Dumisa UJehova Ngokuba Liphayona

Zinengi izinto ezazisenza ama-Israyeli adumise uJehova. Wayewakhiphe eGibhithe njalo wawavikela ukuze angabulawa libutho likaFaro. (Eks 15:1, 2) Lalamuhla uJehova uqhubeka esenzela abantu bakhe izinto ezinhle. Singatshengisa njani ukuthi siyambonga?—Hu 116:12.

Eyinye indlela esingatshengisa ngayo yikuba ngamaphayona asizayo kumbe awesikhathi sonke. Singacela ukuthi uJehova asiphe isifiso lamandla okuphayona. (Flp 2:13) Abanengi baqalisa ngokuba ngamaphayona asizayo. Ungathatha ubuphayona bamahora angu-30 loba angu-50 ngenyanga kaMarch lo-April kumbe nxa kulomhambeli ebandleni lenu. Nxa unganambitha ukuba liphayona elisizayo ungacina usufuna ukuba liphayona lesikhathi sonke. Abanye abasebenzayo labagulayo benelisile ukuba ngamaphayona esikhathi sonke. (mwb16.07 8) Kumele senze konke esikwenelisayo ukuze sidumise uJehova.—1Imi 16:25.

BUKELANI IVIDIYO ETHI IZELAMANI EZINTATHU ZEMONGOLIA BESELIPHENDULA IMIBUZO ELANDELAYO:

• 

  Yibuphi ubunzima odadewethu ababunqobayo ukuze babe ngamaphayona?

• 

  Yiziphi izibusiso abazitholileyo?

• 

  Yiwaphi amathuba abavulekelayo ekukhonzeni uJehova ngenxa yokuba ngamaphayona?

• 

  Isibonelo sabo sibancede njani abanye?