IMPILO YAMAKHRISTU

Ungafundani Ebantwini Asebelesikhathi Eside Bekhonza UJehova?

Emabandleni esikuwo kulabafowethu labodadewethu asebeleminyaka eminengi bekhonza uJehova njalo kunengi esingakufunda kibo. Singabacela ukuthi basilondele imbali yenhlanganiso kaJehova, basitshele inhlupho abahlangane lazo kanye lokuthi uJehova ubancedise njani ukuthi baqhubeke bethembekile. Okunye esingakwenza yikubanxusa ekukhonzeni kwethu kwemuli sibacele ukuthi basixoxele ngokwenzakale ezimpilweni zabo.

Nxa usuleminyaka eminengi ukhonza uJehova, xoxela abanye ngalokho uJehova akwenzele khona. Yikho kanye okwenziwa nguJakhobe loJosefa ezizukulwaneni zabo. (Gen 48:21, 22; 50:24, 25) UJehova watshela obaba ukuthi bafundise abantwababo ngemisebenzi yakhe emangalisayo. (Dut 4:9, 10; Hu 78:4-7) Lalamuhla, abazali labanye ebandleni bangaxoxela abasakhulayo ngemisebenzi kaJehova emangalisayo abayibone enhlanganisweni yakhe.

BUKELANI IVIDIYO ETHI UKUMANYANA LANXA UMSEBENZI WETHU UVINJELWE, BESELIPHENDULA IMIBUZO ELANDELAYO:

Igatsha le-Austria labancedisa njani abafowethu bakwamanye amazwe lapho umsebenzi wethu owawuvinjelwe khona?
Abafowethu babesenzani ukuze bahlale belokholo oluqinileyo?
Kuyini okwenza abamemezeli abanengi beRomania bazehlukanisa lenhlanganiso kaJehova njalo kuyini okwabenza babuyela?
Okwenziwa ngabafowethu laba kuluqinisa njani ukholo lwakho?

Okusemfanekisweni: Okutholakala kuvidiyo ethi ‘Ukumanyana Lanxa Umsebenzi Wethu Uvinjelwe.’ 1. Imephu etshengisa amazwe ase-Eastern Europe lapho umsebenzi wethu owawuvinjelwe khona. 2. Umtshina okuthiwa yi-mimeograph. 3. Abafowethu beRomania bagonene. — Qinisa ukholo lwakho ngokufunda okunengi kubafowethu abaleminyaka eminengi bekhonza uJehova.