Amabhuku Asetshenziswe Kugwalo Lwempilo Lenkonzo YamaKhristu
AUGUST 6-12
AMAGUGU ASELIZWINI LIKANKULUNKULU ULUKHA 17-18
“Woba Ngobongayo”
(ULukha 17:11-14) Ngalesosikhathi eseqonde ukuya eJerusalema uJesu wahamba ngendlela esemngceleni phakathi kweSamariya leGalile. 12 Wathi efika komunye umuzi wahlangabezwa ngamadoda alitshumi ayelobulephero. Bema bucwala 13 bamemeza ngelizwi elikhulu bathi, “Jesu, Nkosi, sihawukele!” 14 Wathi ebabona wathi kubo, “Hambani liyoziveza kubaphristi.” Bathi besahamba bahlambuluka.
nwtsty imicijo yokutaditsha ekuLuk 17:12, 14
amadoda alitshumi ayelobulephero: Endulo, abantu ababelobulephero babehlala bengamaqembu futhi lokhu kwakusenza kube lula ukuthi bancedisane. (2Am 7:3-5) UMthetho kaNkulunkulu wawusithi abantu abanjalo kumele bahlale bodwa. Umuntu olobulephero kwakumele amemeze athi “Ngingcolile, ngingcolile!” ukuze axwayise abanye ukuthi bangasondeli kuye. (Lev 13:45, 46) Yikho amadoda alitshumi ayelobulephero ema bucwala kukaJesu elandela lokho okwakutshiwo nguMthetho.
liyoziveza kubaphristi: Ngesikhathi esesemhlabeni, uJesu Khristu wayengaphansi koMthetho njalo wayekwazi ukuthi ubuphristi buka-Aroni babulokhu busebenza yikho watshela labo ayebelaphe ubulephero ukuthi baye kumphristi. (Mat 8:4; Mak 1:44) Umphristi kwakumele ahlole ukuthi umuntu obelobulephero kaselabo sibili futhi lokhu yikho okwakutshiwo nguMthetho kaMosi. Lowo owelatshwe ubulephero kwakumele aye ethempelini futhi anikele ngenyoni ezimbili eziphilayo ezihlanzekileyo, ngenkuni zesihlahla somsedari, ngentambo ebomvu langehisophi.—Lev 14:2-32.
(ULukha 17:15, 16) Omunye wabo wathi ngokubona ukuthi usesilile wabuya, edumisa uNkulunkulu ngelizwi elikhulu. 16 Wazilahla phansi ezinyaweni zikaJesu wambonga-yena wayengumSamariya.
(ULukha 17:17, 18) UJesu wabuza wathi, “Kanti kabahlanjululwanga bonke abalitshumi yini? Bangaphi abanye abayisificamunye na? 18 Ubengekho yini obengabuya azoletha udumo kuNkulunkulu ngaphandle kwalesi isizwe na?
w08-ZU 8/1 14-15 ¶8-9
Kungani Kumele Sibonge?
UJesu kazange azihluphe yini ngalabo abehluleka ukubonga? Indaba leyo iqhubeka isithi: “UJesu wabuza wathi, ‘Kanti kabahlanjululwanga bonke abalitshumi yini? Bangaphi abanye abayisificamunye na? Ubengekho yini obengabuya azoletha udumo kuNkulunkulu ngaphandle kwalesi isizwe na?’”—ULukha 17:17, 18.
Akutsho ukuthi amadoda angu-9 angazange ayebonga ayemabi. Phela ayetshengise obala ukuthi alokholo kuJesu futhi ayezimisele ukulalela lokho ayekutshelwe nguye okugoqela ukuya eJerusalema ukuze ayeziveza kubaphristi. Lanxa ayembonga sibili uJesu ezinhliziyweni zawo ngomusa ayewatshengise wona, ehluleka ukumtshela ukuthi ayabonga. Lokho kwamdanisa uKhristu. Thina-ke? Nxa umuntu angasiphatha kuhle, siyambonga yini?
