UJOBE
1 Kwakulendoda okwakuthiwa nguJobe*+ eyayihlala elizweni lase-Uzi. Indoda le yayiqotho njalo ihlala isenza okulungileyo,+ imesaba uNkulunkulu futhi ixwaya okubi.+ 2 Yayilamadodana ayisikhombisa lamadodakazi amathathu. 3 Yayilezimvu ezingu-7 000, lamakamela angu-3 000, lenkomo ezingu-1 000,* labobabhemi* abangu-500 njalo yayilezisebenzi ezinengi kakhulu. Indoda le yayingumhlonitshwa futhi yayinothe ukwedlula bonke abantu beMpumalanga.
4 Wonke amadodana kaJobe ayesiba lamadili ezindlini zawo, lowo lalowo ngelanga alikhethileyo. Ayenxusa odadewabo abathathu babuye bazokudla njalo banathe labo. 5 Ngemva kwamadili lawo, uJobe wayewabiza ukuze awahlambulule. Wayevuka ekuseni kakhulu enzele ngamunye wawo umhlatshelo wokutshiswa+ esithi: “Mhlawumbe amadodana ami enze isono athethisa uNkulunkulu ezinhliziyweni zawo.” Lokhu yikho okwakusenziwa nguJobe zikhathi zonke.+
6 Lafika ilanga lokuthi amadodana kaNkulunkulu weqiniso*+ ame phambi kukaJehova,+ uSathane+ laye wangena wama lawo.+
7 UJehova wasesithi kuSathane: “Uvela ngaphi?” USathane waphendula uJehova wathi: “Bengizibhodela nje emhlabeni ngihambahamba kuwo.”+ 8 UJehova wasesithi kuSathane: “Uke wayibona yini inceku* yami uJobe? Kakho onjengaye emhlabeni. Ungumuntu oqotho ohlala esenza okulungileyo,+ omesabayo uNkulunkulu futhi oxwaya okubi.” 9 USathane waphendula uJehova wathi: “Aluba uJobe katholi lutho ubezamesaba yini uNkulunkulu?+ 10 Kawumbiyelanga yini+ yena lendlu yakhe lakho konke alakho? Uwubusisile umsebenzi wezandla zakhe,+ lezifuyo zakhe zigcwele ilizwe lonke. 11 Kodwa ake welule isandla sakho utshabalalise konke alakho, uzabona uzakuthethisa ekukhangele.” 12 UJehova wasesithi kuSathane: “Konke alakho kusesandleni sakho kodwa yena ungamthinti!” USathane wasesuka phambi kukaJehova.*+
13 Kwathi ngelinye ilanga amadodana lamadodakazi kaJobe esidla njalo enatha iwayini endlini yendodana yakhe elizibulo,+ 14 kwafika isisebenzi sikaJobe sathi kuye: “Inkomo bezilima, labobabhemi besidla eduze khonapho, 15 kwasekutheleka amaSabhini ahlasela izisebenzi zakho azibulala ngenkemba athatha zonke inkomo labobabhemi. Yimi ngedwa engiphunyukileyo ukuze ngizokubikela.”
16 Isisebenzi leso sathi sisakhuluma kwafika esinye sathi: “Kwehle umlilo kaNkulunkulu* uvela ezulwini waqothula izimvu lezisebenzi zakho! Yimi ngedwa engisilileyo ukuze ngizokubikela.”
17 Sithe sisakhuluma kwafika esinye sathi: “Kufike amaqembu amathathu amaKhaledi+ athumba amakamela abulala lezisebenzi zakho ngenkemba. Yimi ngedwa engiphunyukileyo ukuze ngizokubikela.”
18 Kwathi isisebenzi leso sisakhuluma kwafika esinye futhi, sathi: “Amadodana lamadodakazi akho abesidla njalo enatha iwayini endlini yendodana yakho elizibulo, 19 kwathi vungu isivunguzane sivela enkangala satshaya amakhona womane endlu, yadilikela phezu kwabantwabakho bafa. Yimi ngedwa engisilileyo ukuze ngizokubikela.”
20 UJobe wathi ekuzwa lokhu wasukuma wadabula isembatho sakhe, waphuca ikhanda wasezilahla phansi 21 wathi:
“Ngaphuma nginqunu esiswini sikamama,
Ngizabuyela nginjalo.+
UJehova uphile,+ uJehova usethethe.
Ibizo likaJehova kaliqhubeke lidunyiswa.”
22 Kukho konke lokhu uJobe konanga futhi kazange asole uNkulunkulu athi wenze okubi.
2 Lafika futhi ilanga lokuthi amadodana kaNkulunkulu weqiniso*+ ame phambi kukaJehova.+ Angena ama phambi kukaJehova, uSathane laye wafika wama lawo.+
2 UJehova wasesithi kuSathane: “Uvela ngaphi?” USathane waphendula uJehova wathi: “Bengizibhodela nje emhlabeni ngihambahamba kuwo.”+ 3 UJehova wasesithi kuSathane: “Uke wayibona yini inceku* yami uJobe? Kakho onjengaye emhlabeni. Ungumuntu oqotho ohlala esenza okulungileyo,+ omesabayo uNkulunkulu njalo oxwaya okubi. Ulokhu eqotho kimi+ lanxa ufuna* ngimtshabalalise+ kungelasizatho.” 4 Kodwa uSathane waphendula uJehova wathi: “Isikhumba ngesikhumba. Umuntu uzadela konke alakho ukuze avikele impilo yakhe.* 5 Kodwa ake welule isandla sakho utshaye ithambo lakhe lenyama yakhe, uzabona uzakuthethisa ekukhangele.”+
6 UJehova wasesithi kuSathane: “Usesandleni sakho! Kodwa ungambulali!” 7 Ngakho uSathane wasuka phambi kukaJehova* wasetshaya uJobe ngamathumba abuhlungu kakhulu,*+ kusukela enyaweni kuze kuyefika ekhanda. 8 UJobe wahlala esilotheni wasethatha ucezwana lwembiza yomdaka ukuze abe ezihwaya ngalo.+
9 Umkakhe wacina esithi kuye: “Lakhathesi ulokhu uqhubeka uqotho kuNkulunkulu? Mthuke uzifele!” 10 Kodwa yena wathi kuye: “Ukhuluma njengowesifazana ongelangqondo. Kanti ngokuhle kodwa okumele sikwamukele kuNkulunkulu? Akumelanga samukele lokubi yini?”+ Lanxa uJobe wehlelwa yibunzima bonke lobu, kazange one ngomlomo wakhe.+
11 Abangane bakaJobe abathathu bezwa ngabo bonke ubunzima obabumehlele. Yikho ngamunye wabo wasuka lapho ahlala khona bayahlangana ukuze bayemkhalela njalo bamduduze. Kwakungu-Elifazi+ umThemani loBhilidadi+ umShuhi+ loZofari+ umNamathi. 12 Bathi besithi mehlo suka babona nanguyana umuntu, kodwa abazange bananzelele ukuthi kwakunguJobe. Bathe sebeseduze sebembona kuhle bakhala kakhulu badabula izembatho zabo, baphosa inhlabathi emoyeni bezithela ngayo emakhanda.+ 13 Bahlala laye phansi emhlabathini okwamalanga ayisikhombisa lobusuku obuyisikhombisa, kodwa bonke abazange bakhulume laye ngoba babebona ukuthi uyafuthelwa.+
3 Ngemva kwalokho uJobe waqalisa ukukhuluma eqalekisa ilanga azalwa ngalo.*+ 2 Wathi:
3 “Kalitshabalale ilanga engazalwa ngalo,+
Butshabalale lobusuku lapho okwathiwa khona: ‘Kuzelwe umfana!’
4 Kaluguquke usuku lolo lube mnyama,
UNkulunkulu ophezulu angalukhumbuli,
Njalo kalungabi lokukhanya.
5 Kaluphinde lwembeswe yibumnyama obukhulu,*
Lugubuzelwe liyezi lezulu,
Ukukhanya kwalo akusibekelwe ngumnyama owesabekayo.
6 Ubusuku balo abube mnyama tshu,+
Kungabi lentokozo ngalelolanga,
Kalingabalwa phakathi kwezinyanga zomnyaka.
7 Ubusuku lobo abube yinyumba,
Kungazwakali umsindo wabathokozayo.
9 Izinkanyezi zobusuku lobo kazifiphale zibe mnyama,
Kabulindele ukukhanya kodwa kungasi,
Njalo bungakuboni ukuphuma kwelanga,
10 Ngoba abuzange busivale isibeletho sikamama,+
Kumbe bususe inhlupho phambi kwamehlo ami.
11 Kungani ngingafanga ngizalwa?
Kungani ngingafanga ngiphuma esibelethweni sikamama?+
12 Kungani umama wangemukela wangiphatha emathangazini akhe?
Kungani wangimunyisa emabeleni akhe?
13 Khathesi ngabe ngizilalele kungelalutho olungihluphayo;+
Ngabe ngisebuthongweni ngiziphumulela,+
14 Ngilababusi bomhlaba labeluleki babo,
Ababezakhele indawo zabo esezingamanxiwa.*
15 Mhlawumbe ngabe ngilamakhosana ayelegolide,*
Ayegcwalise isiliva ezindlini zawo.
16 Kungani isisu sikamama singachithekanga engakangibelethi,
Ngaba njengosane olungazange lukubone ukukhanya?
17 Phela lababi abesabi lutho nxa sebesethuneni,
Labadiniweyo bayaphumula engcwabeni.+
18 Nxa izibotshwa zilapho ziyajabula,
Ngoba kazisalizwa ilizwi lalowo ozisebenzisa nzima.
19 Ethuneni kakho omkhulu loba omncinyane,+
Lesigqili sikhululiwe enkosini yaso.
20 Kungani uNkulunkulu enika ohluphekayo ukukhanya?
Kungani ebanika ukuphila labo abasosizini?+
21 Kungani ukufa kungabafici lanxa bekufisa,+
Bekugebha ukwedlula amagugu afihliweyo?
22 Laba yibo abathokoza kakhulu,
Bajabule nxa ukufa sekubaficile.
23 Kungani uNkulunkulu emupha ukukhanya umuntu oselahlekile,
Lowo ambiyele ngothango?+
24 Sengisidla ngibubula,+
Ukububula kwami kuzwakala khatshana njengomsindo wokuhuba kwamanzi,+
25 Ngoba ebengikwesaba sekuze kwangifica,
Obekungethusa sekungehlele.
26 Kangihlalisekanga, kangiphumuli njalo angilakho ukuthula,
Kodwa inhlupho zilokhu zibuya zelekene.”
4 U-Elifazi+ umThemani waphendula wathi:
2 “Nxa umuntu angazama ukukhuluma lawe, uzadakeka yini?
Mina ngizakhuluma ngoba kuyala ukuthi ngifele ngaphakathi.
3 Wena ubaqondisile abanengi,
Waqinisa labangelamandla.
4 Amazwi akho ayevusa loba ngubani okhubekileyo,
Wawubaqinisa abalamadolo axegayo.
5 Kodwa khathesi sekukwehlele lawe, usuthwala imikhono ekhanda.
Sekuphezu kwakho, usuphela amandla.
6 Kungani ungahlaliseki wena umhlonipha uNkulunkulu?
Kungani ulahla ithemba wena uqotho?+
7 Khumbula ukuthi akulamuntu ongelacala owake watshabalala.
Njenganini lapho okwake kwabhujiswa khona umuntu oqotho?
8 Mina engikubonileyo yikuthi abalima okulimazayo*
Labahlanyela okubi bazavuna khona.
9 Nxa uNkulunkulu ephefumula bayatshabalala,
Nxa evutha ngolaka bayaphela bonke.
10 Isilwane siyabhonga, lesilwane esincane siyahwabha,
Kodwa ngitsho lamazinyo ezilwane lezo ezilamandla ayaqamuka.
11 Isilwane siyafa nxa singaswela ukudla,
Imidlwane yaso isabalale indawo yonke.
12 Kwafika ilizwi ezindlebeni zami,
Ngalinyenyezelwa kungelamuntu olizwayo.
13 Phakathi kobusuku abantu belele nya,
Ngabona imibono eyangikhathazayo,
14 Ngafikelwa yikwesaba okukhulu,
Wonke amathambo ami aqhaqhazela.
15 Kwathi tshazi umoya phambi kobuso bami,
Inwele zami zasukuma.
16 Wafika wama mpo,
Kodwa angizange nginanzelele ukuthi wawuyisimo bani.
Kwakungathi lithunzi eliphambi kwami;
Kwathula cwaka, ngasengisizwa ilizwi lisithi:
17 ‘Kambe umuntu angalunga ukwedlula uNkulunkulu?
Angahlanzeka kulalowo owamenzayo?’
18 Phela yena kazithembi izinceku zakhe,
Lezingilosi* zakhe uyazisola.
19 Pho labo abahlala ezindlini zomdaka ke?
Angabathemba yini abalesisekelo esisethulini,+
Abahlifizeka lula njengesibungu?
20 Bavuka beqine saka kodwa lithi lisiyatshona bengasekho.
Bayatshabalala kungabi lomuntu ozihlupha ngabo.
21 Bazifananela letende elihwatshwe intambo,
Bafa bengelakho ukuhlakanipha.
5 “Memeza ubone ukuthi kulomuntu ozasabela yini.
Ngubani phakathi kwabangcwele ozacela kuye uncedo?
2 Ulaka luyambulala oyisithutha,
Lomhawu uyambulala oyisiphukuphuku.
3 Ngimbonile umuntu oyisithutha ehluma,
Kodwa masinyane nje indawo ahlala kuyo ibisiqalekisiwe.
4 Amadodana akhe kawavikelekanga ngitsho,
Ayanyathenyathelwa egedini ledolobho+ aswele umuntu ongawalamulela.
5 Akuvunileyo kudliwa ngolambileyo,
Uze akukhiphe ngitsho laphakathi kwameva,
Amaqili ayayihawukela impahla yakhe leyamadodana akhe.
6 Izinto ezilimazayo kaziveli emhlabathini,
Lohlupho kalumili phansi.
7 Impilo yomuntu ivele ilenhlupho,
Njengoba lomlilo ulenhlansi eziqonga zisiya phezulu.
8 Aluba benginguwe bengizancenga uNkulunkulu,
Ngethule udaba lwami kuye,
9 Lowo owenza izinto ezinkulu esingeke sizizwisise,
Izinto ezimangalisayo esingeke sizibale siziqede.
10 Unisa izulu emhlabeni,
Athumele amanzi elizweni.
11 Uyamphakamisa umuntukazana,
Asindise ohlulukelweyo.
12 Uyawafadalalisa amacebo amaqili,
Ukuze imisebenzi yawo ingaphumeleli.
13 Wenza abahlakaniphileyo babanjwe yimijibila yabo,+
Ukuze amacebo abo angaphumeleli.
14 Lanxa ligwaze umhlaba bona basemnyameni,
Bahamba bephumputha emini angathi kusebusuku.
15 Usindisa abantu elimini lwabo oluhlaba njengenkemba,
Asindise abayanga esandleni sabalamandla,
16 Ukuze abantukazana babe lethemba,
Imilomo yabangalunganga ivalwe.
17 Uyathokoza umuntu okhuzwa nguNkulunkulu,
Ngakho ungayali nxa uSomandla ekulaya!
18 Ngoba uyalimaza aphinde abophe amanxeba,
Ephule amathambo aphinde awelaphe ngezandla zakhe.
19 Uzakukhulula ezinhluphekweni eziyisithupha,
Lohlupho lwesikhombisa kalusoze lukwenze lutho.
20 Ngesikhathi sendlala uzakukhulula ekufeni,
Ngesikhathi sempi akuvikele ungadliwa yinkemba.
21 Uzavikelwa emazwini abuhlungu njengomchilo,+
Njalo awusoze wesabe lanxa kusiza umonakalo.
22 Uzaluhleka uhlupho, uhleke lendlala.
Awusoze uzesabe izinyamazana zeganga.
23 Amatshe asemasimini kawasoze akulimaze,*
Lezinyamazana zeganga zizahlalisana lawe ngokuthula.
24 Uzahlala usazi ukuthi itende lakho livikelekile,*
Uzathi ukhangela amadlelo akho uthole konke kukhona.
25 Abantwabakho bazakuba banengi,
Lezizukulwane zakho zande angathi butshani beganga.
26 Uzangena engcwabeni usaqinile,
Njengezithungo zamabele avunwe ngesikhathi esiyiso.
27 Thina sikuhlolile lokhu sathola ukuthi kunjalo.
Wena nje lalela futhi ukwamukele.”
6 UJobe waphendula wathi:
2 “Aluba ubuhlungu bami+ bonke bebungalinganiswa,
Bufakwe esikalini sinye lohlupho lwami!
4 Imitshoko kaSomandla ingigwazile,
Ubuhlungu bayo bugijima kuwo wonke umzimba wami,+
Inhlupho ezivela kuNkulunkulu zingihanqile.
6 Ukudla kungadleka yini kungelasawudo?
Amanzi esihlahlakazana esiduma angaba mnandi yini?
