Ukuthuthukisa Indlela Esitshumayela Ngayo—Ukulungiselela Izingeniso Zethu
Kungani Kuqakathekile? Nxa izingeniso zethu zingamkhangi umninimuzi, angahle angafuni ukuthi siqhubeke simtshela udaba esihamba ngalo. Ngakho abamemezeli abanengi babona isingeniso kuyiso esiqakatheke kakhulu nxa betshumayela. Sandise ukuphiwa izintshumayelo eziyisibonelo ku-Nkonzo Yethu yoMbuso lasebhukwini elithi Reasoning, kodwa izintshumayelo lezi ziyabe zibhalwe zatshiyelwa endleleni ukuze ummemezeli munye ngamunye aziqedisele. Lanxa intshumayelo eyisibonelo ingatshiyelwanga endleleni, abamemezeli bangakhetha ukuyintshintsha kancane kumbe balungiselele eyabo. Ngakho sizaphumelela nxa silungiselele kuhle izingeniso kulokuthi siphongukhuluma loba kuyini esizakucabanga ngesikhathi sesifikile emnyango womuntu.—Zaga. 15:28.
Singakwenza Njani?
• Khetha isihloko esifaneleyo. Kumele usithathe kuloba yiliphi ibhuku ozalinika umninimuzi njalo kumele sibe ngesithandwa ngabantu ensimini yakini.
• Lungiselela kuhle umutsho owodwa loba emibili ozayitsho nxa usubingelele umninimuzi. Ungaqalisa ngokuthi: “Ngilapha ngoba . . . ,” “Abantu abanengi bakhathazekile ngendaba le . . . ,” “Ngingathanda ukuzwa ukuthi wena ucabangani ngendaba le . . . ,” kumbe okunye nje okungakhanga abantu. Imitsho emifitshane njalo elula yandise ukuphumelela. Abanye abamemezeli bazibamba ngekhanda izingeniso zabo.
• Lungiselela lombuzo ozakwenza ukuthi umninimuzi aveze umbono wakhe futhi afune ukuqhubeka elalele. (Mat. 17:25) Khumbula ukuthi ubecabanga ngokunye ungakafiki, ngakho umbuzo ozambuza wona akumelanga ubenzima kumbe umenze ukuthi angakhululeki.
Zama Ukwenza Lokhu Kuyonale Inyanga:
• Lungiselelani futhi liphurakithize izingeniso zenu ekukhonzeni kwenu kwemuli.
• Nxa ususekutshumayeleni tshela abanye abamemezeli isingeniso sakho. (Zaga. 27:17) Ntshintsha isingeniso sakho nxa ungabona ukuthi asibakhangi abaninimuzi.