Ukuchwayisisa IMibhalo
(ULukha 17:7-10) “Ake kuthi omunye wenu ulesisebenzi, silima loba selusile izimvu. Kambe kungenzeka yini ukuthi nxa isisebenzi singena sivela emasimini athi kuso, ‘Kulungile, hlala phansi udle’? 8 Kambe kayi kuqala athi, ‘Lungisa ukudla kwami, ulungele ukungidekela ngize ngidle, nginathe; ngemva kwalokho lawe usungadla, unathe’? 9 Angasibonga na isisebenzi ngoba senze lokho ebesekuyaliwe na? 10 Kunjalo lani uma selenzile konke okuthiwe likwenze lifanele lithi, ‘Siyizinceku ezingafanelanga; sesenze kuphela lokho okungumlandu wethu.’”
nwtsty umcijo wokutaditsha okuLuk 17:10
ezingafanelanga: Ibala leli lingatsho ukuthi “ezingelancedo kumbe ezingaqakathekanga.” UJesu wayengatsho ukuthi izisebenzi, okutsho abafundi bakhe, kwakumele bazibone bengelancedo kumbe bengaqakathekanga. Okunye okwatshiwo nguJesu emavesini lawo kutshengisa ukuthi ibala elithi “ezingafanelanga” lilomqondo wokuthi kumele izisebenzi zithobeke, zizibone zingafanelanga ukudunyiswa loba ukubongwa. Ezinye izingcitshi zithi ibala elisetshenziswe lapha lihaba elitsho ukuthi “siyizisebenzi ezingakufanelanga ukunanzelelwa.”
(ULukha 18:8, NW) Ngiyalitshela, uzabalungisela, futhi masinyane. Kodwa, nxa iNdodana yoMuntu isifika, izalufumana ukholo olunje emhlabeni na?”
nwtsty umcijo wokutaditsha okuLuk 18:8
ukholo olunje: Kumbe “ukholo olunjengalolu.” Ibala elithi “ukholo” lisetshenziswe lesabizwana sokukhomba sesiGrikhi. Lokhu kutshengisa ukuthi uJesu wayengakhulumi ngokholo nje kodwa wayekhuluma ngohlobo oluthile lokholo olufanana lalolo olwatshengiswa ngumfelokazi osemzekelisweni kaJesu. (Luk 18:1-8) Lokhu kugoqela ukukholwa ukuthi umthandazo ulamandla kanye lokuthi uNkulunkulu uzakwenza ukuthi abakhethiweyo bakhe benzelwe ukulunga. Kukhanya angani uJesu watshiya umbuzo lo omayelana lokholo ungaphendulwanga ukuze abafundi bakhe bacabangisise ngokuthi olwabo ukholo lunjani. Umzekeliso omayelana lomthandazo kanye lokholo wawufanele sibili ngoba uJesu wayesanda kutshela abafundi bakhe ngobunzima ababezahlangana labo.—Luk 17:22-37.
Ukubalwa KweBhayibhili
AUGUST 13-19
AMAGUGU ASELIZWINI LIKANKULUNKULU ULUKHA 19-20
“Funda Emzekelisweni Wamamina Alitshumi”
(ULukha 19:12, 13) Wathi, “Indoda ethile yasesikhosini ngokuzalwa yaya elizweni elikude isiyagcotshwa ubukhosi anduba ibuye. 13 Yasibiza izinceku zayo ezilitshumi yazinika imali engamamina alitshumi. Yathi, “Yisebenziseni imali le ngize ngibuye.
jy-E 232 ¶2-4
Umzekeliso Wakhe Wamamina Alitshumi
Wathi, “Indoda ethile yasesikhosini ngokuzalwa yaya elizweni elikude isiyagcotshwa ubukhosi anduba ibuye.” (ULukha 19:12) Uhambo lolu lwaluzathatha isikhathi eside. Kuyacaca ukuthi uJesu nguye ‘indoda yasesikhosini ngokuzalwa’ eyahamba “elizweni elikude” okutsho ezulwini, lapho uYise azamnika khona amandla okubusa.
Emzekelisweni lo, ‘indoda yasesikhosini ngokuzalwa’ ingakahambi, ibiza izisebenzi zayo ezilitshumi ibisinika isisebenzi ngasinye imina lesiliva ibisisithi kuso: “Yisebenziseni imali le ngize ngibuye.” (ULukha 19:13) Amamina esiliva yimali enengi sibili. Imina lilingana lomholo wezinyanga ezintathu wesisebenzi semasimini.
