INGXENYE 6
Kusukela Ekuzalweni kukaJesu Kusiya Ekufeni Kwakhe
Ingilosi uGabhariyeli yathunywa kowesifazana osakhulayo okuthiwa nguMariya. Yamtshela ukuthi wayezakuba lomntwana owayezabusa njengenkosi kuze kube nininini. UJesu wazalelwa esitebeleni, lapho avakatshelwa ngabelusi. Ngemva kwesikhathi inkanyezi yakhokhela amadoda avela eMpumalanga ibasa emntwaneni uJesu. Sifunda ukuthi ngubani owabenza babona inkanyezi leyo lokuthi uJesu wasindiswa njani emizamweni yokuthi abulawe.
Sithola njalo uJesu ekhuluma labafundisi ethempelini eleminyaka engu-12. Sekudlule iminyaka engu-18, uJesu wabhaphathizwa njalo waqalisa umsebenzi wokutshumayela lokufundisa ngoMbuso uNkulunkulu ayemthume ukuthi awenze emhlabeni. UJesu wakhetha amadoda angu-12 ukuthi amncedise njalo wabenza baba ngabaphostoli bakhe.
UJesu wenza lezimangaliso ezinengi. Wanika izinkulungwane zabantu ukudla esebenzisa inhlanzi ezincane ezilutshwana lezinkwa ezilutshwana. Walapha abagulayo wavusa labantu abafileyo. Ekucineni sifunda ngezinto ezinengi ezenzakala kuJesu ezinsukwini zokucina zokuphila kwakhe lendlela abulawa ngayo. UJesu watshumayela phose okweminyaka emithathu lengxenye, yikho-ke INGXENYE 6 ikhuluma ngokwenzakala eminyakeni edlula engu-34.