Kusukela Ekukhululweni eGibhithe Kuze Kuyefika eNkosini Yakuqala yama-Israyeli

UMosi wakhokhela ama-Israyeli evela ekuthunjweni eGibhithe aze ayafika eNtabeni yaseSinayi lapho uNkulunkulu abanika khona imithetho yakhe. Ngemva kwesikhathi, uMosi wathuma amadoda angu-12 ukuthi ayehlola ilizwe laseKhenani. Kodwa abangu-10 baphenduka lombiko omubi. Benza abantu bafuna ukubuyela eGibhithe. Ngenxa yokuthi babengela kholo, uNkulunkulu wenza ama-Israyeli ahlala egangeni okweminyaka engu-⁠40.

UJoshuwa nguye owacina esekhethwe ukuthi akhokhele ama-Israyeli esiyangena elizweni laseKhenani. UJehova wenza izimangaliso ukuze asize ama-Israyeli ukuthi angene elizweni lelo. Wenza ukuthi amanzi omfula uJodani ame ukugeleza. Wenza ukuthi imiduli yaseJeriko iwe lokuthi ilanga lime usuku lonke. Ngemva kweminyaka eyisithupha, ilizwe leli lathathelwa amaKhenani.

Kusukela kuJoshuwa, ama-Israyeli abuswa ngabahluleli okweminyaka engu-356. Abanengi balaba sifunda ngabo njalo bagoqela uBharakhi, uGideyoni, uJefitha, uSamsoni, loSamuyeli. Sifunda langabesifazana abanjengoRahabi, uDibhora, uJayeli, uRuthe, uNawomi loDelila. Ingxenye 3 yonke ikhuluma ngokwenzakala eminyakeni engu-396.