AMACEBO OKULWISANA LOKUKHATHAZEKA
Ukhathazekile Yini?
“Wonke umuntu uyake akhathazeke kodwa okwami kwenza ngiphelelwe ngamandla. Ngikhathazwa yizinto ezinengi kakhulu. Okunye kwakhona yikuthi sengileminyaka eminengi nginakekela umkami ogulayo futhi ongaphilanga kuhle engqondweni.”—UJill.a
“Inkosikazi yami yangibalekela, yikho ngasala ngikhulisa abantwana ababili ngingedwa. Kwakunzima sibili ukwenza njalo. Inhlupho zami zabuya zibhabhulene. Ngaphelelwa ngumsebenzi futhi lokhu kwenza ngaswela lemali yokulungisisa imota. Ngakhathazeka kakhulu ngoba ngangingasakwazi ukuthi ngibambe ngaphi ngitshiye ngaphi. Ngangikwazi ukuthi akuqondanga ukuzibulala yikho ngacela ukuthi uNkulunkulu aqede ukuhlupheka kwami.”—UBarry.
Uyake uzizwe ukhathazeke kakhulu yini njengoJill loBarry? Nxa kunjalo, silethemba lokuthi imagazini le izakududuza futhi ikuncede. Izihloko ezilandelayo zizasitshela ngezinto ezijayele ukubangela ukukhathazeka. Sizabona lezingozi ezingaba khona nxa singahlala sikhathazekile kanye lokuthi singenzani ukuze sinciphise ukukhathazeka.
a Amabizo antshintshiwe.