Izintshumayelo Eziyisibonelo

Indlela Yokuhambisa Isimemo SeSikhumbuzo

“Sihamba sinxusela omakhelwana bethu emkhosini oqakathekileyo. Mhlaka 3 April izigidi zabantu emhlabeni wonke zizananza ukufa kukaJesu Khristu njalo zizakuzwa inkulumo ezaveza ukuthi ukufa kukaJesu kusinceda njani. Isimemo lesi sibhalwe isikhathi lendawo lapho okuzakwenzelwa khona iSikhumbuzo.”

Inqabayokulinda March 1

“Mhlaka 3 April kuzabe kunanzwa ukufa kukaJesu Khristu. Abanye emphakathini wethu bazahlangana ukuze bananze isenzakalo lesi. Kodwa kulabanye abacabanga ukuthi ukufa kukaJesu kakuqakathekanga. Wena ucabangani? Ucabanga ukuthi ukufa kanye lokuvuka kukaJesu kuyasinceda yini? [Melela impendulo.] Nanku okutshiwo liBhayibhili ngodaba lolu. [Bala u-1 Khorinte 15:​22, 26.] Imagazini le ikhuluma ngokuthi sizathola isibusiso sokuphila okungapheliyo ngenxa yenhlawulo kaJesu.”

Awake! March

“Sivakatshela omakhelwana bethu okwesikhatshana ukuze sibatshengise i-Awake! yalinyanga. [Mtshengise isihloko.] Abantu bawuphendula ngezindlela ezitshiyeneyo umbuzo lo othi: ‘UNkulunkulu ukhona yini?’ Wena ucabanga ukuthi ngobani abalethemba ngekusasa, ngabakholwa kuNkulunkulu yini kumbe ngabangakholwayo? [Melela impendulo.] Nanku okuthenjiswa nguNkulunkulu okunika abantu abanengi ithemba. [Bala iHubo 37:​10, 11.] Imagazini le ikhuluma ngezizathu ezine ezitshengisa ukuthi uNkulunkulu ukhona yini kumbe hatshi.”