Phikelela

Isimiso: “Baqhubeka befundisa nsuku zonke njalo bememezela izindaba ezinhle.”—Imiseb. 5:42.

Okwenziwa NguPhawuli

Umphostoli uPhawuli utshumayeza iqembu labantu ewolu yesikolo.

IVIDIYO: UPhawuli Uphikelela Etshumayeza Abase-Efesu

1. Bukela IVIDIYO, kumbe ubale imiSebenzi 19:8-10, ubusuphendula imibuzo elandelayo:

Kulokuthi akhalale ngesikhathi abanye bemphikisa, uPhawuli wenzani ukuze atshumayeze labo ababefuna ukufunda?
UPhawuli wayebafundisa kangaki labo ababefuna ukufunda futhi wakwenza okwesikhathi esinganani?

Sifundani Kulokho Okwenziwa NguPhawuli?

2. Kumele sisebenzise isikhathi lamandla ethu ukuze siphindele njalo siqalise ukufunda iBhayibhili labantu.

Lingisela UPhawuli

3. Mvakatshele ngesikhathi asifunayo. Zibuze: ‘Yisiphi isikhathi esifaneleyo atholakala ngaso? Uyabe ekhululeke ukuthi axoxe lami engaphi futhi nini?’ Zimisele ukuphindela lanxa kungabe kuyisikhathi esingavumelani lohlelo lwakho.

4. Hlela ukuthi lizaphinda libonane nini. Ngemva kwengxoxo ngayinye, mbuze ukuthi yisiphi isikhathi lelanga elingaphinda lixoxe ngaso. Woba leqiniso lokuthi uzasibamba isikhathi lelanga elilivumeleneyo.

5. Ungakhalali. Ungaphangisi ukucabanga ukuthi umuntu kafuni ukufunda iBhayibhili ngenxa yokuthi katholakali lapho ahlala khona kumbe ukuthi uhlala ebhizi. (1 Khor. 13:4, 7) Lanxa uzaqhubeka umdinga, khumbula ukuthi kumele usisebenzise kuhle isikhathi sakho.—1 Khor. 9:26.

KHANGELA

lo-Imiseb. 10:42; 1 Khor. 9:22, 23; 2 Khor. 4:1; Gal. 6:9