IMIBUZO YEBHAYIBHILI IYAPHENDULWA
Ngobani abazakuya ezulwini njalo bayakwenzani?
Abanengi bayakufuna ukuya ezulwini. UJesu wathi abaphostoli bakhe abathembekileyo babezahlala khonale ezulwini. Engakafi, wabathembisa ukuthi yena loYise osezulwini babezabalungisela indawo.—Bala uJohane 14:2.
Kungani abantu basemhlabeni bezavuswa ukuthi bayephila ezulwini? Bayakwenzani khonangale? UJesu watshela abaphostoli bakhe ukuthi bazakuba ngamakhosi njalo bazabusa umhlaba.—Bala uLukha 22:28-30 loSambulo 5:10.
Bonke abantu abalungileyo bayahamba yini ezulwini?
Emazweni amanengi kubusa abantu abalutshwana nje. Njengoba uJesu evusa abantu ukuthi bayephila ezulwini ukuze babuse umhlaba, singakhangelela ukuthi labo abakhethwayo babe balutshwana. (ULukha 12:32) IBhayibhili likubeka kucace ukuthi bangaki abazabusa loJesu.—Bala iSambulo 14:1.
UJesu uselungisele abalandeli bakhe abathile izindawo ezulwini. Uyakwazi yini ukuthi bayakwenzani khonale?
Abazakuya ezulwini kayisibo bodwa abazaphiwa umvuzo. Abantu abathembekileyo abazabuswa nguMbuso kaJesu bazaphila impilo engapheliyo emhlabeni, epharadayisi elizabe selibuyiselwe. (UJohane 3:16) Laba ngabazasinda ngesikhathi umumo wezinto omubi okhona khathesi utshabalaliswa, kanye labazavuswa emathuneni.—Bala iHubo 37:29 loJohane 5:28, 29.