Amabhuku Asetshenziswe Kugwalo Lwempilo Lenkonzo YamaKhristu
OCTOBER 1-7
AMAGUGU ASELIZWINI LIKANKULUNKULU UJOHANE 9-10
“UJesu Uyazinakekela Izimvu Zakhe”
(UJohane 10:1-3) “Ngikhuluma iqiniso ukuthi umuntu ongangeni ngesango esibayeni sezimvu, kodwa akhwele kwenye indawo, ulisela lomphangi. 2 Umuntu ongena ngesango nguye umalusi wezimvu. 3 Umlindi uyamvulela isango, lezimvu ziyalilalela ilizwi lakhe. Izimvu zakhe uzibiza ngamabizo azikhokhele.
(UJohane 10:11) “Ngingumalusi olungileyo. Umalusi olungileyo unikela ukuphila kwakhe izimvu zakhe.
(UJohane 10:14) “Mina ngingumalusi olungileyo; ngiyazazi izimvu zami, njalo lezimvu zami ziyangazi
nwtsty ipikitsha
Isibaya
Isibaya sasiyindawo evalekileyo eyayenzelwe ukuvikela izimvu ezinyamazaneni eziyingozi lokuthi zingantshontshwa ngamasela. Ebusuku abelusi babevalela imihlambi yabo esibayeni ukuze ivikeleke. Izibaya zasendulo zazingelaphahla njalo zazitshiyene indlela ezakhiwe ngayo lobukhulu bazo. Ezinengi zazakhiwe ngamatshe futhi zilesango elilodwa. (Nan 32:16; 1Sa 24:3; Zef 2:6) UJohane ukhuluma ‘ngokungena ngesango’ elalilindwa ‘ngumlindi.’ (Joh 10:1, 3) Esibayeni sesigaba kwakuvalelwa imihlambi engaphezu kowodwa futhi umlindi wayehlala ephapheme ukuze avikele izimvu. Ekuseni umlindi wayevula isango ukuze abelusi bangene. Umalusi munye ngamunye wayekhetha izimvu zakhe ngokuzibiza futhi izimvu zazisizwa ilizwi lakhe besezimlandela. (Joh 10:3-5) UJesu wafanisa indlela ayenakekela ngayo abafundi bakhe lalokho okwakusenziwa ngumalusi.—Joh 10:7-14.
w11-ZU 5/15 7-8 ¶5
‘Mikhaya YamaKristu—‘Hlalani Niphapheme’
5 Ngokomfanekiso, ubuhlobo bomalusi nezimvu zakhe busekelwe olwazini nasekwethembaneni. Umalusi wazi konke ngezimvu zakhe futhi nazo ziyamazi futhi ziyamethemba. Ziyalazi izwi lakhe futhi ziyalilalela. UJesu wathi: “Ngiyazazi izimvu zami nezimvu zami ziyangazi.” Ulazi kahle ibandla. Igama lesiGreki lapha elihunyushwe ngokuthi “azi” lisho “ukwazi umuntu noma into mathupha futhi uyazele eduze.” Yebo, uMalusi Omuhle uzazi mathupha izimvu zakhe. Wazi izidingo zemvu ngayinye, ubuthakathaka nobuhle bayo. Akukho nokukodwa okuphathelene nezimvu okumphunyukayo uJesu, iSibonelo sethu. Nezimvu zimazi kahle umalusi futhi ziyakwethemba ukuhola kwakhe.
(UJohane 10:4, 5) Esezivulele zonke ezakhe, uhamba phambi kwazo, izimvu zakhe zimlandele ngokuba ziyalazi ilizwi lakhe. 5 Kodwa kazisoze zilandele owemzini; iqiniso yikuthi zizambalekela ngokuba kazilazi ilizwi lowemzini.”
cf-ZU 124-125 ¶17
“Wayengakhulumi Nazo Ngaphandle Komfanekiso”
17 Kulokho azibonela kona yena siqu, uGeorge A. Smith wabhala lokhu encwadini yakhe ethi The Historical Geography of the Holy Land: “Ngezinye izikhathi sasiphumula eceleni komunye waleyo mithombo yaseJudiya emini, kufike abelusi abathathu noma abane nemihlambi yabo. Imihlambi yayihlangana, sizibuze ukuthi umalusi uzowubona kanjani owakhe. Kodwa ngemva kokuphuza nokudlala, abelusi babekhuphuka ngamunye ngamunye, besuka esigodini, ngamunye enze umsindo wakhe ohlukile; bese izimvu zakhe zimonyuka emhlambini ziye kumalusi wazo, yonke imihlambi ihambe ngokuhleleka eyayifike ngakho.” Cishe awukho omunye umfanekiso ongcono kunalo uJesu ayengaveza ngawo iphuzu lakhe, eliwukuthi uma sikuqaphela futhi sikulalela lokho akufundisayo bese silandela ukuhola kwakhe, siyoba ngaphansi kokunakekela ‘kukamalusi omuhle.’
