Amabhuku Asetshenziswe Ku-Gwalo Lwempilo Lenkonzo YamaKhristu
© 2023 Watch Tower Bible and Tract Society of Pennsylvania
JANUARY 1-7
AMAGUGU ASELIZWINI LIKANKULUNKULU | UJOBE 32-33
Duduza Abakhathazekileyo
it-1-E 710
U-Elihu
U-Elihu wayengabandlululi njalo wayengathabisi muntu ngamanga. Wayekwazi ukuthi laye njengoJobe wayebunjwe ngomhlabathi lokuthi uSomandla unguMdali wabo bonke. U-Elihu wayengafuni ukumethusela uJobe kodwa wakhuluma laye ngomusa waze wamqamba ngebizo, into engazange yenziwe ngu-Elifazi loBhilidadi kanye loZofari.—Job 32:21, 22; 33:1, 6.
UJehova Uyabazwisisa Ababuthakathaka—Wena-ke?
8 Sizabazwela kakhulu abafowethu labodadewethu esibathandayo nxa singakhumbula ukuthi abanye babo babuthakathaka ngenxa yokuthi bayagula, bahlala lamalunga emuli angasibo boFakazi kumbe balwisana lokukhathazeka. Phela lathi singavuka sesisebunzimeni. Abako-Israyeli babehlupheka eGibhithe njalo bebuthakathaka. Yikho sebezangena eLizweni ababelithenjisiwe bakhunjuzwa ukuthi bangabi “lezinhliziyo ezilukhuni” kubafowabo ababehlupheka. UJehova wayefuna ukuthi labangabayanga banakekelwe.—Dute. 15:7, 11; Levi. 25:35-38.
9 Kumele siduduze labo abasebunzimeni kulokuthi sibahlulele kumbe sibacabangele okubi. (Jobe. 33:6, 7; Mat. 7:1) Ake sithi umuntu ohamba ngomdududu ulimele engozini yomgwaqo wasegijinyiselwa esibhedlela. Kambe odokotela bangatshona bebuzisisa ukuthi nguye yini obangele ingozi le? Hatshi! Into yokuqala abayenzayo yikumelapha masinya. Umcijo nanku: Nxa umuntu esikhonza laye esebuthakathaka ngenxa yezinhlupho zakhe, okuqakathekileyo yikuthi simncedise aqine ekukhonzeni.—Bala u-1 Thesalonika 5:14.
10 Nxa singazinika isikhathi sokucabangisisa ngalokhu okuhlupha abazalwane bethu, singabuzwisisa ubuthakathaka babo. Cabanga ngabodadewethu asebeleminyaka bephikiswa ngamalunga emuli. Abanye babo batshengisa ukuthi ukholo lwabo luqinile sibili njalo kabapheli amandla lanxa bengakhanya bebuthakathaka kakhulu. Mhlawumbe ubona umama esondla abantwana eyedwa kodwa ebuya labo emihlanganweni zikhathi zonke. Uzwa njani nxa ubona ukholo lwakhe kanye lokuthi uzimisele ukuhlala ekhuthele ekukhonzeni? Uthini ngabasakhulayo abaqhubeka bebambelele eqinisweni lanxa beyengwa ukuthi benze izinto ezimbi esikolo? Ngakho siyananzelela ukuthi abanye bethu abakhanya bebuthakathaka ‘banothile ekukholweni’ njengalabo abakhanya beqinile ekukhonzeni.—Jak. 2:5.
Yisiphi Isikhathi Esifaneleyo Sokukhuluma?
17 Indoda yesine eyavakatshela uJobe yisihlobo sika-Abrahama esithiwa ngu-Elihu. Indoda le yayilalele ngesikhathi uJobe lamadoda amathathu bekhuluma. Akuthandabuzwa ukuthi yalalelisisa ngoba yenelisa ukunika uJobe iseluleko ngesihawu kodwa ingambhodi. Iseluleko leso samnceda wantshintsha indlela ayecabanga ngayo. (Jobe. 33:1, 6, 17) Okwakuqakatheke kakhulu ku-Elihu yikuphakamisa uJehova hatshi yena kumbe omunye umuntu. (Jobe. 32:21, 22; 37:23, 24) Okwenziwa ngu-Elihu kusifundisa ukuthi kulesikhathi sokuthula lesokulalela. (Jak. 1:19) Sifunda lokuthi nxa sinika umuntu iseluleko okumele sikuqakathekise kakhulu yikudumisa uJehova hatshi thina.
18 Nxa silandela okutshiwo liBhayibhili endabeni yokuthi sikhuluma njani futhi nini siyabe sitshengisa ukuthi siyasiqakathekisa isipho sokukhuluma. Inkosi ehlakaniphileyo uSolomoni yaphefumulelwa ukuthi ibhale amazwi la: “Ilizwi elikhulunywe ngokufaneleyo linjengama-apula egolide ezitsheni zesiliva ezibaziweyo.” (Zaga. 25:11, TBS) Nxa singalalelisisa abanye bekhuluma futhi sicabange singakakhulumi, amazwi ethu azakuba njengama-apula egolide okutsho ukuthi azabe emahle njalo eligugu. Lokho kuzakwenza ukuthi esikutshoyo kubakhe njalo kuthokozise uJehova kungelani lokuthi singabantu abathanda ukukhuluma kumbe abathuleyo. (Zaga. 23:15; Efe. 4:29) Le yiyo indlela engcono kulazo zonke yokutshengisa ukuthi siyasiqakathekisa isipho sokukhuluma esisiphiwe nguNkulunkulu.