7 Ngalile ukuthinta ukudla okunjalo,
Ukudla lokho kungcolile kimi.
8 Aluba isicelo sami besingemukelwa,
UNkulunkulu akwenze engikufisayo!
9 Aluba uNkulunkulu ubengangichoboza!
Aluba ubengelula isandla sakhe angibulale!+
10 Lokho bekungangiduduza,
Bengingathokoza ngiqolotshe lanxa ngiphakathi kobuhlungu obukhulu,
Ngoba ngiwamukele amazwi alowo oNgcwele.+
11 Kambe ngiseselawo yini amandla okuqhubeka ngilindile?+
Ngisalindeleni okungangenza ngifise ukuqhubeka ngiphila?*
12 Ngiqine njengelitshe yini?
Kanti ngenziwe ngensimbi* yini?
13 Ikhona yini enye indlela engingazisiza ngayo,
Njengoba konke ebengiphila ngakho sengikuthathelwe?
14 Loba ngubani ongelathando oluqotho kumakhelwane wakhe,*+
Uzayekela ukumesaba uSomandla.+
15 Abafowethu bangamaqili+ njengezifula ezigeleza ebusika,
Njengamanzi ezifula zebusika eziphanga zitshe.
16 Ziphenduka zibe mnyama nxa ungqwaqwane uncibilika,
Ungqwaqwane oncibilikayo uphelela kuzo.
17 Kodwa ngokuhamba kwesikhathi ziyatsha amanzi aphele,
Kungatshisa ziyoma qha.
18 Ziyaphambuka ziyele lale,
Zigelezele enkangala amanzi atshe aphele.
20 Zithi zifika kuzo zidane,
Ziphelelwe ngoba bezithembele entweni engekhoyo.
22 Kukhona yini engike ngakucela kini?
Ngike ngacela yini ukuthi lingisize ngenotho yenu?
23 Ngike ngalicela yini ukuthi lingikhulule ezitheni zami,
Kumbe ukuthi lingilamulele* kwabangicindezelayo?
24 Ngifundisani mina ngizathula,+
Ngincedani ngizwisise ukuthi ngilahleka ngaphi.
25 Iqiniso kalibuhlungu!+
Kodwa ukungikhuza kwenu khona kunceda ngani?+
26 Kambe libuthanele ukuzosola amazwi ami,
Amazwi omuntu osephelelwe lithemba+ aphetshulwa ngumoya?
28 Ngakho tshibilikani lingikhangele,
Ngoba angisoze ngiqambe amanga sikhangelene emehlweni.
29 Ngicela liyikhangele kutsha indaba yami lingangahluleli kubi,
Ihloleni kuhle ngoba ngilokhu ngisenza okulungileyo.
30 Ngikhuluma kubi yini?
Litsho ukuthi angenelisi ukubona okungaqondanga?
7 “Impilo yomuntu ibuhlungu njengomsebenzi onzima,
Lensuku zakhe zifanana lezesisebenzi.+
2 Umuntu unjengesigqili esifisa ukuphumula emthunzini,
Ufanana lesisebenzi esilindele ukuthola iholo laso.+
3 Sengilezinyanga ngiphilela ize,
Lensuku ezinengi ngilala ngiphakathi kosizi.+
4 Nxa sengilala ngiyazibuza ukuthi kuzakusa nini,+
Kodwa ubusuku buba bude, ngitshibilika kokuphela kuze kuse.
5 Umzimba wami ulezilonda eziphihlika impethu futhi ugcwele inhlabathi;+
Ugcwele izikhwekhwe njalo ujuluka ubomvu.+
8 Amehlo angibonayo khathesi awasoze aphinde angibone,
Uzangidinga ungiswele ngoba ngiyabe ngingasekho.+
9 Njengeyezi elichithekayo liphelele emoyeni,
Unjalo umuntu ongena engcwabeni, ngeke aphinde abonakale futhi.+
10 Kasoze aphinde abuyele endlini yakhe,
Njalo abasoze baphinde bamkhumbule endaweni yakhe.+
11 Ngakho angisoze ngilubambe ulimi lwami.
Ngizakhuluma ngiveze ubuhlungu obusenhliziyweni yami;
Ngizakhonona ngoba ngisebuhlungwini!+
12 Ngilulwandle yini kumbe ngiyisilo solwandle,
Ukuthi usungaze uthume umuntu ukuthi angilinde?
13 Nxa ngizitshela ukuthi ngizakuzwa ngcono ngingalala,
Umbheda wami upholise ubuhlungu engibuzwayo,
14 Wena ungehlisela amaphupho ayesabisayo,
Ungitshengise imibono eyethusayo.
15 Sengize ngibona kungcono ukuthi bangiklinye ngizifele,
Kulokuthi umzimba wami uqhubeke unje.+
16 Sengidiniwe ngempilo yami,+ angisafuni ukuphila.
Ngiyekela ngoba insuku zami zifanana lomoya nje.*+
17 Uyini umuntu ukuthi usungaze uzihluphe ngaye
Njalo ubeke inhliziyo yakho kuye?+
18 Kungani umhlolisisa ekuseni nsuku zonke,
Umlinga ngazo zonke izikhathi?+
19 Kungani ungakhangeli eceleni,
Ungitshiye okwesikhatshana nje ngike ngibethwe ngumoya?+
20 Lanxa ngingabe ngonile, kambe ngingakwenzani wena obona bonke abantu?+
Kungani ukhethe ukuhlasela mina?
Sengingumthwalo yini kuwe?
21 Pho kungani ungangixoleli lapho engiphambanise khona,
Ungithethelele icala lami?
Ngoba khathesi nje ngizalala othulini,+
Uzangidinga ungiswele ngoba ngiyabe ngingasekho.”
8 UBhilidadi+ umShuhi+ waphendula wathi:
2 “Kuzaze kube nini ulokhu ukhuluma kanje?+
Amazwi akho anjengomoya ovunguzayo!
3 Kambe uNkulunkulu angahlulela kubi?
USomandla angakwenza yini okungalunganga?
4 Nxa kuyikuthi abantwabakho bonile,
Ubajezisile ngenxa yokuhlamuka kwabo.
5 Kodwa aluba ubungathembela kuNkulunkulu,+
Umncenge uSomandla ukuthi abe lomusa kuwe,
6 Aluba ubuhlanzekile futhi usenza okulungileyo,+
Yena ubezakulinda,*
Akubuyisele endaweni yakho efaneleyo.
7 Lanxa uqalise uphansi,
Ikusasa lakho belizakuba lihle.+
8 Ngicela uhlole imbali yezizukulwane ezedlulayo,
Ubone ukuthi oyise batholani,+
9 Ngoba thina sizelwe izolo futhi asazi lutho,
Lensuku zethu sisemhlabeni ziyedlula njengomthunzi.
10 Kabasoze bakufundise yini,
Bakutshele lokho abakwaziyo?*
11 Imizi ingakhula ibe mide yini ingekho exhaphozini?*
Lemihlanga ingakhula yini lapho okungelamanzi khona?
12 Izathi iseselamaluba nje ingakasitshunwa,
Ihle itshe yome kuqala kulobunye utshani.
13 Leso yiso isiphetho sabo bonke* abakhohlwa uNkulunkulu,
Ithemba lomuntu owenza okubi* lizatshabalala,
14 Lowo othemba izinto eziyize
Ithemba lakhe aliqinanga, linjengobulembu.*
15 Uzakweyama endlini yakhe kodwa izadilika,
Azame ukubambelela kuyo kodwa yona iwe.
16 Ufanana lesihlahla esithelelwayo esiselangeni,
Esilengatsha ezigcwele ingadi yonke.+
17 Impande zakhe zithandele enqumbini yamatshe,
Udinga indlu yokuhlala ematsheni lawo.
18 Kodwa nxa engasitshunwa endaweni yakhe,
Indawo yakhe izamphika ithi, ‘Angikaze ngikubone.’+
19 Le yiyo indlela azanyamalala ngayo,+
Besekumila abanye endaweni yakhe.
21 Uzakwenza ukuthi uphinde uhleke
Njalo umemeze ngentokozo.
22 Abakuzondayo bazayangeka,
Letende labantu ababi lizatshabalala.”
9 UJobe waphendula wathi:
2 “Ngiyakwazi ukuthi lokho kuliqiniso.
Kodwa nxa umuntu ephikisana loNkulunkulu kungenzakala yini ukuthi kuthiwe nguye oqondileyo?+
3 Lanxa umuntu ubengafisa ukuphikisana loNkulunkulu,*+
Ubengeke aphendule ngitsho lombuzo owodwa kweyinkulungwane abengayibuzwa nguNkulunkulu.
4 Phela yena uhlakaniphile* njalo ulamandla amakhulu.+
Ngubani ongamelana laye asale engalimalanga?+
5 Usunduza* izintaba kungelamuntu okwaziyo,
Azigenqule nxa esethukuthele.
6 Uzamazamisa umhlaba awususe endaweni yawo,
Izisekelo zawo zinyikinyeke.+
7 Utshela ilanga ukuthi lingakhanyisi,
Asithe lokukhanya kwezinkanyezi.+
9 Nguye owenza amaqembu ezinkanyezi okuthiwa yi-Ashi leKhesili leKhima,+
Lamaqembu ezinkanyezi abonakala eningizimu.
11 Udlula phansi kwami, ngingamboni,
Adlule aye phambi kwami, ngingamnanzeleli.
12 Nxa angahluthuna ulutho ngubani ongamthathela?
Ngubani ongathi kuye, ‘Kanti wenzani?’+
14 Ngakho nxa sengimphendula,
Kumele ngikhethe kuhle amabala!
15 Lanxa ngingabe ngiqondile bengingasoze ngimphendule.+
Ebengizakucela nje yikuthi umahluleli wami* abe lesihawu kimi.
16 Uzangiphendula yini nxa ngingambiza?
Angikholwa ukuthi uzalilalela ilizwi lami,
17 Ngoba ungitshaya ngesiphepho,
Andise amanxeba ami kungelasizatho.+
18 Kangivumeli lokuthi ngike ngikhokhe umoya,
Uqhubeka engezelela ubuhlungu bami.
19 Nxa kukhulunywa ngamandla, yena ulamandla amakhulu.+
Nxa kukhulunywa ngokwahlulela, yena uthi: ‘Ngubani ongangithonisisa?’
20 Lanxa bengiqondile, umlomo wami ubuzangibeka icala;
21 Lanxa ngingaqhubeka ngiqotho,* angikwazi okuzakwenzakala kimi.
Sengidiniwe ngempilo le.
22 Konke kuyafanana nje. Yikho ngisithi,
‘Ubhubhisa abangelacala* ndawonye labenza okubi.’
23 Nxa isikhukhula besingabulala abantu,
UNkulunkulu ubezabahleka abangelacala sebephelelwe lithemba.
24 Umhlaba unikelwe ezandleni zabantu ababi,+
UNkulunkulu ubavala amehlo abahluleli bawo.
Nxa kungayisuye okwenzayo lokhu, pho ngubani?
25 Khathesi insuku zami zigijima ukwedlula isithunywa,+
Ziyasolobela ngingakubonanga okuhle.
26 Zigijima njengesikepe esenziwe ngemihlanga,
Lanjengokhozi luhwitha ukudla kwalo.
27 Lanxa ngingathi, ‘Ngizakukhohlwa lokho engikhonona ngakho,
Ngitshintshe lobuso bami buchelese,’
28 Ngizabe ngilokhu ngisesaba ngenxa yobuhlungu engibuzwayo,+
Njalo ngiyakwazi ukuthi uzathi ngilecala.
29 Vele ngizatholakala ngilecala.
Pho ngiyabe ngizihluphelani?+
30 Nxa bengingageza ngamanzi ancibilike kungqwaqwane,
Lezandla zami ngizigeze ngesepa,+
31 Wena ubuzangiphosela egodini elilodaka,
Ngingcole ngize ngenyanywe yizigqoko zami.
32 Phela yena kasimuntu njengami ukuthi ngingamphendula,
Loba ngimuse emthethwandaba.+
33 Akulamuntu ongahlulela phakathi kwami laye,
Kakho ongaba ngumahluleli wethu.
34 Nxa ubengayekela ukungitshaya,
Ayekele lokungesabisa,+
35 Bengingasoze ngesabe ukukhuluma laye,
Ngoba angenelisi ukukhuluma nxa ngisesaba.
10 “Sengidiniwe ngempilo yami.+
Ngizakhuluma konke engikusolayo.
Ngizakhuluma ngoba ngizwa ubuhlungu obukhulu!
2 Ngizakuthi kuNkulunkulu: ‘Ungangibeki icala.
Ngitshela ukuthi ungibangisani.
3 Kukunceda ngani ukungicindezela,
Lokweyisa umsebenzi wezandla zakho+
Ngapha uvumelana lamacebo abantu ababi?
4 Kanti ulamehlo anjengawabantu yini,
Kumbe ubona njengabantu?
5 Insuku zakho zinjengezabantu yini,
Leminyaka yakho ifanana leyabantu na,+
6 Ukuthi usungaze uqhubeke uhlolisisa iziphambeko zami,
Ulandelela isono sami?+
8 Wangenza futhi wangibumba ngezandla zakho,+
Kodwa khathesi usufuna ukungitshabalalisa.
10 Kanti awungithululanga njengochago yini,
Wangijiyisa njengezankefu na?
11 Wangembathisa ngenyama langesikhumba,
Wangihlanganisa ngamathambo langemisipha.+
12 Wangipha ukuphila lothando oluqotho,
Walondoloza impilo yami ngonanzelelo.+
13 Kodwa enhliziyweni yakho wawuhlose ukungehlisela okubi.*
Ngiyakwazi ukuthi izinto zonke lezi zivela kuwe.
14 Aluba ngona wawuzangibona,+
Njalo wawungasoze uyekele ukungijezisa.
15 Maye ngami nxa ngilecala!
Lanxa ngingabe ngimsulwa, angisoze ngivuse ikhanda,+
Ngoba ngiyangekile futhi ngiphakathi kobuhlungu.+
16 Nxa ngingavusa ikhanda uyangizingela njengesilwane,+
Ungitshengise ukuthi ulamandla kulami.
17 Uletha abanye ofakazi ukuthi bazophikisana lami.
Uyangithukuthelela kakhulu,
Ungehlisele uhlupho phezu kolunye uhlupho.
18 Pho kungani wangikhipha esiswini sikamama?+
Ngabe ngazifela kungakabi lomuntu ongibonileyo.
19 Kwakuzakuba angani angizange ngibe khona,
Ngangizaphuma esibelethweni ngihle ngiqonde engcwabeni.’
20 Insuku zami sezizilutshwana,+ uNkulunkulu kangiyekele.
Kasuse amehlo akhe kimi ngike ngiphumule kancane*+
21 Ngingakayi lapho engingasoze ngiphenduke khona,+
Elizweni elimnyama tshu,+
22 Ilizwe elimnyama okwesabekayo,
Elilamathunzi amnyama leziphithiphithi,
Ngitsho lokukhanya kunjengomnyama kulo.”
11 UZofari+ umNamathi waphendula wathi:
2 “Kambe umuntu angakhuluma amazwi wonke la angaphendulwa yini?
Kambe ukulawula kungenza umuntu abe ngoqondileyo?
3 Ubona angani amazwi akho angelangqondo angavala imilomo yabantu yini?
Kambe kungaswelakala yini umuntu ongakukhuza wena ukhulumela eceleni?+
5 Aluba nje uNkulunkulu ubengakhuluma,
Avule umlomo wakhe akhulume lawe!+
6 Ubezakutshela imfihlo yokuhlakanipha,
Ngoba ukuhlakanipha kubanzi futhi kujulile.
Lapho-ke ubuzananzelela ukuthi uNkulunkulu uyazikhohlwa ezinye iziphambeko zakho.
7 Ungabazazi yini izinto ezijulileyo ezimayelana loNkulunkulu?
Ungenelisa yini ukwazi konke ngoSomandla?
8 Ukuhlakanipha kuphakeme kulamazulu. Pho wena kuyini ongakwenza?
Kuyatshona ukwedlula ingcwaba. Wena kungakanani ongabakwazi?
9 Kukhulu kulomhlaba,
Njalo kubanzi kulolwandle.
10 Nxa uNkulunkulu ubengadlula ebopha umuntu abesebiza inkundla,
Ngubani obengaphikisana laye?
11 Phela yena uyababona abantu nxa beqilibezela abanye.
Kambe angabona okubi angenzi lutho?
12 Nxa umuntu ongelangqondo angazwisisa,
Ubabhemi weganga angazala umuntu.
13 Aluba ubungalungisa inhliziyo yakho,
Uthandaze kuNkulunkulu.*
14 Nxa isandla sakho sisenza okubi kuyekele,
Ungavumi ukuthi okubi kwenzakale etendeni lakho.
15 Nxa ungenza njalo uzaphakamisa ikhanda lakho usazi ukuthi umsulwa.
Uzakuma uqine ungesabi lutho,
16 Ulukhohlwe udubo lwakho,
Ulukhohlwe njengamanzi ageleze adlula.