(UJohane 10:16) Ngilazo ezinye izimvu ezingasizo zalo umhlambi. Lazo ngimele ngizilethe. Lazo futhi zizalilalela ilizwi lami, ukuze kube lomhlambi owodwa lomalusi oyedwa.
nwtsty umcijo wokutaditsha okuJoh 10:16
ngizilethe: kumbe “ngizikhokhele.” Ibala lesiGrikhi elithi aʹgo elisetshenziswe lapha lingatsho “ukuletha” kumbe “ukukhokhela” kusiya ngokuthi kukhulunywa ngani. Omunye umbhalo wesiGrikhi owabhalwa ngeminyaka yabo-200 C.E. usebenzisa ibala lesiGrikhi elithi (sy·naʹgo) elijayele ukuhunyutshwa ngokuthi “ukuqoqa.” UJesu uMalusi Olungileyo uyaqoqa, akhokhele, avikele njalo anike izimvu zalesisibaya ukudla (ezibizwa kuthiwa ‘ngumhlambi omncane’ kuLukha 12:32) kanye lezinye izimvu. Izimvu lezi ziba ngumhlambi owodwa okhokhelwa ngumalusi oyedwa. Umfanekiso lo utshengisa ukuthi abalandeli bakaJesu babezahlala bemanyene.
Ukuchwayisisa IMibhalo
(UJohane 9:38) Indoda yase isithi, “Nkosi, ngiyakholwa,” yase imkhonza.
nwtsty umcijo wokutaditsha okuJoh 9:38
yase imkhonza: Kumbe “yamkhothamela.” Nxa ibala lesiGrikhi eliyisenzo elithi pro·sky·neʹo lisetshenziswa lapho kukhulunywa ngokukhonza onkulunkulu, lihunyutshwa ngokuthi ‘ukukhonza.’ (Mat 4:10; Luk 4:8) Kodwa lapha indoda eyayizelwe iyisiphofu njalo yelatshwa nguJesu yabona uJesu njengommeli kaNkulunkulu futhi yamkhonza. Kayizange imbone enguNkulunkulu kodwa yambona ‘eyiNdodana yomuntu,’ uMesiya owayelamandla ayewaphiwe nguNkulunkulu. (Joh 9:35) Ngesikhathi ekhothamela uJesu kukhanya wayesenza lokho okwakujayele ukwenziwa ngabantu bakudala okukhulunywa ngabo eMibhalweni yesiHebheru. Babekhothama lapho behlangana labaphrofethi, amakhosi kanye labanye ababengabameli bakaNkulunkulu. (1Sa 25:23, 24; 2Sa 14:4-7; 1Am 1:16; 2Am 4:36, 37) Izikhathi ezinengi abantu abakhothamela uJesu babetshengisa ukuthi bayabonga ngokwambulelwa izinto ezithile kumbe uthando abalutshengiswe nguNkulunkulu.—Khangela imicijo yokutaditsha ekuMathewu 2:2; 8:2; 14:33; 15:25.
(UJohane 10:22) Kwafika iDili lokuZinikela eJerusalema. Kwakusebusika,
nwtsty umcijo wokutaditsha okuJoh 10:22
iDili lokuZinikela: Idili leli ngesiHebheru libizwa ngokuthi Hanukkah kumbe (chanuk·kahʹ) okutsho “ukunikela.” Idili leli lalithatha amalanga angu-8 kusukela mhlaka 25 wenyanga kaChislev, uDecember esezaphela, (Khangela u-sgd 19) ukuze kunanzwe ukunikelwa kutsha kwethempeli elaliseJerusalema ngo-165 B.C.E. Inkosi yaseSiriya u-Antiochus IV Epiphanes watshengisa ukuthi kamthandi uJehova uNkulunkulu wamaJuda ngokwenza izinto ezazitshengisa ukuthi kalihloniphi ithempeli. Ngokwesibonelo wakha i-alithare phezu kwe-alithare elikhulu lapho okwakujayele ukwenzelwa khona iminikelo yokutshiswa nsuku zonke. NgoChislev 25, 168 B.C.E., u-Antiochus wenza umhlatshelo wengulube phezu kwe-alithare futhi wachela umhluzi wayo ethempelini ukuze angcolise ithempeli likaJehova. Watshisa amagedi ethempeli, wadiliza izindlu zabaphristi, wathatha i-alithare legolide, itafula lesinkwa sobukhona bukaNkulunkulu kanye loluthi lwesibane olwenziwe ngegolide. Ngemva kwalokho wanikela ithempeli likaJehova kunkulunkulu wabahedeni okuthiwa nguZewusi. Ngemva kweminyaka emibili kwenzakele lokhu uJudas Maccabaeus wathumba idolobho leli kanye lethempeli. Ngemva kokuba ithempeli selihlanziwe, lanikelwa kutsha ngoChislev 25, 165 B.C.E. Kwakungemva kweminyaka emithathu u-Antiochus eyenzele uZewusi umhlatshelo owenyanyekayo e-alithareni. Kwaqalisa ukwenziwa iminikelo yokutshiswa yansuku zonke kuJehova. Akulandawo eBhayibhilini okukhulunywa ngokuthi uJehova wenza uJudas Maccabaeus wanqoba futhi wamqondisa ukuthi avuselele ithempeli. Kodwa uJehova wake wasebenzisa amadoda ezinye izizwe njengoKhurosi wasePhesiya ukuthi afeze izinjongo zakhe mayelana lokumkhonza. (Isy 45:1) Yikho kulengqondo ukuphetha ngokuthi uJehova angasebenzisa indoda engum-Israyeli ukuthi yenze intando yakhe. IMibhalo itshengisa ukuthi ukuze iziphrofetho ezimayelana loMesiya, inkonzo yakhe kanye lomhlatshelo wakhe zigcwaliseke kwakumele ukuthi ithempeli libe lisebenza. Lemihlatshelo yabaLevi kwakufanele inikelwe kuze kube yisikhathi lapho uMesiya enikela umhlatshelo omkhulu ukwedlula yonke ngokufela abantu. (Dan 9:27; Joh 2:17; Heb 9:11-14) Abalandeli bakaJesu abazange batshelwe ukuthi bananze iDili Lokuzinikela. (Kol 2:16, 17) Lanxa kunjalo, akula lapho uJesu labafundi bakhe abasola khona ukunanzwa kwedili leli.