Ukuchwayisisa IMibhalo
w13-ZU 1/15 19 ¶10
Qhubeka Usondela KuJehova
10 Ngokufanayo, kuyafaneleka ukuba sikhathazeke ngokubukeka kwethu. Kodwa akudingeki ukuba sizikhandle sizama ukufihla zonke izimpawu zokuguga. Lezo zimpawu zingaba ubufakazi bokuvuthwa, isithunzi nobuhle bangaphakathi. Ngokwesibonelo, iBhayibheli lithi: “Ubumpunga bungumqhele wobuhle lapho butholakala endleleni yokulunga.” (IzAga 16:31) Yileyo ndlela uJehova asibheka ngayo, futhi kufanele sizame ukuzibheka ngendlela asibheka ngayo. (Funda eyoku-1 Petru 3:3, 4.) Khona-ke, ingabe kuwukuhlakanipha ukuzifaka engozini ngokungadingekile ngokuhlinzwa noma ngokusebenzisa imithi engasilimaza ngoba nje sifuna ukuthuthukisa indlela esibukeka ngayo? “Injabulo kaJehova” iwumthombo wobuhle bangempela obusuka ngaphakathi, kungakhathaliseki ukuthi umuntu mdala noma unempilo enhle kangakanani. (Neh. 8:10) Impilo ephelele nobuhle bobusha siyophinde sibuthole ezweni elisha kuphela. (Jobe 33:25; Isaya 33:24) Kuze kube yileso sikhathi, ukubonisa ukuhlakanipha okusebenzayo nokholo kuyosisiza ukuba sihlale siseduze noJehova sibe senza konke okusemandleni kulezi zimo zethu zamanje.—1 Thim. 4:8.
JANUARY 8-14
AMAGUGU ASELIZWINI LIKANKULUNKULU | UJOBE 34-35
Nxa Izinto Ezimbi Zisenzakala Ebantwini Abalungileyo
UNkulunkulu Unjani?
UNkulunkulu uhlala esenza okulungileyo. IBhayibhili lize lithi: “Kakube khatshana laye uNkulunkulu ukwenza ububi, khatshana kukaSomandla ukona.” (UJobe 34:10) Umhubi wakuveza ukuthi uJehova uhlala esahlulela kuhle. Wathi: “Ubusa abantu ngokulunga.” (IHubo 67:4) Ngenxa yokuthi “uJehova ukhangela inhliziyo” ngeke aqilwe yibuzenzisi kodwa uhlala ebona okuliqiniso yikho okwenza enelise ukwahlulela kuhle. (1 USamuyeli 16:7) Kanti njalo uJehova uyabubona bonke ububi obenzakala emhlabeni futhi uthembisa ukuthi “izigangi zizasuswa elizweni.”—IZaga 2:22.
Kuyini Okuzasuswa Lapho UMbuso KaNkulunkulu Ufika?
5 UJehova uzabenzani abantu ababi? Khathesi uJehova unike abantu ababi ithuba lokuthi bantshintshe. (Isaya. 55:7) Yikho nxa bangazimisela ukuntshintsha bazasinda lapho umumo lo utshabalaliswa. Kodwa kuzakwenzakalani kulabo abangafuniyo ukuntshintsha lalabo abazaqhubeka besekela umumo lo kuze kufike ukuhlupheka okukhulu? Bazayifunda ivaliwe ngoba ngalesosikhathi uJehova uzasusa bonke abenza okubi. (Bala iHubo 37:10.) Lamuhla abantu abanengi bayafihla okubi abakwenzayo ukuze bangatholi isijeziso. Yikho bangacabanga ukuthi isijeziso sokususwa kwababi kasisoze sibehlele. (Jobe. 21:7, 9) Kodwa iBhayibhili lithi: “Amehlo [kaNkulunkulu] aphezu kwezindlela zabantu; ubona zonke izinyathelo zabo. Akulandawo emnyama njani lathunzi elisithe njani, lapho abenzi bobubi abangacatsha khona.” (Jobe. 34:21, 22) Kakho umuntu ongacatshela uJehova loba amqile ngoba uyakubona konke okwenzakalayo. Ngemva kwe-Amagedoni awusoze uphinde ubabone abantu abenza okubi, kuyabe sekuphelile ngabo!—Hubo. 37:12-15.
Uzakhubeka Yini Ngenxa KaJesu?
19 Into efananayo iyenzakala yini lamuhla? Ye. Abanengi lamuhla bayakhubeka ngathi ngenxa yokuthi kasingeni kwezombusazwe. Bakhangelele ukuthi sivote nxa kusiba lokhetho. Kodwa thina siyakwazi ukuthi nxa sikhetha ukubuswa ngumuntu siyabe sisala uJehova. (1 Sam. 8:4-7) Abantu bangabe bekhangelele lokuthi sakhe izikolo lezibhedlela futhi senze lezinye izinto ezinceda umphakathi. Yikho kabasilaleli ngoba sikhuthele ekutshumayeleni kulokuthi sizame ukulungisa inhlupho zabantu.
20 Singenzani ukuze singakhubeki? (Bala uMathewu 7:21-23.) Okumele sikuqakathekise yikwenza umsebenzi uJesu asilaya ukuthi siwenze. (Mat. 28:19, 20) Akumelanga sithatheke ngokuzama ukulungisa inhlupho zomhlaba lo. Siyabathanda sibili abantu futhi siyabazwela, kodwa siyakwazi ukuthi indlela engcono kulazo zonke yokubanceda yikubafundisa ngoMbuso kaNkulunkulu lokubancedisa ukuthi babe ngabangane bakaJehova.
Ukuchwayisisa IMibhalo
Ukuzinikela Kwethu Kwenza UJehova Adunyiswe!
3 U-Elihu wabuza uJobe wathi: “Aluba ulungile kuyini omnika khona wena na, kumbe yena wamukelani esandleni sakho?” (Jobe. 35:7) UJehova kazange amsole ngokubuza umbuzo lo. Kodwa wayesitshoni u-Elihu? Wayesitsho ukuthi uNkulunkulu kalandaba lakho yini esimenzela khona? Hatshi, ayekutsho yikuthi akulalutho uJehova aludingayo kithi ngoba konke esilakho kuvela kuye njalo uyathokoza nxa sikusebenzisa kuhle. Kanti njalo akulalutho esingamnika lona olungamenza abe ngcono kulalokho ayikho khona.
