilawa: Emadodaneni ka-Amramu+ kwakuloShubhayeli,+ emadodaneni kaShubhayeli kuloJehideya, 21 emadodaneni kaRehabhiya+ kulo-Ishiya umkhokheli. 22 Kuma-Izihari kwakuloShelomothi,+ emadodaneni kaShelomothi kuloJahathi, 23 emadodaneni kaHebroni kuloJeriya+ owayengumkhokheli. Indodana kaHebroni eyesibili kwakungu-Amariya, eyesithathu kunguJahaziyeli, eyesine kunguJekhameyamu. 24 Emadodaneni ka-Uziyeli kwakuloMikha, emadodaneni kaMikha kuloShamiri. 25 Umfowabo kaMikha kwakungu-Ishiya, emadodaneni ka-Ishiya kwakuloZakhariya.
26 Amadodana kaMerari+ kwakunguMahili loMushi. Emadodaneni kaJaziya kwakuloBheno. 27 Izizukulwane zikaMerari kwakuyilezi: KuJaziya kwakuloBheno, loShohama, loZakhuri, lo-Ibhiri. 28 KuMahili kwakulo-Eliyazari kodwa yena kazange abe lamadodana.+ 29 Emadodaneni kaKhishi kwakuloJerameli, 30 futhi amadodana kaMushi kwakunguMahili lo-Ederi loJerimothi.
La kwakungamadodana kaLevi ngezimuli zaboyise. 31 AmaLevi enza njengabafowabo amadodana ka-Aroni, aphosa inkatho+ phambi kweNkosi uDavida, loZadokhi, lo-Ahimeleki labakhokheli bezimuli zabaphristi lezamaLevi. Ezimulini zaboyise umkhokheli wayephathwa njengomncinyane.
25 Phezu kwalokho, uDavida lezinduna zamaqembu ayesenza imisebenzi bakhetha amanye amadodana ka-Asafi lakaHemani lakaJeduthuni+ ukuthi aphrofethe ngapha etshaya amahabhu* leziginci+ lamasimbali.*+ Nanka amadoda aphiwa umsebenzi lo: 2 Emadodaneni ka-Asafi kwakunguZakhuri, loJosefa, loNethaniya, lo-Asharela. Babekhokhelwa nguyise u-Asafi. Umsebenzi ka-Asafi wokuphrofetha wawukhangelwa yinkosi. 3 Emadodaneni kaJeduthuni+ kwakunguGedaliya, loZeri, loJeshaya, loShimeyi, loHashabhiya, loMathithiya,+ babeyisithupha. Babekhangelwa nguyise uJeduthuni owayephrofetha etshaya ihabhu, ebonga futhi edumisa uJehova.+ 4 Emadodaneni kaHemani+ kwakunguBhukhiya, loMathaniya, lo-Uziyeli, loShebhuweli, loJerimothi, loHananiya, loHanani, lo-Eliyatha, loGidalithi, loRomamthi-ezeri, loJoshibhekhasha, loMalothi, loHothiri, loMahaziyothi. 5 Bonke laba babengamadodana kaHemani, umboni owayetshela inkosi amazwi avela kuNkulunkulu weqiniso ukuze akhazinyuliswe. UNkulunkulu wanika uHemani amadodana angu-14 lamadodakazi amathathu. 6 Bonke laba babekhokhelwa nguyise behlabela endlini kaJehova, betshaya amasimbali leziginci lamahabhu+ besenza inkonzo engcwele endlini kaNkulunkulu weqiniso.
U-Asafi loJeduthuni loHemani babekhangelwa yinkosi.
7 Sebebonke labafowabo babengu-288 futhi babengamagabazi okuhlabela, bekufundele ukuhlabelela uJehova. 8 Benza inkatho+ ukuze baphiwe imisebenzi yabo, kungelani lokuthi ngomncane kumbe ngomkhulu, ngoyingcitshi kumbe ngofundelayo.
9 Inkatho yokuqala yadla uJosefa+ indodana ka-Asafi. Eyesibili yadla uGedaliya,+ (yena lamadodana akhe labafowabo babengu-12). 10 Eyesithathu yadla uZakhuri+ lamadodana akhe labafowabo, sebebonke babengu-12. 11 Eyesine yadla u-Iziri lamadodana akhe labafowabo, sebebonke babengu-12. 12 Eyesihlanu yadla uNethaniya+ lamadodana akhe labafowabo, sebebonke babengu-12. 13 Eyesithupha yadla uBhukhiya lamadodana akhe labafowabo, sebebonke babengu-12. 14 Eyesikhombisa yadla uJesharela lamadodana akhe labafowabo, sebebonke babengu-12. 15 Eyesi-8 yadla uJeshaya lamadodana akhe labafowabo, sebebonke babengu-12. 16 Eyesi-9 yadla uMathaniya lamadodana akhe labafowabo, sebebonke babengu-12. 17 Eyesi-10 yadla uShimeyi lamadodana akhe labafowabo, sebebonke babengu-12. 18 Eyesi-11 yadla u-Azareli lamadodana akhe labafowabo, sebebonke babengu-12. 19 Eyesi-12 yadla uHashabhiya lamadodana akhe labafowabo, sebebonke babengu-12. 20 Eyesi-13 yadla uShubhayeli+ lamadodana akhe labafowabo, sebebonke babengu-12. 21 Eyesi-14 yadla uMathithiya lamadodana akhe labafowabo, sebebonke babengu-12. 22 Eyesi-15 yadla uJeremothi lamadodana akhe labafowabo, sebebonke babengu-12. 23 Eyesi-16 yadla uHananiya lamadodana akhe labafowabo, sebebonke babengu-12. 24 Eyesi-17 yadla uJoshibhekhasha lamadodana akhe labafowabo, sebebonke babengu-12. 25 Eyesi-18 yadla uHanani lamadodana akhe labafowabo, sebebonke babengu-12. 26 Eyesi-19 yadla uMalothi lamadodana akhe labafowabo, sebebonke babengu-12. 27 Eyesi-20 yadla u-Eliyatha lamadodana akhe labafowabo, sebebonke babengu-12. 28 Eyesi-21 yadla uHothiri lamadodana akhe labafowabo, sebebonke babengu-12. 29 Eyesi-22 yadla uGidalithi+ lamadodana akhe labafowabo, sebebonke babengu-12. 30 Eyesi-23 yadla uMahaziyothi+ lamadodana akhe labafowabo, sebebonke babengu-12. 31 Eyesi-24 yadla uRomamthi-ezeri+ lamadodana akhe labafowabo, sebebonke babengu-12.