Ukubalwa KweBhayibhili
OCTOBER 8-14
AMAGUGU ASELIZWINI LIKANKULUNKULU UJOHANE 11-12
“Lingisela Isihawu SikaJesu”
(UJohane 11:23-26) UJesu wathi kuye, “Umnewenu uzavuka njalo.” 24 UMatha waphendula wathi, “Ngiyazi ukuthi uzavuka futhi ekuvukeni kwabafileyo ngosuku lokucina.” 25 UJesu wathi kuye, “Mina ngiyikuvuka kwabafileyo lokuphila. Lowo okholwa kimi uzaphila, loba ezakufa; 26 njalo lowo ophilayo njalo ekholwa kimi kasoze afa lanini. Uyakukholwa lokhu na?”
nwtsty imicijo yokutaditsha ekuJoh 11:24, 25
Ngiyazi ukuthi uzavuka: UMatha wayecabanga ukuthi uJesu wayekhuluma ngokuvuswa kwabafileyo okwakuzenzakala ngosuku lokucina. (Khangela umcijo wokutaditsha okuJohane 6:39.) Ukholo ayelalo ekuvusweni kwabafileyo lwalumangalisa. Abanye abakhokheli benkolo bangalesosikhathi okuthiwa ngabaSadusi babengavumi ukuthi abafileyo bazavuswa lanxa lokhu kuyimfundiso ecacileyo eseBhayibhilini. (Dan 12:13; Mak 12:18) AbaFarisi bona babekholwa ukuthi umphefumulo kawufi. UMatha wayekwazi ukuthi uJesu wayefundisa ngokuvuswa kwabafileyo njalo wayeseke wavusa abanye. Kodwa uLazaro nguye yedwa owavuswa eselamalanga amanengi efile.
Mina ngiyikuvuka kwabafileyo lokuphila: Ukufa kukaJesu lokuvuswa kwakhe kwavulela abafileyo ithuba lokuphinda baphile. UJesu esevusiwe, uJehova wamnika amandla okuvusa abafileyo kanye lawokupha abantu ukuphila okungapheliyo. (Khangela umcijo wokutaditsha okuJohane 5:26.) KuSambulo 1:18, uJesu uthi yena ‘ungophilayo’ futhi ‘uphethe izivulo zokufa kanye lendawo yabafileyo.’ Ngakho uJesu ulithemba labaphilayo lelabafileyo. Wathembisa ukuvusa abafileyo ukuze abanye bayebusa laye ezulwini njalo abanye bahlale emhlabeni omutsha bebuswa nguhulumende wakhe wasezulwini.—Joh 5:28, 29; 2Pe 3:13.
(UJohane 11:33-35) UJesu embona ekhala, kanye labaJuda ababemlandele labo bekhala, wadabuka kakhulu emoyeni, wakhathazeka. 34 Wabuza wathi, “Limbeke ngaphi na?” Baphendula bathi, “Woza uzobona, Nkosi.” 35 UJesu wakhala.
nwtsty imicijo yokutaditsha ekuJoh 11:33-35
ekhala: Ibala lesiGrikhi elithi “ukukhala” lijayele ukusetshenziswa nxa kukhulunywa ngokukhala uphumisela. Ibala eliyisenzo elifananayo lisetshenziswa kuJesu ngesikhathi ekhuluma ngokubhujiswa kweJerusalema.—Luk 19:41.