JANUARY 15-21
AMAGUGU ASELIZWINI LIKANKULUNKULU | UJOBE 36-37
Okwenza Sithembe Ukuthi UNkulunkulu Uzasinika Ukuphila Okungapheliyo
Singaphila Phakade
3 Siyakwazi ukuthi uJehova uyenelisa ukwenza ukuthi siqhubeke siphila kuze kube nini lanini ngenxa yokuthi nguye osinika ukuphila njalo uzahlala ekhona. (Hubo. 36:9) Cabanga ngeminye iMibhalo etshengisa ukuthi uJehova ubevele ekhona lokuthi uzahlala ekhona. IHubo 90:2 lithi uJehova ubevele ekhona “kusukela nini nini kuze kube nini lanini.” IHubo 102 lalo lilamazwi ahambelana lawevesi le. (Bala iHubo 102:12, 24, 27.) Umphrofethi uHabakhukhi yena wathi ngoBaba wethu osezulwini: “Awu Jehova, wena kawusiNkulunkulu kusukela nini lanini yini? Wena kawufi, Nkulunkulu wami, oNgcwele wami.”—Hab. 1:12.
4 Iyakuphica yini indaba yokuthi uJehova ubekhona kusukela “nini lanini”? (Isaya. 40:28) Ayisuwe wedwa. U-Elihu wathi ngoNkulunkulu: “Leminyaka yakhe ngeke senelise ukuyibala.” (Jobe. 36:26) Kodwa ukungazwisisi into ethile akutsho ukuthi ingamanga. Ngokwesibonelo, lanxa singazwisisi ukuthi ukukhanya kusebenza njani akutsho ukuthi akukho. Ngendlela efananayo abantu abasoze bakuzwisise ngokugcweleyo ukuthi uJehova ubevele ekhona lokuthi uzahlala ekhona. Kodwa iqiniso yikuthi uNkulunkulu kalasiqalo futhi uzahlala ekhona. Ukungazwisisi kwethu akutshintshi lutho ngoMdali. (Rom. 11:33-36) Wayevele ekhona umhlaba lezinto ezisemkhathini ezigoqela ilanga lenkanyezi kungakabi khona. IBhayibhili lisitshela ukuthi uJehova “wenza umhlaba ngamandla akhe.” Kanti njalo wayekhona ‘engakaweluli amazulu.’ (Jer. 51:15; Imiseb. 17:24) Kuyini okunye okwenza siqiniseke ukuthi singaphila phakade?
Uyaziqakathekisa Yini Izipho Ozinikwe NguNkulunkulu?
6 Umhlaba ulamanzi ngenxa yokuthi uqhelelane lelanga ngebanga elifaneleyo. Ngabe wasondela kancane elangeni, amanzi wonke akuwo abezakutsha futhi ubuzatshisa njalo wome okokuthi bekungeke kuphileke kuwo. Aluba umhlaba ubungathi tshedu kancane uqhelelane lelanga, bekuzaqanda kakhulu njalo kugcwale ungqwaqwane. UJehova wafaka umhlaba endaweni efaneleyo yikho kulomjikelezo wamanzi owenza kuphileke kuwo. Ilanga lidonsa amanzi aselwandle lakwezinye indawo ezisemhlabeni abesephakama abumbe amayezi. Umnyaka ngamunye ilanga lidonsa amamiliyoni lamamiliyoni amalitha amanzi. Amanzi la aba semkhathini okwensuku ezingaba litshumi engakathululeki elizulu loba ungqwaqwane. Ngemva kwalokho ayabuyela elwandle lakwezinye izindawo ezilamanzi ubusuqala kutsha umjikelezo. UJehova wenza umjikelezo lo ukuze kuhlale kulamanzi emhlabeni. Lokhu kutshengisa ukuthi uhlakaniphile futhi ulamandla.—Jobe. 36:27, 28; UmTshu. 1:7.
Gcina Ithemba Lakho Liqinile
16 Ithemba lokuphila okungapheliyo liyisipho esivela kuNkulunkulu. Silethemba lokuthi sizakuba lekusasa elihle njalo asithandabuzi ukuthi lokhu kuzakwenzakala. Ithemba lelo linjengesikhonkwane esisinceda ukuthi sime siqinile lanxa siphakathi kobunzima njalo sibekezele nxa sihlukuluzwa, lanxa sikhangelane lokufa. Linjengengwane yesotsha ngoba livikela ingqondo zethu ukuze sitshiye imicabango emibi njalo senze okuqondileyo. Ithemba lethu elisekelwe eBhayibhilini lenza sisondele eduze kukaNkulunkulu njalo lenza sibone ukuthi usithanda kangakanani. Siyancedakala kakhulu nxa sigcina ithemba lethu liqinile.
Ukuchwayisisa IMibhalo
it-1-E 492
Ukukhulumisana
Ngezikhathi zeBhayibhili izindaba zazifika ebantwini ngezindlela ezitshiyeneyo. Izikhathi ezinengi zazidluliselwa phambili ngabantu. (2Sa 3:17, 19; Job 37:20) Izivakatshi yizo ezazijayele ukuthwala izindaba ezivela kwamanye amazwe akhatshana. Zazisithi zingafika edolobheni elithile zidinga ukudla, amanzi lokunye nje besezifika zixoxela abantu bakuleyondawo. Lapho ilizwe lePalestine elalikhona kwakulula ukuthi abathengisi abavela e-Asia, e-Africa lase-Europe badlule kilo nxa besiya loba bevela ezindaweni ezikhatshana. Yikho kwakulula ukuthi abantu abahlala ePalestine bazwe okwenzakala kwamanye amazwe. Kanti njalo izindaba zakwamanye amazwe kumbe ezalelolizwe wawungazizwa emakethe.