26 Nanka amaqembu abalindi bamagedi:+ Ezizukulwaneni zikaKhora kwakuloMeshelemiya+ indodana kaKhore, owosendo luka-Asafi. 2 Amadodana kaMeshelemiya kwakuyilawa: Izibulo kwakunguZakhariya, eyesibili kunguJediyeli, eyesithathu kunguZebhadiya, eyesine kunguJathiniyeli, 3 eyesihlanu kungu-Elami, eyesithupha kunguJehohanani, eyesikhombisa kungu-Eliyeho-nayi. 4 Amadodana ka-Obhedi-edomi kwakuyilawa: Izibulo kwakunguShemaya, eyesibili kunguJehozabhadi, eyesithathu kunguJowa, eyesine kunguSakhari, eyesihlanu kunguNethaneli, 5 eyesithupha kungu-Amiyeli, eyesikhombisa kungu-Isakhari, eyesi-8 kunguPhewulethayi. UNkulunkulu wayebusise u-Obhedi-edomi ngokumnika amadodana la.
6 Indodana yakhe uShemaya yayilamadodana ayengabakhokheli bendlu kayise ngoba ayelamandla futhi ezingcitshi. 7 Amadodana kaShemaya kwakungu-Othini, loRafayeli, lo-Obhedi, lo-Elizabhadi. Abafowabo baka-Elizabhadi, u-Elihu loSemakhiya labo babezingcitshi. 8 Bonke laba babengamadodana ka-Obhedi-edomi. Bona lamadodana abo labafowabo babezingcitshi futhi befanele ukwenza umsebenzi. Babengu-62, bengabemuli ka-Obhedi-edomi. 9 UMeshelemiya+ wayelamadodana labafowabo. Babengu-18 njalo bezingcitshi. 10 UHosa owayengowosendo lukaMerari wayelamadodana. Indodana yakhe uShimiri yiyo eyayingumkhokheli. Lanxa yayingayisilo izibulo, uyise wayibeka ukuthi ibe ngumkhokheli. 11 Eyesibili kwakunguHilikhiya, eyesithathu kunguThebhaliya, eyesine kunguZakhariya. Wonke amadodana labafowabo bakaHosa babengu-13.
12 Emaqenjini la abalindi, abakhokheli babelemisebenzi okwakumele bayenze njengabo bonke abafowabo. Babesenza inkonzo endlini kaJehova. 13 Yikho benza inkatho+ kungelani lokuthi izimuli zabo zazinkulu loba zizincane, ukuze babone ukuthi ngobani ababezalinda kuliphi igedi. 14 Inkatho yecele elisempumalanga yadla uShelemiya. UZakhariya indodana yakhe eyayingumeluleki ohlakaniphileyo bayenzela inkatho, yaba ngeyecele elisenyakatho. 15 Inkatho yecele eliseningizimu yadla u-Obhedi-edomi futhi amadodana akhe+ aphiwa umsebenzi wokulinda iziphala. 16 Inkatho yecele elisentshonalanga yadla uShuphimi loHosa.+ Babezakuba seduze legedi leShalekhethi eceleni komgwaqo oqansayo. Iqembu ngalinye lalilinda liseceleni kwelinye. 17 Empumalanga kwakulinda amaLevi ayisithupha, enyakatho kulinda amane usuku ngalunye. Eningizimu kwakulinda amane usuku ngalunye futhi eziphaleni+ ayelinda ngababili ngababili. 18 Evurandini elisentshonalanga kwakulinda amaLevi amane emgwaqweni omkhulu,+ besekulinda lamanye amabili evurandini. 19 La yiwo amaqembu abalindi ayengawosendo lukaKhora lolukaMerari.