wadabuka kakhulu . . . wakhathazeka: Ukusetshenziswa kwamabala la kutshengisa ubuhlungu uJesu ayebuzwa ngesikhathi leso. Ibala leli lesiGrikhi elihunyutshwe ngokuthi “wadabuka” (em·bri·maʹo·mai) landise ukutsho imizwa elamandla kodwa endabeni le litshengisa ukuthi uJesu wezwa ubuhlungu kangangokuthi wadabuka emoyeni. Ibala lesiGrikhi elihunyutshwe ngokuthi “wakhathazeka” (ta·rasʹso) litsho ukuhlulukelwa. Esinye isikhwicamfundo sithi lapha litsho “ukudungeka kwemizwa; ukuzwa ubuhlungu kakhulu kumbe usizi olukhulu.” Ibala elifananayo liyasetshenziswa lakuJohane 13:21 ukuze kuchasiswe indlela uJesu ezwa ngayo lapho ecabanga ngokuthi uJudasi uzamthengisa.—Khangela umcijo wokutaditsha okuJohane 11:35.
emoyeni: Ibala lesiGrikhi elithi pneuʹma lapha lisetshenziswe ukuze kukhanyiswe okuyikho okuqubula umuntu ukuthi akhulume loba enze into ethile.
wakhala: Ibala elisetshenziswe lapha (da·kryʹo) libala lesiGrikhi elitsho ‘izinyembezi’ elisetshenziswe kuLuk 7:38; ImiS 20:19, 31; Heb 5:7; Sam 7:17; 21:4. Lapha kukhanya kukhulunywa kakhulu ngezinyembezi ukwedlula ukukhalela phezulu. EMibhalweni yamaKhristu yesiGrikhi, ibala leli lesiGrikhi lisetshenziswe lapha kuphela, futhi alifanani lelisetshenziswe kuJohane 11:33 (khangela umcijo wokutaditsha) elichasisa ukukhala kukaMariya lamaJuda. UJesu wayekwazi ukuthi uzamvusa uLazaro kodwa kwakumzwisa ubuhlungu ukubona abangane bakhe abathandayo besizwa ubuhlungu. Wakhala bonke bembona ngenxa yokuthi wayebathanda abangane bakhe futhi ebazwela kakhulu. Indaba le itshengisa ukuthi uJesu uyabazwela labo abafelwa yizihlobo zabo kanye labangane ngenxa yesono sika-Adamu.
(UJohane 11:43, 44) Esetshilo lokhu uJesu wamemeza ngelizwi elikhulu wathi, “Lazaro, phuma!” 44 Indoda efileyo yaphuma, izandla zayo lezinyawo kusongiwe ngamaqhele elineni, kulelembu limboze ubuso. UJesu wathi kubo, “Khuphani izivunulo zokungcwaba limyekele ahambe.”
Ukuchwayisisa IMibhalo
(UJohane 11:49) Kwasekusithi omunye wabo owayethiwa nguKhayafasi, owayengumphristi ophezu kwabanye ngalowomnyaka wakhuluma wathi, “Kalazi lutho loluncinyane!
nwtsty umcijo wokutaditsha okuJoh 11:49
umphristi ophezu kwabanye: Ngesikhathi ama-Israyeli engakabi yizigqila, umphristi omkhulu wayesiba lesikhundla lesi aze ayekufa. (Nan 35:25) Kodwa ngesikhathi ama-Israyeli esebuswa ngamaRoma, amaRoma yiwo ayesefaka kumbe akhiphe umuntu esikhundleni lesi. UKhayafasi owayefakwe ngamaRoma wayengummeli wawo okhaliphileyo njalo nguye owahlala esikhundleni leso ukwedlula bonke abamlandelayo. Wafakwa esikhundleni ngabo-18 C.E. njalo wahlala kwaze kwaba ngabo-36 C.E. Ngesikhathi uJohane esithi uKhayafase wayengumphristi omkhulu ngomnyaka lowo u-33 C.E., wayesitsho ukuthi uKhayafase wayengumphristi omkhulu ngomnyaka uJesu abulawa ngawo.—Khangela u-sgd 16 ukuze ubone ukuthi indlu kaKhayafase yayingabe ingaphi.
(UJohane 12:42) Kodwa loba kunjalo abanengi labaphakathi kwabakhokheli bakholwa kuye. Kodwa ngenxa yabaFarisi kabalufakazanga ukholo lwabo besesaba ukuthi bazaxotshwa esinagogeni;
nwtsty imicijo yokutaditsha ekuJoh 12:42
abakhokheli: Ibala lesiGrikhi elisetshenziswe lapha litsho amalunga omthethwandaba omkhulu wamaJuda okuthiwa yiSanihedrini. Ibala leli liyasetshenziswa futhi kuJohane 3:1 kukhulunywa ngoNikhodemu owayelilunga lalowo mthethwandaba.—Khangela umcijo wokutaditsha okuJoh 3:1.
bazaxotshwa esinagogeni: Kumbe “bangavunyezwa ukungena esinagogeni.” Ibala lesiGrikhi eliyisichasiso elithi a·po·sy·naʹgo·gos lisetshenziswe lapha kuphela lakuJohane 12:42 lo–16:2. Umuntu oxotshiweyo wayeseyiswa emphakathini futhi abantu babengavunyelwa ukumkhulumisa. Lokhu kwakubangela ukuthi umJuda lo lemuli yakhe bathwale nzima kakhulu endabeni zokuziphilisa. Amasinagogi ayesetshenziswa kakhulu njengezindawo zokufundela kodwa kwezinye izikhathi ayesetshenziswa njengamadale njalo babengenelisa ukufaka isigwebo sokuthi umuntu abhaxabulwe futhi axotshwe.—Khangela umcijo wokutaditsha okuMathewu 10:17.