JANUARY 22-28
AMAGUGU ASELIZWINI LIKANKULUNKULU | UJOBE 38-39
Zinike Isikhathi Sokubuka Izinto Ezidaliweyo
Uzimisele Yini Ukulindela UJehova?
7 IBhayibhili lithi ngesikhathi uJehova edala umhlaba wamisa ‘izilinganiso zawo lezinsika zawo kanye lelitshe lawo legumbi.’ (Jobe. 38:5, 6) Waphinda wazinika lesikhathi sokuhlola umsebenzi ayesewenzile. (Gen. 1:10, 12) Kumele ukuthi izingilosi zathokoza kakhulu ngesikhathi zibona indlela umsebenzi kaJehova owawuphuma ngayo. Lokhu kwenza zaqalisa ‘ukumemeza ngentokozo.’ (Jobe. 38:7) Sifundani? Kwathatha izinkulungwane zeminyaka ukuthi uJehova adale umhlaba, izinkanyezi lazo zonke izinto eziphilayo njalo wathi esehlola konke ayekwenze ngesineke wathi “kwakukuhle kakhulu.”—Gen. 1:31.
Ukuvuswa Kwabafileyo Kutshengisa Ukuthi UNkulunkulu Ulothando, Uhlakaniphile Njalo Uyabekezela
2 UJehova waqala ngokudala iNdodana yakhe uJesu. Kusetshenziswa yona ‘kwadalwa zonke ezinye izinto,’ okugoqela izingilosi. (Kol. 1:16) UJesu wayethokoza ukusebenza loYise. (Zaga. 8:30) Izingilosi lazo zathokoza ngesikhathi uJehova kanye lesisebenzi sakhe esiyingcitshi uJesu bedala amazulu lomhlaba. Zatshengisa njani ukuthi ziyathokoza? Zaqalisa ‘ukumemeza ngentokozo’ sekudalwe umhlaba futhi asithandabuzi ukuthi zaqhubeka zikwenza lokho lapho zibona zonke ezinye izinto sezidaliwe, ikakhulu abantu. (Jobe. 38:7; Zaga. 8:31) Izinto lezi uJehova azidalayo zaveza ukuthi ulothando njalo uhlakaniphile.—Hubo. 104:24; Rom. 1:20.
Funda Okunengi NgoJehova Ngokukhangela Izinto Azidalileyo
8 Kumele simthembe uJehova. UJehova wanceda uJobe ukuthi amthembe ngenhliziyo yonke. (Jobe. 32:2; 40:6-8) Wathi ekhuluma loJobe wamtshela ngezinto azidalayo ezigoqela izinkanyezi, amayezi kanye lombane. UJehova waphinda wamtshela langezinyamazana ezigoqela inkunzi yeganga kanye lebhiza. (Jobe. 38:32-35; 39:9, 19, 20) Zonke izinto lezi zitshengisa ukuthi uNkulunkulu ulamandla amakhulu lothando kanye lenhlakanipho emangalisayo. Ingxoxo le yanceda uJobe ukuthi amthembe kakhulu uJehova. (Jobe. 42:1-6) Lathi nxa sihlolisisa izinto ezidaliweyo siyakubona ukuthi uJehova ulenhlakanipho lamandla ukwedlula thina. Uzakuqeda konke okusihluphayo ngoba ulamandla okuthi enze njalo. Lokhu kwenza simthembe kakhulu.
Ukuchwayisisa IMibhalo
UMenzi Wemithetho Omkhulu
3 IBhayibhili lisitshela ukuthi: “KuloMenzi wemithetho loMahluleli oyedwa kuphela.” (UJakhobe 4:12) UJehova nguye yedwa uMenzi wemithetho. Ukuhambahamba kwezinto ezisemkhathini ezifanana lezinkanyezi kuqondiswa ‘yimithetho yasezulwini.’ (UJobe 38:33) Izingilosi zikaJehova ezingcwele futhi ezinengi kakhulu lazo ziqondiswa yimithetho kaNkulunkulu, ngenxa yokuthi zihlelwe kuhle njalo zikhonza zilandela umlayo kaJehova njengoba ziyizinceku zakhe.—KumaHebheru 1:7,14.
4 UJehova uphinde wapha labantu imithetho. Munye ngamunye wethu ulomzwangedwa, futhi lokhu kutshengisa ukwahlulela kuhle kukaJehova. Umzwangedwa usebenza njengomthetho ongaphakathi kwethu, futhi ungasinceda ukuthi sehlukanise phakathi kokuhle lokubi. (KwabaseRoma 2:14) Abazali bethu bakuqala babephiwe umzwangedwa opheleleyo, ngakho babedinga imithetho emilutshwane kuphela. (UGenesisi 2:15-17) Kodwa umuntu olesono kufanele abe lemithetho eminengi ukuze imqondise ekwenzeni intando kaNkulunkulu. UNowa, u-Abrahama, kanye loJakhobe babezinhloko zezimuli, futhi babephiwa imithetho nguJehova uNkulunkulu besebeyifundisa izimuli zabo. (UGenesisi 6:22; 9:3-6; 18:19; 26:4,5) UJehova wazenza waba nguMenzi wemithetho omkhulu kakhulu lapho esebenzisa uMosi ukuze aphe isizwe sako-Israyeli uluhlu lweMithetho. Imithetho leyo isenza sizwisise ngcono ukwahlulela kuhle kukaJehova.
JANUARY 29–FEBRUARY 4
AMAGUGU ASELIZWINI LIKANKULUNKULU | UJOBE 40-42
Izifundo Esizithola Kulokho Okwenzakala KuJobe
w10-ZU 10/15 3-4 ¶4-6
“Ngubani Osewazi Umqondo KaJehova?”