20 KumaLevi u-Ahija nguye owayekhangela izindlu zokugcinela inotho yendlu kaNkulunkulu weqiniso lezinto eziligugu ezazenziwe zaba ngcwele.*+ 21 Emadodaneni kaLadani owayeyisizukulwane sikaGeshoni, kwakuloJehiyeli+ owayengomunye wabakhokheli bezimuli zezizukulwane zikaLadani 22 kanye lamadodana kaJehiyeli, uZethami lomfowabo uJoweli. Yibo ababekhangela izindlu zenotho yendlu kaJehova.+ 23 Kwabosendo luka-Amramu, lo-Izihari, loHebroni, lo-Uziyeli,+ 24 uShebhuweli indodana kaGeshomu indodana kaMosi nguye owayengumkhokheli futhi ekhangela iziphala. 25 Abafowabo ababeyizizukulwane zika-Eliyezeri+ kwakunguRehabhiya,+ loJeshaya, loJoramu, loZikhiri, loShelomothi. 26 UShelomothi labafowabo yibo ababekhangela zonke izinto eziligugu ezazenziwe zaba ngcwele.+ INkosi uDavida+ labakhokheli bezimuli zaboyise,+ lezinduna zezinkulungwane, lezikhulu kanye lezinduna zamabutho yibo ababenze izinto lezo zaba ngcwele. 27 Empahleni+ ababezithumbe ezimpini+ bathatha ezinye bazenza zaba ngcwele ukuze zisetshenziswe ekulungiseni indlu kaJehova. 28 Bathatha lakho konke uSamuyeli umboni*+ ayekwenze kwaba ngcwele, lalokho uSawuli indodana kaKhishi, lo-Abhineri+ indodana kaNeri, loJowabi+ indodana kaZeruya+ ababekwenze kwaba ngcwele. UShelomithi labafowabo yibo abaphiwa umsebenzi wokukhangela konke okwakwenziwe kwaba ngcwele.
29 Kwabosendo luka-Izihari,+ uKhenaniya lamadodana akhe abaphiwanga imisebenzi endlini kaNkulunkulu. Kodwa babekwa ukuthi babe yiziphathamandla labahluleli+ ko-Israyeli.
30 Kwabosendo lukaHebroni,+ uHashabhiya labafowabo, amadoda angu-1 700 ayezingcitshi, babekwa ukuthi babe ngabaphathi ko-Israyeli esabelweni esasisentshonalanga kukaJodani ukuze benze wonke umsebenzi kaJehova lowenkosi. 31 Kwabosendo lukaHebroni, uJerija+ nguye owayengumkhokheli wabendlu kayise. Ngomnyaka wesi-40 wokubusa kukaDavida+ kwadingwa amadoda alamandla futhi azingcitshi phakathi kwamaHebroni, atholakala eJazeri+ eGiliyadi. 32 Abafowabo bakaJerija babengu-2 700 futhi babezingcitshi njalo bengabakhokheli bezimuli zaboyise. Ngakho uDavida wababeka ukuthi bakhokhele abakoRubheni, labakoGadi, labengxenye yesizwana sakoManase kuzo zonke indaba eziphathelane loNkulunkulu weqiniso kanye lenkosi.
27 Emaqenjini ako-Israyeli ayesebuthweni lenkosi+ kwakulabakhokheli bezimuli, lezinduna zezinkulungwane lezamakhulu+ kanye labaphathi bamaqembu lawo. Amaqembu la ayetshintshana ukusebenza inyanga ngayinye umnyaka uze uyephela, njalo iqembu ngalinye lalilamadoda angu-24 000.
2 Owayengumkhokheli weqembu lokuqala elaliphiwe inyanga yokuqala nguJashobheyamu+ indodana kaZabhidiyeli. Iqembu lakhe lalilamadoda angu-24 000. 3 Ezizukulwaneni zikaPherezi+ nguye owayekhokhela zonke izinduna zamaqembu ezaziphiwe inyanga yokuqala. 4 Owayengumkhokheli weqembu elaliphiwe inyanga yesibili kwakunguDodayi+ um-Ahohi.+ Umsekeli wakhe kwakunguMikhilothi njalo iqembu lakhe lalilamadoda angu-24 000. 5 Induna yeqembu lesithathu elaliphiwe inyanga yesithathu kwakunguBhenaya+ indodana kaJehoyada+ umphristi okhokhelayo. Iqembu lakhe lalilamadoda angu-24 000. 6 UBhenaya wayengomunye wamaqhawe angu-30 alamandla futhi wayengumkhokheli wawo. Iqembu lakhe lalikhangelwa yindodana yakhe u-Amizabhadi. 7 Induna yesine eyayiphiwe inyanga yesine kwakungu-Asaheli+ umfowabo kaJowabi.+ Indodana yakhe uZebhadiya yiyo eyasala ithatha isikhundla sakhe njalo iqembu lakhe lalilamadoda angu-24 000. 8 Induna yesihlanu eyayiphiwe inyanga yesihlanu kwakunguShamihuthi um-Izirahiya futhi iqembu lakhe lalilamadoda angu-24 000. 9 Induna yesithupha eyayiphiwe inyanga yesithupha kwakungu-Ira+ indodana ka-Ikheshi waseThekhowa,+ futhi iqembu lakhe lalilamadoda angu-24 000. 10 Induna yesikhombisa eyayiphiwe inyanga yesikhombisa kwakunguHelezi+ umPheloni wako-Efrayimi, futhi iqembu lakhe lalilamadoda angu-24 000. 11 Induna yesi-8 eyayiphiwe inyanga yesi-8 kwakunguSibhekhayi+ umHusha owosendo lukaZera,+ futhi iqembu lakhe lalilamadoda angu-24 000. 12 Induna yesi-9 eyayiphiwe inyanga yesi-9 kwakungu-Abhiyezeri+ um-Anathothi+ owosendo lukaBhenjamini, futhi iqembu lakhe lalilamadoda angu-24 000. 13 Induna yesi-10 eyayiphiwe inyanga yesi-10 kwakunguMaharayi+ weNethofa owosendo lukaZera,+ futhi iqembu lakhe lalilamadoda angu-24 000. 14 Induna yesi-11 eyayiphiwe inyanga yesi-11 kwakunguBhenaya+ umPhirathoni owosendo luka-Efrayimi, futhi iqembu lakhe lalilamadoda angu-24 000. 15 Induna yesi-12 eyayiphiwe inyanga yesi-12 kwakunguHelidayi umNethofa owosendo luka-Othiniyeli, futhi iqembu lakhe lalilamadoda angu-24 000.
