Ukuphindela Emuva ngeSikolo seNkonzo samaKhristu
Imibuzo elandelayo kuzakhulunywa ngayo eSikolo seNkonzo samaKhristu esizakwenziwa ngeviki eliqalisa ngo-August 26, 2013. Kufakwe ilanga lapho umcijo ngamunye okuzaxoxwa khona ngawo. Lokhu kwenzelwe ukuthi umuntu achwayisise nxa elungiselela isikolo seviki ngalinye.
1. Yisiphi isifundo esiqakathekileyo esingasifunda ekufuneni kweNkosi uHerodi ukuthi adunyiswe futhi akhonzwe ngabantu okungafanelanga? (ImiSeb. 12:21-23) [July 1, w08-E 5/15 k. 32 indim. 7]
2. Abasakhulayo abangamaKhristu bangancedakala njani ngokuhlola langokulandela isibonelo sikaThimothi? (ImiSeb. 16:1, 2) [July 8, w08-E 5/15 k. 32 indim. 10]
3. Ngemva kokuzwa u-Apholo “ekhuluma ngesibindi” esinagogeni e-Efesu, u-Akhwila loPhrisila bamnceda njani ngothando? (ImiSeb. 18:24-26) [July 15, w10-E 6/15 k. 11 indim. 4]
4. OFakazi bakaJehova basebenzisa yiphi iMibhalo ebenza bakhululeke ukuthi baye emithethwandaba yelizwe ukuze bavikele ilungelo labo lokutshumayela? (ImiSeb. 25:10-12) [July 22, bt-E k. 198 indim. 6]
5. UPhawuli wazithola njani izindlela zokuqhubeka etshumayela lanxa wayebotshiwe eRoma, njalo izinceku zikaJehova lamuhla zisilandela njani isibonelo sakhe? (ImiSeb. 28:17, 23, 30, 31) [July 29, bt-E kk. 215-217 izindim. 19-23]
6. Kungani iBhayibhili lisithi izenzo zobutabane ziyizenzo ezingasizo zemvelo futhi ezilihlazo? (Roma. 1:26, 27) [Aug. 5, g-E 1/12 k. 28 indim. 7]
7. ‘Inhlawulo eyeza ngoKhristu Jesu’ ngo-33 C.E. ingazithethelela njani ‘izono ezenziwa’ ingakabhadalwa leyonhlawulo? (Roma. 3:24, 25) [Aug. 5, w08-E 6/15 k. 29 indim. 6]
8. Yiluphi uhlelo lothando uJehova alenzele izikhathi lapho esingaba sezimeni ezinzima njalo esiyabe singakwazi lokho okumele sikuthandazele? (Roma. 8:26, 27) [Aug. 12, w08-E 6/15 k. 30 indim. 10]
9. Singatsho ukuthini isikhuthazo ‘sokuzejwayeza ukuphana’? (Roma. 12:13) [Aug. 19, w09-E 10/15 kk. 5-6 izindim. 12-13]
10. Kungayiphi indlela ‘esingazigqokisa ngayo uKhristu,’ njengoba umphostoli uPhawuli esikhuthaza? (Roma. 13:14) [Aug. 26, w05-E 1/1 kk. 11-12 izindim. 20-22]