Amathuba Engezelelweyo Okudumisa uJehova
1. Yiluphi uhlelo olutsha olusinceda ukuthi ‘sibabaze loba sidumise kakhulu uJehova’?
1 Ngo-March odlulileyo, kwaqaliswa uhlelo olutsha lokuthi abamemezeli benelise ukuba ngamaphayona asizayo abika amahora angu-30 ngo-March lango-April umnyaka ngamunye langesikhathi sokuhambela kombonisi wesiqinti. Uma iviki lokuhambela kombonisi ohambelayo lichaphela kunyanga elandelayo, abamemezeli ababhalisa ukuphayona bebika amahora angu-30 bangakhetha inyanga abafuna ukuphayona ngayo phakathi kwenyanga ephelayo kumbe elandelayo. Emhlanganweni umbonisi wesiqinti azawenza lamaphayona esikhathi sonke kanye lamaphayona aqakathekileyo, wonke amaphayona asizayo angabakhona kulowo mhlangano uze uphele. Lokhu kutsho ukuthi nxa singenelisi ukubika amahora angu-50, ‘singambabaza loba simdumise kakhulu uJehova’ singamaphayona asizayo. Lokhu singakwenza izikhathi ezine ngomnyaka sibika amahora angu-30 kuphela!—Hubo. 109:30; 119:171.
2. Bazajabulelani labo abazakuba ngamaphayona asizayo ngesikhathi kulombonisi wesiqinti?
2 Ngesikhathi kulombonisi wesiqinti: Inengi labamemezeli khathesi selizenelisa ukuba ngamaphayona asizayo ngesikhathi kulombonisi wesiqinti njalo lizajabulela ukusebenza laye ekutshumayeleni ukuze kube lokuqinisana kokholo. (Roma. 1:11, 12) Amaphayona asizayo amanengi angahlela ukucela ilanga elilodwa emsebenzini phakathi kweviki ukungayi emsebenzini ukuze aphume ekutshumayeleni lombonisi wesiqinti. Labo abasebenza wonke amalanga phakathi kweviki bangacela ukuphuma lombonisi wesiqinti ngoMgqibelo kumbe ngeSonto. Okunye yikuthi kuzawakhuthaza amaphayona asizayo nxa engabakhona emhlanganweni owenziwa lamaphayona esikhathi sonke kanye lamaphayona aqakathekileyo!
3. Kungani isikhathi seSikhumbuzo kulithuba elihle lokuba liphayona elisizayo?
3 Ngo-March lango-April: Labo ababengamaphayona asizayo bebika amahora angu-30 ngesikhathi sesikhumbuzo sebengangezelela ‘umhlatshelo wokubonga loba wokudumisa uJehova’! (Heb. 13:15) UMarch lo-April zinyanga ezinhle kakhulu zokwengezelela inkonzo ngokuba ngamaphayona asizayo. Umnyaka ngamunye ngenyanga lezo, sihlanganyela emkhankasweni ojabulisayo wokumema abantu ukuthi baze eSikhumbuzweni. Okunye esikujabulelayo yikusebenza labamemezeli abatshiyeneyo ngenxa yokuthi abanengi bayabe bengezelele inkonzo yabo ngesikhathi seSikhumbuzo. Ngemva kweSikhumbuzo, silandelela labo abatshengise isifiso sokufuna ukwazi okunengi sibakhuthaze ukuthi babekhona enkulumweni eqakathekileyo kazulu wonke. Sengathi inhliziyo yakho ingenza ukuthi uwasebenzise kuhle amathuba la okuba liphayona elisizayo.—Luka. 6:45.