17 Impilo yakho izakhanya ukwedlula imini enkulu;
Lalapho isimnyama izakhanya njengasekuseni.
18 Uzakuba lesibindi ngoba uzabe usulethemba,
Uzathalaza ngapha langapha, ulale behle.
19 Uzalala kuhle kungabi lamuntu ozakwethusela,
Abantu abanengi bazabuya bezokuncenga.
20 Kodwa amehlo abantu abenza okubi azafiphala,
Abasoze bayithole indawo yokucatsha,
Ithemba labo lizakuba yikufa kuphela.”+
12 UJobe waphendula wathi:
2 “Lina yini elikwazi konke,*
Kungafa lina ukuhlakanipha kuzahle kuphele!
3 Kodwa lami ngihlakaniphile.
Kalingcono kulami.
Kanti ngubani ongakwaziyo konke elikutshoyo?
4 Abangane bami bayangihleka,+
Mina engibiza uNkulunkulu ngifuna angiphendule,+
Bahleka umuntu olungileyo lomsulwa.
5 Umuntu ohlezi kuhle uyalweyisa uhlupho,
Ucabanga ukuthi lwehlela abantu abazidubekelayo kuphela.
6 Emizini yezigebenga* kulokuthula,+
Abeyisa uNkulunkulu bavikelekile,+
Bahlezi kuhle labo abathwala onkulunkulu babo ngezandla.
7 Kodwa ngicela ubuze izinyamazana zizakufundisa,
Ubuze lezinyoni zizakutshela.
8 Kumbe ukhangelisise umhlaba* uzakufundisa,
Lenhlanzi zolwandle zizakutshela.
9 Yikuphi phakathi kwezinto lezi okungaziyo
Ukuthi kwenziwa yisandla sikaJehova?
10 Impilo yazo zonke izinto isesandleni sakhe,
Lempilo yomuntu isesandleni sakhe.+
11 Indlebe ayiwahloli yini amazwi,
Njengolimi lunambitha ukudla?+
12 Kanti ukuhlakanipha akutholakali ebantwini abadala yini?+
Asebephile iminyaka eminengi ayisibo yini abalokuzwisisa?
14 Nxa angadiliza ulutho kakho ongalwakha,+
Lapho avale khona akulamuntu ongavula.
16 Ulamandla amakhulu njalo uhlakaniphile.+
Odukayo lodukisayo basesandleni sakhe.
17 Uyangisa abeluleki,
Enze abahluleli babe yizithutha.+
18 Uqamula amaketane abotshwe ngamakhosi,+
Abophe amakhosi ngebhanti ekhalweni.
20 Wenza abeluleki abathenjiweyo baswele okokutsho,
Aqede ukuhlakanipha kwabantu abadala.
22 Izinto ezijulileyo ezisemnyameni uziveza egcekeni,+
Akhanyise lapho okumnyama kakhulu.
23 Wenza izizwe zibe lamandla ukuze azibhubhise,
Enze izizwe zikhule ukuze azisuse endaweni yazo.
24 Uqeda ukuhlakanipha kwabakhokheli babantu,
Abenze bazulazule enkangala engelandlela,+
25 Baphumputhe emnyameni+ ongela ngitsho ukukhanya.
Ubenza badiyazele njengabantu abadakiweyo.+
13 “Ngikubonile konke lokhu,
Ngikuzwile ngakuzwisisa.
2 Kambe kuyini elikwaziyo mina engingakwaziyo?
Kalingcono kulami.
3 Ngibona kungcono ukuthi ngikhulume loSomandla;
Ngifisa ukukhuluma loNkulunkulu ngimethulele udaba lwami,+
4 Ngoba lina liyangigcona,
Lonke lingodokotela abangelancedo.+
5 Aluba nje belihlakaniphile,
Belizavala imilomo yenu lithule.+
6 Ngicela lilalele engikutshoyo,
Lizwe ukuthi ngizivikela ngisithini.
7 Kambe lingakhuluma okubi lina lisithi limela uNkulunkulu,
Liqambe amanga lisithi likhulumela yena?
8 Lingamsekela yini?
Kambe yini eselingakhulumela uNkulunkulu weqiniso?
9 Nxa ubengalihlola+ ubengeke alithole lilecala yini?
Libona angani ungumuntu yini ukuthi lingamqila?
10 UNkulunkulu uzalikhuza sibili
Nxa lifihla ukuthi lilobandlululo.+
11 Inkazimulo yakhe izalethusa
Lesabe lithuthumele nxa esezolahlulela.
12 Amazwi enu ahlakaniphileyo alula njengomlotha,
Konke elikutshoyo lizivikela kunjengamahawu omdaka.
13 Thulani kukhulume mina,
Kwenzakale okwenzakalayo!
14 Kungani ngizifaka engozini,
Ngidlala ngempilo yami?
17 Lalelani lizwe engikutshoyo,
Liwalalelisise amazwi ami.
18 Khathesi sengizimisele ukumela udaba lwami emthethwandaba,
Ngiyakwazi ukuthi ngiqondile.
19 Ngubani ongaphikisana lami?
Nxa ngingazithulela ngingafa!*
20 Zimbili kuphela izinto engizicelayo kuwe, awu Nkulunkulu,
Ukuze ngingacini sengikucatshela:
21 Ngicela ususe isandla sakho esisindayo phezu kwami,
Uyekele lokungethusa.+
22 Khuluma mina ngiphendule,
Kumbe ungiyekele ngikhulume wena uphendule.
23 Kanti ngiphambanise ngaphi futhi ngoneni?
Ngitshela isiphambeko sami lesono sami.
25 Kambe ungethusela ihlamvu eliphetshulwa ngumoya,
Kumbe ugijimise ihlanga elomileyo?
26 Izinto ezimbi ongisola ngazo uqhubeka uzibhala phansi,
Ungijezisela izono engazenza ngisesemutsha.
27 Inyawo zami uzibophile,*
Lezindlela zami zonke uyazihlolisisa.
Uyangilandelela loba ngaphi lapho engiya khona.
28 Umuntu uphela njengento ebolayo,
Unjengesigqoko esidliwe yizibungu.*
14 “Umuntu ozelwe ngowesifazana
Uphila isikhathi esifitshane+ futhi impilo yakhe igcwele inhlupho.+
3 Kodwa wena uwathe nhlo amehlo akho kuye,
Umletha emthethwandaba ukuze ummangalele.+
4 Kambe umuntu olesono* angazala umuntu ongelasono?*+
Lokho ngeke kwenzakale!
5 Nxa kuyikuthi insuku zakhe zibaliwe,
Inani lezinyanga zakhe lisesandleni sakho.
Umbekele umngcele angasoze aweqe.+
6 Ake umyekele ukuze laye aphumule,
Umtshiye aqede umsebenzi wakhe walolosuku.+
7 Phela isihlahla laso silethemba.
Nxa singaganyulwa siyaphinda sihlume,
Lengatsha zaso ziqhubeke zikhula.
8 Lanxa impande zaso zingaguga
Lesidindi saso sitshe emhlabathini,
9 Singezwa amanzi siyahluma
Sibe lengatsha njengesihlahla esitsha.
10 Kodwa umuntu angafa amandla akhe ayaphela.
Nxa esefile uyabe engaphi?+
11 Amanzi olwandle ayaphela anyamalale,
Lomfula uyatsha wome qha.
12 Umuntu laye uyalala angavuki.+
Kasoze avuke amazulu aze atshabalale,
Kakho ozamvusa ebuthongweni bakhe.+
13 Aluba ubungangifihla engcwabeni,+
Ungithukuze ulaka lwakho luze lwehle,
Ubeke isikhathi sokungikhumbula.+
14 Nxa umuntu angafa angaphinda aphile yini?+
Ngizalinda zize ziphele zonke insuku zami zokuba yisigqili,*
Isikhathi sokukhululwa kwami size sifike.+
15 Wena uzangibiza, mina ngisabele.+
Uzafisa ukuphinda ungibone ngoba wangenza ngezandla zakho.
16 Kodwa khathesi ulandelela yonke into engiyenzayo,
Okukhangeleyo yikona kwami kuphela.
17 Isiphambeko sami sivalelwe esikhwameni,
Lesono sami usinamathisele ngengcino.
18 Njengentaba ebhidlikayo
Ledwala eligiqikayo lisuka endaweni yalo,
19 Lanjengamanzi agubha amadwala
Lezimpophoma ezikhukhula umhlabathi,
Ulitshabalalisile ithemba lomuntu.
20 Uyamehlula kokuphela aze ayengena egodini,+
Uguqule isimo sakhe ubusumxotshela engcwabeni.
21 Abantwabakhe banikwa udumo kodwa yena kakuboni,
Bayehliswa kodwa yena kakunanzeleli.+
22 Ubuhlungu ubuzwa nxa esaphefumula,
Njalo ukhala ngesikhathi esaphila.”
15 U-Elifazi+ umThemani waphendula wathi:
2 “Kambe kulomuntu ohlakaniphileyo ongaphendula ngamazwi angelasisindo,
Kumbe agcwalise isisu sakhe ngomoya wempumalanga?
3 Amazwi angelasisindo ngeke amqondise umuntu,
Lokukhuluma kuphela akusizi ngalutho.
4 UNkulunkulu kasahlonitshwa ngenxa yakho,
Wenza abantu bangazihluphi ngaye.
5 Isono sakho yiso esenza ukhulume kanje,
Amazwi akho ngaweqili.
6 Umlomo wakho yiwo okubeka icala, hatshi mina.
Amazwi akho yiwo atshengisa ukuthi wonile.+
7 Kanti nguwe yini umuntu owazalwa kuqala?
Wazalwa intaba zingakabi khona yini?
8 Nguwe yini oyaziyo imfihlo kaNkulunkulu?
Kumbe ubona angani nguwe wedwa ohlakaniphileyo?
9 Kuyini okwaziyo thina esingakwaziyo?+
Kukhona yini okuzwisisayo thina esingakuzwisisiyo?
10 Sibadala silapha futhi abanye bethu sebecutha olumhlophe,+
Sibadala khatshana kuloyihlo.
11 Utsho ukuthi induduzo oyiphiwa nguNkulunkulu incane,
Lamazwi akhe amnandi awakuqinisi?
12 Kungani uvumela ukufuqwa yinhliziyo?
Kungani amehlo akho egcwele ulaka?
13 Phela uzondele uNkulunkulu,
Yikho ukhuluma amazwi amabi kangaka.
14 Uyini umuntu ukuthi angaba ngohlanzekileyo?
Kambe ukhona umuntu ozelwe ngowesifazana okungathiwa ulungile?+
15 Phela uNkulunkulu kazithembi lezingilosi zakhe,
Lamazulu uwabona engahlambulukanga.+
16 Pho angamthemba yini umuntu owenyanyekayo loxhwalileyo?+
Angamthemba yini umuntu ohlala efuna ukwenza okubi?
17 Lalela ngikutshele!
Ngizakulandisela engikubonileyo,
18 Lokho amadoda ahlakaniphileyo akutshelwa ngoyise,+
Asekulandisela abanye kulokuthi akufihle.
19 Ilizwe laphiwa bona kuphela,
Njalo akulasihambi esake sadabula kulo.
20 Umuntu olesihluku futhi owenza okubi uyahlupheka impilo yakhe yonke,
Uthwala nzima aze ayengena egodini.
21 Uzwa imisindo emethusayo,+
Lanxa kulokuthula izigebenga ziyamhlasela.
22 Uyakwazi ukuthi kasoze aphume emnyameni,+
Yena nje umelelwe yinkemba.
23 Ugcwala indawo yonke edinga ukudla, ezibuza ukuthi uzakuthola ngaphi,
Ukwazi mhlophe ukuthi usuku lobumnyama selusondele.
24 Usehlala ekhathazekile ngoba inhlupho kazimehli,
Ziyamehlula njengenkosi elamabutho alamandla,
25 Ngoba uphakamisa isandla sakhe alwe loNkulunkulu,
Njalo uzama ukumisana loSomandla;
26 Uqinisa ikhanda esiyadibana laye,
Ephethe ihawu elibanzi futhi eliqinileyo.
27 Ubuso bakhe buzimukile,
Lomkhaba wakhe uyalenga.
28 Uhlala emadolobheni azadilizwa,
Ezindlini ezizasala zingamanxiwa,
Ezizacina seziyinqwaba yamatshe.
29 Impahla yakhe ngeke yande futhi kasoze anothe,
Lezifuyo zakhe kazisoze zigcwale elizweni.
30 Kasoze aphume emnyameni,
Ilangabi lizawomisa ingatsha zakhe,*
UNkulunkulu uzakhwaza yena ahle afe.+
31 Akumelanga aziyenge athembe izinto ezingelancedo,
Ngoba akulalutho azaluzuza.
32 Lokho kuzamehlela usuku lwakhe lungakafiki,
Ingatsha zakhe azisoze zikhule.+
33 Uzakuba njengesihlahla samagilebisi esikhithiza amagilebisi angakavuthwa,
Lanjengesihlahla sama-oliva esithintitheka amaluba.
34 Lapho okuhlangene khona abantu abenza okubi* akulanto ephumayo,+
Lomlilo uzatshisa amatende alabo abathanda isivalamlomo.
35 Bacabanga izinto ezimbi bazenze,
Ingqondo zabo zihlala zibumba amacebo alobuqili.”
16 UJobe waphendula wathi:
2 “Konke elikutshoyo sengake ngakuzwa.
Amazwi enu angizwisa ubuhlungu, kawangiduduzi ngitsho!+
3 Kuzaze kube nini likhuluma izinto ezingelangqondo?
Kuyini okwenza ukhulume kanje?
Ngize nginikine ikhanda?+
6 Lanxa ngingakhuluma ngizaqhubeka ngisizwa ubuhlungu,+
Loba ngingaze ngithule ubuhlungu bami abusoze buphele,
7 Ngoba uNkulunkulu ungithwalise nzima,+
Usewutshabalalisile umuzi wami.
8 Uyangihlukuluza futhi bonke abantu bayakubona lokho,
Sengicake okokuthi abantu sebeze becabanga ukuthi ngonile.
9 Uthukuthele wangidlithiza futhi ungibambele umoya.+
Nxa engibona ulaka lwakhe luyaqubuka.
Isitha sami singikhangela ngelihlo elibi.+
11 UNkulunkulu uyangiyekela ngihlaselwa ngabafana abancane,
Ungiphosela ezandleni zabantu ababi.+
12 Ngangizihlalele ngichelesile kodwa yena wafika wavoxa impilo yami,+
Wangibamba ngentamo wangitaklazela phansi;
Wangitshoka ngemitshoko yakhe.
13 Amabutho akhe ahlome ngemitshoko angihanqile.+
Ugwaza izinso zami+ kungathi thiki kuye,
Achithele inyongo yami phansi.
14 Senginjengomduli awubhidliza njalonje.
Uyangihahabela njengebutho elisempini.
15 Sengithunge isembatho sesaka ukuze ngizembathise,+
Ngahlala phansi ethulini ngoba ngizizwa ngingasimuntu walutho.*+
16 Sengikhale amehlo aze ababomvu,+
Lobuso bami sebuhlobile
17 Lanxa ngingazange ngibe lodlakela,
Njalo ngithandaza ngenhliziyo yonke.
18 Mhlaba ngicela ungaligqibeli igazi lami,+
Akungabi lomuntu ongithulisayo!
19 Ukhona osemazulwini ongangifakazela,
Ongalumela udaba lwami uphezulu.
20 Abangane bami bayangichothoza+
Nxa ngikhala kuNkulunkulu.+
21 Sengathi kungaba lomuntu ongahlulela phakathi kwami loNkulunkulu,
Ngendlela umahluleli ahlulela ngayo abantu emthethwandaba,+
22 Ngoba sekusele iminyaka emilutshwana
Ukuthi ngiye lapho okungabuywa khona.+
17 “Ngidabukile emoyeni, insuku zami sezisolobele,
Sengimelelwe lingcwaba.+
2 Ngihanqwe ngabantu abangihlekayo,
Sengitshona ngibukele+ izenzo zabo ezimbi.
3 Ngicela ungithembise ukuthi uzangincedisa.
Kambe ngubani omunye ongavuma ukunginceda?+
4 Ubancitshile ukuhlakanipha,+
Yikho ungabaphakamisi.
5 Bakhetha ukwabelana labangane babo impahla yabo,
Ngapha amehlo abantwababo ewele ngenxa yendlala.
7 Amehlo ami awasaboni kuhle ngenxa yobuhlungu engibuzwayo,+
Wonke nje umzimba wami usuphelile.
8 Abalungileyo bayangikhangela babambe owangaphansi,
Labangelacala bayabacaphukela abantu ababi.*
9 Olungileyo uqhubeka esenza okulungileyo,+
Lalowo olezandla ezihlanzekileyo uqhubeka esiba lamandla.+
10 Ake libuye lonke lizongisola futhi,
Ngoba akula loyedwa ohlakaniphileyo phakathi kwenu.+
12 Baqhubeka besenza ubusuku bube yimini,
Besithi, ‘Njengoba sekumnyama kutsho ukuthi sekuzakhanya.’
