Izintshumayelo Eziyisibonelo

Ukuqalisa Izifundo zeBhayibhili ngoMgqibelo Wokuqala ka-March

“Sikuvakatshele okwesikhathi esincane ukuze sixoxe ngalokhu okuzakwenzakala ngo-April 14. Leli lilanga lokukhumbula ukufa kukaJesu. Abanye bazananza ilanga leli ngoba bebona ukufa kukaJesu kuqakathekile. Abanye abakuboni ukuqakatheka kokufa kukaJesu. Ubona ingani ukufa kukaJesu kuyasinceda sobabili yini?” Melela impendulo. Mtshengise ikhasi elingemuva kwe-Nqabayokulinda ka-March 1, beselixoxa ndawonye ngendaba ephansi kombuzo wokuqala njalo libale lombhalo owodwa ofakiweyo. Mnike amamagazini njalo wenze amalungiselelo okuphenduka lizoxoxa ngombuzo olandelayo.

INQABAYOKULINDA March 1

“Abantu abanengi bayazibuza ukuthi yindaba uNkulunkulu engabuqedi ububi lokuhlupheka okusemhlabeni. Ubona angani kungenxa yokuthi uNkulunkulu kalandaba kumbe yikuthi uNkulunkulu ukubona kufanele ukuthi abantu bahlupheke? [Melela impendulo. Beselibala uJohane 3:16.] Lanxa abantu abanengi besithi ivesi le itshengisa ukuthi uNkulunkulu ulendaba lathi, kabalaqiniso ukuthi ukufa kwendodana kaNkulunkulu kubanceda njani. Imagazini le iyachasisa ukuthi ukufa kukaJesu kungaqeda njani ububi lokuhlupheka lapha emhlabeni.”

March

“Sikuvakatshele okwesikhatshana ukuzoxoxa lawe ngombono ongaqondanga abantu abanengi abalawo ngevesi le yeBhayibhili. [Bala uGenesisi 1:1.] Abanye bayakukholwa ukuthi umhlaba wadalwa kodwa abanye abakukholwa. Bengicela ukuzwa ukuthi wena ucabangani? [Melela impendulo.] Kunzima ukuthi abanye bakholwe ukuthi izinto zadalwa ngenxa yokuthi abakhokheli bamasonto bafundisa izinto ezingekho eBhayibhilini. Imagazini le ikhuluma ngezizathu ezilengqondo lencazelo yeBhayibhilini ngokudalwa komhlaba.”