Fundisa Ngendlela Elula

Okwenziwa NguJesu

IVIDIYO: UJesu Utshengisa Ukuthi UBaba Wethu Ulendaba Lathi

1. Bukela IVIDIYO, kumbe ubale uMathewu 6:25-27, ubusuphendula imibuzo elandelayo:

1. UJesu wathini ukuze atshengise ukuthi uJehova ulendaba lathi?

2. UJesu wayesazi okunengi ngenyoni kodwa kuyini akhetha ukukhuluma ngakho? Kungani le kwakuyindlela enhle yokufundisa?

Sifundani Kulokho Okwenziwa NguJesu?

2. Nxa singafundisa ngendlela elula abantu abasoze bakukhohlwe lokho esibafundise khona futhi kuzathinta inhliziyo zabo.

Lingisela UJesu

3. Ungakhulumi kakhulu. Gxila kulokho okusebhukwini elilifundayo kulokuthi uqalise ukulandisa konke okwaziyo ngendaba leyo. Nxa ungabuza umbuzo, ungamjahi ukuthi aphendule kodwa mnike isikhathi. Nxa engayazi impendulo kumbe angakhuluma okuphikisana lalokho okutshiwo liBhayibhili, buza eminye imibuzo ezamnceda azwisise leyondaba. Nxa umfundi esewubambile umcijo oqakathekileyo, dlulelani phambili.

4. Ncedisa umfundi azwisise okutsha omfundisa khona usebenzisa lokho avele ekwazi. Ngokwesibonelo, lingakaqalisi ukufunda ngokuvuswa kwabantu abafileyo, qala ngokumkhumbuza lokho akufundayo ngesimo sabafileyo.

5. Sebenzisa kuhle imizekeliso. Ungakawusebenzisi umzekeliso zibuze:

1. ‘Umzekeliso lo ulula yini?’

2. ‘Umfundi uzawuzwisisa lula yini?’

3. ‘Umfundi uzasala ebambe umcijo oqakathekileyo yini kumbe uzabamba umzekeliso?’