Kufanele ukuthi abafundi bayananzelela ukuthi yibo abafaniswa lezisebenzi ezilitshumi ezisemzekelisweni lo ngoba uJesu ubeseke wabafanisa labavuni. (UMathewu 9:35-38) Kodwa wayengatshongo ukuthi babuye lesivuno samabele ngoba isivuno sigoqela abanye abafundi abathola indawo eMbusweni kaNkulunkulu. Abafundi basebenzisa konke abalakho ukuze bengezelele inani lezindlalifa zoMbuso.
(ULukha 19:16-19) “Owokuqala weza wathi, ‘Mnumzana, imina yakho izuze amanye alitshumi.’ 17 “‘Wenze kuhle, nceku yami enhle!’ kusitsho inkosi yayo. ‘Ngenxa yokuthi uthembekile ngento encinyane, usuzabusa amadolobho alitshumi.’ 18 “Owesibili weza wathi, ‘Mnumzana, imina yakho isizele amanye amahlanu.’ 19 “Inkosi yayo yaphendula yathi, ‘Busa phezu kwamadolobho amahlanu.’
jy-E 232 ¶7
Umzekeliso Wakhe Wamamina Alitshumi
Nxa abafundi bengananzelela ukuthi banjengezinceku ezisebenzisa konke ezilakho ukuthi zenze abafundi abanengi, bangaba leqiniso lokuthi uJesu uzathokoza ngabo. Bangaba leqiniso lokuthi uzabanika umvuzo ngenxa yokukhuthala kwabo. Kodwa iqiniso yikuthi izimo zabafundi bakaJesu, amathuba kanye lamakhono abo akufanani. Lanxa kunjalo uJesu, ‘ogcotshwa ubukhosi’ uzakunanzelela konke lokhu futhi abusise imizamo abayenzayo ekwenzeni abafundi.—UMathewu 28:19, 20.
(ULukha 19:20-24) “Kwasekusiza enye inceku yathi, ‘Mnumzana, nansi imina yakho; bengiyigcinile igoqelwe elenjini. 21 Ngibengikwesaba wena ngokuba uyindoda elukhuni. Ucupha lokho ongakuthelanga phakathi, uvune lokho ongakuhlanyelanga.’ 22 “Inkosi yayo yaphendula yathi, ‘Ngizakucala ngamazwi akho, wena nceku exhwalileyo! Ubukwazi, angithi, ukuthi ngingumuntu olukhuni, ngicupha lokho engingakuthelanga, ngivune lokho engingakuhlanyelanga? 23 Kungani pho ungabekanga imali yami enzalisweni ukuze kuthi ekubuyeni kwami ngiyithathe isilenzuzo na?’ 24 “Yasisithi kwababemi khonapho, ‘Mthatheleni imina le alayo liyiphe lowo olamamina alitshumi.’
jy-E 233 ¶1
Umzekeliso Wakhe Wamamina Alitshumi
Inceku le iyalahlekelwa ngenxa yokwehluleka ukwengezelela inotho yombuso wenkosi yayo. Abaphostoli balindele ukubusa kukaJesu eMbusweni kaNkulunkulu. Yikho lokho uJesu akutshoyo ngenceku yokucina kwenza bananzelele ukuthi nxa bengamavila abasoze bayithole indawo eMbusweni lowo.
Ukuchwayisisa IMibhalo
(ULukha 19:43) Zizafika izinsuku kuwe lapho izitha zakho zizakwakha umthangala zikuhonqolozele zikuphahle inxa zonke.
nwtsty umcijo wokutaditsha okuLuk 19:43
umthangala: Kumbe “uthango.” Ibala lesiGrikhi elithi khaʹrax litholakala lapha kuphela eMibhalweni yamaKhristu yesiGrikhi. Lichasiswa ngokuthi “isigodo esicijileyo” kumbe iphowulu elalisetshenziswa ukwenza uthango; kanye “lezigodo ezazisetshenziswa ukubiyela idolobho nxa amasotsha elivimbezele.” Amazwi kaJesu agcwaliseka ngo-70 C.E. ngesikhathi amaRoma ayekhokhelwa nguTitus esakha umduli kumbe uthango lokuvimbezela iJerusalema. UTitus wayelenhloso ezintathu. Eyokuqala wayesenzela ukuthi amaJuda angabaleki, eyesibili wayefuna aze asarende, eyesithathu wayefuna abulawe yindlala aze avume ukubuswa nguye. Amasotsha amaRoma aqeda izihlahla ezaziseduze leJerusalema ukuze athole izigodo zokwakha uthango lokuyigombolozela.