14 Ngizabiza igodi*+ ngithi, ‘Baba,’
Ngibize impethu ngithi, ‘Mama kumbe dadewethu.’
15 Pho lingaphi ithemba lami?+
Ukhona yini obona angathi ngiseselethemba?
16 Ithemba lami lizakwehlela engcwabeni,
Ngizakuyangena lalo emhlabathini.”+
18 UBhilidadi+ umShuhi waphendula wathi:
2 “Kuzaze kube nini ulokhu ukhuluma kanje?
Tshengisa ukuthi ungumuntu ozwisisayo usivumele lathi sikhulume.
3 Ubona angathi sizinyamazana yini?+
Kumbe ucabanga ukuthi siyizithutha?
4 Lanxa ungazonda uze udubuke,
Ubona angathi umhlaba ungasala ungamanxiwa ngenxa yakho,
Lamadwala asuke endaweni yawo?
5 Isibane somuntu owenza okubi sizacitshwa,
Lelangabi lakhe ngeke likhanyise.+
6 Ukukhanya okusetendeni lakhe kuzakuba mnyama,
Lesibane esimkhanyiselayo sizacitshwa.
7 Lanxa ehaluzela uzacina esenyonyoba,
Amacebo akhe azamgwenxa awe.+
8 Uzathi ehamba azithele enethini,
Ibisimbamba imthandele.
9 Isithende sakhe sizabanjwa yisilaha,
Unyawo lwakhe lubanjwe ngumjibila.+
10 Bafake intambo emhlabathini ukuze imgwenxe,
Bamthiya ngesilaha endleleni.
11 Inhlupho kazimehli,+
Indubo zimthwalise nzima.
12 Amandla akhe ayaphela,
Ubunzima+ buzamenza adiyazele.
13 Ijwabu lakhe selidlekile;
Umkhuhlane omubi usumudle izandla lenyawo.
14 Ukhitshwe etendeni lakhe ebelimvikela,+
Waqhutshwa esiyabulawa kabuhlungu.
16 Impande zakhe zizawoma qha,
Lengatsha zakhe zitshe.
17 Akulamuntu ozamkhumbula futhi,
Abantu bazalikhohlwa ibizo lakhe.*
18 Bazamxotsha ekukhanyeni bamuse emnyameni,
Bazamdudula elizweni elilomhlabathi ovundileyo.
19 Ngeke abe labantwana loba abazukulu,
Kakho ozasala emzini wakhe.
20 Nxa ilanga lakhe lingafika, abantu beNtshonalanga bazakwesaba bathuthumele,
LabaseMpumalanga bethuke baqhaqhazele.
21 Lokhu yikho okwenzakala etendeni lomuntu omubi,
Lasendaweni yomuntu ongamaziyo uNkulunkulu.”
19 UJobe waphendula wathi:
4 Nxa kukhona engikuphambanisileyo,
Icala ngelami.
5 Nxa liqhubeka lisithi lingcono kulami,
Lisithi ubunzima engikubo bungifanele,
6 Ngicela lazi ukuthi nguNkulunkulu ongidukisileyo,
Wangibamba ngenethi yakhe.
7 Ngiqhubeka ngikhala ngisithi, ‘Maye ngezinto ezimbi ezingehleleyo!’
Kodwa akula ongiphendulayo.+
Ngiqhubeka ngikhalela usizo kodwa akulalutho olwenziwayo.+
8 Indlela yami uyivale ngomduli wamatshe ukuze ngingadluli,
Izindlela zami uzenze zaba mnyama.+
9 Ungithathele lonke udumo lwami,
Wasusa umqhele ekhanda lami.
10 Ungihlasele macele wonke wangibhidliza.
Uquphule ithemba lami angathi uquphula isihlahla.
11 Ungithukuthelele kakhulu,
Wangenza isitha sakhe.+
12 Amabutho akhe aqoqene angivimbezela,
Ahanqe itende lami.
13 Abafowethu ubaxotshele khatshana lami,
Lalabo abangaziyo sebengifulathele.+
15 Izethekeli ezisemzini wami+ lezigqilikazi zami sezingiphatha njengomuntu wemzini,
Kubo sengifanana lomuntu wezizweni.
16 Isisebenzi sami ngiyasibiza kodwa asisabeli,
Sengize ngisincenga ukuthi singizwele.
17 Umkami uthi umlomo wami usumnukela,+
Sengilephunga elibi kubafowethu.
18 Sengidelelwa langabantwana abancane,
Lapho abangibona khona* bayangihleka.
20 Sengimathambothambo,+
Kusele kancane ukuthi ngife.
21 Awu bakithi ngicela libe lesihawu kimi,
Ngoba isandla sikaNkulunkulu singitshayile.+
23 Aluba nje amazwi ami ebengabhalwa phansi!
Aluba ebengalotshwa ebhukwini!
24 Aluba ebengabhalwa edwaleni ahlale kuze kube nini lanini,
Abhalwe ngensimbi langomnuso!
25 Ngikwazi mhlophe ukuthi umhlengi wami+ ukhona,
Uzafika ame phezu komhlaba.
26 Lanxa isikhumba sami singadleka siphele,
Ngizambona uNkulunkulu ngisaphila.
27 Ngizambona ngamehlo ami,
Ngizambona ngawami la, angisoze ngimbonelwe ngomunye.+
Kodwa umoya wami ubuhlungu!*
28 Liyabuzana lithi, ‘Kanti kungani esithi siyamhlupha?’+
Ngoba lithi yimi engizidalele uhlupho.
29 Lani kumele liyesabe inkemba,+
Ngoba inkemba ijezisa labo abonayo.
Kumele lihlale likwazi ukuthi umahluleli ukhona.”+
20 UZofari+ umNamathi waphendula wathi:
2 “Imicabango engihluphayo ingifuqa ukuthi ngiphendule
Ngoba ngikhathazekile kakhulu.
3 Ngizwe umuntu engithethisa,
Yikho ngizaphendula ngoba ngihlakaniphile.
4 Kumele ukuthi lawe uyakwazi engizakukhuluma,
Ngoba bekukhona kusukela umuntu* edalwa,+
5 Ukuthi intokozo yomuntu owenza okubi ngeyesikhatshana,
6 Lanxa udumo lwakhe lufika emazulwini,
Lekhanda lakhe lithinta emayezini,
7 Uzanyamalala angabi khona njengengcekeza yakhe.
Ababejayele ukumbona bazazibuza ukuthi useye ngaphi.
8 Uzanyamalala njengephupho bangaphindi bambone,
Uzadlula njengephupho eliphanga liphele.
9 Abake bambona abasoze baphinde bambone futhi,
Kasoze aphinde abonakale emzini wakhe.+
10 Abantwabakhe bazacela uncedo kubayanga,
Uzabuyisela impahla ayithathela abanye.+
11 Amathambo akhe agcwele idlabuzane lobutsha,
Kodwa uzangena lalo egodini.
12 Nxa kuyikuthi okubi ukuzwa kumnandi emlonyeni wakhe,
Ekufihla ngaphansi kolimi lwakhe,
13 Nxa ekukhwabitha futhi engafuni ukukuyekela,
Eqhubeka ekumumethe emlonyeni wakhe,
14 Kuzathi kufika esiswini sakhe kube munyu,
Kuzakuba njengobuhlungu bephimpi ngaphakathi kwakhe.
15 Uzayihlanza yonke inotho ayiginyayo.
UNkulunkulu uzayikhipha yonke esiswini sakhe.
16 Uzamunya ubuhlungu bephimpi.
Inyoka izamgamula afe.
17 Kasoze azibone futhi izifula zamanzi,
Izifudlana ezigeleza uchago loluju.
18 Uzabuyisela impahla yakhe engazange ayisebenzise,
Kasoze ayidle inotho ayitholayo.+
19 Ngoba yena ucindezele abayanga wabalahlela iganga,
Wathatha indlu engayisiyo yakhe.
20 Kodwa kasoze ahlaliseke,
Njalo inotho yakhe kayisoze imkhulule.
21 Akusoze kusale lutho azaluthatha,
Yikho engasoze aqhubeke ephumelela.
22 Lanxa esenothe kakhulu uzakhathazeka,
Inhlupho zizabuya zelekene.
23 Uzathi esadla,
UNkulunkulu athumele ulaka lwakhe oluvuthayo,
Lwehlele kuye njengezulu,
24 Athi ebalekela izikhali zensimbi,
Agwazwe yimitshoko yekhopha.
25 Uzahwatsha umtshoko omgwaze emhlane,
Ahwatshe isikhali esicazimulayo esiswini,
Afikelwe yikwesaba okukhulu.+
26 Inotho yakhe izaphoselwa emnyameni omkhulu.
Uzatshiswa ngumlilo ongazange ulumathiswe ngumuntu.
Ubunzima buzakwehlela loba ngubani osele ematendeni akhe.
27 Amazulu azasembula isono sakhe,
Umhlaba uzamhlamukela.
28 Isikhukhula sizakwedlula lendlu yakhe.
Kuzakuba lezimpophoma ezesabekayo mhla uNkulunkulu ethukuthele.
29 Lo yiwo umvuzo uNkulunkulu awunika umuntu owenza okubi,
Yilo ilifa lakhe alibekelwe nguNkulunkulu.”
21 UJobe waphendula wathi:
2 “Ngicela lilalelisise engikutshoyo;
Lingenza njalo ngizaduduzeka.
3 Ngicela lingibekezelele ngikhulume;
Nxa sengiqedile selingakhuluma elikufunayo.+
4 Libona angathi ngisola umuntu yini?
Aluba bekunjalo ngabe kudala ngikhalele.
5 Ngikhangelani limangale;
Lizithulele zwi!
6 Nxa ngingakhumbula inhlupho zami ngiyakhathazeka,
Umzimba wami uqhaqhazele.
7 Kungani abantu ababi bephila isikhathi eside?+
Kungani benotha* futhi bekhula baze bakhokhobe?+
8 Abantwababo bahlala belabo,
Njalo baphila baze babone lezizukulwane zabo.
9 Imizi yabo ivikelekile, abesabi lutho.+
UNkulunkulu kabatshayi ngentonga yakhe.
10 Inkunzi zabo ziyazala,
Lamankomokazi abo kawaphunzi.
11 Abantwababo bazihambela bechelesile njengomhlambi,
Bayadlala bazikholisele.
13 Bayathokoza nsuku zonke,
Behlele engcwabeni bengazange bahlupheke.
14 Kodwa bathi kuNkulunkulu weqiniso, ‘Akutshiyane lathi!
Kasiyifuni imithetho yakho.+
15 Ungubani uSomandla ukuthi sesingaze simkhonze?+
Sizatholani nxa singathandaza kuye?’+
16 Ngiyakwazi ukuthi inotho yababi ayikho ezandleni zabo.+
Angifuni ukucabanga njengabo.*+
17 Kunini lapho isibane sabaxhwalileyo esake sacitshwa khona?+
Bayake behlelwe yingozi yini?
UNkulunkulu uyake abathukuthelele yini kumbe abajezise?
18 Bayake babe njengamahlanga aphetshulwa ngumoya yini,
Lanjengomule othathwa ngumoya olamandla?
19 UNkulunkulu uzajezisa abantwana ngenxa yamacala aboyise.
Aluba labo oyise uyabajezisa ukuze babuzwe ubuhlungu,+
20 Bawubone umonakalo ubehlela,
21 Ngoba nxa impilo yabo ingaqunywa,+
Abasoze bakubone okuzasala kusenzakala kubantwababo.
24 Ufa ezimukile
Lamathambo akhe eqinile.
25 Kodwa omunye uhlupheka aze ayekufa
Engazange ayikholise impilo.
27 Ngikwazi mhlophe elikucabangayo
Lakho konke elifuna ukungenza khona.+
28 Ngoba lithi, ‘Ingaphi indlu yesikhulu lesiyana?
Lingaphi itende elalihlala umuntu owenza okubi?’+
29 Like lazibuza yini izihambi,
Lacela ukuthi zilitshele ezikubonileyo,
30 Ukuthi umuntu omubi uyaphunyuka yini engozini,
Akhululwe ngosuku lolaka?
31 Ngubani ozamkhuza ngezenzo zakhe,
Amjezise ngenxa yalokho akwenzileyo?
32 Bazamthwala bayemngcwaba,
Ithuna lakhe beselilindwa.
34 Pho lingangiduduza njani lina likhuluma kanje?+
Lonke liqamba amanga!”
22 U-Elifazi+ umThemani waphendula wathi:
2 “Kambe umuntu anganceda uNkulunkulu?
Lanxa engabe ehlakaniphile angamsiza ngani?+
3 Ubona angani uSomandla ulendaba lokuthi* ulungile?
Kuyini akutholayo ngokuthi wena uqotho?+
4 Kambe angakujezisa yini
Njalo akuhambise emthethwandaba ngenxa yokuthi uyamhlonipha?
5 Akujezisela khona yikuthi kunengi okubi okwenzayo,
Lezono zakho azipheli.+
6 Uthathela abafowenu impahla yabo usithi balesikwelede sakho,
Uhlubule abantu izigqoko ubatshiye benqunu.+
7 Odiniweyo awumniki amanzi okunatha,
Lolambileyo uyamncitsha ukudla.+
8 Ilizwe ngelenu lina elilamandla,+
Liphiwa lina abanothileyo.
9 Abafelokazi wawubaxotsha belengise izandla,
Njalo wawucindezela izintandane.
10 Yikho usuhanqwe yimijibila,+
Usuhlalela evalweni.
11 Yikho ususemnyameni ungasaboni,
Njalo usibekelwe ngamanzi amanengi.
12 UNkulunkulu kakho phezulu emazulwini yini?
Khangela ukuthi inkanyezi ziphezulu njani!
13 Kodwa wena uthi: ‘UNkulunkulu wazini?
Angahlulela njani kumnyama kangaka?
14 Kaboni lutho ngoba amayezi ayamsitha,
Nxa ehambahamba khonale ezulwini.’
15 Kungani uhamba ngendlela yakudala
Eyayihamba abantu ababesenza okubi,
16 Abantu abafa masinyane,
Izisekelo zabo zathathwa yizikhukhula?+
17 Babesithi kuNkulunkulu weqiniso: ‘Akusiyekele!’
Baphinde bathi, ‘USomandla uzasenzani?’
18 Kodwa nguye owabanika konke okuhle okwakusezindlini zabo.
(Mina angicabangi njengabantu laba ababi.)
19 Abalungileyo bazathokoza bebona umonakalo usehlela ababi,
Njalo abangelacala bazahleka bathi:
20 ‘Izitha zethu sezitshabalele,
Umlilo uzalobisa konke okwabo okuseleyo.’
21 Ungaba ngumngane wakhe uzaba lokuthula,
Njalo uzathola okuhle.
22 Lalela nxa ekunika umthetho,
Ugcine amazwi akhe enhliziyweni yakho.+
23 Nxa ungabuyela kuSomandla uzaphinda uphumelele.+
Nxa ungayekela ukwenza izinto ezimbi etendeni lakho,
24 Ulahlele igolide lakho phansi,
Njalo uphosele igolide lase-Ofiri+ ezigodini ezilamatshe,
25 USomandla uzakuba ligolide lakho,
Abe yisiliva sakho esihle.
26 Lapho-ke uzathokoza ngoSomandla,
Ukhululeke ukuthandaza kuye.
27 Uzamncenga akuzwe;
Ugcwalise izifungo zakho.
28 Konke ozakwenza kuzaphumelela,
Lendlela yakho izakhanya.
29 Nxa ungakhuluma uqholoza uzakujezisa,
Kodwa abathobekileyo uzabakhulula.
30 Uzabakhulula abangelacala,
Yikho nxa izandla zakho zihlanzekile uzakhululwa.”
23 UJobe waphendula wathi:
2 “Ngitsho lalamuhla ngizakhonona ngingathuli.+
Sengibubule ngaze ngaphela amandla.
3 Ngabe ngiyakwazi ukuthi uNkulunkulu ungaphi,+
Bengizakuya lapho ahlala khona,+
4 Ngifike ngethule udaba lwami kuye,
Ngikhulume konke okusenhliziyweni yami ngizivikela.
5 Bengizezwa ukuthi uzangiphendula athini,
Ngilalele lokho akutshoyo.
6 Kambe uzangiphikisa ethembe amandla akhe amakhulu?
Ngitsho sibili uzangilalela.+
7 Lapho-ke oqotho ubezalungisa udaba lwakhe loNkulunkulu,
UMahluleli wami ubezangikhulula angaphindi ukungibeka icala.
8 Kodwa nxa ngingaya empumalanga angimtholi,
Ngiphenduke angimboni.
9 Nxa esebenza enyakatho angimboni,
Angaphenduka aye eningizimu lakho angimtholi.