4 Njengoba sizindla ngemisebenzi kaJehova, kudingeka sigweme ukuthambekela kokwahlulela uNkulunkulu ngezindinganiso zethu njengabantu. UJehova wayebhekisela kulokhu kuthambekela lapho esho amazwi akumaHubo 50:21: “Ubucabanga ukuthi nakanjani ngizoba njengawe.” Kunjengoba nje esinye isazi seBhayibheli sasho eminyakeni engaphezu kwengu-175 edlule: “Abantu bathambekele ekwahluleleni uNkulunkulu ngezindinganiso zabo, futhi bacabange ukuthi uboshwe imithetho enjengaleyo abakubona kufanele ukuba bona bayigcine.”
5 Kudingeka siqaphele ukuba singavumeli umbono wethu ngoJehova ulolongwe izindinganiso nezifiso zethu. Kungani lokhu kubalulekile? Phela njengoba sitadisha imiBhalo, ezinye zezinto uJehova azenzile zingase zibonakale zingafanele ngokombono wethu olinganiselwe nongaphelele. Ama-Israyeli asendulo aqala ukuba naleyo ndlela yokucabanga futhi afinyelela eziphethweni ezingalungile ngendlela uJehova ayesebenzelana ngayo nawo. Phawula lokho uJehova akusho kuwo: “Ngokuqinisekile niyothi: ‘Indlela kaJehova ayilungiswanga kahle.’ Ngicela nizwe nina ndlu ka-Israyeli. Ayilungiswanga kahle yini indlela yami? Akuzona yini izindlela zenu ezingalungiswanga kahle?”—Hez. 18:25.
6 Isihluthulelo sokugwema ugibe lokwahlulela uJehova ngezindinganiso zethu siwukuqaphela ukuthi umbono wethu ulinganiselwe futhi ngezinye izikhathi ushaya eceleni kakhulu. UJobe kwadingeka asifunde leso sifundo. Ngesikhathi esosizini, wahlushwa umuzwa wokuphelelwa ithemba futhi ngandlela-thile wacabanga ngaye kuphela. Wakhohlwa izimpikiswano ezinkulu ezazihilelekile. Kodwa uJehova wamsiza ngothando ukuba abe nombono osabalele. Wambuza imibuzo engaphezu kwengu-70 angakwazanga ukuphendula nowodwa kuyo, eqokomisa ukuthi ukuqonda kwakhe kwakulinganiselwe. UJobe wazithoba, walungisa umbono wakhe.—Funda uJobe 42:1-6.
Hlala Ucabanga Ngobukhosi BukaJehova
12 Kodwa kwakululunya yini ukuthi uJehova anike uJobe iseluleko lesi yena edlule phakathi kobuhlungu obungaka? Ngitsho lakancane. Laye uJobe kazange acabange njalo. Kodwa wasamukela iseluleko asiphiwayo waze wathi: “Ngakho sengizisola, ngiyaphenduka ngihlale othulini lasemlotheni.” Kuyakhanya ukuthi iseluleko esivela kuJehova samnceda sibili. (Jobe. 42:1-6 The Holy Bible in Ndebele) Kanti njalo ekuqaliseni uJobe wayeke wanikwa iseluleko ngu-Elihu. (Jobe. 32:5-10) UJobe walalela konke ayekutshelwa futhi wantshintsha indlela ayecabanga ngayo. Lokhu kwamthokozisa uJehova waze wakhuluma kuhle ngaye kwabanye esithi uyinceku yakhe ethembekileyo.—Jobe. 42:7, 8.
“Lindela UJehova”
17 UJobe ayisuye yedwa owaqhubeka elesibindi njalo ezimisele ukuhlala eqotho kuJehova ngesikhathi esebunzimeni. Encwadini umphostoli uPhawuli ayibhalela amaHebheru, wakhuluma ngabanye abanengi athi ‘baliyezi labofakazi elikhulu.’ (Heb. 12:1) Bonke badlula phakathi kobunzima obukhulu kodwa bahlala beqotho kuJehova okwempilo yabo yonke. (Heb. 11:36-40) Kambe baqinisela njalo basebenzela ize yini? Ngitsho. Lanxa bengazange babone ezinye izithembiso zikaNkulunkulu zigcwaliseka besaphila, baqhubeka bemlindele. Kanti njalo babekwazi ukuthi babezazibona izithembiso lezo zigcwaliseka ngenxa yokuthi babengathandabuzi ukuthi uJehova uyathokoza ngabo. (Heb. 11:4, 5) Abakwenzayo kungasinceda sizimisele ukuqhubeka silindele uJehova.
18 Izinto emhlabeni ziqhubeka zisonakala. (2 Tim. 3:13) USathane ulokhu ebathwalisa nzima abantu bakaNkulunkulu. Kungelani lobunzima obuzasehlela esikhathini esizayo, asizimiseleni ukuqhubeka simsebenzela nzima uJehova, siqiniseka ukuthi “sibeke ithemba lethu kuNkulunkulu ophilayo.” (1 Tim. 4:10) Phela lokho uJehova akwenzela uJobe kutshengisa ukuthi “ulozwelo kakhulu futhi ulesihawu.” (Jak. 5:11) Lathi asihlaleni siqotho kuJehova, sikholwa sibili ukuthi uyabapha umvuzo “labo abamdinga ngeqiniso.”—Bala uHebheru 11:6.