16 Nampa abakhokheli bezizwana zako-Israyeli: Umkhokheli wesizwana sakoRubheni kwakungu-Eliyezeri indodana kaZikhiri. KoSimiyoni kwakunguShefathiya indodana kaMahakha. 17 KwabakoLevi kwakunguHashabhiya indodana kaKhemuweli, kwabako-Aroni kunguZadokhi. 18 KoJuda kwakungu-Elihu+ omunye wabafowabo bakaDavida, ko-Isakhari kungu-Omri indodana kaMikhayeli. 19 KoZebhuloni kwakungu-Ishmaya indodana ka-Obhadiya, koNafithali kunguJerimothi indodana ka-Aziriyeli. 20 Kwabako-Efrayimi kwakunguHosheya indodana ka-Azaziya, engxenyeni yesizwana sakoManase kunguJoweli indodana kaPhedaya. 21 Engxenyeni yesizwana sakoManase eyayiseGiliyadi kwakungu-Ido indodana kaZakhariya, kwabakoBhenjamini kunguJahasiyeli indodana ka-Abhineri.+ 22 KoDani kwakungu-Azareli indodana kaJerohamu. Laba yibo ababengabakhokheli bezizwana zako-Israyeli.
23 UDavida kazange ababale ababeleminyaka engu-20 kusiya phansi ngenxa yokuthi uJehova wayethembise ukuthi uzakwenza ama-Israyeli abe manengi njengezinkanyezi ezisemkhathini.+ 24 UJowabi indodana kaZeruya wayeseqalisile ukubala abantu kodwa kazange aqede. Ulaka lukaNkulunkulu lwehlela phezu kwabako-Israyeli,+ yikho inani lelo lingabhalwanga embalini yalokho okwenzakala ngesikhathi seNkosi uDavida.
25 Owayekhangela inotho yenkosi+ kwakungu-Azimavethi indodana ka-Adiyeli. UJonathani indodana ka-Uziya wayekhangela iziphala ezazisemasimini, lemadolobheni, lemaphandleni, lasemiphotshongweni. 26 U-Eziri indodana kaKhelubi nguye owayekhangela izisebenzi ezazilima emasimini. 27 UShimeyi waseRama wayekhangela amasimu amagilebisi. UZabhidayi umShifimi wayekhangela indawo okwakugcinelwa kuyo iwayini. 28 UBhali-hanani umGederi wayekhangela amasimu ama-oliva lezihlahla zamasikhamori+ eShefela.+ UJowashi yena wayekhangela amafutha. 29 UShithirayi umSharoni wayekhangela imihlambi yenkomo eyayiseSharoni.+ UShafathi indodana ka-Adilayi wayekhangela imihlambi yenkomo eyayisezigodini. 30 U-Obhili um-Ishmayeli wayekhangela amakamela. UJehideya umMeronothi yena wayekhangela obabhemi. 31 UJazizi umHagari wayekhangela imihlambi yezimvu leyembuzi. Bonke laba babezinduna ezazikhangela impahla yeNkosi uDavida.
32 UJonathani+ indodana yomfowabo kaDavida wayengumeluleki futhi engunobhala. Wayeyindoda eqedisisayo. UJehiyela indodana kaHakhimoni wayekhangela amadodana enkosi.+ 33 U-Ahithofeli+ wayengumeluleki wenkosi, uHushayi+ um-Arikhi yena wayengumngane wenkosi. 34 UJehoyada indodana kaBhenaya,+ lo-Abhiyatha+ yibo abathatha isikhundla sika-Ahithofeli. UJowabi+ wayeyinduna yebutho lenkosi.
