Sifundani ELizwini LikaNkulunkulu?

IBhayibhili lilamazwi kaNkulunkulu abhalelwe thina lamuhla. Liyasitshela ukuthi singenzani ukuze siphile impilo ethokozisayo lokuthi singenzani ukuze uNkulunkulu asamukele. Kanti njalo lilezimpendulo zemibuzo elandelayo:

1 Ungubani uNkulunkulu?
2 Ungenzani ukuze ufunde ngoNkulunkulu?
3 Ngubani owabhala iBhayibhili?
4 IBhayibhili liyavumelana lesayensi yini?
5 IBhayibhili likhuluma ngani?
6 IBhayibhili laphrofethani ngoMesiya?
7 IBhayibhili laphrofethani mayelana lensuku zokucina?
8 UNkulunkulu nguye obangela ukuhlupheka kwabantu yini?
9 Kungani abantu behlupheka?
10 IBhayibhili lisithembisani ngekusasa?
11 Umuntu angafa uya ngaphi?
12 Abantu abafileyo bazaphinda baphile yini?
13 IBhayibhili lithini ngokusebenza?
14 Kuyini okungakunceda ungatshaphazi izinto olazo?
15 Ungenzani ukuze uthokoze?
16 Ungenzani ukuze ungakhulelwa yikukhathazeka?
17 IBhayibhili lingayinceda njani imuli yakho?
18 Ungenzani ukuze usondele kuNkulunkulu?
19 Kuyini okutholakala emabhukwini aseBhayibhilini?
20 Ungenzani ukuze ulizwisise iBhayibhili?

UNGAWATHOLA NJANI AMAVESI EBHAYIBHILINI?

IBhayibhili libunjwa ngamabhuku atshiyeneyo angu-66. Lilengxenye ezimbili: IMibhalo yesiHebheru leyesi-Aramu (“IThestamenti Elidala”) leMibhalo yesiGrikhi (“IThestamenti Elitsha”). Ibhuku ngalinye lilezahluko lamavesi. Nxa kulevesi oyibonayo, inamba yokuqala elandela ibizo lebhuku imela isahluko, inamba elandelayo loba ezilandelayo zimela ivesi loba amavesi. Ngokwesibonelo nxa kubhalwe uGenesisi 1:1 kutsho ukuthi vula uGenesisi isahluko 1 ivesi 1.