Ukubalwa KweBhayibhili
OCTOBER 15-21
AMAGUGU ASELIZWINI LIKANKULUNKULU UJOHANE 13-14
“Sengilenzele Isibonelo”
(UJohane 13:5) Ngemuva kwalokho wasethela amanzi enditshini waseqalisa ukugezisa izinyawo zabafundi bakhe, wazesula ngethawulo leyo ayezibophe ngayo.
nwtsty umcijo wokutaditsha okuJoh 13:5
ukugezisa izinyawo zabafundi bakhe: Ngesikhathi sama-Israyeli, abantu babejayele ukugqoka amanyathela. Ayeyisoli elentambo nje kuphela eyayibotshelwa enyaweni lasenqagaleni, yikho inyawo zesihambi zazingcola nxa sihamba endaweni elubhuqu loba elodaka. Yikho kwakungumkhuba ukuthi umuntu akhiphe amanyathela akhe nxa engena endlini futhi umninimuzi olomusa wayesiba leqiniso lokuthi inyawo zesihambi ziyageziswa. Kulamavesi amanengi eBhayibhilini akhuluma ngomkhuba lo. (Gen 18:4, 5; 24:32; 1Sa 25:41; Luk 7:37, 38, 44) Ngesikhathi uJesu egezisa izinyawo zabafundi bakhe, wayesenza umkhuba lo ukuze abafundise ukuthi bathobeke njalo benzele abanye izinto ezithile.
(UJohane 13:12-14) Eseqedile ukugezisa izinyawo zabo, wagqoka izigqoko zakhe wasebuyela endaweni yakhe. Wababuza wathi, “Kambe liyakuzwisisa na esengilenze khona? 13 Lingibiza lithi ‘Mfundisi’ lokuthi ‘Nkosi’, lisitsho liqondile, ngoba ngiyikho lokho. 14 Manje-ke njengoba mina, iNkosi yenu loMfundisi, sengigezise izinyawo zenu, lani limele ligezisane izinyawo.
nwtsty umcijo wokutaditsha okuJoh 13:12-14
limele: Kumbe “lilomthwalo woku.” Ibala lesiGrikhi elisetshenziswe lapha lijayele ukusetshenziswa nxa kukhulunywa ngezezimali, lingabe lisitsho “ukuba lesikwelede somunye umuntu.” (Mat 18:28, 30, 34; Luk 16:5, 7) Kodwa lapha lakwamanye amavesi, lilomqondo obanzi wokuba lomthwalo wokwenza ulutho oluthile.—1Jo 3:16; 4:11; 3Jo 8.
(UJohane 13:15) Sengilenzele isibonelo ukuthi lenze njengoba ngilenzele mina.
w99-ZU 3/1 31 ¶1
Umuntu Omkhulu Kunabo Bonke Wenza Inkonzo Ephansi
Ngokugeza izinyawo zabafundi bakhe, uJesu wanikeza isifundo esinamandla sokuthobeka. Ngempela, amaKristu akufanele acabange ukuthi abaluleke kangangokuthi abanye kufanele bahlale bekhonza wona, futhi akufanele alwele ukuthola izikhundla zodumo nokuba ngabalulekile. Kunalokho, kufanele alandele isibonelo esabekwa uJesu, ‘ongezelanga ukukhonzwa, kodwa ukukhonza nokunikela umphefumulo wakhe ube isihlengo esenana abaningi.’ (Mathewu 20:28) Yebo, abalandeli bakaJesu kufanele bazimisele ukwenzelana izinkonzo eziphansi kunazo zonke.