28 UDavida wabuthanisa zonke izikhulu zako-Israyeli eJerusalema. Kwakulabakhokheli bezizwana lezinduna zamaqembu+ ayesebenzela inkosi, lezinduna zezinkulungwane, lezinduna zamakhulu+ kanye lezinduna ezazikhangela yonke impahla lemfuyo yenkosi+ leyamadodana ayo.+ Wabiza leziphathamandla zesigodlweni lawo wonke amadoda alamandla futhi azingcitshi.+ 2 INkosi uDavida yasukuma yathi:
“Zwanini bafowethu lani bantu bami. Ngangifisa kakhulu* ukwakha indlu okuzahlala kuyo ibhokisi lesivumelwano sikaJehova, njalo ezakuba yisenabelo* sikaNkulunkulu wethu+ futhi sengiwenzile amalungiselelo okwakha.+ 3 Kodwa uNkulunkulu weqiniso wathi kimi, ‘Awusoze wakhe indlu ezakwenza ibizo lami lidunyiswe+ ngoba ungumuntu wezimpi futhi ubulele abantu abanengi kakhulu.’*+ 4 Lanxa kunjalo uJehova uNkulunkulu ka-Israyeli wakhetha mina phakathi kwabo bonke abemuli kababa, wangibeka ukuthi ngibe yinkosi phezu kwabako-Israyeli kuze kube nini lanini.+ Wakhetha uJuda ukuthi abe ngumkhokheli+ futhi kwabendlu kaJuda wakhetha imuli kababa,+ kwathi emadodaneni kababa wakhetha mina wangenza ngaba yinkosi phezu kwabo bonke abako-Israyeli.+ 5 Phakathi kwawo wonke amadodana ami, njengoba uJehova enginike amadodana amanengi,+ ukhethe indodana yami uSolomoni+ ukuthi ihlale esihlalweni sobukhosi sikaJehova ibuse phezu kwabo bonke abako-Israyeli.+
6 “Wathi kimi, ‘Indodana yakho uSolomoni yiyo ezakwakha indlu yami lamaguma ami ngoba ngiyikhethile ukuthi ibe yindodana yami, futhi mina ngizakuba nguyise.+ 7 Ubukhosi bayo ngizabuqinisa kuze kube nini lanini+ nxa ingazimisela ukulalela imilayo yami lezahlulelo zami,+ njengoba isenza khathesi.’ 8 Ngakho ngikhuluma phambi kwabo bonke abako-Israyeli, ibandla likaJehova, laphambi kukaNkulunkulu wethu, ngithi: Dingani yonke imilayo kaJehova uNkulunkulu wethu, liyigcine ngonanzelelo ukuze ilizwe elihle libe ngelenu+ futhi lilitshiyele amadodana enu, libe lilifa lawo kuze kube phakade.
9 “Solomoni ndodana yami, mazi uNkulunkulu kayihlo njalo umkhonze ngenhliziyo yonke*+ uthokoza,* ngoba uJehova uyazihlola zonke inhliziyo+ azwisise imicabango lenhloso zomuntu.+ Nxa ungamdinga uzamthola,*+ kodwa nxa ungamtshiya uzakulahla kokuphela.+ 10 Khathesi khangela, uJehova ukhethe wena ukuthi wakhe indlu ezakuba yindawo engcwele. Woba lesibindi wenze umsebenzi.”
11 UDavida wanika indodana yakhe uSolomoni iplani+ yevurandi,+ leyezinye izindlu zethempelini okugoqela izindlu okwakuzagcinelwa kuzo impahla, lezindlu ezisephahleni, lezindlu ezingaphakathi, lendlu yokuhlawulela.*+ 12 Wamnika leplani yakho konke ayekutshengisiwe ngomoya ongcwele. Iplani leyo yayingeyamaguma+ endlu kaJehova lazo zonke izindlu zokudlela ezaziwagombolozele, lezindlu zokugcinela inotho yendlu kaNkulunkulu weqiniso kanye lezinto eziligugu ezazenziwe zaba ngcwele.*+ 13 Wamtshela langamaqembu abaphristi+ lamaLevi langayo yonke imisebenzi okwakumele yenziwe endlini kaJehova. Waphinda wamtshela langazo zonke izitsha ezazizasetshenziswa endlini kaJehova, 14 langesisindo segolide okwakumele lisetshenziswe ukwenza izitsha zemisebenzi etshiyeneyo, langesisindo sazo zonke izitsha zesiliva lazo zonke izitsha ezazizasetshenziswa emisebenzini etshiyeneyo. 15 Waphinda wamtshela lesisindo segolide okwakumele lisetshenziswe ukwenza izinti zezibane+ lezibane zazo, lesisindo sezinti zezibane ezehlukeneyo lezibane zazo kanye lesisindo sezinti zezibane zesiliva, esoluthi lwesibane ngasinye lesibane salo kusiya ngokuthi sizasetshenziswa ngaphi. 16 Wamnika lesisindo segolide lokwenza itafula ngayinye yesinkwa sokubukiswa,+ wamnika lesisindo sesiliva sokwenza amatafula esiliva, 17 lesisindo segolide elicengekileyo lokwenza amafologwe lemiganu lamajagi. Wamtshela lesisindo semiganu yegolide emincane,+ esomganu ngamunye, kanye lesisindo semiganu emincane yesiliva, esomganu ngamunye. 18 Waphinda wamnika lesisindo segolide elicengekileyo elokwenza i-alithare lokutshisela impepha+ kanye lesisindo samakherubhi+ egolide amela inqola kaNkulunkulu.+ Amakherubhi la avule amaphiko awo agubuzela ibhokisi lesivumelwano sikaJehova. 19 UDavida wathi: “Isandla sikaJehova sasiphezu kwami njalo wangipha ukuhlakanipha ukuze ngibhale+ konke okuphathelane leplani yethempeli.”+
20 UDavida wasesithi endodaneni yakhe uSolomoni: “Qina ube lesibindi wenze umsebenzi. Ungesabi futhi ungatshaywa luvalo ngoba uJehova uNkulunkulu, uNkulunkulu wami, ulawe.+ Kasoze akutshiye futhi kasoze akulahle+ kodwa uzaqhubeka elawe uze uphele wonke umsebenzi okumele wenziwe endlini kaJehova. 21 Nanka amaqembu abaphristi+ lawamaLevi+ azakwenza yonke imisebenzi endlini kaNkulunkulu weqiniso. Nanzi lezisebenzi ezizimiseleyo futhi ezilolwazi ezizakwenza yonke imisebenzi,+ kanye labakhokheli+ labantu bonke abazakwenza konke obatshela khona.”
