Kusukela Ekuthunjweni eBhabhiloni Kusiya Ekwakhiweni Kutsha Kwemiduli yaseJerusalema

Besesekuthunjweni eBhabhiloni, ama-Israyeli ahlangana lezinto ezenza kwaba nzima ukuthi bagcine ukholo lwabo. UShadreki, uMishaki lo-Abhediniko bajikelwa emlilweni omkhulu kodwa uNkulunkulu wabasindisa. Ngemva kwesikhathi, iBhabhiloni lanqotshwa ngamaMede lamaPhesiya. Ngemva kwalokho, uDanyeli wajikelwa emgodini wezilwane kodwa uNkulunkulu wamvikela ngokuvala imilomo yezilwane.

Ekucineni, inkosi yasePhesiya, uKhurosi yakhulula ama-Israyeli. Abuyela elizweni lawo ngemva kweminyaka engu-70 ethunjwe eBhabhiloni. Athi efika eJerusalema aqala ngokwakha ithempeli likaJehova. Kodwa kungakabi lesikhathi, izitha zamisa umsebenzi wawo. Ngakho aqeda ukwakha ithempeli ngemva kweminyaka engu-22 ephenduke eJerusalema.

Okulandelayo esifunda ngakho luhambo luka-Ezra ebuyela eJerusalema ukuze ayececisa ithempeli. Kwakungemva kweminyaka engu-47 ithempeli liphelile ukwakhiwa. Ngemva kweminyaka engu-13 u-Ezra efikile, uNehemiya wancedisa ukwakha kutsha imiduli yaseJerusalema eyayidiliziwe. Ingxenye 5 ikhuluma ngokwenzakalayo eminyakeni engu-152 kuze kufike kulesisikhathi.