Ukuchwayisisa IMibhalo
(UJohane 14:6) UJesu waphendula wathi, “Mina ngiyiyo indlela njalo ngiliqiniso lokuphila. Kakho ozayo kuBaba ngaphandle kwami.
nwtsty umcijo wokutaditsha okuJoh 14:6
Mina ngiyiyo indlela njalo ngiliqiniso lokuphila: UJesu uyindlela ngoba nguye kuphela owenza senelise ukuthandaza kuNkulunkulu. Uyindlela futhi ngoba wenza abantu babuyisane loNkulunkulu. (Joh 16:23; Rom 5:8) UJesu uliqiniso ngoba wakhuluma iqiniso futhi waphila ngalo. Wagcwalisa iziphrofetho ezinengi ezitshengisa lokho okwakumele akwenze ukuze injongo kaNkulunkulu igcwaliseke. (Joh 1:14; Sam 19:10) Iziphrofetho lezo zaba “‘nguyebo’ [kumbe zagcwaliseka] ngaye.” (2Kr 1:20) UJesu uyikuphila ngoba ngenhlawulo, wenza ukuthi abantu bonke bathole ‘ukuphila okuqotho’ okutsho “ukuphila okungapheliyo.” (1Ti 6:12, 19; Efe 1:7; 1Jo 1:7) Uzatshengisa futhi ukuthi uyikuphila ebantwini abanengi abazavuswa baphile ePharadayisi phakade.—Joh 5:28, 29.
(UJohane 14:12) Ngiqinisile ukuthi lowo okholwayo kimi uzakwenza lokho ebengikade ngikwenza. Uzakwenza izinto ezinkulu kulalezi ngokuba ngiya kuBaba.
nwtsty umcijo wokutaditsha okuJoh 14:12
izinto ezinkulu kulalezi: UJesu katsho ukuthi izimangaliso ezizakwenziwa ngabafundi bakhe zizakwedlula ezakhe. Kodwa uyavuma ukuthi umsebenzi wabo wokutshumayela lokufundisa uzakwedlula owakhe. Abalandeli bakhe bazatshumayela indawo enkulu kulaleyo yena ayitshumayelayo futhi batshumayeze abantu abanengi njalo batshumayele okwesikhathi eside kulaye. Amazwi kaJesu atshengisa ngokucacileyo ukuthi wayekhangelele ukuthi abafundi bakhe baqhubekele phambili ngomsebenzi ayewuqalisile.
Ukubalwa KweBhayibhili
OCTOBER 22-28
AMAGUGU ASELIZWINI LIKANKULUNKULU UJOHANE 15-17
“Kalisibo Abomhlaba”
(UJohane 15:19) Ngabe belingabawo umhlaba ubuzalithanda njengabawo. Ikanti kalisibo abomhlaba, kodwa ngilikhethe lisemhlabeni. Yikho umhlaba ulizonda.
nwtsty umcijo wokutaditsha okuJoh 15:19
umhlaba: Endabeni le ibala lesiGrikhi elithi koʹsmos likhuluma ngabantu bomhlaba lo abangayisizo zinceku zikaNkulunkulu, okutsho abantu abenza izinto ezimbi. UJohane nguye yedwa okhuluma amazwi akhulunywa nguJesu athi abafundi bakhe kabasibo bomhlaba. Umcijo ofananayo uyakhulunywa emthandazweni uJesu awenza labaphostoli bakhe abathembekileyo.—Joh 17:14, 16.
(UJohane 15:21) Bazaliphatha ngaleyondlela ngenxa yebizo lami, ngokuba kabamazi lowo ongithumileyo.
nwtsty umcijo wokutaditsha okuJoh 15:21
ngenxa yebizo lami: Ngezinye izikhathi eBhayibhilini ibala elithi ibizo litsho umnikazi walo, ukuthi waziwa ngani kanye lomsebenzi wakhe. (Khangela umcijo wokutaditsha okuMathewu 6:9.) Ibizo likaJesu lalo limela amandla kanye lesikhundla asiphiwe nguYise. (Mat 28:18; Flp 2:9, 10; Heb 1:3, 4) Lapha uJesu uchasisa ukuthi kungani abantu bomhlaba bengaphikisana labalandeli bakhe, lokhu kungenxa yokuthi kabamazi lowo othume uJesu. Ukwazi uNkulunkulu kuzabanceda ukuthi bazwisise futhi bavume lokuthi ibizo likaJesu limelani. (ImiS 4:12) Lokhu kugoqela isikhundla sikaJesu sokuba yiNkosi ebekwe nguNkulunkulu, iNkosi yamakhosi, okumele bonke abantu bayikhothamele ukuze bathole ukuphila.—Joh 17:3; Sam 19:11-16; Hu 2:7-12.
(UJohane 16:33) “Ngilitshelile izinto lezi ukuze kuthi kimi libe lokuthula. Kulo umhlaba lizakuba lokuhlupheka. Kodwa yimani isibindi! Sengiwunqobile umhlaba.”
it-1-E 516
Isibindi
UmKhristu kumele abe lesibindi ukuze ahlale ethembekile kuJehova uNkulunkulu lanxa umhlaba umzonda lokuthi angacini ecabanga futhi esenza njengabantu bomhlaba lo abahlukaniswe loNkulunkulu. UJesu watshela abafundi bakhe wathi: “Kulo umhlaba lizakuba lokuhlupheka. Kodwa yimani isibindi! Sengiwunqobile umhlaba.” (Joh 16:33) INdodana kaNkulunkulu kayizange yenze njengabantu bomhlaba kodwa yawunqoba umhlaba ngokungenzi njengawo. Isibonelo sikaJesu sokunqoba umhlaba kanye lakwenzayo kungenza umuntu abe lesibindi sokuthi ahlale ehlukene lomhlaba futhi angangcoliswa yiwo.—Joh 17:16.