(ULukha 20:38) Kasuye uNkulunkulu wabafileyo, kodwa ngowabaphilayo, ngoba kuye bonke bayaphila.”
nwtsty umcijo wokutaditsha okuLuk 20:38
ngoba kuye bonke bayaphila: “Kumbe ubabona bephila bonke.” IBhayibhili litshengisa ukuthi uNkulunkulu ubabona njengabantu abafileyo labo abaphilayo kodwa bengelabuhlobo laye. (Efe 2:1; 1Ti 5:6) Ngendlela efanayo uJehova uzibona ziphila zonke izinceku ezifa zithembekile ngoba isithembiso sakhe sokubavusa sizagcwaliseka.—Rom 4:16, 17.
Ukubalwa KweBhayibhili
AUGUST 20-26
AMAGUGU ASELIZWINI LIKANKULUNKULU ULUKHA 21-22
“Ukuhlengwa Kwenu Sekusondela”
(ULukha 21:25) “Kuzabakhona iziboniso elangeni, lenyangeni lasezinkanyezini. Emhlabeni izizwe zizaba phakathi kosizi lokudideka ngenxa yokuhuba lokukhaphaza kolwandle.
UMbuso KaNkulunkulu Ususa Izitha Zawo
9 Izenzakalo ezimangalisayo emkhathini. UJesu waphrofetha wathi: “Ilanga lizafiphala lenyanga kayiyikukhanya; izinkanyezi zizakuwa esibhakabhakeni.” Kusegcekeni ukuthi abantu kabasoze bayedinga ukukhokhelwa kubafundisi bezinkolo ngoba bayabe bengaselakho ukukhanya. UJesu wayesitsho lokuthi kuzakuba lezenzakalo eziyisimanga emkhathini yini? Mhlawumbe yikho ayekutsho. (Isaya. 13:9-11; Jow. 2:1, 30, 31) Abantu bazakwenzani ngalokho abazakubona? ‘Bazakuba phakathi kosizi’ ngenxa ‘yokudideka.’ (Luk. 21:25; Zef. 1:17) Yikho-ke izitha zoMbuso kaNkulunkulu, kusukela ‘emakhosini kusiya ezigqilini,’ ‘zizaphela amandla ngokwesaba, zinqinekiswa yilokho okuzayo’ njalo zizaphaphatheka zidinga indawo yokucatsha. Kodwa kazisoze ziyithole indawo ephephileyo ezingacatshela kuyo ulaka lweNkosi yethu.—Luk. 21:26; 23:30; Isam. 6:15-17
(ULukha 21:26) Abantu bazaphela amandla ngokwesaba, benqinekiswa yilokho okuzayo emhlabeni, ngokuba izibunjwa zasemkhathini zizazanyazanyiswa.
(ULukha 21:27, 28) Kulesosikhathi bazayibona iNdodana yoMuntu isiza ngeyezi ilamandla lenkazimulo enkulu. 28 Nxa lezizinto seziqala ukwenzakala manini liqine, liphakamise amakhanda enu, ngokuba ukuhlengwa kwenu sekusondela.”
Zimiseleni ‘Ukuqhubeka Lithandana Njengabazalwane’!