29 INkosi uDavida yathi kubo bonke abantu: “USolomoni indodana yami ekhethwe nguNkulunkulu+ usesengumfana futhi kalalwazi+ kodwa umsebenzi mkhulu, ngoba leli lithempeli likaJehova* uNkulunkulu,+ ayisilo lomuntu. 2 Sengenze konke okusemandleni ami ngilungiselela indlu kaNkulunkulu wami. Ngiqoqe igolide elizasetshenziswa ukwenza izinto zegolide, lesiliva esizasetshenziswa ukwenza izinto zesiliva, lekhopha ezasetshenziswa ukwenza izinto zekhopha, lensimbi ezasetshenziswa ukwenza izinto zensimbi,+ lamapulanka+ okwenza izinto zamapulanka, lamatshe e-onekisi, lamatshe aligugu azananyathiselwa ngodaka, lamatshe amancane okucecisa amibalabala, layo yonke imihlobo yamatshe aligugu kanye lamatshe e-alabhasta amanengi. 3 Ngenxa yokuthi ngiyayithanda indlu kaNkulunkulu wami,+ nginikela ngempahla yami eligugu+ eyegolide lesiliva, ukuthi isetshenziswe endlini kaNkulunkulu wami ngingezelela phezu kwalokho ebesengikulungiselele indlu engcwele. 4 Nginikela langamathalenta* egolide lase-Ofiri+ angu-3 000 lamathalenta esiliva esicengekileyo angu-7 000 ukuthi asetshenziswe ukugudula izindlu zethempeli. 5 Igolide lizasetshenziswa ukwenza izinto zegolide, isiliva sona sisetshenziswe ukwenza izinto zesiliva kanye lakho konke okumele kwenziwe zingcitshi zomsebenzi. Ngubani phakathi kwenu ozinikelayo lamuhla ukuthi aphe uJehova isipho?”+
6 Abakhokheli bezindlu zaboyise, labakhokheli bezizwana zako-Israyeli, lezinduna zezinkulungwane, lezamakhulu,+ lezinduna ezazikhangela imisebenzi yenkosi,+ beza ngokuthanda kwabo. 7 Banikela emsebenzini wokwakhiwa kwendlu kaNkulunkulu weqiniso ngamathalenta egolide angu-5 000, lamadarikhi* angu-10 000, lamathalenta esiliva angu-10 000, lamathalenta ekhopha angu-18 000 langamathalenta ensimbi angu-100 000. 8 Loba ngubani owayelamatshe aligugu wawaletha ukuze afakwe enothweni yendlu kaJehova eyayikhangelwa nguJehiyela+ umGeshoni.+ 9 Kwabathokozisa abantu ukuletha iminikelo yokuzithandela ngoba babenikela kuJehova ngenhliziyo yonke.+ INkosi uDavida layo yathokoza kakhulu.
10 Ngemva kwalokho uDavida wadumisa uJehova phambi kwabantu bonke wathi: “Kwangathi ungadunyiswa kuze kube nini lanini* Jehova Nkulunkulu kababa wethu u-Israyeli. 11 Awu Jehova, ngobakho ubukhulu+ lamandla+ lobuhle lenkazimulo kanye lobukhosi*+ ngoba konke okusemazulwini lokusemhlabeni ngokwakho.+ Ngowakho umbuso awu Jehova.+ Wena uphakeme waba phezu kwakho konke. 12 Inotho lenkazimulo kuvela kuwe+ futhi wena ubusa phezu kwakho konke.+ Isandla sakho silamandla amakhulu+ njalo siyenelisa ukwenza ukuthi abantu bonke babe bakhulu+ futhi babe lamandla.+ 13 Khathesi-ke awu Nkulunkulu wethu, siyakubonga futhi siyalidumisa ibizo lakho elihle.
