Izintshumayelo Eziyisibonelo

Ukuqalisa Izifundo zeBhayibhili ngoMgqibelo Wokuqala ka-October

“Sivakatshela omakhelwane bethu okwesikhatshana ukuze sikhulume labo ngohulumende omuhle. Ubona angani ukhona yini uhulumende ongasusa izinhlupho ezifanana lodlakela kanye lokungalungi?” Melela impendulo. Khumbuza umninimuzi ukuthi eMthandazweni weNkosi, uJesu wafundisa abalandeli bakhe ukuthi bakhulekele ukuthi uhulumende onjalo aze. Uhulumende lowo nguMbuso kaNkulunkulu. Mtshengise ikhasi elingemuva kwe-Nqabayokulinda ka-October 1, ubusuxoxa ngombuzo wokuqala njalo ubale lombhalo owodwa ofakiweyo. Mnike amamagazini ubusuhlela ukuzoxoxa laye ngombuzo wesibili.

INQABAYOKULINDA October 1

EBIKA NGOMBUSO KAJEHOVA

“Sixoxa labomakhelwane bethu okwesikhatshana ngamazwi ajayelekileyo asemthandazweni uJesu awufundisa abalandeli bakhe. [Bala uMathewu 6:​9, 10.] Wake wezwa yini ukuthi uMbuso kaNkulunkulu uyini sibili lokuthi kungani uJesu wawugcizelela kangaka lapho efundisa? [Melela impendulo.] Imagazini le itshengisa ukuthi iBhayibhili lithini ngoMbuso kaNkulunkulu kanye lezinye izibusiso ozaziletha lapha emhlabeni.”

October

“Sivakatshela abantu okwesikhatshana ukuze sibancede ukuthi bathole impendulo yombuzo lo. [Mtshengise isihloko semagazini.] Ubona angani kumele umuntu anothe yini ukuze aphumelele? [Melela impendulo.] IBhayibhili lisitshengisa ukuthi kumele sibe lombono onjani ngenotho. [Bala uLukha 12:​15.] IBhayibhili litshengisa ukuthi loba ngubani angenelisa ukuphumelela. Imagazini le ikhuluma ngodaba lolu.”