17 “Siyatsho ngethemba.” (Bala uHebheru 13:6.) Ukuthembela kwethu kuJehova kwenza silindele ikusasa ngesibindi kungelani lokuthi sihlangana laziphi izinhlupho. Isibindi sona senza ukuthi singakhalali kumnyama kubomvu. Nxa sibathanda abazalwane njalo silesibindi kuzakuba lula ukuthi sibakhuthaze njalo sibaduduze. (1 Thes. 5:14, 15) Lanxa abantu bomhlaba lo bezabe bethwele qatha ngesikhathi sokuhlupheka okukhulu, thina sizakwenelisa ‘ukuma siqine, siphakamise amakhanda ethu’ ngokuba siyabe sikwazi ukuthi ukuhlengwa kwethu sekusondele.—Luk. 21:25-28.
“Ukuhlengwa Kwenu Sekusondela”!
13 Abayizimbuzi bazakwenzani nxa sebenanzelela ukuthi sebesiya “ekujezisweni kwaphakade”? ‘Bazalila.’ (Mat. 24:30) Abafowabo bakaJesu kanye labezinye izimvu bona ke? Ngenxa yokuthi balokholo kuJehova uNkulunkulu laseNdodaneni yakhe uJesu uKhristu, bazalalela umlayo kaJesu othi: “Nxa lezizinto seziqala ukwenzakala manini liqine, liphakamise amakhanda enu, ngokuba ukuhlengwa kwenu sekusondela.” (Luk. 21:28) Ngakho-ke kasisoze sesabe lutho ngoba sizabe sesikwazi ukuthi ukusindiswa kwethu sekusondele.
Ukuchwayisisa IMibhalo
(ULukha 21:33) Izulu lomhlaba kuzadlula, kodwa amazwi ami akasoze lanini edlule.
nwtsty imicijo yokutaditsha ekuLuk 21:33
Izulu lomhlaba kuzadlula: Amanye amavesi atshengisa ukuthi izulu lomhlaba akusoze kutshabalale. (Gen 9:16; Hu 104:5; Tsh 1:4) Kungenzakala ukuthi uJesu lapha wayesenza ihaba esitsho ukuthi lanxa kungenzakala into engeke yenzakale ukuthi umhlaba lezulu kudlule amazwi akhe wona ayezagcwaliseka. (Khangela uMat 5:18) Loba kunjalo izulu lomhlaba lapha kungabe kusitsho izulu lomhlaba okungokomfanekiso okuthiwa ‘lizulu lakuqala lomhlaba wakuqala’ kuSam 21:1.
amazwi ami akasoze lanini edlule: Ukusetshenziswa kwamabala amabili esiGrikhi ayisenzo esitshengisa ukwenqaba into ethile kutshengisa ukuthi amazwi kaJesu kasoze edlule loba sekutheni.
(ULukha 22:28-30) “Liyilabo abame lami ebunzimeni bami. 29 Ngakho ngiyalinika umbuso njengoba uBaba wanginika omunye lami, 30 ukuze lidle njalo linathe etafuleni lami eMbusweni wami njalo lihlale ezihlalweni zobukhosi, lisahlulela izizwana zika-Israyeli ezilitshumi lambili.
Lizakuba “Ngumbuso Wabaphristi”
15 UJesu wathi eseqalise iSidlo seNkosi Sakusihlwa, wenza isivumelwano labaphostoli bakhe abathembekileyo. Isivumelwano lesi sijayele ukubizwa ngokuthi yisivumelwano soMbuso. (Bala uLukha 22:28-30) Sibonile ukuthi kwezinye izivumelwano zonke, uJehova wayekhona phakathi. Kodwa kulesi kuloJesu labalandeli bakhe abagcotshiweyo kuphela. Kuyacaca ukuthi lapho uJesu esithi: “Njengoba uBaba wenza isivumelwano lami, NW” engabe wayesitsho isivumelwano uJehova ayesenze laye esokuthi abe ‘ngumphristi nini lanini emkhondweni kaMelikhizedekhi.’—Heb. 5:5,6.