14 “Kodwa mina ngiyini futhi labantu bami bayini ukuthi sesingaze senze iminikelo yonke le ngokuzithandela? Phela konke kuvela kuwe, sikuphe lokho okuvela esandleni sakho. 15 Phambi kwakho singabantu bezizweni futhi siyizihambi njengoba nje babenjalo bonke okhokho bethu,+ ngoba insuku zethu emhlabeni zinjengesithunzi,+ ziphanga zedlule. 16 Awu Jehova Nkulunkulu wethu, yonke inotho le esiyibutheleleyo ukuze sakhe indlu ezadumisa ibizo lakho elingcwele ivela esandleni sakho, yonke ngeyakho. 17 Ngikwazi kuhle Nkulunkulu wami ukuthi wena uhlola inhliziyo+ njalo uthokoziswa ngumuntu oqotho.*+ Nginikele konke lokhu ngenhliziyo eqotho njalo kuyangithokozisa ukubona abantu bakho abalapha benikela kuwe ngokuzithandela. 18 Awu Jehova Nkulunkulu wabokhokho bethu u-Abrahama lo-Isaka lo-Israyeli, yenza abantu bakho bahlale belemicabango lenhloso lezi enhliziyweni zabo kuze kube nini lanini futhi uqondise izinhliziyo zabo kuwe.+ 19 Nika indodana yami uSolomoni inhliziyo epheleleyo*+ ukuze ilalele imilayo yakho+ lezikhumbuzo zakho kanye lemithetho yakho, ikulandele konke lokhu, yakhe ithempeli leli* engenze amalungiselelo okuthi lakhiwe.”+
20 UDavida wasesithi kubo bonke abantu: “Khathesi dumisani uJehova uNkulunkulu wenu.” Ngakho bonke abantu bamdumisa uJehova uNkulunkulu wabokhokho babo, bathi mbo phansi ngobuso phambi kukaJehova laphambi kwenkosi. 21 Ngelanga elilandelayo baqhubeka benikela imihlatshelo kuJehova njalo besenza iminikelo yokutshiswa+ phambi kukaJehova. Banikela ngamajongosi angu-1 000, langenqama ezingu-1 000, langemvana ezinduna ezingu-1 000, benza leminikelo yokunathwayo.+ Banikela imihlatshelo eminengi kakhulu, besenzela bonke abako-Israyeli.+ 22 Baqhubeka besidla futhi benatha phambi kukaJehova ngalelolanga, bethokoza kakhulu.+ Bambeka okwesibili uSolomoni indodana kaDavida ukuthi abe yinkosi futhi bamgcoba phambi kukaJehova ukuthi abe ngumkhokheli.+ Bagcoba loZadokhi ukuthi abe ngumphristi.+ 23 Ngakho uSolomoni wahlala esihlalweni sobukhosi sikaJehova,+ waba yinkosi esikhundleni sikayise uDavida. Waphumelela njalo bonke abako-Israyeli babemlalela. 24 Bonke abakhokheli+ lamaqhawe alamandla+ lawo wonke amadodana eNkosi uDavida+ bazehlisa enkosini uSolomoni. 25 UJehova wenza uSolomoni waba mkhulu kakhulu phambi kwabo bonke abantu bako-Israyeli njalo wamnika ubukhosi lesithunzi okwakusedlula okwamakhosi wonke ako-Israyeli ayebuse ngaphambi kwakhe.+
26 UDavida indodana kaJese wabusa phezu kwabo bonke abako-Israyeli. 27 Wabusa iminyaka engu-40 ko-Israyeli. EHebroni wabusa iminyaka eyisikhombisa,+ eJerusalema wabusa iminyaka engu-33.+ 28 Wafa eseluphele+ futhi esuthisekile ngempilo, elenotho kanye lodumo. Indodana yakhe uSolomoni yaba yinkosi esikhundleni sakhe.+ 29 Imbali yeNkosi uDavida kusukela ekuqaleni kuze kuyefika ekucineni ibhaliwe emibhalweni kaSamuyeli umboni* lekaNathani+ umphrofethi lekaGadi+ umboni. 30 Kwabhalwa mayelana lobukhosi bakhe, lamandla akhe, lezinto ezenzakala ngesikhathi sakhe eziphathelane laye labako-Israyeli layo yonke imibuso eyayibagombolozele.
NgesiHebheru, “ukuba ngolamandla.”
Laba abalandelayo ngamadodana ka-Aramu. Khangela uGen 10:23.
Ibizo leli litsho ukuthi, “Ukwehlukana.”
Kumbe, “abantu ababesemhlabeni behlukaniswa.”
Lezi kwakuzinduna zezizwana.
Ibizo leli litsho ukuthi, “Oletha uhlupho.” Ubizwa langokuthi ngu-Akhani kuJos 7:1.
Ubizwa langokuthi nguKhalebhi kuvesi 18, 19 lo-42.
Ubizwa langokuthi nguKhelubhayi kuvesi 9.
Ubizwa langokuthi nguKhelubhayi kuvesi 9.
Ibizo leli livela ebaleni lesiHebheru elitsho “ubuhlungu.”
Ibizo leli litsho ukuthi, “Isigodi sezingcitshi zomsebenzi.”
Lapha kungabe kutshiwo uBhithiya okukhulunywa ngaye kuvesi 18.
Lapha kutshiwo uJerobhowami wesibili.
Kumbe, “bafeba labonkulunkulu.”
Ubizwa langokuthi nguGeshoni kuvesi 1.
Lapha kutshiwo omunye umLevi.
Ezinye inguqulo zithi, “idolobho lokuphephela,” njengoba kutshiwo kuJos 21:13.
Ezinye inguqulo zithi, “idolobho lokuphephela,” njengoba kutshiwo kuJos 21:21.
Ibizo leli litsho ukuthi, “Ngobunzima.”
Kumbe, “kaJehoshuwa.” Ibizo leli litsho ukuthi, “UJehova uyasindisa.”
Ubizwa langokuthi nguShomeri kuvesi 32.
Kungenzakala nguye uHothamu okuvesi 32.
Ezinye inguqulo zithi, “ngemva kokuxotsha amakhosikazi akhe uHushimi loBhahara.”
Wayebizwa langokuthi ngu-Ishi-bhoshethi.
Wayebizwa langokuthi nguMefibhoshethi.
Kumbe, “lamaNethinimi.” NgesiHebheru, “abayizipho.”
Kumbe, “ethempelini likaNkulunkulu.”
Kumbe, “inkamba kaJehova.”
Khangela iNgcazelo Yamabala.
Kumbe, “ethempelini likankulunkulu.”
NgesiHebheru, “silithambo lakho lenyama yakho.”
Kumbe, “eMilo.” Ibala lesiHebheru elisetshenziswe lapha litsho ukuthi, “gcwalisa.”
NgesiHebheru, “wayeyindodana yeqhawe.”
Wayengaba ngamamitha angu-2,23 ubude. Khangela iSengezo ku-B14.
