Gcizelela Ukuqalisa Izifundo zeBhayibhili ngoMgqibelo Wokuqala
Kusukela ngo-May 2011, abamemezeli bakhuthazwa ukuthi bazame ukuqalisa izifundo zeBhayibhili ngoMgqibelo wokuqala wenyanga ngayinye. Ukuze senelise ukukwenza lokhu, kufakwe ingxenye ethi “Imibuzo yeBhayibhili Iyaphendulwa” ezabe iphuma zikhathi zonke kuNqabayokulinda yomphakathi. Ngakho emhlanganweni wenkonzo ozakwenziwa ngoMgqibelo wokuqala kumele kuxoxwe ngokuthi ingxenye le ekuNqabayokulinda ingasetshenziswa njani ukuqalisa isifundo seBhayibhili njalo kumele kwenziwe isiboniso sentshumayelo.
Abadala bangakhetha ukuthi iqembu ngalinye lenkonzo lihlangane ezindaweni ezehlukeneyo ngoMgqibelo wokuqala, kumbe bangakhetha ukuthi amaqembu wonke ahlangane mhlawumbe eWolu loMbuso. Kodwa nxa iWolu loMbuso lisetshenziswa ngamabandla amanengi, akula bandla okumele lintshintshe usuku lolu oluqakathekileyo lokuqalisa izifundo zeBhayibhili ngenxa yokuthi lifuna ukwenza umhlangano wenkonzo yasensimini ogoqela amaqembu wonke.