Ungesabi

Isimiso: “UNkulunkulu wethu wasincedisa ukuthi siqunge isibindi ukuze silitshele izindaba ezinhle.”—1 Thes. 2:2.

Okwenziwa NguJesu

UJesu utshela uZakhewu ukuthi ehle esihlahleni futhi lokhu kumangalisa abanye abantu.

IVIDIYO: UJesu Utshumayeza UZakhewu

1. Bukela IVIDIYO, kumbe ubale uLukha 19:1-7, ubusuphendula imibuzo elandelayo:

Kuyini okungabe kwakubangela ukuthi abanye abantu bamninele khatshana uZakhewu?
Lanxa kunjalo, kuyini okwenza uJesu wamtshumayeza?

Sifundani Kulokho Okwenziwa NguJesu?

2. Kumele sibe lesibindi ukuze sitshele bonke abantu izindaba ezinhle zoMbuso.

Lingisela UJesu

3. Thembela kuJehova. Umoya kaNkulunkulu wanika uJesu amandla okuthi atshumayele futhi lawe ungakuncedisa. (Mat. 10:19, 20; Luk. 4:18) Cela uJehova akuncedise ube lesibindi sokutshumayeza abantu ongabe ubesaba.—Imiseb. 4:29.

4. Ungaphangisi ukwahlulela abantu. Singesaba, sicabange ukuthi abanye abantu ngeke balalele izindaba ezinhle ngenxa yendlela ababukeka ngayo, isikhundla abalaso emphakathini, imali abalayo, indlela abaphila ngayo kumbe lokho abakukholwayo. Kodwa kumele sikhumbule ukuthi:

Thina asenelisi ukubona okusezinhliziyweni zabantu, nguJehova loJesu kuphela abenelisa ukukubona.
UJehova angancedisa loba ngubani ukuthi atshintshe amkhonze.

5. Woba lesibindi, ukhulume ngenhlonipho langonanzelelo. (Mat. 10:16) Ungamphikisi. Yigoqe kuhle ingxoxo yakho nxa umuntu engafuni ukulalela kumbe nxa ubona angani sekusiba kubi.—Zaga. 17:14.

KHANGELA

lo-Imiseb. 4:31; Efe. 6:19, 20; 2 Thim. 1:7