16 Abaphostoli bakaJesu abangu-11 ababethembekile ‘bama laye ebunzimeni bakhe.’ Isivumelwano soMbuso sabenza baba leqiniso lokuthi babezakuba laye ezulwini bahlale ezihlalweni zobukhosi bengamakhosi labaphristi. Kodwa laba abangu-11 kayisibo bodwa ababezathola isibusiso lesi. UJesu esekhazinyulisiwe wabonakala kumphostoli uJohane embonweni wasesithi: “Lowo onqobayo, ngizamnika ilungelo lokuhlala lami esihlalweni sami sobukhosi, njengoba lami nganqoba ngasengihlala loBaba esihlalweni sakhe sobukhosi.” (Isam. 3:21) Yikho-ke isivumelwano soMbuso sibunjwa ngamaKhristu agcotshiweyo angu-144 000. (Isam. 5:9, 10; 7:4) Kanti njalo isivumelwano lesi yiso esenza amaKhristu la ayebusa loJesu ezulwini. Lokhu kufanana lomlobokazi otshada lenkosi, laye abesephiwa isikhundla embusweni womkakhe. IMibhalo layo ithi amaKhristu agcotshiweyo ‘ngumlobokazi’ kaKhristu, ‘intombi epheleleyo’ eyathenjiswa umtshado nguKhristu.—Isam. 19:7, 8; 21:9; 2 Khor. 11:2.
Ukubalwa KweBhayibhili
AUGUST 27–SEPTEMBER 2
AMAGUGU ASELIZWINI LIKANKULUNKULU ULUKHA 23-24
“Zimisele Ukuthethelela”
(ULukha 23:34) UJesu wathi, “Baba, baxolele, ngokuba kabakwazi abakwenzayo.” Njalo base besabelana izigqoko zakhe ngokwenza inkatho.
Ukwazi Uthando LukaKhristu
16 Enye indlela eqakathekileyo uJesu atshengisa ngayo uthando lukaYise ngeyokuthi ‘wayethethelela.’ (IHubo 86:5) Ukuzimisela kwakhe ukwenza lokhu kwakhanya ngitsho langesikhathi esesigodweni abethelwa kuso. UJesu wakhuluma ngani ngesikhathi ebulawa ngendlela elihlazo, izipikili zihlabe zatshona ezandleni lasezinyaweni zakhe? Wacela yini ukuthi uJehova abajezise labo ababembulala? Esikhundleni sokuthi enze njalo, emazwini akhe okucina wathi: “Baba, baxolele, ngokuba kabakwazi abakwenzayo.”—ULukha 23:34.
(ULukha 23:43) UJesu wamphendula wathi, ‘Ngiyakutshela iqiniso ngithi, lamuhla uzakuba lami epharadayisi.’
g-ZU 2/08 11 ¶5-6
Ingabe UNkulunkulu Uyazithethela Izono Ezinkulu?
UJehova akabheki nje isono esenziwe kuphela kodwa nesimo sengqondo sowonile. (Isaya 1:16-19) Ake ucabange ngabenzi bobubi ababili ababebethelwe eceleni kukaJesu. Ngokusobala bobabili babenze izenzo ezimbi zobugebengu, ngoba omunye wabo wavuma: “Samukela ngokugcwele okusifanele ngenxa yezinto esizenzile; kodwa lo muntu [uJesu] akenzanga lutho oluphume endleleni.” Amazwi alo menzi wobubi abonisa ukuthi wayazi okuthile ngoJesu. Lolo lwazi cishe lwabangela ushintsho oluhle esimweni sakhe sengqondo. Lokhu kubonakala ngalokho akusho ngokulandelayo, enxusa uJesu: “Ngikhumbule lapho ungena embusweni wakho.” UKristu wasabela kanjani kuleso sicelo esisuka enhliziyweni? Wathi: “Ngiqinisile ngiyakutshela namuhla, Uyokuba nami ePharadesi.”—Luka 23:41-43.
Ake ucabange ngalokho: Amazwi okugcina uJesu awasho esengumuntu ayehlanganisa ukubonakaliswa kwesihe kumuntu owayevumile ukuthi wayefanelwe yisigwebo sokufa. Yeka indlela okukhuthaza ngayo lokho! Khona-ke, singaqiniseka ngokuthi uJesu Kristu noYise, uJehova, bayobonisa ububele kubo bonke ababonisa ukuphenduka kweqiniso, kungakhathaliseki ukuthi yini abayenza esikhathini esidlule.—Roma 4:7.
(ULukha 24:34) Besithi, “Kuliqiniso! INkosi isivukile yabonakala kuSimoni.”
