Izintshumayelo Eziyisibonelo
Ukuqalisa Izifundo zeBhayibhili ngoMgqibelo Wokuqala ka-July
“Phose wonke umuntu emphakathini wethu angathanda ukuphila isikhathi eside ethokoza. Ngakho singathanda ukuzwa ukuthi wena ucabangani ngombuzo lo: Ucabanga ukuthi ngelinye ilanga uhlangothi lwezokwelapha lolwezesayensi lungenelisa ukusenza siphile kuze kube nini lanini yini? [Melela impendulo.] Nanzelela ukuthi kuthiwani lapha.” Mtshengise ikhasi elingemuva kweNqabayokulinda ka-July 1, beselixoxa ngombuzo wokuqala, lingafunda omunye wemibhalo efakiweyo. Mnike amamagazini njalo wenze amalungiselelo okuphenduka ngesikhathi esilandelayo lizoxoxa ngombuzo olandelayo.
Nanzelela: Intshumayelo le kumele itshengiswe ukuthi ingenziwa njani ngesikhathi somhlangano wenkonzo yasensimini ka-July 6.
INqabayokulinda July 1
“Abanengi esikhuluma labo balezinkolo zabo. Kodwa abanye bathi kabasayithembi inkolo. Wena uzizwa njani ngenkolo? [Melela impendulo.] UJesu wasinika isimiso sokuthi singayihlola njani inkolo ethile. [Bala uLukha 6:44a.] Imagazini le ikhuluma ngezinye zezithelo ezimbi zenkolo. Iphinde iphendule umbuzo othi, Ikhona yini inkolo ongayithemba?”
Awake! July
“Sivakatshela omakhelwane bethu ukuze sikhulume ngohlupho olubuhlungu—ububi abantu abahlangana labo. Abanye abantu balwisana lobubi ngokutshengisela kuzulu wonke ukukhalaza kwabo. Ucabanga ukuthi abantu abatshengisela ukukhalaza kwabo baphumelele yini ukwenza ukuthi kube lontshintsho? [Melela impendulo.] Nanzelela ukuthi iBhayibhili lithi kuyini okuzaletha untshintsho emhlabeni. [Bala uMathewu 6:9, 10.] Imagazini le iphendula umbuzo othi, Ukutshengisela ukukhalaza yikho yini okungaqeda ububi?”
Izindaba Ezinhle Ezivela kuNkulunkulu!
“Sivakatshela izimuli ezihlala elayinini le ukuze sixoxe lazo ngokuthile okukhuthazayo okuseBhayibhilini. Abantu abanengi esesike saxoxa labo bayazibuza ukuthi kungani uNkulunkulu olothando evumela ukuthi abantu bahlupheke kangaka emhlabeni. Ucabanga ukuthi uNkulunkulu eqalisa ukudala umhlaba wayejonge ukuthi kube lokuhlupheka emhlabeni yini?” Melela impendulo. Vula kuSifundo 5, ubusubala njalo uxoxe ngezindima zakuqala ezimbili kanye lemibhalo ebhalwe ukuthi bala. Mnike ibhukwana njalo wenze amalungiselelo okuphenduka uzoxoxa ngombuzo obhalwe ngamabala aqatha.