Ukuchwayisisa IMibhalo
(UJohane 17:21-23) ukuthi bonke babemunye, Baba, njengoba wena ukimi lami ngikuwe. Sengathi labo bangaba kithi ukuze umhlaba ukholwe ukuthi ungithumile. 22 Ngibaphile inkazimulo owangipha yona, ukuze babe munye njengalokhu thina simunye: 23 Mina ngibe kubo lawe ukimi. Sengathi bangaba lokumanyana okupheleleyo ukutshengisa umhlaba ukuthi ungithumile njalo ubathandile njengalokhu ungithandile mina.
nwtsty imicijo yokutaditsha ekuJoh 17:21-23
munye: Kumbe “bamanyane.” UJesu wakhulekela ukuthi abafundi bakhe ‘babemunye,’ basebenze ndawonye ekufezeni injongo yinye njengoba yena loYise ‘bemunye.’ Lokhu kutsho ukuthi bayabambisana futhi balomcabango owodwa. (Joh 17:22) Ku-1 KwabaseKhorinte 3:6-9 uPhawuli ukhuluma ngokumanyana okuphakathi kwabantu bakaNkulunkulu njengoba besebenza ndawonye futhi besebenza loNkulunkulu.—Khangela u-1 KwabaseKhorinte 3:8 kanye lomcijo wokutaditsha okuJohane 10:30; 17:11.
lokumanyana okupheleleyo: Amazwi kaJesu asevesini le atshengisa ukuthi ukumanyana okupheleleyo kuhambelana lokuthandwa nguBaba. Lokhu kuvumelana lamazwi akuKholose 3:14 athi “Uthando . . . yikumanyana okupheleleyo.” Ukumanyana lokhu akutsho ukuthi abantu balobuntu, iziphiwo, imikhuba lemizwangedwa efananayo. Kutsho ukuthi abalandeli bakaJesu bamanyene kulokho abakwenzayo, abakukholwayo labakufundisayo.—Rom 15:5, 6; 1Kr 1:10; Efe 4:3; Flp 1:27.
(UJohane 17:24) “Baba, ngifuna ukuthi labo ongiphe bona babe lami lapho engikhona, njalo bayibone inkazimulo yami, inkazimulo onginike yona ngoba wangithanda umhlaba ungakadalwa.
nwtsty umcijo wokutaditsha okuJoh 17:24
umhlaba ungakadalwa: Ibala lesiGrikhi elithi “ungakadalwa” kumaHebheru 11:11 lihunyutshwe ngokuthi “amandla okuba lomntwana.” KuJohane lihunyutshwe ngokuthi “umhlaba ungakadalwa” futhi kukhanya likhuluma ngokuzala abantwana kuka-Adamu lo-Eva. UJesu ufananisa ‘ukudalwa komhlaba’ lo-Abela umuntu wokuqala owenza okuhle futhi owokuqala ukuthi ‘ibizo lakhe lilotshwe encwadini yokuphila kusukela ekudalweni komhlaba.’ (Luk 11:50, 51; Sam 17:8) Amazwi kaJesu ethandaza kuYise anika ubufakazi bokuthi uNkulunkulu wayeyithanda iNdodana yakhe eyiyo yodwa kudala u-Adamu lo-Eva bengakabi labantwana.
Ukubalwa KweBhayibhili
OCTOBER 29–NOVEMBER 4
AMAGUGU ASELIZWINI LIKANKULUNKULU UJOHANE 18-19
“UJesu Wafakaza Iqiniso”
(UJohane 18:36) UJesu wathi, “Umbuso wami kayisiwo walo umhlaba. Aluba kwakunjalo izinceku zami bezizakulwa ukuvalela ukuthi ngingabotshwa ngabaJuda. Kodwa hatshi, umbuso wami uvela kwenye indawo.”
(UJohane 18:37) UPhilathu wathi, “Uyinkosi, phela!” UJesu waphendula wathi, “Uqondile ukuthi ngiyinkosi. Ngeqiniso ngazalelwa lokho, njalo ngalanda khona lokho emhlabeni, ukuzafakaza iqiniso. Bonke abemi eqinisweni bayangilalela.”
