Qunga Isibindi

Okwenziwa NguJesu

IVIDIYO: UJesu Weluleka Indoda Enothileyo

1. Bukela IVIDIYO, kumbe ubale uMakho 10:17-22, ubusuphendula imibuzo elandelayo:

1. Kuyini okuhle okwabonwa nguJesu endodeni le?

2. Kungani kwakumele uJesu abe lesibindi kanye lothando ukuze ayeluleke?

Sifundani Kulokho Okwenziwa NguJesu?

2. Lanxa sibathanda esifunda labo, kumele singababhodi sibatshele lokho okumele bakwenze ukuze bathuthuke.

Lingisela UJesu

3. Nceda umfundi wakho ahlele azakwenza lokuthi akwenze.

1. Sebenzisa ingxenye ethi “Ongakwenza” esesifundweni ngasinye sebhuku elithi Ungathokoza Kuze Kube Nini Lanini!

2. Ncedisa umfundi wakho abone lokho okumele akwenze lokuthi enze akuhlelileyo.

3. Mncome ngaso sonke isikhathi nxa angenza kuhle.

4. Zama ukubona ukuthi kuyini okubamba umfundi ukuthi angathuthuki lokuthi angakunqoba njani.

1. Nanku ongazibuza khona:

   • ‘Kuyini okubamba umfundi ukuthi abhabhathizwe?’

   • ‘Ngingamncedisa njani?’

2. Thandaza ucele ukuthi uJehova akunike isibindi sokuthi utshele umfundi wakho ungambhodi lokho okumele akwenze ukuze athuthuke. Lokhu kumele ukwenze ngendlela elothando.

5. Yekela ukufunda labantu abangathuthukiyo.

1. Zibuze imibuzo elandelayo ukuze uhlole ukuthi umfundi uyathuthuka yini loba hatshi:

   • ‘Uyakusebenzisa yini lokho akufundayo?’

   • ‘Uyayingena yini imihlangano yebandla futhi uyabatshela abanye lokho akufundayo?’

   • ‘Nxa selifunde okwesikhathi eside, uyafuna yini ukuba nguFakazi kaJehova?’

2. Nxa umfundi ekhanya engathuthuki:

   • Mbuze ukuthi kuyini okumbambayo ukuthi athuthuke.

   • Mchasisele ngomusa ukuthi kungani ususima ukufunda laye.

   • Mtshele lokho okumele akwenze ukuze liphinde livuselele ukufunda.