Ukuthuthukisa Indlela Esitshumayela Ngayo—Tshengisa Ofunda Laye IBhayibhili Indlela Yokutaditsha
Kungani Kuqakathekile? Ukuze esifunda laye iBhayibhili abe lokholo oluqinileyo kumele ondle ingqondo lenhliziyo yakhe ngokudla okuqinileyo hatshi ukuthi aphile ngesimfunza khona kuphela. (Heb. 5:12–6:1) Ukutaditsha akulula nanko phela kugoqela ukuthela ulwazi olutsha esiphaleni solwazi esivele silalo kanye lokubona ukuthi esikufundayo kusinceda njani. (Zaga. 2:1-6) Kuba lula ukuthi esifunda laye iBhayibhili athole izimpendulo zemibuzo emabhukwini ethu asekelwe eBhayibhilini nxa ekwazi ukutaditsha eyedwa. Nxa engazimisela ukusebenzisa lokho akufundayo uzenelisa ukulwisana lezilingo ezingamehlela empilweni.—Luk. 6:47, 48.
Zama Ukwenza Okulandelayo Kulinyanga:
Lingaqeda ukufunda isahluko kumbe isihlokwana, cela ofunda laye ukuthi afinqe ngamazwi akhe elisanda kukufunda. Nxa kungela muntu ofunda laye iBhayibhili zama wena ngokwakho ukufinqa ngamazwi akho lokho oyabe ukubale eBhayibhilini loba ku-Nqabayokulinda ukuze uthuthukise ukufunda kwakho.