10 Kodwa uyayazi indlela engihambe ngayo.+
Uzathi esengihlolile ngiphume nginjengegolide elicengekileyo.+
11 Ngizilandele eduze izinyathelo zakhe,
Angizange ngiphambuke endleleni yakhe.+
12 Angizange ngiyitshiye imithetho yakhe.
Amazwi akhe aligugu kimi futhi ngenze okwedlula lokho abekukhangelele.+
13 Nxa esezimisele ngubani ongaphikisana laye?+
Lokho afuna ukukwenza uyakwenza.+
14 Uzakwenza konke akuhlosileyo ngami,
Njalo kunengi okunjalo akucabangayo.
15 Yikho ngikhathazekile ngenxa yakhe.
Nxa ngingacabanga ngaye ngiyesaba kakhulu.
16 UNkulunkulu ungiqede amandla,
USomandla ungethusile.
17 Kodwa ubumnyama abungithulisanga,
Ubumnyama lobu obugubuzele ubuso bami.
24 “Kungani uSomandla engabeki usuku lokwahlulela ababi?+
Kungani abamaziyo bengakaliboni lelolanga?
2 Abantu bathatha umhlabathi wabanye,*+
Batshontshe izifuyo bazise emadlelweni abo.
3 Bathatha ubabhemi wentandane,
Bathathe lenkabi yomfelokazi ukuthi ibe yisibambiso salokho akukweledileyo.+
4 Baxotsha abayanga emigwaqweni,
Abadubekayo sebehlala becatshile ngenxa yokucindezelwa.+
5 Abayanga bagcwala indawo yonke bedinga ukudla njengobabhemi weganga,+
Bedingela abantwababo ukudla enkangala.
6 Sekumele badle emasimini abanye,*
Badobhe amagilebisi emasimini ababi.
7 Balala bengagqokanga ubusuku bonke ngoba abalampahla,+
Abalakho okokwembatha nxa kuqanda.
8 Izulu liyabavoxa besezintabeni,
Baze bazame ukucatsha emadwaleni.
9 Ababi bahluthuna intandane ebeleni likanina,+
Bathathe isembatho somyanga sibe yisibambiso salokho akukweledileyo.+
10 Benza abaswelayo bahambe nqunu,
Benza balambe lanxa bethwele izithungo zamabele.
11 Baxathulwa lilanga emaqaqeni besebenza nzima emasimini alemiduli yamatshe,*
Bavoxa amagilebisi besenza iwayini kodwa basale bomile.+
12 Abantu bafa bebubula edolobheni,
Abalimele kakhulu bayakhala becela uncedo,+
Kodwa kuNkulunkulu akuthi thiki.
Sihamba sizivale ubuso.
16 Amasela agqekeza izindlu zabantu ebusuku,
Emini azivalele ezindlini zawo,
Ngoba awakuthandi ukukhanya.+
17 Abenza okubi besaba ukusa ngendlela abanye abesaba ngayo ubusuku,
Kodwa bona kabethuki lutho nxa behamba ebusuku.
18 Amanzi abakhukhula masinyane,
Lomhlabathi wabo uzathukwa,+
Bangaphindi babuyele emasimini abo amagilebisi.
19 Ingcwaba lizabaginya libaqede bonke abonileyo,+
Njengoba nje lelanga liqeda ungqwaqwane ngesikhathi sendlala.
20 Omubi uzakhohlwa langunina, adliwe zimpethu aphele,
Angaphindi akhunjulwe,+
Labangalunganga bazaqunywa njengesihlahla.
21 Omubi uqilibezela owesifazana oyinyumba,
Ahlukuluze umfelokazi.
22 UNkulunkulu uzabaqeda abayizikhulu ngoba ulamandla,
Lanxa bengaphakanyiswa abalathemba lokuthi bazaphila.
24 Bayaphakanyiswa okwesikhatshana besebetshabalala.+
Banjengezikhwebu zamabele eziqunywa zibuthelelwe ndawonye;
Bazakwehliswa ezikhundleni zabo+ njalo bafe njengabantu bonke.
25 Ukhona yini ongathi ngilamanga?
Ukhona yini ongangiphikisa?”
25 UBhilidadi+ umShuhi waphendula wathi:
2 “Ubukhosi ngobukaNkulunkulu njalo ulamandla ayesabekayo.
Wenza kube lokuthula ezulwini.
3 Ukhona yini ongabala amabutho akhe?
Ngubani ongathi ilanga lakhe alimkhanyiseli?
4 Pho kungenzakala njani ukuthi umuntu abe ngolungileyo kuNkulunkulu?+
Kambe umuntu ozelwe ngowesifazana angaba msulwa?+
5 Phela lenyanga kayikhazimuli kuye,
Lezinkanyezi uzibona zingahlanzekanga.
6 Manje kuthiwani ngomuntu ofanana lempethu,
Lendodana yomuntu eyisibungu nje?”
26 UJobe waphendula wathi:
2 “Kambe le yiyo indlela ongasiza ngayo umuntu ongelamandla?
Ungamqinisa sibili ongelamandla ukhuluma kanje?+
3 Likhona yini icebo elihle oliphe oyisithutha?+
Phela akula lokukodwa okukhulumileyo okulengqondo!*
4 Lapha uzama ukufundisa bani?
Ukuthethe ngaphi khonokho okukhulumayo?
5 Abafileyo abalamandla, banjengabantu abaqhaqhazelayo.
Bangaphansi kolwandle lezilo ezihlala kulo.
8 Ugoqela amanzi emayezini akhe,+
Kodwa amayezi kawadabuki lanxa ethwele amanzi amanengi.
9 Usibekela isihlalo sakhe sobukhosi singabonakali,
Asembese ngeyezi lakhe.+
10 UNkulunkulu wenze umngcele phezu kwamanzi,+
Wehlukanisa ukukhanya lomnyama.
11 Insika zamazulu ziyazamazama,
Zethuswe yikukhwaza kwakhe.
13 Uyaphefumula isibhakabhaka sibe ligceke,
Agwaze inyoka egijimayo.
14 Lokhu ngokulutshwana nje kwezinto azenzileyo,+
Lesikuzwileyo ngaye kufanana lokulilizwi okuncane okunyenyezayo!
Manje ngubani ongazwisisa umdumo wakhe omkhulu?”+
27 UJobe waqhubeka ekhuluma esithi:
2 “Ngifunga ngoNkulunkulu ophilayo ongazange angahlulele kuhle,+
Ngifunga ngoSomandla ophilayo ongenze ngaphila kabuhlungu.+
3 Nxa nje ngisaphefumula,
Lomoya kaNkulunkulu usesemakhaleni ami,+
4 Umlomo wami awusoze ukhulume okubi,
Lolimi lwami alusoze luqile muntu!
5 Angisoze ngithi lilungile.
Ngizaze ngizifele ngilokhu ngiqotho!*+
6 Ngizakuma ngelokuthi ngilungile, lapho angitshintshi,+
Inhliziyo yami ayisoze ingithonisise ngize ngiyekufa.
7 Isitha sami kasijeziswe njengomuntu owenza okubi,
Lalabo abangihlukuluzayo kabehlelwe ngokuzakwehlela abangalunganga.
8 Umuntu omubi* angaba lethemba yini nxa uNkulunkulu esemtshabalalisile+
Waquma impilo yakhe?
9 UNkulunkulu uzamuzwa yini nxa esekhala?
Uzamnceda yini nxa esephakathi kobunzima?+
10 Kuzamthokozisa yini ukukhonza uSomandla?
Uzathandaza kuNkulunkulu zikhathi zonke yini?
11 Ngizalifundisa ngamandla kaNkulunkulu,*
Angisoze ngifihle lutho olumayelana loSomandla.
12 Nxa kuyikuthi lonke libone imibono,
Kuyini okulenza likhulume izinto ezingelangqondo?
13 Nansi isabelo uNkulunkulu asipha umuntu owenza okubi,+
Ilifa uSomandla alipha lowo ocindezela abanye:
14 Lanxa amadodana akhe emanengi azabulawa ngenkemba,+
Lezizukulwane zakhe zizaswela ukudla.
15 Abantwabakhe abaseleyo bazaqedwa yisifo,
Abafelokazi babo abasoze babakhalele.
16 Lanxa engabuthelela isiliva esinengi angathi yinhlabathi,
Abuthelele lezigqoko ezinhle angathi ubuthelela itshebetshebe,
17 Loba angaze azibuthelele izigqoko zakhe,
Abalungileyo yibo abazazigqoka,+
Lesiliva sakhe sizathathwa ngabantu abamsulwa.
18 Indlu ayakhileyo kayiqinanga, injengeyobulembu,
Injengedumba+ elakhiwe ngumuntu olindayo.
19 Uzathi esiyalala enothile, kodwa konke alakho kuzaphelela emoyeni,
Uzathi evula amehlo abone konke kungasekho.
20 Inhlupho ziyamkhukhula njengamanzi,
Athathwe yisiphepho ebusuku.+
21 Umoya wempumalanga uzadlula laye anyamalale,
Uzamphephula umsuse endaweni yakhe.+
28 “Kulendawo yokugebha isiliva,
Lendawo yokugebha igolide elizacengwa.+
2 Insimbi igejwa phansi,
Lekhopha incibilikiswa emadwaleni.+
3 Umuntu ukhanyisa emnyameni,
Ugebha aze ayefika endaweni ezimnyama tshu,
Edinga amatshe aligugu.
4 Ugebha umgodi khatshana lalapho okuhlala khona abantu,
Khonale ematshokotshokweni okungahambi muntu.
Abanye bangena emgodini basebenze belenga ngentambo.
5 Phezu komhlaba kumila izilimo,
Kodwa ngaphansi bayawutshabalalisa angathi utshiswe ngumlilo.*
6 Ematsheni kulesafire,
Ethulini kulegolide.
7 Akulanyoni edla inyama ekwazi indlela eya khona,
Lomzwazwa omnyama awukaze uyithi tshazi.
8 Akulasilo esake sanyathela khona,
Akulasilwane esake sazingela khona.
9 Umuntu uqhekeza idwala eliqinileyo ngezandla zakhe,
Agenqule izintaba ezisekelweni zazo.
10 Uvula imigelo yamanzi+ emadwaleni,
Amehlo akhe abona wonke amagugu.
11 Uvimba amanzi ageleza ezifuleni,
Obekufihliwe akulethe ekukhanyeni.
12 Kodwa ukuhlakanipha kutholakala ngaphi?+
Ukuzwisisa kuthathwa ngaphi?+
13 Akulamuntu okunanzelelayo ukuthi kuligugu kangakanani,+
Akutholakali emhlabeni.
14 Amanzi asenzikini athi, ‘Akukho kimi!’
Lolwandle luthi, ‘Angilakho!’+
15 Ngeke ukuthenge ngegolide elicengekileyo,
Futhi ngeke ukutshintshise ngesiliva.+
16 Ngeke ukuthenge ngegolide le-Ofiri,+
Kumbe nge-onekisi eligugu loba ngesafire.
17 Igolide legilasi ngeke kuqathaniswe lakho.
Ngeke ukutshintshise ngesitsha segolide elihlambulukileyo.+
18 Ikhorali* lekhristali kasikhulumi ngakho,+
Ngoba ukuhlakanipha kuligugu ukwedlula isikhwama esigcwele amaphareli.
19 Ithophazi+ yaseKhushi ngeke iqathaniswe lakho,
Ngeke ukuthenge ngegolide elicengekileyo.
20 Pho ukuhlakanipha kuvela ngaphi?
Ukuzwisisa kutholakala ngaphi?+
21 Kufihliwe ukuze kungabonwa ngabantu lezinyamazana,+
Lezinyoni kazikuboni.
22 Ukufa lengcwaba* kuthi,
‘Thina sizwe amahungahunga akho kuphela.’
23 UNkulunkulu uyayazi indlela eya kukho,
Nguye kuphela okwaziyo ukuthi kuhlala ngaphi,+
24 Ngoba uyakhangela lasemikhawulweni yomhlaba,
Abone konke okungaphansi kwamazulu.+
25 Wathi esenza ukuthi umoya ovunguzayo ube lamandla+
Elungisa lendlela yezulu elilesiphepho,+
27 Wakubona ukuhlakanipha wakuchasisa,
Wakwakha njalo wakuhlola.
28 Wasesithi emuntwini:
29 UJobe waqhubeka ekhuluma esithi:
2 “Sengize ngikhumbula izinyanga leziyana ezedlulayo,
Ngensuku uNkulunkulu esangivikela,
3 Engikhanyisela ngesibane sakhe phezu kwekhanda lami,
Ngihamba emnyameni ngikhanyiselwe nguye.+
4 Ngangiseselamandla,
UNkulunkulu esesengumngane wami futhi ehlala etendeni lami,+
5 USomandla wayeseselami,
Labantwabami besesekhona,*
6 Ngangihamba ezindleleni ezigeleza uchago,
Emadwaleni kugeleza amafutha ami ama-oliva.+
7 Ngangijayele ukuya egedini ledolobho+
Ngifike ngihlale egcekeni ledolobho.+
9 Iziphathamandla zazithula zingatsho lutho,
Zivale imilomo yazo ngezandla.
10 Izikhulu zaziphelelwa ngamazwi,
Zithule zwi.*
11 Loba ngubani owayengizwa ngikhuluma wayengincoma,
Lalabo ababengibona babengifakazela,
12 Ngoba ngangisiza umyanga owayekhalela uncedo,+
Ngisize lentandane laloba ngubani owayengelamuntu ongamnceda.+
14 Ngangigqoka ukulunga kube yisembatho sami,
Lokwahlulela kuhle kube lijazi lami leqhiye yami.
15 Ngangingamehlo eziphofu
Lenyawo zezigoga.
17 Ngangisephula umhlathi womuntu owenza okubi,+
Ngikhulule labo ayebacindezela.
18 Ngangihlala ngisithi, ‘Ngizafela emzini wami,+
Lensuku zami zizakuba zinengi njengetshebetshebe.
19 Impande zami zizanaba ziyefika emanzini,
Lengatsha zami zibe lamazolo ubusuku bonke.
20 Udumo lwami alusoze luphele,
Ngizaqhubeka ngiphosa imitshoko ngedandili* lami.’
21 Abantu babethula zwi bangilalele,
Bathiye indlebe befuna ukuzwa ukuthi ngizabeluleka ngisithini.+
22 Ngangisithi ngingakhuluma bangabi lokunye abangakutsho,
Amazwi ami ayemnandi ezindlebeni zabo.
23 Babengilindela angathi balindele izulu,
Bamelele ukuzwa amazwi ami angathi balindele izulu lokucina.+
24 Ngangisithi ngingabobotheka babone angathi bayaphupha,
Ngithi ngingahlekelela baduduzeke.
25 Ngangingumkhokheli wabo ngibaqondisa,
Ngihlala njengenkosi ephakathi kwamabutho ayo,+
Ngiduduza abalilayo.+
30 “Khathesi sebengihleka,+
Sengihlekwa ngamadoda angabantwana kimi,
Alaboyise ababengasilutho kimi,
Engangingeke ngibavumele lokulinda umhlambi owawulindwa yizinja zami.
2 Lanxa babelamandla abazange bangisize ngalutho.
Khathesi amandla abo asephelile.
3 Sebecakile ngenxa yendlala lokuswela.
Bahlafuna loba yini abayidobha ezikwakweni,
Endaweni ewomileyo futhi engelalutho.
4 Baqunta amahlamvu amunyu egangeni.
Baphila ngokudla impande ezibaba gamu.
5 Bayaxotshwa ebantwini bakibo,+
Bathethiswe angathi kuthethiswa isela.
6 Bahlala emaweni lasezihotsheni,
Emilindini lasezimbalwini.
7 Bayakhala besezinangeni,
Babuthane becatshe phakathi kwembabazane.
8 Baxotshiwe elizweni
Ngoba bangamadodana abantu abangelangqondo labangelancedo.
9 Kodwa khathesi yibo asebehlabela izingoma bengichothoza.+
Sebehlekisana ngami.+
11 Bazenzela umathanda phezu kwami,
Ngoba uNkulunkulu ungithathele izikhali zami* ngasala ngingelamandla.
12 Ngasesandleni sami sokudla bayangivukela belixuku,
Bangixotshanise,
Bavimbe indlela yami ukuze bangitshabalalise.
13 Badiliza imigwaqo yami,
Bangezelele inhlupho zami+
Kodwa akulamuntu obakhuzayo.*
14 Beza angathi bafohle esikhaleni somduli,
Batheleke endaweni esiyinqwaba yamatshe.
15 Sengihlala ngisesaba,
Angiselasithunzi ngitsho.
Ithemba lokuthi ngizakhululwa seledlule njengeyezi.
18 Isembatho* sami sidonswa ngamandla,
Siyangikhama entanyeni.
19 UNkulunkulu ungiphosele edakeni,
Sengingumlotha lothuli nje kuphela.
20 Ngiyakhala kuwe ngicela uncedo kodwa wena awungiphenduli.+
Ngiyasukuma ngikuncenge kodwa ungithapha ngamehlo nje kuphela.
22 Uyangiphakamisa ungithwale ngomoya wakho,
Ubusungilahlela phakathi kwesiphepho singiphosele le lale.
23 Ngiyakwazi ukuthi uzaze ungitshiye engcwabeni,
Lapho wonke umuntu azaphelela khona.