Ukuchwayisisa IMibhalo
it-2-E 808
Ukuchothozwa
UJobe waqhubeka eqotho lanxa wayechothozwa. Kodwa kulesikhathi lapho ayesecabanga khona okungayisikho wacina esesenza iphutha elabangela ukuthi akhuzwe. U-Elihu wakhuluma ngoJobe wathi: “Ukhona yini umuntu onjengoJobe, okwamukelayo ukuthethiswa angathi wamukela amanzi okunatha?” (Job 34:7) UJobe wayeseqakathekisa indlela ayezizwa ngayo njalo esezibona elunge ukwedlula uNkulunkulu. (Job 35:2; 36:24) Ngesikhathi abangane bakhe abathathu bemchothoza, wazitshela ukuthi bahlasela yena hatshi uNkulunkulu. Ngokuvuma ukuthi abangane bakhe bamchothoze kwakungani wamukela ukuthethiswa angathi wamukela amanzi okunatha. Ngokuhamba kwesikhathi uNkulunkulu watshela uJobe ukuthi abangane bakhe laba babeqamba amanga ngaye uNkulunkulu hatshi uJobe. (Job 42:7) Langesikhathi abako-Israyeli befuna inkosi, uJehova watshela umphrofethi uSamuyeli wathi: “Abalahlanga wena kodwa balahle mina, bala ukuthi ngibe yinkosi yabo.” (1Sa 8:7) UJesu laye watshela abafundi bakhe wathi: “Lizazondwa yizizwe zonke ngenxa yebizo lami.” (Mat 24:9) Ukuhlala sikukhumbula konke lokhu kuzasinceda ukuthi siqinisele nxa sichothozwa ngoba siyabe sikwazi ukuthi uJehova uzasinika umvuzo.—Luk 6:22, 23.
FEBRUARY 5-11
AMAGUGU ASELIZWINI LIKANKULUNKULU | IHUBO 1-4
Sekela UMbuso KaNkulunkulu
“Ngizanyikinya Izizwe Zonke”
8 Abantu bayalalela yini nxa izindaba ezinhle zitshunyayelwa? Abanengi abafuni lakuzizwa. (Bala iHubo 2:1-3.) Izizwe zizondile, azifuni ukwamukela uMbusi okhethwe nguJehova. Aziboni umlayezo woMbuso esiwutshumayelayo ‘uyizindaba ezinhle.’ Abanye ohulumende baze bavimba umsebenzi wethu wokutshumayela. Lanxa ababusi abanengi bezizwe lezi besithi bayamkhonza uNkulunkulu, abafuni kusuka ezikhundleni zabo. Benza njengababusi bangesikhathi sikaJesu ngoba bamelana loGcotshiweyo kaJehova ngokuhlasela abalandeli bakhe abaqotho.—ImiSeb. 4:25-28.
Ungaphumi Endleleni Eyiyo
11 Inotho. Nxa singaqakathekisa imali lempahla yethu kuzakuba nzima ukuthi singasekeli ezombusazwe nxa sesiphakathi kokuhlukuluzwa. Omunye udade okuthiwa nguRuth wakubona lokhu kusenzakala kuboFakazi abanengi baseMalawi ngesikhathi behlukuluzwa ngabo-1970. Uthi: “Kwabanzima kakhulu ukuthi batshiye imali lempahla yabo. Ekuqaliseni saphuma labo sayaphephela kwamanye amazwe kodwa bona bafika bajoyina iqembu lezombusazwe basebebuyela eMalawi ngoba babengafuni ukuphila impilo enzima enkambeni yeziphepheli.” Kodwa abantu bakaNkulunkulu abanengi bona bazimisele ukuhlala beqotho lanxa izimo zomnotho zinzima futhi belahlekelwa yimpahla yabo enengi.—Heb. 10:34.
Ukuchwayisisa IMibhalo
it-1-E 425
Umule
Umule uyaphephuka nxa abantu besela amabele ngemva kokuwabhula. IBhayibhili lisebenzisa umule ngendlela engokomfanekiso futhi lokhu kutshengisa ukuthi amabele ayebhulwa langezikhathi zakudala. Umule uyifanekisela kuhle into engaqakathekanga, engancedi ngalutho futhi efanele ukulahlwa.
Abantu babeqalisa ngokubhula ukuze behlukanise amabele lomule. Umule ubusuphetshulwa ngumoya nxa abantu sebesela amabele. Lokhu kuyifanekisela kuhle indlela uJehova akhipha ngayo abahlamuki ebantwini bakhe lendlela azatshabalalisa ngayo abantu ababi labamphikisayo. (Job 21:18; Hu 1:4; 35:5; Isy 17:13; 29:5; 41:15; Hos 13:3) Izitha zikaNkulunkulu zizafanana lomule nxa uNkulunkulu esezibhubhisa esebenzisa uMbuso wakhe.—Dan 2:35.
Umule kumbe amakhoba ayebuthelelwa abesetshiswa ukuze angaphephuki aphinde angcolise amabele. Ngesikhathi uJohane uMbhabhathizi ekhuluma ngokutshabalaliswa kwabakhokheli benkolo yamanga wathi uJesu Khristu ‘uzabutha ingqoloyi ayifake esiphaleni kodwa amakhoba awatshise ngomlilo ongacitshekiyo.’—Mat 3:7-12; Luk 3:17.
FEBRUARY 12-18
AMAGUGU ASELIZWINI LIKANKULUNKULU | IHUBO 5-7
Hlala Uqotho Kungelani Lokuthi Abanye Benzani
IMibhalo Iyasinceda Ukuthi Siqinisele
7 Kulomngane kumbe umuntu wangakini okuzwise ubuhlungu obubangele ukuthi ucine ungasamthembi? Nxa kunjalo, kuzakunceda ukuhlola indaba ka-Abhsalomu indodana yeNkosi uDavida eyazwisa uyise ubuhlungu futhi yazama ukumhluthunela ubukhosi.—2 Sam. 15:5-14, 31; 18:6-14.
8 (1) Thandaza. Ungakabali indaba le, tshela uJehova ngobuhlungu obuzwiswe ngumngane kumbe ngumuntu wangakini. (Hubo. 6:6-9) Mtshele khona kanye okuzwayo ubusumcela ukuthi akuncedise uthole izimiso ezingakusiza ukuthi ulwisane lohlupho ophakathi kwalo.