nwtsty umcijo wokutaditsha okuJoh 18:37
uzakufakaza: EMibhalweni yamaKhristu yesiGrikhi, amabala esiGrikhi ahunyutshwe ngokuthi ‘ukufakaza’ (mar·ty·reʹo) ‘lokufakaza’ (mar·ty·riʹa; marʹtys) alomutsho obanzi. Amabala la womabili alomqondo wokuvuma ukuthi ulutho oluthile luqondile kusiya ngowazibonela khona loba ngokwazi kwakho, kodwa angaba lomqondo “wokutsho; wokuqinisekisa; lowokukhuluma kuhle ngokuthile.” UJesu kazange avume loba atsho lokho ayeqiniseka ngakho kuphela kodwa waphila ngendlela ehambelana leqiniso elakhulunywa nguNkulunkulu elimayelana leziphrofetho lezithembiso zakhe. (2Kr 1:20) Kwakuphrofethwe ngenjongo kaNkulunkulu emayelana loMbuso kanye loMbusi onguMesiya. Impilo kaJesu elapha emhlabeni lokuzinikela kwakhe ekufeni kwagcwalisa zonke iziphrofetho ezazimayelana laye okugoqela izithunzi ezisesivumelwaneni soMthetho. (Kol 2:16, 17; Heb 10:1) Yikho sileqiniso lokuthi uJesu ‘wafakaza iqiniso’ ngamazwi langezenzo.
iqiniso: UJesu wayengatsho iqiniso kuphela kodwa wayesitsho iqiniso eliphathelane lezinjongo zikaNkulunkulu. Isiqokoqela senjongo kaNkulunkulu yikuthi uJesu “indodana kaDavida” uba nguMphristi Omkhulu leNkosi eMbusweni kaNkulunkulu. (Mat 1:1) UJesu wathi isizatho esiqakathekileyo sokuthi aze emhlabeni sasingesokuthi azofakaza iqiniso ngoMbuso lo. Izingilosi lazo zakhuluma okufananayo uJesu engakazalwa langesikhathi esezelwe eBhethilehema laseJudiya, idolobho lapho okwazalelwa khona uDavida.—Luk 1:32, 33; 2:10-14.
(UJohane 18:38a) UPhilathu wabuza wathi, “Liyini iqiniso na?”
nwtsty umcijo wokutaditsha okuJoh 18:38a
Liyini iqiniso na?: UPhilathu wayesitsho iqiniso elijayelekileyo, hatshi lelo uJesu ayesanda kukhuluma ngalo. (Joh 18:37) Aluba lo kwakungumbuzo olengqondo akuthandabuzwa ukuthi uJesu wayezawuphendula. Kodwa uPhilathu wayebuza nje engadingi impendulo ethandabuza ukuthi kulento enjalo. Wayengathi uthi, “Iqiniso? Kuyini khonokho? Akulanto enjalo!” UPhilathu kazange alindele impendulo kodwa waphuma waziyela kumaJuda ayephandle.
Ukuchwayisisa IMibhalo
(UJohane 19:30, NW) Esenathile wathi, “Sekuphelile.” Esetsho lokho wagobisa ikhanda lakhe wawunikela umoya wakhe.
nwtsty umcijo wokutaditsha okuJoh 19:30
wawunikela umoya wakhe: Kumbe “wama ukuphefumula.” Ibala lesiGrikhi elithi pneuʹma lingazwisiseka njengelitsho “umoya” loba “amandla okuphila.” Lokhu kukhanya ekusetshenzisweni kwebala lesiGrikhi elithi ek·pneʹo (nxa lihunyutshwa linjengoba linjalo litsho “ukuphefumula”) emibhalweni efanana loMakho 15:37 loLukha 23:46 (lapho elihunyutshwe ngokuthi “waphela” kumbe indlela elihunyutshwe ngayo kumicijo yokutaditsha esemavesini le, “waphefumula okokucina”). Abanye bathi ibala lesiGrikhi elithi “wama ukuphefumula” litsho ukuthi uJesu wayekela ngabomo ukuphefumula njengoba konke kwasekuphelile. Yena “wanikela ukuphila kwakhe ekufeni.”—Isy 53:12; Joh 10:11.
(UJohane 19:31, NW) Lolo kwakulusuku lokuLungiselela. Ngokuba abaJuda babengafuni izidumbu zisale esigodweni ngeSabatha (ngoba lelolanga kwakuliSabatha elikhulu), bacela uPhilathu ukuthi kwephulwe amalunga emilenze lezidumbu zethulwe.
nwtsty umcijo wokutaditsha okuJoh 19:31
lelolanga kwakuliSabatha elikhulu: UNisani 15 kwakulilanga elalilandela iPhasika futhi ilanga leli lalisiba lisabatha kungelani lokuthi kungolwesingaki. (Lev 23:5-7) Nxa iSabatha eliqakathekileyo lalisiba ngeSabatha elijayelekileyo (ilanga lesikhombisa kukhalenda yamaJuda, eliqalisa ngoLwesihlanu ntambama kuze kube ngoMgqibelo ntambama) kwakusiba liSabatha “elikhulu.” Isabatha leli elikhulu yilo elalandela ilanga uJesu afa ngalo. Kusukela ngo-29 kusiya ku-35 C.E., umnyaka ka-33 C.E. yiwo kuphela uNisani 14 abakhona ngoLwesihlanu. Ngakho-ke ubufakazi lobu busekela ukuthi uJesu wafa ngoNisani 14, 33 C.E.
Ukubalwa KweBhayibhili