24 Kakho ongatshaya umuntu ohluphekileyo,+
Okhalela uncedo ephakathi kobunzima.
25 Bengingabakhaleli yini abasekuhluphekeni?
Bengingabalileli na abayanga?+
26 Bengilindele okuhle kodwa ngehlelwa ngokubi,
Bengimelele ukukhanya kodwa kwaba mnyama.
27 Ukukhathazeka okusemoyeni wami akuzange kuphele,
Ngifikelwe zinsuku ezinzima.
28 Sengihamba ngibunile,+ lelanga alisakhanyisi,
Ngiyasukuma enkundleni ngicele uncedo.
29 Sengingumfowabo wamakhanka,
Lomngane wezintshe.+
30 Sengimnyama khaca lesikhumba sami siyaxathuka,+
Amathambo ami ayavutha ngaphakathi.
31 Ihabhu* lami selitshaywa nxa kulilwa kuphela,
Lefluthi yami isitshaywa nxa abantu bekhala.
2 Manje uNkulunkulu osezulwini uzanginika mvuzo bani?
Yiliphi ilifa uSomandla azangipha lona?
3 Umonakalo kawehleli abenza okubi yini?
Labangalunganga ayisibo yini abehlelwa zinhlupho?+
4 Kaziboni yini izindlela zami?+
Kakuboni yini konke engikwenzayo?
5 Ngake ngaqamba amanga yini?
Ukhona yini engake ngamqila?+
7 Nxa inyawo zami ziphambukile endleleni,+
Inhliziyo yami yalandela engikubonayo,+
Njalo ngangcolisa izandla zami,
8 Omunye umuntu kadle lokho engikulimileyo,+
Lalokho engikuhlanyelayo akusitshunwe.
9 Nxa inhliziyo yami ike yathatheka ngowesifazana,+
Ngayacathama+ emnyango wendlu kamakhelwane,
10 Umkami kacholele enye indoda amabele,
Alale lamanye amadoda,+
11 Ngoba ngiyabe ngenze ihlazo,
Ngadala icala okumele lithoniswe ngabahluleli bangijezise.+
12 Ngiyabe ngizokhele umlilo ozatshisa konke engilakho,+
Ulobise konke engikusebenzeleyo.
13 Nxa ngala ukulalela izinceku lezincekukazi zami
Ngesikhathi zilensolo ngami,*
14 Ngizathini nxa uNkulunkulu esengibuza?
Ngizamphendula ngithini nxa esengithonisisa?+
15 Kanti lowo owangibumbayo esiswini sikamama ayisuye yini owabenzayo?+
Sonke asibunjwanga nguye yini eziswini zabomama bethu?+
17 Nxa ngazidlela ngedwa ukudla kwami,
Ngancitsha izintandane;+
18 (Phela benginguyise wezintandane kusukela ngisesemutsha,
Kusukela ngisesemncane* bengibasiza abafelokazi.)
19 Nxa ngabona umuntu edubeka engelazigqoko,
Kumbe ngabona umyanga owayengelazembatho,+
20 Ngasengiyekela ukumnika izembatho+
Ukuze agqoke akhudumale abesengibonga,
21 Nxa ngethusela intandane ngesibhakela+
Ngesikhathi icela uncedo kimi egedini ledolobho,*+
22 Ingalo yami kayikhumuke,
Yephuke endololwaneni.
23 Phela mina ngangisesaba ukujeziswa nguNkulunkulu,
Ngangingeke ngiyimele inkazimulo yakhe.
24 Nxa ngasengithembe igolide,
Kumbe ngathi egolideni elihlambulukileyo, ‘Wena ulithemba lami!’+
25 Nxa ngasengizigqaja ngenotho yami,+
Ngiziphakamisa ngoba sengilempahla enengi,+
26 Nxa ngabona ilanga likhazimula,
Ngabona lenyanga ihamba ibenyezela emkhathini,+
27 Inhliziyo yami yasithatheka ngezinto lezi,
Ngaqabuza isandla sami ngazikhonza,+
28 Ngangiyabe ngenze icala okumele lithoniswe ngabahluleli bangijezise,
Ngoba ngangiyabe ngimphikile uNkulunkulu osezulwini.
29 Ngake ngathokoza yini ngibona isitha sami sijeziswa,+
Kumbe ngajabula ngoba sehlelwe ngokubi?
30 Angizange ngone ngomlomo wami
Ngokuthethisa isitha sami ngisifisela ukuthi sife.+
31 Abantu abahlala etendeni lami bajayele ukuthi,
‘Ukhona yini ongathi kakaze adle asuthe lapha?’+
33 Ngake ngazama yini ukufihla amacala ami njengamanye amadoda?+
Ngake ngafihla isono esikhwameni sesembatho sami yini?
34 Ngake ngesaba yini ukuthi abantu bazathini ngami,
Kumbe ngesaba ukwenyanywa ngezinye izakhamizi,
Ngacina sengizithulela ngingasaphumi laphandle?
35 Ngabe nje kulomuntu ongilalelayo,+
Bengizasayina phansi ukuze kukhanye ukuthi engikutshoyo kuliqiniso.
USomandla kangiphendule!+
Aluba ongisolayo ubebhale icala angethesa lona encwadini,
36 Bengizayithwala ehlombe,
Ngiyibophele ekhanda lami njengomqhele.
37 Bengizamtshela konke engakwenzayo,
Ngisondele kuye ngingesabi lutho njengomkhokheli.
38 Nxa insimu yami ibingakhala ngami,
Lemifolo yonke ekuyo ilile,
39 Nxa kuyikuthi ngidle izithelo zayo ngingabhadali,+
Kumbe ngazwisa abanikazi bayo ubuhlungu,+
40 Akumile ameva esikhundleni sengqoloyi,
Kumile lokhula olunuka kubi esikhundleni sebhali.”
Aphelela lapha amazwi kaJobe.
32 Ngakho amadoda la amathathu ayekela ukuphendula uJobe ngoba wayezibona elungile.+ 2 U-Elihu indodana kaBharakheli umBhuzi+ ovela emulini kaRamu wayesezondile ngoba uJobe wayesithi yena ulungile kulokuthi athi uNkulunkulu nguye olungileyo.+ 3 Wayezondele labangane bakaJobe abathathu ngoba kwasekubehlule ukuphendula uJobe njalo babesithi uNkulunkulu kalunganga.+ 4 U-Elihu wayelokhu ethule elindele ukuthi bona baqale bakhulume ngoba babebadala kulaye.+ 5 Wathi ebona ukuthi amadoda la womathathu awaselakho okokutsho wazonda wabila. 6 Ngakho u-Elihu indodana kaBharakheli umBhuzi waqalisa ukukhuluma wathi:
“Mina ngimncane,
Lina libadala.+
Ngakho ngilihloniphile ngathula,+
Ngesaba ukulitshela engikwaziyo.
7 Bengisithi, ‘Akukhulume abantu abadala,
Asebeleminyaka eminengi kabaveze ukuhlakanipha kwabo.’
8 Kodwa ngumoya kaSomandla owenza abantu bahlakaniphe,+
Ngumoya kaNkulunkulu awupha abantu.
9 Ukuba mdala akutsho ukuthi umuntu usehlakaniphile,
Njalo abantu abadala ayisibo bodwa abakwaziyo okulungileyo.+
10 Ngakho ngithi, ‘Ngilalelani,
Ngilitshele engikwaziyo.’
11 Phela bengiwalindele amazwi enu,
Bengilokhu ngilalele lisitsho elikucabangayo,+
Lidinga ukuthi likhulume lithini.+
12 Bengithiye indlebe likhuluma,
Kodwa akula loyedwa owenze uJobe wabona ukuthi ulahlekile,*
Kakho owenelise ukumphendula.
13 Ngakho lingazitsheli ukuthi lihlakaniphile,
Njalo lingathi, ‘UNkulunkulu nguye omkhuzayo hatshi umuntu.’
14 Ubengakhulumi lami,
Ngakho angisoze ngimphendule ngamazwi anjengawenu.
15 Sebephelelwe, abaselampendulo,
Abaselakho okunye abangakutsho.
16 Sengilinde ngalinda kodwa sebethule zwi.
Bamile nje laphaya, baswele ukuthi bathini.
17 Ngakho sengizaphendula mina,
Lami ngizakhuluma engikwaziyo,
18 Ngoba kunengi engifuna ukukutsho,
Sekungalela ukuthi ngithule.
19 Ngifuthelene ngaphakathi njengewayini elivalelweyo,
Njengezikhumba zewayini ezintsha esezizadubuka.+
20 Ngiyekelani ngikhulume ukuze ngibhodle!
Ngizavula umlomo wami ngiphendule.
21 Angisoze ngibandlulule muntu+
Njalo akulamuntu engizamthabisa ngamanga,
22 Ngoba angikaze ngithabise muntu ngamanga.
Aluba bengikwenza, uMenzi wami ubezangisusela amanqe.
33 “Khathesi-ke Jobe ngicela ulalele amazwi ami,
Lalelisisa konke engizakutsho.
2 Khathesi lami sekumele ngiphose elami,
Sekumele ngikhulume.
3 Amazwi ami atshengisa ukuthi ngiqotho enhliziyweni,+
Lomlomo wami ukhuluma lonke iqiniso engilaziyo.
5 Ungangiphendula nxa usenelisa,
Lungiselela ukuzivikela, utsho okucabangayo.
6 KuNkulunkulu weqiniso mina lawe siyafanana,
Lami ngabunjwa ngomhlabathi.+
7 Yikho ngicela ungangesabi,
Amazwi ami awasoze akuqede amandla.
8 Mina ngikuzwile ukhuluma,
Kudala ngikuzwa ulokhu usithi,
9 ‘Ngimsulwa angilacala,+
Ngihlanzekile angilasono.+
10 Kodwa uNkulunkulu ulokhe engihlasela,
Engenza isitha sakhe.+
12 Kodwa lokho okutshoyo akuqondanga, yikho ngizakuphendula.
UNkulunkulu mkhulu kakhulu kulabantu.+
13 Manje kungani umsola?+
Umsolela ukuthi kakuphendulanga yini?+
14 UNkulunkulu ukhuluma aphindaphinde,
Kodwa akulamuntu omlalelayo.
15 Ukhuluma labantu ngamaphupho langemibono ebusuku,+
Ngesikhathi belele nya,
Bebubhuqa ubuthongo emibhedeni yabo.
16 Uvula indlebe zabo,+
Abatshele imilayo yakhe,
17 Ukuze abakhuze batshiye ukwenza okubi,+
Abasize bayekele ukuzigqaja.+
18 UNkulunkulu uyamnqanda umuntu ukuze angacini esesegodini,*+
Amvikele ukuze angabulawa yinkemba.
19 Umuntu ukhuzwa yibuhlungu abuzwa elele embhedeni wakhe,
Langamathambo akhe ahlala eqaqamba.
20 Inhliziyo yakhe isimnyama,
Usesala lokudla izibiliboco.+
21 Usephelile ngokucaka,
Umzimba wakhe usumathambothambo.
22 Impilo yakhe ilengele egodini,*
Abamfuna ephansi bayamzingela.
23 Nxa sikhona isithunywa esithunywe emuntwini,
Esisodwa nje esimsekelayo phakathi kweziyinkulungwane,
Ukuze simtshele okulungileyo,
24 UNkulunkulu uzakuba lomusa kuye athi,
Sengimtholele inhlawulo!+
25 Ijwabu lakhe kalibe* butshelezi ukwedlula elomntwana,+
Kabe lamandla njengasensukwini zobutsha bakhe.’+
26 Uzamncenga uNkulunkulu+ amlalele,
Uzambona amemeze ngentokozo,
UNkulunkulu uzaphinda amenze abe ngolungileyo.
27 Umuntu lo uzakuthi ebantwini,
‘Ngonile,+ ngenze okungalunganga,
Kodwa angizange ngithole lokho okungifaneleyo.
28 Usindise ukuphila kwami ukuze ngingayi engcwabeni,*+
Ngizaqhubeka ngikubona ukukhanya.’
29 UNkulunkulu uyamenzela konke lokhu umuntu,
Umenzela kabili loba kathathu,
30 Ukuze amkhiphe egodini,*
Aqhubeke ephila.+
31 Ngicela ungilalele Jobe, uzwe ukuthi ngithini!
Ngicela uthule ngikhulume.
32 Kodwa nxa ufuna ukungiphendula ukhululeke ukhulume,
Ngoba ngifuna kukhanye ukuthi awulacala.
33 Nxa ungela okokutsho thula ulalele,
Mina ngizakufundisa ukuhlakanipha.”
34 U-Elihu waqhubeka wathi:
2 “Zwanini amazwi ami lina elihlakaniphileyo.
Ngilalelani lina elikwazi konke,
3 Ngoba indlebe iyawahlola amazwi,
Njengoba nje lolimi lunambitha ukudla.
4 Ngakho asihloleni sibone ukuthi yikuphi okuqondileyo,
Sizikhethele ukuthi yikuphi okuhle.
6 Kambe ngingaqamba amanga ngithi isigwebo sami singifanele?
Isilonda sami aselapheki lanxa ngingonanga lutho.’+
7 Ukhona yini umuntu onjengoJobe,
Okwamukelayo ukuthethiswa angathi wamukela amanzi okunatha?
8 Phela usefanana labantu abangalunganga,
Usengumngane wabenza okubi,+
9 Ngoba uthe, ‘Kumnceda ngani umuntu
Ukuzama ukuthokozisa uNkulunkulu?’+
10 Ngakho zwanini lina madoda ahlakaniphileyo.
11 Unika umuntu umvuzo walokho akwenzileyo,+
Amehlisele lokho okufanele izenzo zakhe.
13 Ngubani owathi abuse umhlaba?
Ngubani owamfaka esikhundleni sokukhangela umhlaba wonke?
16 Ngakho nxa lizwisisa lalelani ukuthi ngithini,
Lalelani engikutshoyo.
17 Umuntu ozonda ukwahlulela kuhle angenelisa ukubusa yini?
Ungamsola yini umbusi owenza okulungileyo?
18 Kambe ungathi enkosini, ‘Wena awulancedo,’
Kumbe uthi ezikhulwini, ‘Lina libabi’?+
19 Ukhona ongelandaba lokuthi umuntu uyisiphathamandla,
Ongaqakathekisi abanothileyo ukwedlula abayanga,+
Ngoba bonke benziwe nguye.+
Labalamandla bayaphela kodwa bengaqedwa ngabantu.+
21 UNkulunkulu uyazibona zonke izindlela zomuntu,+
Uyakubona konke akwenzayo.
22 Akulandawo emnyama kakhulu,
Lapho abenza okubi abangacatsha khona angababoni,+
23 Ngoba akulasikhathi uNkulunkulu asibekele abantu
Ukuze abathonisise phambi kwakhe.
24 Uyabacobodisa abalamandla njalo kadingi ukuqala abathonisise,
Abesefaka abanye ezindaweni zabo,+
25 Ngoba uyakwazi abakwenzayo.+
Uyabanqoba ebusuku bahle batshabalale.+
26 Uyabatshaya ngenxa yokuthi benza okubi,
Ubatshaya phambi kwabantu bonke,+
27 Ngoba baphambukile bayekela ukumlandela,+
Abalandaba laloba yini ayenzayo.+
28 Benza abayanga bakhale kuye,
Usehlala esizwa ukukhala kwabantukazana.+
29 Nxa uNkulunkulu angakhetha ukuzithulela ngubani ongamsola?
Angafihla ubuso bakhe ngubani ongambona?
Lanxa engacatshela isizwe sonke loba umuntu oyedwa, konke kuyafanana.
30 Umuntu owenza okubi* kasoze abuse+
Loba afakele abantu imijibila.
31 Kambe kulomuntu ongathi kuNkulunkulu,
‘Ngijezisiwe lanxa ngingonanga lutho,+
32 Ngitshengisa lokho engingakubonanga.
Nxa kukhona okubi engikwenzileyo, kangisoze ngikuphinde’?
33 Kambe angakunika lokho okufunayo wena usala ukuthi akwahlulele?
Mina angisoze ngikukhethele.
Ngitshela wena okwaziyo.
34 Abantu abazwisisayo
Labo bonke abahlakaniphileyo abangizwayo bazathi kimi,
35 ‘UJobe ukhuluma into angayaziyo,+
Lamazwi akhe atshengisa ukuthi kahlakaniphanga.’
36 UJobe kalingwe okuzwayo
Ngoba impendulo zakhe zifana lezabantu abenza okubi!
37 Phezu kokona kwakhe uphinda ahlamuke,+
Uqakeza izandla zakhe phambi kwethu eseyisa,
Akhulume izinto ezinengi esola uNkulunkulu weqiniso!”+
35 U-Elihu waqhubeka esithi:
2 “Ubona angathi uqondile sibili ukuthi usungaze uthi,
‘Ngilungile ukwedlula uNkulunkulu’?+
3 Phela uthi, ‘Wena* ulendaba lakho yini ukuthi ngenza okulungileyo?
Kukhona yini engikuzuzileyo ngenxa yokuthi angonanga?’+
4 Ngizakuphendula wena
Labangane bakho.+
5 Khangela phezulu ubone,
Khangela amayezi+ aphezulu khonale.