Khangela iNgcazelo Yamabala.
Imbongolo yinyamazana ezalwa libhiza lobabhemi.
Kumbe, “eShihori yeGibhithe.”
Kumbe, “egedini leHamathi.”
Ezinye inguqulo zithi, “phakathi.”
Ihabhu lichacho elilentambo ezifanana lezekatali.
Isimbali lichacho elichayileyo elenziwe ngensimbi. Likhaliswa ngokulitshayanisa lelinye.
Khangela iNgcazelo Yamabala.
Kumbe, “wacaphuka.”
Ibizo leli litsho ukuthi, “Ukujeziswa kuka-Uza.”
NgesiHebheru, “edolobheni likaDavida.”
Kumbe, “labakhi bemiduli.”
Kumbe, “isigodlo.”
Ibizo leli litsho ukuthi, “Ingcitshi yokudiliza.”
NgesiHebheru, “Zingcweliseni.”
NgesiHebheru, “bazingcwelisa.”
Ihabhu lichacho elilentambo ezifanana lezekatali.
Isimbali lichacho elichayileyo elenziwe ngensimbi. Likhaliswa ngokulitshayanisa lelinye.
Khangela iNgcazelo Yamabala.
Khangela iNgcazelo Yamabala.
Khangela iNgcazelo Yamabala leSengezo ku-B5.
NgesiHebheru, “akhumbule.”
Ihabhu lichacho elilentambo ezifanana lezekatali.
Isimbali lichacho elichayileyo elenziwe ngensimbi. Likhaliswa ngokulitshayanisa lelinye.
Ezinye inguqulo zithi, “Khulumani.”
Kumbe, “Ilizwi alikhuluma.”
Kumbe, “Khonzani uJehova.”
Ezinye inguqulo zithi, “ngoba ubungcwele bakhe buyakhazimula.”
Kumbe, “ngeke wanyikinywa.”
Kumbe, “usebuyile.”
Kumbe, “Kusukela phakade kuze kube phakade.”
Kumbe, “Akube njalo!”
Kumbe, “leziginci zezingoma zikaNkulunkulu.”
Kumbe, “esigodlweni sakhe.”
Lapha kungabe kutshiwo ukuthi wayesuka kwenye indawo esiya kwenye.
Kumbe, “uzakwenza usendo lwakho lube ngolwamakhosi.”
NgesiHebheru, “usuye kubokhokho bakho.”
Kumbe, “inzalo yakho.”
Kumbe, “ngingumuntu olesikhundla esiphezulu.”
Kumbe, “lentando.”
Kumbe, “uhlose ukwenza usendo lwayo lube ngolwamakhosi.”
Ithalenta lalingamakhilogremu angu-34,2. Khangela iSengezo ku-B14.
NgesiHebheru, “e-Aramu-naharayimi.”
Lapha kutshiwo umfula uYufrathe.
Lapha kutshiwo isikhathi sentwasa. Intwasa yako-Israyeli iqalisa ngoMarch loba ngo-April.
Ithalenta lalingamakhilogremu angu-34,2. Khangela iSengezo ku-B14.
Ezinye inguqulo zithi, “Umphikisi.”
Kumbe, “wazisola.”
Khangela iNgcazelo Yamabala.
NgesiHebheru, “Nginika.”
Ishekheli yayilingana lamagremu angu-11,4. Khangela iSengezo ku-B14.
NgesiHebheru, “Kwakuyisifiso senhliziyo yami.”
NgesiHebheru, “wokuphumula.”
Ibizo leli livela ebaleni lesiHebheru elitsho “Ukuthula.”
Ithalenta lalingamakhilogremu angu-34,2. Khangela iSengezo ku-B14.
Khangela iNgcazelo Yamabala.
NgesiHebheru, “esemdala futhi esanele ngensuku.”
NgesiHebheru, “Emadodaneni ka-Eliyezeri.”
Kumbe, “zamadili.”
Ihabhu lichacho elilentambo ezifanana lezekatali.
Isimbali lichacho elichayileyo elenziwe ngensimbi. Likhaliswa ngokulitshayanisa lelinye.
Kumbe, “ezazinikelwe kuNkulunkulu.”
Khangela iNgcazelo Yamabala.
NgesiHebheru, “Kwakuyisifiso senhliziyo yami.”
Isenabelo kulapho umuntu abeka khona inyawo zakhe nxa ehlezi esitulweni.
NgesiHebheru, “futhi uchithe igazi.”
Kumbe, “ngenhliziyo ezinikele ngokupheleleyo.”
Kumbe, “langokuzimisela.”
Kumbe, “uzakwenza ukuthi umthole.”
Kumbe, “okwakuzagcinelwa kuyo isivalo sebhokisi lesivumelwano.”
Kumbe, “ezazinikelwe kuNkulunkulu.”
Kumbe, “lesi yisigodlo sikaJehova.”
Ithalenta lalingamakhilogremu angu 34,2. Khangela iSengezo ku-B14.
Idarikhi kwakuyimali yePhesiya eyenziwe ngegolide. Khangela iSengezo ku-B14.
Kumbe, “kusukela phakade kuze kube phakade.”
Kumbe, “njalo ulesithunzi.”
Kumbe, “olungileyo.”
Kumbe, “ezinikele ngokupheleleyo.”
Kumbe, “isigodlo lesi.”
Khangela iNgcazelo Yamabala.