IMPILO YAMAKHRISTU
Ungakhohlwa Ukuthandazela Abazalwane Abahlukuluzwayo
IBhayibhili lakukhuluma kudala ukuthi uSathane uzasihlukuluza ngoba efuna ukuphazamisa umsebenzi wethu wokutshumayela. (Joh 15:20; Isam 12:17) Kuyini esingakwenza nxa abafowethu behlukuluzwa kwamanye amazwe? Kumele sibathandazele. IBhayibhili lithi: “Umkhuleko womuntu olungileyo ulamandla njalo uyasebenza.”—Jak 5:16.
Nxa sikhulekela abafowethu labodadewethu abahlukuluzwayo, singacela ukuthi uJehova abanike isibindi. (Isay 41:10-13) Singathandazela lokuthi iziphathamandla ziwuzwisise umsebenzi wethu wokutshumayela “ukuze sihlale ngokuthula empilweni enhle.”—1Tim 2:1, 2.
AmaKhristu ayethandazela uPhawuli loPhetro ngesikhathi bebotshiwe, babeze babaqambe ngamabizo. (ImiSeb 12:5; Ro 15:30, 31) Nxa singawazi amabizo alabo abahlukuluzwayo, singaqamba ibandla loba ilizwe abakulo nxa sesibakhulekela.