Ungathandabuzi Ukuthi Okukholwayo Kuliqiniso
3 Ukholo lwethu akumelanga lusekelwe ethandweni olusebantwini bakaNkulunkulu kuphela. Kungani sisitsho njalo? Sitsho njalo ngoba ukholo lwethu lungacina luxega nxa lusekelwe ethandweni lolu kuphela. Ngokwesibonelo, singatshiya ukukhonza uJehova nxa umfowethu loba udadewethu othile angenza isono kungelani lokuthi ungumdala kumbe iphayona. Kanti njalo singatshiya ukukhonza nxa umfowethu loba udadewethu esizwise ubuhlungu kumbe ehlamukile esithi lokho esikukholwayo kungamanga. Yikho kumele sibe lobungane obuseduze loJehova ukuze ukholo lwethu luqine. Nxa ukholo lwakho lusekelwe kulokho okwenziwa ngabantu kuphela hatshi ekubeni ngumngane oseduze loJehova, luyabe lungaqinanga. Ukholo lwethu akumelanga lwakhiwe ngezinto ezingaqinanga ezinjengothando olusebantwini bakaNkulunkulu kuphela kodwa langezinto eziqinileyo. Kumele silitaditshe okuzwayo iBhayibhili, sikuzwisise esikufundayo futhi sichwayisise ukuze singathandabuzi ngitsho ukuthi sifunda okuliqiniso ngoJehova.—Rom. 12:2.
4 UJesu wathi abanye babezalamukela “ngentokozo” iqiniso kodwa ukholo lwabo luxege nxa bangehlelwa zinhlupho. (Bala uMathewu 13:3-6, 20, 21.) Mhlawumbe babengakwazi ukuthi labo abamlandelayo bazahlupheka. (Mat. 16:24) Kumbe babecabanga ukuthi kabasoze bafa baba lenhlupho nxa bengaba ngamaKhristu kodwa bazathola izibusiso kuphela. Lanxa kunjalo inhlupho zikhona emhlabeni lo futhi izimo zingatshintsha sicine singasathokozi ngendlela esasithokoza ngayo.—Hubo. 6:6; UmTshu. 9:11.
Ukuchwayisisa IMibhalo
it-1-E 995
Ingcwaba
Amazwi kamphostoli uPhawuli akuRoma 3:13 wawathatha kuHubo 5:9. Laye wakhuluma ngabantu ababi labangamaqili wathi imiphimbo yabo “ilingcwaba elivulekileyo.” Njengoba nje ingcwaba lilahlelwa abantu abafileyo lababolayo, abantu ababi bavula imiphimbo yabo ukuze bakhulume amazwi abolileyo.—Khangela uMat 15:18-20.
FEBRUARY 19-25
AMAGUGU ASELIZWINI LIKANKULUNKULU | IHUBO 8-10
“Awu Jehova, Ngizakudumisa”!
Qakathekisa Indawo Olayo Emulini KaJehova
6 UJehova wasenzela ikhaya elihle okwamagama. Walungisela abantu umhlaba kusasele isikhathi eside ukuthi adale umuntu wokuqala. (Jobe. 38:4-6; Jer. 10:12) Wadala izinto ezinengi ezinhle ukuze sikholise ukuphila ngenxa yokuthi ulendaba lathi futhi uyaphana. (Hubo. 104:14, 15, 24) Ngezinye izikhathi wayesima akhangele umsebenzi awenzileyo njalo ‘wayebona ukuthi wawumuhle.’ (Gen. 1:10, 12, 31) Watshengisa ukuthi uyabaqakathekisa abantu ngokubenza ‘babuse phezu’ kwezinto zonke ezinhle azidalayo emhlabeni. (Hubo. 8:6) Inhloso kaNkulunkulu ngeyokuthi abantu abangelasono bakholise ukunakekela izinto lezi azidalileyo kuze kube nini lanini. Uhlala umbonga yini uJehova ngethemba leli elimangalisayo?
Uyaziqakathekisa Yini Izipho Ozinikwe NguNkulunkulu?
10 Enye indlela esingatshengisa ngayo ukuthi siyasiqakathekisa isipho sokukhuluma yikuchasisela labo abakholwa ukuthi izinto zazenzakalela ukuthi kungani sikholwa ukuthi uNkulunkulu nguye owadala zonke izinto. (Hubo. 9:1; 1 Phet. 3:15) Abantu labo bafuna sikholwe ukuthi umhlaba lezinto eziphilayo ezikuwo kazidalwanga kodwa zazivelela nje. Nxa singasebenzisa iBhayibhili lokunye esesixoxe ngakho esihlokweni lesi, sizenelisa ukulwela uBaba wethu osezulwini futhi sichasisele labo abafuna ukusilalela ukuthi kungani siqiniseka ukuthi uJehova unguMdali wamazulu lomhlaba.—Hubo. 102:25; Isaya. 40:25, 26.
‘Uyisibonelo Yini Ekukhulumeni’?
13 Hlabela ngenhliziyo yonke. Isizatho esiqakathekileyo esenza sihlabele izingoma zoMbuso emihlanganweni yethu yikuthi sifuna ukudumisa uJehova. Omunye udadewethu okuthiwa nguSara ucabanga ukuthi yena kakwazi ukuhlabela. Kodwa uyafuna ukudumisa uJehova ngokuhlabela. Yikho nxa elungiselela imihlangano uyalungiselela lezingoma ezizahlatshelwa. Uyaziphrakthiza abesezama ukubona ukuthi amazwi azo ahambelana njani lalokho okuzafundwa emhlanganweni. Uthi, “Ukucabangisisa ngamazwi engoma kuyanginceda ukuthi ngingakhathazeki kangako ngendlela engihlabela ngayo.”