6 Nxa usona akula lapho omlimaza khona uNkulunkulu.+
Lanxa izono zakho zingaba zinengi akulalutho oyabe ulwenzile kuye.+
7 Nxa ulungile yena uzuzani?
Kuyini omnika khona?+
8 Okubi okwenzayo kukhathaza abantu kuphela,
Lokulunga kwakho kunceda bona.
9 Abantu bayakhala nxa becindezelwa,
Bakhalela ukukhululwa ebantwini ababaphatha ngesihluku.+
10 Kodwa akula loyedwa othi, ‘Ungaphi uNkulunkulu owangenzayo+
Owenza kuhlatshelwe izingoma zokudumisa ebusuku?’+
12 Abantu bakhalela uncedo kodwa kaphenduli+
Ngenxa yokuzigqaja kwabenza okubi.+
13 UNkulunkulu kabalaleli abantu abakhala amanga,+
USomandla kazihluphi ngokukhala kwabo.
14 Pho angakulalela yini wena ukhonona usithi awumboni?+
Udaba lwakho selusezandleni zakhe, ngakho lindela yena.+
15 Kazange akuthukuthelele akujezise.
Kazange abe lendaba lanxa ubukhuluma ungacabanganga.+
16 UJobe uvula umlomo wakhe ekhuluma into engekhoyo,
Ukhuluma kakhulu yena engazi lutho.”+
36 U-Elihu waqhubeka wathi:
2 “Ngicela ungibekezelele ngichasise,
Ngiseselokunye engifuna ukukutsho ngoNkulunkulu.
3 Ngizakhuluma konke engikwaziyo,
Ngizathi uMenzi wami ulungile.+
4 Engizakukhuluma kuliqiniso,
Ngoba kuvela kulowo okwazi konke.+
5 UNkulunkulu ulamandla+ njalo kalahli muntu.
Ukuhlakanipha kwakhe kuyamangalisa.
7 Uhlala ebakhangele abalungileyo,+
Uyabaphakamisa babe njengamakhosi,+ babe lodumo kuze kube nini lanini.
8 Nxa bebotshwe ngamaketane,
Bethandelwe zintambo zokuhlupheka,
9 Uyabachasisela abakuphambanisileyo,
Abatshele isono abasenzileyo ngenxa yokuzigqaja kwabo.
10 Uyabavula indlebe ukuze abaqondise,
Abatshele ukuthi batshiye ukwenza okubi.+
12 Kodwa nxa bengamlaleli bazabulawa ngenkemba,+
Bafe bengelalwazi.
13 Abenza okubi* bafukamela intukuthelo.
Lanxa uNkulunkulu ebabopha abazihluphi ngokudinga uncedo.
15 Kodwa uNkulunkulu uyabakhulula abahluphekayo,
Abancede bamlalele ngesikhathi besebunzimeni.
16 Uyakukhipha ekuhluphekeni,+
Akuse endaweni evulekileyo engelamngcele,+
Akududuze ngokukunika ukudla okulomsoco.+
17 Lapho-ke wena uzasizwisisa isahlulelo sabenza okubi,+
Nxa sekukhitshwa isigwebo esifaneleyo.
18 Kodwa nanzelela ungazondi uze ucine usuphindisela,+
Ungamukeli isivalamlomo ngoba sizakuphambukisa.
19 Kambe ukukhalela uncedo
Lokusebenza nzima kungakuqeda yini ukuhlupheka kwakho?+
20 Ungabufisi ubusuku,
Lapho abantu abachitheka khona baye ezindaweni zabo.
21 Nanzelela ungacini ususenza okubi,
Uze ucine usubona kungcono ukuthi wenze okubi kulokuthi uhlupheke.+
22 UNkulunkulu uphakeme ngenxa yamandla akhe.
Ngubani ongafundisa njengaye?
Kumbe wathi kuye, ‘Okwenzileyo akulunganga’?+
25 Bonke bayibonile,
Kodwa bayazela khatshana.
29 Ukhona yini ongazwisisa ukuhlala kwamayezi emkhathini,
Lomdumo ozwakala etendeni likaNkulunkulu?+
30 Khangela ubone ukuthi ukhanyisa njani emayezini ngombane wakhe,+
Asibekele inziki yolwandle ngamanzi.
31 Lokhu yikho akwenzayo ukuze anakekele abantu,
Abanike ukudla okunengi.+
32 Uyawuvalela umbane ezandleni zakhe,
Abesewuthuma lapho okumele utshaye khona.+
33 Umdumo wakhe ubika ukuza kwakhe,
Lezifuyo ziyatsho ukuthi ngubani ozayo.*
37 “Lokhu kwenza inhliziyo yami itshaye ngamandla,
Itshaye angathi izasuka endaweni yayo.
2 Lalelisisa ukukhwaza kwelizwi lakhe
Lomdumo omkhulu ophuma emlonyeni wakhe.
3 Ukhwaza ekhonale emazulwini,
Athumele umbane wakhe+ emikhawulweni yomhlaba.
4 Ngemva kwalokho kuzwakala umdumo owethusayo.
Ukhwaza ngelizwi elikhulu,+
Kuphazime imibane ngapha ekhuluma.
6 Uthi kungqwaqwane, ‘Khithikela emhlabeni,’+
Atshele izulu athi, ‘Thululeka.’+
7 UNkulunkulu uyakumisa konke okwenziwa ngabantu
Ukuze bonke bawazi umsebenzi wakhe.
8 Inyamazana zeganga ziyacatsha ezimbalwini zazo,
Zihlale emilindini yazo.
11 Wenza amayezi asindwe ngamanzi,
Lemibane iphazime+ emayezini.
12 Amayezi aya loba ngaphi lapho awathuma khona,
Konke awatshela khona ayakwenza+ emhlabeni.
13 Uyawasebenzisa ukuze ajezise abantu+ njalo athelele umhlaba,
Kumbe atshengise ukuthi ulothando oluqotho.+
14 Jobe lalela.
Ngicela ume ucabangisise ngemisebenzi kaNkulunkulu emangalisayo.+
15 Uyakwazi yini ukuthi uNkulunkulu uwaqondisa njani amayezi,
Lokuthi wenzani ukuze umbane uphazime emayezini?
16 Uyakwazi yini ukuthi amayezi ahlala njani emoyeni?+
Le yimisebenzi emangalisayo eyenziwa ngulowo okwazi konke.+
17 Kungani izigqoko zakho zitshisa
Nxa kungaphephetha umoya weningizimu+ owenza kuthule indawo yonke?
18 Ungamncedisa yini uNkulunkulu ukwendlala isibhakabhaka+
Esiqine njengesibuko sensimbi?
19 Sitshele ofuna sikutsho kuye,
Thina ngeke siphendule ngoba sisemnyameni.
20 Kumele atshelwe ukuthi sengifuna ukukhuluma yini?
Ukhona yini okhulume into eqakathekileyo okumele ayizwe?+
21 Kabakuboni ngitsho ukukhanya,
Lanxa ilanga likhanyisile emkhathini.
Bazakubona nxa kungavunguza umoya kusale kungasela yezi.
22 Enyakatho kuyakhazimula njengegolide.
UNkulunkulu mkhulu+ okumangalisayo.
23 Ngeke senelise ukuzwisisa konke ngoSomandla.+
38 UJehova wasekhuluma ephakathi kwesivunguzane+ wathi kuJobe:
2 “Ngubani lowo owenza izeluleko zami zingazwakali?
Ngubani lowo okhuluma engazi lutho?+
3 Qina ube yindoda,
Mina ngizakubuza wena ungiphendule.
4 Wawungaphi ngidala umhlaba?+
Ngitshela nxa uzwisisa ukuthi ngawenza njani.
5 Uyakwazi yini ukuthi ngubani owafaka izilinganiso zawo,
Lokuthi ngubani owawulinganisa ngentambo?
6 Izikhonkwane zawo zabethelwa ngaphi?
Ngubani owabeka ilitshe lawo eliyisiqokoqela?*+
8 Ngubani owavalela ulwandle ngemva kwezivalo,+
Ngesikhathi amanzi alo ethela?
9 Wawungaphi ngilwembathisa ngamayezi,
Ngesikhathi ngilugoqela ngobumnyama obukhulu?
10 Wawungaphi ngimisa imingcele yalo,
Ngilufakela izivalo lemigubazi?+
11 Wawungaphi lapho ngisithi, ‘Ungasondela uze ufike lapha, kodwa ungedluli,
Lapha yikho okuzaphelela khona amagagasi akho amakhulu?’+
12 Wake walitshela yini ilanga ukuthi liphume,
Loba watshengisa ukusa ukuthi kumele kuthutshe ngaphi?+
13 Nguwe yini owatshela ukusa ukuthi kufike lasemikhawulweni yomhlaba,
Lokuthi kuxotshe abantu abenza okubi?+
14 Umhlaba uyaguquka njengebumba lifakwa uphawu,
Konke okukuwo kukhanye bha njengamabala esigqoko.
15 Kodwa ukukhanya kwababi kuyasuswa,
Basale bengelamandla okucindezela abanye.
16 Sewake wayafika yini lapho okudabuka khona ulwandle,
Watshona waze wafika enzikini yalo?+
18 Uyazwisisa yini ukuthi umhlaba mkhulu kangakanani?+
Akungitshele nxa ukwazi konke lokhu.
19 Uyakwazi yini ukuthi ukukhanya kuhlala ngaphi,+
Lokuthi ubumnyama butholakala ngaphi?
20 Ungakuthatha yini ukubuyisele lapho okuvela khona?
Uyayazi na indlela eya lapho okuhlala khona?
21 Wawusuzelwe yini ngidala konke lokhu ukuthi usungaze ukwazi,
Kumbe yikuthi usuleminyaka eminengi?
22 Sewake wangena yini eziphaleni zongqwaqwane?+
Wake wazibona yini iziphala zesiqhotho,+
23 Engizigcinele isikhathi sokuhlupheka
Lengizibekele usuku lwempi?+
24 Ukukhanya kusabalala njani?
Umoya wasempumalanga uqalisela ngaphi ukuvunguza?+
25 Ngubani owavulela isikhukhula indlela?
Ngubani owavula indlela yamayezi esiphepho,+
26 Ukuze izulu line lapho okungahlali muntu,
Ligxobe enkangala okungelamuntu khona,+
27 Besekugcwala amanzi endaweni ezomileyo
Kumile lotshani?+
28 Izulu liloyise yini?+
Ngubani uyise wamazolo?+
29 Ungqwaqwane wazalwa ngubani?
Ngubani owazala iliqhwa elikhithika livela phezulu?+
30 Ngubani owembesa amanzi ngongqwaqwane ome angathi lidwala,
Enze lamanzi atshonayo ome phezulu abe lilitshe?+
31 Ungazibopha yini intambo zeqembu lezinkanyezi okuthiwa yiKhima,
32 Ungalikhokhela yini iqembu lezinkanyezi ngesikhathi salo,
Loba uqondise i-Ashi* labantwabayo?
33 Uyayazi yini imithetho eqondisa izinto ezisemkhathini?+
Ungayifaka yini leyomithetho lasemhlabeni?
34 Ungawamemeza yini amayezi
Ukuze kune izulu elikhulu likusibekele?+
35 Ungawuthuma yini umbane?
Ungaphenduka yini kuwe ufike uthi, ‘Sengibuyile’?
37 Ngubani ohlakaniphe okokuthi angabala amayezi,
Loba athulule imbiza zamanzi ezisezulwini?+
38 Ngubani owenza uthuli lutshintshe lube yizigaqa,
Lenhlabathi ibumbane ibe ngamagade?
39 Ungasidingela ukudla yini isilwane,
Loba usuthise izilwane ezilamandla,+
40 Nxa zilele ezimbalwini zazo
Kumbe zicatheme ezixukwini?
41 Ngubani opha iwabayi ukudla+
Nxa abantwabalo bekhala kuNkulunkulu becela uncedo,
Bezulazula bengelakudla?
39 “Uyakwazi yini ukuthi igogo* lizala nini?+
Sewake wayibona yini impala* izala?+
2 Uyake ubale yini ukuthi inyamazana lezi zihlala inyanga ezingaki zimithi?
Uyasazi yini isikhathi ezizala ngaso?
3 Ziyaguqa nxa zizala amazinyane azo,
Imihelo yazo ihle iphele.
4 Amazinyane azo akhulela eguswini aze aqine,
Abesehamba angaphindi aphenduke kubonina.
5 Ngubani owakhulula ubabhemi weganga,+
Wathukulula lemichilo ayebotshwe ngayo?
6 Ngenze inkangala yaba likhaya lakhe,
Ngamhlalisa ezimunywini.*
7 Kalandaba lomsindo osedolobheni,
Kakuzwa ukukhuza komtshayeli wabobabhemi.
8 Ubhodabhoda emaqaqeni edinga amadlelo,
Edinga loba yini eluhlaza.
9 Inkunzi yeganga ingavuma yini ukukusebenzela?+
Ungayivalela esibayeni sakho ubusuku bonke?
10 Ungayidonsa yini ngomchilo uyifake emfolweni?
Ungayikhokhela yini ulime ngayo esigodini?
11 Ungawathemba yini amandla ayo amakhulu,
Kube yiyo ekwenzela umsebenzi onzima?
12 Ungalayitsha ngayo amabele yini emasimini?
Kambe ingawathwala izowathululela esizeni* sakho?
13 Iyamangalisa indlela intshe etshaya ngayo amaphiko ayo,
Kodwa insiba lempiko zayo zingafanana lezengabuzane yini?+
14 Intshe igqibela amaqanda ayo phansi,
Akhudunyezwe yinhlabathi.
15 Iyakhohlwa ukuthi abantu bangawagxoba afe
Lokuthi anganyathelwa zinyamazana.
16 Iwaphatha kubi amatsiyane ayo angathi awasiwayo.+
Ayilandaba lokuthi ingasebenzela ize,
17 Ngoba uNkulunkulu wayincitsha ukuhlakanipha,
Kazange ayinike ukuzwisisa.
18 Kodwa nxa ingasukuma ivule amaphiko ayo isigijima,
Iyalihleka ibhiza lomgadi walo.
19 Nguwe yini onika ibhiza amandla?+
Nguwe owaligqokisa umhlonga oyabuzelayo yini?
20 Ungalenza leqe njengentethe yini?
Ukuhwabha kwalo kuyethusa.+
22 Liyakuhleka ukwesaba njalo kalesabi lutho.+
Kalibuyeli emuva lanxa libona inkemba.
23 Isikhwama sezikhali siyakhehlezela phezu kwalo,
Kuphazime umkhonto lejavelini.
24 Livuka idlabuzane ligijime ngesiqubu esikhulu.
Nxa uphondo lungakhala akuvumi ukuthi lime.
25 Lingezwa uphondo lukhala liyakhonya,
Liyayinuka impi lisesekhatshana
Lizwe lokukhuza kwabakhokheli bamabutho lomsindo wempi.+
26 Yikuzwisisa kwakho yini okwenza uhelwane luqonge emoyeni,
Luvule impiko zalo lusiya eningizimu?
27 Nguwe yini oyitshelayo ingqungqulu* ukuthi iphaphe iyephezulu,+
Iyekwakha isidleke sayo esiqongweni?+
28 Nguwe yini oyitshelayo ukuthi ilale eliweni lentaba,
Lokuthi ihlale endaweni evikelekileyo ezimbalwini zamadwala?
30 Abantwabayo banatha igazi.
Kayiswelakali lapho okulezidumbu khona.”+
40 UJehova waqhubeka ekhuluma loJobe esithi:
2 “Kuqondile yini ukuthi umuntu asole uSomandla njalo amphikise?+
Lowo ofuna ukumbeka icala kaphendule.”+
3 UJobe wasephendula uJehova wathi:
4 “Mina angisimuntu walutho.+
Kambe ngingakuphendula ngithini?
Sengivala umlomo wami ngesandla.+
5 Lanxa ngikhulume ngaze ngaphinda, angisoze ngiphendule futhi.
Angilawo amanye amazwi.”
6 UJehova wasekhuluma ephakathi kwesivunguzane+ wathi kuJobe:
7 “Qina ube yindoda,
Mina ngizakubuza wena ungiphendule.+
8 Kungani usola indlela engahlulela ngayo?
Kambe ungangisola ukuze wena ukhanye ulungile?+
9 Ingalo yakho iqine njengekaNkulunkulu weqiniso yini?+
Kambe ungakhwaza njengaye?+
10 Nxa kunjalo ngitshengisa inkazimulo yakho lamandla akho.
Ngitshengisa udumo lwakho lokuthi umkhulu kangakanani.
11 Lukhiphe lonke ulaka lwakho,
Khangela bonke abazigqajayo ubusubehlisa,
12 Ukhangele wonke umuntu oziphakamisayo umehlise,
Abenza okubi ubahlifize lapho abakhona,
13 Ubafihle ethulini bonke,
Ubavalele endaweni emnyama.