Ukwazi Uthando lukaKhristu
17 Esinye isibonelo esitshengisa ukuthi uJesu uyathethelela yindlela aphatha ngayo uPhethro. Akulakuthandabuza ukuthi uPhethro wayemthanda kakhulu uJesu. NgoNisani 14, ubusuku obandulela ukufa kukaJesu, uPhethro wamtshela wathi: “Nkosi, ngizimisele ukuhamba lawe entolongweni lasekufeni.” Kodwa ngemva nje kwamahola amalutshwane, uPhethro waphika ukuthi uyamazi uJesu! IBhayibhili liyasitshela okwenzakalayo ngesikhathi uPhethro esemphika okwesithathu: “INkosi yaphenduka yamkhangela nta uPhethro.” Esindwa yisono sakhe lesi esikhulu, uPhethro “wasephumela ngaphandle wakhala kabuhlungu.” Ngalelo langa uJesu esefile, umphostoli lo kungenzakala ukuthi wazibuza ukuthi, ‘Kambe iNkosi yami ingithethelele yini?’—ULukha 22:33, 61, 62.
18 Kakuthathanga isikhathi eside ukuthi uPhethro athole impendulo. UJesu wavuswa ekuseni ngoNisani 16, njalo kukhanya angani mhlalokho wahle wayavakatshela uPhethro. (ULukha 24:34; 1KwabaseKhorinte 15:4-8) Kungani uJesu wazinika isikhathi sokuthi ayebona umphostoli lo owayemphike wemba phansi? UJesu wayengabe efuna ukuqinisekisa uPhethro owayesephendukile esonweni sakhe ukuthi iNkosi yakhe yayilokhu isamthanda njalo isamqakathekisa. Kodwa kulokunye futhi uJesu akwenzayo ukuze aqinisekise uPhethro.
Ukuchwayisisa IMibhalo
(ULukha 23:31) Ngokuba nxa abantu bezenza lezizinto lapho isihlahla simanzi, kuzakwenzakalani pho nxa isihlahla sesomile?”
nwtsty umcijo wokutaditsha okuLuk 23:31
lapho isihlahla simanzi, . . . nxa isihlahla sesomile: Kukhanya uJesu wayekhuluma ngesizwe samaJuda. Isizwe lesi sasifanana lesihlahla esasesiwoma kodwa siseselobumanzi ngenxa yokuthi uJesu wayekhona kanye lamanye amaJuda ayekholwa kuye. Kodwa uJesu wayesezabulawa futhi amaJuda athembekileyo ayezagcotshwa ngomoya ongcwele njalo abe yingxenye ka-Israyeli kaNkulunkulu. (Rom 2:28, 29; Gal 6:16) Ngesikhathi leso, isizwe sako-Israyeli esoqobo sasizabe sesifile ekukhonzeni sifanana lesihlahla esesomile.—Mat 21:43.
(ULukha 23:33, NW) Bathi sebefike endaweni ethiwa luKhakhayi bambethela esigodweni kanye lezigebengu lezo omunye ngakwesokunene kwakhe, omunye ngasekhohlo.
nwtsty ipikitsha
Isipikili Esihlabe Ithambo Lesithende
Umpikitsha lo utshengisa ithambo lesithende somuntu. Labunjwa lilesipikili sensimbi esingamasentimitha angu-11,5 ubude. Ngo-1968 ngesikhathi kugejwa enyakatho kweJerusalema kwatholakala ithambo lihlatshwe yisipikili futhi kukhanya ngelakudala ngesikhathi samaRoma. Lokhu kusinika ubufakazi bokuthi izipikili zazisetshenziswa nxa kubethelwa umuntu esigodweni. Kungenzakala ukuthi izipikili lezo ziyafanana lalezo ezasetshenziswa ngamasotsha amaRoma ngesikhathi ebethela uJesu Khristu esigodweni. Ithambo elihlatshwe yisipikili latholakala ebhokisini elenziwa ngamatshe okuthiwa yi-ossuary lapho okwakubekwa khona amathambo omuntu osefile ngemva kokuba esewonakele. Lokhu kutshengisa ukuthi umuntu owayebethelwa esigodweni wayengcwatshwa.
Ukubalwa KweBhayibhili