Ukuchwayisisa IMibhalo
“UJehova . . . Ulamandla Amakhulu”
8 Umoya ongcwele kaNkulunkulu uyenelisa ukwenza loba yini. UJehova uyenelisa ukuwusebenzisa ukuze afeze loba yiphi injongo alayo. Kuyacaca-ke eBhayibhilini ukuthi umoya kaNkulunkulu ubizwa ngendlela yokufananisa ngokuthi ‘ngumunwe’ wakhe, ‘yisandla sakhe esiqinileyo,’ kumbe ‘yingalo yakhe eyelulekileyo.’ (ULukha 11:20; UDutheronomi 5:15; IHubo 8:3) Njengoba nje umuntu engasebenzisa izandla zakhe ukwenza imisebenzi etshiyeneyo edinga amandla angalinganiyo kumbe ubuciko obuthile, loNkulunkulu laye angasebenzisa umoya wakhe ukuze afeze loba yiphi inhloso alayo. Ngokwesibonelo, wasebenzisa amandla akhe ukudala i-athomu encane kakhulu, ukwehlukanisa amanzi eLwandle Olubomvu lokwenza amaKhristu ekhulu lokuqala akhulume ngezindimi zakwamanye amazwe.
FEBRUARY 26–MARCH 3
AMAGUGU ASELIZWINI LIKANKULUNKULU | IHUBO 11-15
Zibone Usuphila Emhlabeni Omutsha Olokuthula
w06-ZU 5/15 18 ¶3
Amaphuzu Avelele ENcwadi Yokuqala YamaHubo
11:3—Iziphi izisekelo ezidilizwayo? Lezi zisekelo yizinto ezenza umphakathi wesintu uzinze—umthetho, ukuhleleka nobulungisa. Lapho lezi zinto zingahlelekile, kuba nokuphazamiseka kwezenhlalo kanti nobulungisa abubi khona. Kulezo zimo, “olungile” kumelwe athembele ngokugcwele kuNkulunkulu.—IHubo 11:4-7.
Udlakela Luzake Luphele Yini?
IBhayibhili lisitshela ukuthi sekuseduze ukuthi uNkulunkulu ahlambulule umhlaba lo ogcwele udlakela. UNkulunkulu uselumisile “usuku lokwahlulela lokubhujiswa kwabantu abangamesabiyo.” (2 UPhetro 3:5-7) Uzasusa abantu abalodlakela abasiqhobisa ukhethe ngamazinyo. Kuyini okungasenza sithembe ukuthi uNkulunkulu uzangenela aqede lonke udlakela?
IBhayibhili lithi uNkulunkulu uyabazonda abantu “abathanda udlakela.” (AmaHubo 11:5) UMdali ulokuthula njalo ulungile. (AmaHubo 33:5; 37:28) Yikho uzabasusela amanqe abantu abathanda udlakela.
Uzimisele Yini Ukubekezela?
15 Kuyini okwamnceda ukuthi abekezele? Impendulo siyithola emazwini awaloba kuHubo 13, athi: “Ngiyalwethemba uthando lwakho olungapheliyo; inhliziyo yami iyathokoza ngensindiso yakho. Ngizahlabela kuJehova, ngoba ungenzele ukulunga.” (Hubo. 13:5, 6) UDavida wayemthemba ngenhliziyo yonke uJehova. Wayesazi ukuthi uJehova wayezamkhulula futhi wayehlala enakana ngendlela ayembusise ngayo. Wayekwazi lokuthi nxa angabekezela izinto zizamhambela kuhle.
UMbuso KaNkulunkulu Wenza Intando Yakhe Emhlabeni
16 Ukuvikeleka. Amazwi amahle aku-Isaya 11:6-9, osekulesikhathi eside elindelwe, azagcwaliseka ngokupheleleyo ngendlela engokoqobo. Amadoda, abesifazane kanye labantwana bazabe belondekile njalo bevikelekile loba ngaphi abangaya khona emhlabeni. Akulamuntu loba inyamazana ezakubayingozi kubo. Cabanga ngesikhathi lapho ozabe usubona khona umhlaba wonke usulikhaya lakho, lapho ongazibhukutshela khona ezizibeni, emifuleni kanye lasolwandle; ongaziqansela khona izintaba; njalo udabule amagusu ungesabi ngitsho. Kanti njalo kawusoze ukhathazeke nxa ilanga selingene kunina. Amazwi akuHezekheli 34:25 azagcwaliseka, kube yinto engokoqobo ukuthi abantu bakaNkulunkulu ‘bavikeleke enkangala njalo balale emahlathini.’ (TBS)
Ukuchwayisisa IMibhalo
Usuguquliwe Yini?
12 Okudanisayo yikuthi siphila labantu emhlabeni abafanana lalabo abaqanjwa nguPhawuli. Bacabanga ukuthi ngokwakudala kumbe yikungazwisisi ukugcizelela ukuphila ngezimiso lemilayo. Ababalisi abanengi labazali sebetotoza abantwana futhi bakhuthaza “inkululeko” endleleni yabantwana yokucabanga. Kubo, into yonke iya ngokuthanda kwakho, akulandlela okumele ilandelwe. Labanengi abazithi bayakhonza balomuzwa wokuthi balenkululeko yokwenza lokho abacabanga ukuthi kulungile, bengelamlandu wokuthi balalele uNkulunkulu lemilayo yakhe. (Hubo. 14:1) Indlela le yokucabanga ingaba yingozi kakhulu kumaKhristu eqiniso. Abanye bengananzeleli bangacina sebelombono onjalo ngohlelo lukaNkulunkulu. Bayabe bengafuni ukulandela ukuhlelwa okwenziwa ebandleni baze basole loba yini abangayithandiyo. Bangabe bengazimiselanga ukulalela izeluleko ezivela eBhayibhilini mayelana lezokuzilibazisa, ukusebenzisa i-Internet, lokugijimisana lemfundo ephezulu.