14 Lapho-ke lami ngizavuma
kuthi isandla sakho sokudla singakusindisa.
15 Khangela imvubu,* ngayidala njengoba lawe ngakudala.
Idla utshani njengenkomo.
16 Uyabona ukuthi imilenze yayo iqine njani?
Uyabona ukuthi imisipha esesiswini sayo iqine kangakanani?
17 Iyawuqinisa umsila wayo ube angathi yisihlahla somsedari.
Imisipha yemilenze yayo ingathi yelukiwe.
18 Amathambo ayo aqine njengekhopha.
Inyawo zayo zingathi zenziwe ngensimbi.
19 Inkulu futhi ngeyokuqala ezinyamazaneni zomhlobo wayo ezadalwa nguNkulunkulu.
UMenzi wayo nguye yedwa ongayilanda ethwele inkemba.
20 Ukudla kwayo ikuthola ezintabeni,
Lapho okudlalela khona zonke izinyamazana zeganga.
21 Ilala ngaphansi kwezihlahla eziyizithingithingi,
Icatshe phakathi kwemihlanga esexhaphozini.*
22 Izihlahla eziyizithingithingi zingumthunzi wayo,
Lezihlahla zomphophula ezisesigodini ziyigombolozele.
23 Lanxa umfula uthwele izigodo kayethuki.
Ilesibindi sokuqondana lamagagasi omfula uJodani.+
24 Ukhona yini ongayibamba yona ibukele nje,
Kumbe ayiwuke ngamakhala?
2 Ungafaka intambo emakhaleni akhe yini,
Kumbe umbhoboze umhlathi ngewuka?
3 Kambe angakuncenga ukuthi umzwele,
Akhulume lawe kuhle?
4 Angenza isivumelwano lawe yini
Ukuze ahlale eyisigqili sakho?
5 Kambe ungamdlalisa angathi udlalisa inyoni,
Kumbe umbophe ngentambo ukuze amadodakazi akho amdlalise?
6 Abantu bangamthengiselana yini?
Abathengayo bangamqumelana yini?
7 Ungasibhoboza yini isikhumba sakhe ngengwegwe zensimbi,+
Loba umgwaze ekhanda ngemikhonto?
8 Beka isandla sakho phezu kwakhe ubone,
Impi ezavuka lapho ngeke uyikhohlwe futhi awusoze ukuphinde!
9 Ngeke umehlule loba sekutheni.
Ungambona nje uyadilikela phansi.*
10 Kakho olesibindi sokumhlokoza,
Manje ngubani ongamisana lami?+
11 Kulomuntu engilesikwelede sakhe yini okumele ngimbhadale?+
Phela konke okusemhlabeni ngokwami.+
12 Ngizakhuluma ngenyawo zikaLeviyathani,
Ngibabaze amandla akhe lomzimba wakhe omangalisayo.
13 Ngubani ongaxexebula isikhumba sakhe?
Nxa angavula umlomo wakhe ngubani ongasondela kuye?
14 Ngubani ongambamba ngenkani ukuthi avule umlomo wakhe?
Amazinyo akhe ayesabeka.
15 Emhlane ngamaxolo wodwa,
Njalo wonke anamathelene.
16 Ngalinye lithe nama kwelinye,
Lomoya awungeni.
17 Wonke nje abambene,
Anamathelene okokuthi ngeke uwehlukanise.
18 Nxa angathimula kuthi bayi ukukhanya.
Amehlo akhe angathi yimisebe yelanga liphuma.
19 Emlonyeni wakhe kuphazima imibane,
Kuphume inhlansi zomlilo.
20 Emakhaleni akhe kuthunqa intuthu,
Angathi yibhayila elunyathiswe ngamahlanga.
21 Ukuphefumula kwakhe kwenza amalahle avuthe,
Emlonyeni wakhe kuphuma ilangabi.
22 Entanyeni yakhe kulamandla amakhulu,
Konke okumbonayo kutshaywa luvalo.
23 Amavinqo asesiswini sakhe abambene,
Aqine njengensimbi, awanyikinyeki.
24 Inhliziyo yakhe iqine njengelitshe,
Iqine njengelitshe lokucholela.
25 Nxa angavuka kwethuka labalamandla,
Angatshaya amanzi ngolaka bayaphelelwa.
26 Akulankemba engamgwaza,
Loba umkhonto lomtshoko laloba yisiphi isikhali.+
27 Kuye insimbi ifanana lomhlanga,
Lekhopha injengesigodo esibolileyo.
28 Kawubalekeli umtshoko.
Angatshaywa ngamatshe esavutha kuba angathi utshaywe ngamahlanga.
29 Induku injengehlanga kuye,
Uyahleka nxa esizwa umsindo womkhonto.*
30 Isisu sakhe silamaxolo anjengezicucu zembiza yomdaka,
Angahamba edakeni kusala kungathi kudlule isileyi sokubhula.*+
31 Wenza amanzi asekujuleni abile njengembiza,
Uyalugoqoza ulwandle angathi yimbiza yamafutha.
32 Lapho adlule khona utshiya kulamagwebu amhlophe.
Inziki yolwandle isale ingathi ilenwele ezimhlophe.
33 Akulalutho emhlabeni olufanana laye,
UNkulunkulu wamenza wangesabi lutho.
34 ULeviyathani ukhangela konke okuziphakamisayo,
Uyinkosi yezinyamazana ezilamandla.”
42 UJobe waphendula uJehova wathi:
2 “Sengikwazi ukuthi uyenelisa ukwenza zonke izinto,
Lokuthi akulalutho olucabangayo ongehluleka ukulwenza.+
3 Wena uthe, ‘Ngubani lowo ongazi lutho kodwa owenza izeluleko zami zingazwakali?’+
Ngikhulume ngingelalwazi
Ngezinto ezimangalisayo kodwa engingazi lutho ngazo.+
4 Uphinde wathi, ‘Ngicela ulalele, ngizakhuluma.
Mina ngizakubuza wena ungiphendule.’+
5 Indlebe zami besezizwile ngawe,
Kodwa khathesi sengikubona ngamehlo ami.
6 Yikho ngiyazisola ngalokho engikukhulumileyo,+
Sengize ngahlala emlotheni lasethulini ukuze kukhanye ukuthi ngiyazisola.”+
7 UJehova wathi eseqedile ukukhuluma loJobe, wakhuluma lo-Elifazi umThemani. UJehova wathi kuye:
“Ngikuzondele kakhulu wena labangane bakho ababili+ ngoba kalenzanga njengenceku yami uJobe, kodwa likhulume amanga ngami.+ 8 Ngakho thathani inkunzi eziyisikhombisa lenqama eziyisikhombisa liye encekwini yami uJobe, lifike lenze imihlatshelo yokutshiswa ngoba kalenzanga njengaye kodwa likhulume amanga ngami. UJobe inceku yami uzalithandazela+ futhi ngizasamukela isicelo sakhe, ngingalijeziseli ubuphukuphuku benu.”
9 Ngakho u-Elifazi umThemani loBhilidadi umShuhi loZofari umNamathi bahamba bayakwenza lokho uJehova ayebatshele khona. UJehova wawulalela umthandazo kaJobe.
10 UJobe wathi esebathandazele abangane bakhe,+ uJehova waziqeda zonke inhlupho zakhe+ wambuyisela inotho ayelayo. UJehova wenza inotho yakhe yaba nengi okuphindwe kabili.+ 11 Bonke abafowabo labodadewabo kanye labangane bakhe bakudala+ babuya bazokudla laye emzini wakhe. Bamkhalela bamduduza ngenxa yenhlupho zonke uJehova ayevumele ukuthi zimehlele. Ngamunye wabo wamnika imali lendandatho yegolide.
12 UJehova wambusisa uJobe eminyakeni yakhe yokucina kulakuqala.+ UJobe waba lezimvu ezingu-14 000, lamakamela angu-6 000, lezipani zenkomo ezingu-1 000 labobabhemi abasikazi abangu-1 000.+ 13 Waba lamadodana ayisikhombisa lamadodakazi amathathu.+ 14 Indodakazi yakhe yokuqala wayinika ibizo elithi Jemima, eyesibili wathi nguKheziya, eyesithathu wathi nguKhereni-haphukhi. 15 Elizweni lonke kakho owesifazana owayemuhle njengamadodakazi kaJobe njalo uyise wawanika ilifa phakathi kwabafowabo.
16 Ngemva kwalokho uJobe waphila iminyaka engu-140 futhi wabona abantwabakhe labazukulu bakhe, izizukulwane ezine. 17 UJobe wafa esemdala futhi esuthisekile ngempilo yakhe.
Ibizo leli lingabe lisitsho ukuthi, “Ozondwayo.”
NgesiHebheru, “lezipani zenkomo ezingu-500.”
NgesiHebheru, “labobabhemi abasikazi.”
Le ngenye indlela amaHebheru ayebiza ngayo izingilosi ngolimi lwawo.
NgesiHebheru, “Usufake inhliziyo yakho encekwini.”
NgesiHebheru, “ebusweni bukaJehova.”
Ezinye inguqulo zithi, “umbane.”
Le ngenye indlela amaHebheru ayebiza ngayo izingilosi ngolimi lwawo.
NgesiHebheru, “Usufake inhliziyo yakho encekwini.”
Kumbe, “uzama ukungikhuthaza ukuthi.”
Kumbe, “umphefumulo wakhe.”
NgesiHebheru, “ebusweni bukaJehova.”
Kumbe, “ngezilonda ezibuhlungu kakhulu.”
NgesiHebheru, “eqalekisa ilanga lakhe.”
Kumbe, “yibumnyama lethunzi lokufa.”
Lapha kungabe kutshiwo ingwenya.
Ezinye inguqulo zithi, “Abavusa amanxiwa.”
Kumbe, “ngileziphathamandla ezazilegolide.”
Kumbe, “abalamacebo alimazayo.”
Kumbe, “Lezithunywa.”
Kumbe, “azakwenza isivumelwano lawe.”
Kumbe, “lilokuthula.”
Kumbe, “Ubabhemi weganga.”
Kumbe, “ngelule impilo yami.”
NgesiHebheru, “ngekhopha.”
Kumbe, “komunye wakhe; kumngane wakhe.”
NgesiHebheru, “lingihlenge.”
NgesiHebheru, “akubone okuhle.”
Kumbe, “ophuma emakhaleni.”
Kumbe, “ubezaphakama akusize.”
NgesiHebheru, “Bakhiphe amazwi ezinhliziyweni zabo?”
Kumbe, “eteteni.”
NgesiHebheru, “Le yiyo indlela yabantu.”
Kumbe, “ohlamukayo.”
NgesiHebheru, “linjengendlu yesayobe.”
Kumbe, “abamsulwa.”
NgesiHebheru, “ababambe isandla.”
Kumbe, “ukumangalela uNkulunkulu emthethwandaba.”
NgesiHebheru, “uhlakaniphile enhliziyweni.”
Kumbe, “Ususa.”
Lapha kungabe kutshiwo isilo esikhulu esihlala olwandle.
Ezinye inguqulo zithi, “ongibeka icala.”
Kumbe, “ngimsulwa.”
NgesiHebheru, “ngilimenemene.”
Kumbe, “ngimsulwa.”
Kumbe, “abaqotho.”
NgesiHebheru, “Njalo izinto lezi uzifihlile enhliziyweni yakho.”
Kumbe, “ngike ngithokoze.”
NgesiHebheru, “Welulele izandla zakho kuye.”
NgesiHebheru, “Lina yini abantu.”
Kumbe, “Ematendeni ezigebenga.”
Ezinye inguqulo zithi, “ukhulume lomhlaba.”
NgesiHebheru, “Axegise ibhanti lalabo abalamandla.”
Kumbe, “Ngizazivikela.”
Ezinye inguqulo zithi, “Nxa ekhona ngizazithulela ngizifele.”
Kumbe, “Inyawo zami uzibophele emapulankeni amakhulu.” Khangela iNgcazelo Yamabala.
Ibala lesiHebheru elisetshenziswe lapha litsho izibungu eziphaphayo ezidla amalembu.
NgesiHebheru, “ongcolileyo.”
NgesiHebheru, “ohlanzekileyo.”
Lapha utsho ukuthi uzalinda engcwabeni.
Lapha kutshiwo ukuthi ngeke akuthole osekumlahlekele.
Kumbe, “abantu abahlamukayo.”
Kumbe, “ngingelamandla.”
Kumbe, “abahlamukayo.”
Kumbe, “ingcwaba.”
Kumbe, “uzathelwa isalufa.”
NgesiHebheru, “Kasoze abe lebizo emigwaqweni.”
Kumbe, “Selingithethise.”
Kumbe, “Izihlobo zami sezingitshiyile.”
NgesiHebheru, “Nxa ngisukuma.”
NgesiHebheru, “izinso zami azisasebenzi.”
Kumbe, “u-Adamu.”
Kumbe, “ohlamukayo.”
Kumbe, “besiba lamandla.”
Ihabhu lichacho elilentambo ezifanana lezekatali.
Kumbe, “Angiwafuni amacebo abo.”
NgesiHebheru, “Banathe.”
Kumbe, “kuyamthokozisa ukuthi.”
NgesiHebheru, “batshedisa umngcele.”
Ezinye inguqulo zithi, “Babutha ukudla kwenkomo emasimini.”
Ezinye inguqulo zithi, “Bahluza amafutha phakathi kwemiduli yamatshe.”
Kumbe, “okutshengisa ukuthi uhlakaniphile.”
Kumbe, “okuse-Abhadoni.”
NgesiHebheru, “Welulela inyakatho.”
NgesiHebheru, “uRahabi.”
Kumbe, “ngingabulahlanga ubuqotho bami.”
Kumbe, “ohlamukayo.”
Ezinye inguqulo zithi, “ngesandla sikaNkulunkulu.”
Ezinye inguqulo zithi, “Bamtshayela izandla bemhleka, bamtshayele lomlozwi besendaweni yabo.”
Lapha kungabe kutshiwo ukugejwa kwemigodi ngabantu abadinga amatshe aligugu.
Khangela iNgcazelo Yamabala.
NgesiHebheru, “lokutshabalala.”
Kumbe, “Lezinceku zami zisesekhona.”
NgesiHebheru, “acatshe.”
Kumbe, “Ulimi lwazo lunamathele elwangeni.”
Kumbe, “Ngihlolisisa.”
Khangela iNgcazelo Yamabala.
NgesiHebheru, “uthukulule idandili lami.”
Ezinye inguqulo zithi, “obancedisayo.”
Lapha kungabe kutshiwo isikhumba sakhe.
Kumbe, “Ungihlasela ngesandla sakho esilamandla.”
Ihabhu lichacho elilentambo ezifanana lezekatali.
Kumbe, “zingethesa icala.”
NgesiHebheru, “Ngenza amehlo omfelokazi afiphala.”
NgesiHebheru, “ngisesibelethweni sikamama.”
Ezinye inguqulo zithi, “Ngithembe ukuthi abantu bazangisekela enkundleni.”
Kumbe, “Akulamuntu wesinye isizwe.”
Kumbe, “okhuze uJobe.”
Kumbe, “Inyawo zami uzibophele emapulankeni amakhulu.” Khangela iNgcazelo Yamabala.
Kumbe, “esesengcwabeni.”
Kumbe, “engcwabeni.”
NgesiHebheru, “egodini.”
Kumbe, “Umzimba wakhe kawuvuselelwe ube.”
NgesiHebheru, “egodini.”
Kumbe, “engcwabeni.”
Kumbe, “ohlamukayo.”
Lapha kungabe kutshiwo uNkulunkulu.
Kumbe, “Abahlamukayo.”
Ezinye inguqulo zithi, “wamsola.”
Kumbe, “ngeke siyizwisise.”
Ezinye inguqulo zithi, “kuyini okuzayo.”
Khangela iNgcazelo Yamabala.
Le ngenye indlela amaHebheru ayebiza ngayo izingilosi ngolimi lwawo.
Kumbe, “lamagedi ethunzi lokufa.”
Lapha kungabe kutshiwo iqembu lezinkanyezi okuthiwa yi-Oriyoni.
Lapha kungabe kutshiwo iqembu lezinkanyezi okuthiwa yi-Great Bear.
Ezinye inguqulo zithi, “umuntu.”
Ezinye inguqulo zithi, “ingqondo yenelisa.”
Kumbe, “imbuzi yeganga.”
Ibala lesiHebheru elisetshenziswe lapha litsho inyamazana ehambelana lempala.
Isimunyu yindawo elomhlabathi omunyu olesawudo.
Khangela iNgcazelo Yamabala.
NgesiHebheru, “Liphume lihlangabeze izikhali.”
Kumbe, “ukhozi.”
NgesiHebheru, “uBhehemothi.”
Kumbe, “eseteteni.”
Lapha kungabe kutshiwo ingwenya.
Kumbe, “uyesaba uthuthumele.”
Kumbe, “wejavelini.”
Khangela iNgcazelo Yamabala ebaleni elithi, “Ukubhula; Indawo yokubhulela.”