Ukuthuthukisa Indlela Esitshumayela Ngayo​—Ukusebenzisa I-JW.ORG

KUNGANI KUQAKATHEKILE: Wonke amabhuku aseBhokisini Elilezinto Esifundisa Ngazo akhuluma nge-jw.org. Inhloso yekhadi le-jw.org lephetshana elithi Singazithola Ngaphi Izimpendulo Zemibuzo Ehluphayo Empilweni? ngeyokunceda umuntu ukuthi aye kuwebhusayithi yethu. Unganika umuntu ibhuku eliseBhokisini Elilezinto Esifundisa Ngazo usebenzisa i-jw.org. Ungamthumezela ngefoni loba ngekhompiyutha loba umnike ilinki. Lokhu kuyanceda kakhulu nxa utshumayeza umuntu okhuluma olunye ulimi. Abantu bangabuza lemibuzo ephendulwa emabhukwini angekho eBhokisini Elilezinto Esifundisa Ngazo. Sizaphumelela enkonzweni nxa sisenelisa ukusebenzisa iwebhusayithi yethu.

NDLELA YOKUKWENZA:

• 

  Sebenzisa ingxenye ethi “OKUFUNDISWA LIBHAYIBHILI.” Ake sithi utshumayeza umzali ofisa ukwazi okunengi ngokukhulisa abantwana. Yana engxenyeni ethi OKUFUNDISWA LIBHAYIBHILI > EZEMULI.

• Sebenzisa ingxenye ethi “AMABHUKU.” Ake sithi uyatshumayela esikolo futhi ufuna ukunika ofunda laye ibhukwana elithi Izimpendulo Zemibuzo Engu-10 Ebuzwa Ngabasakhulayo. Yana engxenyeni ethi AMABHUKU > AMABHUKU LEZINCWAJANA.

• Sebenzisa ingxenye ethi “OKUMAYELANA LATHI.” Ake sithi utshumayeza umuntu osebenza laye ofisa ukubala ngamafitshane mayelana lesikukholwayo. Yana engxenyeni ethi OKUMAYELANA LATHI > IMIBUZO EJAYELE UKUBUZWA NGABANTU.

BUKELANI IVIDIYO ETHI UKUSEBENZISA I-JW.ORG, UBUSUCABANGA NGOKUTHI UNGAYA NGAPHI KUWEBHUSAYITHI UKUZE UNCEDE:

• umuntu ongakholwayo ukuthi uNkulunkulu ukhona

• umuntu osanda kwehlelwa yibunzima

• umfowethu kumbe udadewethu ongasafezi inkonzo

• impindela efisa ukwazi ukuthi siyithatha ngaphi imali yokwenza umsebenzi wethu

• umuntu ovela kwelinye ilizwe ofuna ukungena imihlangano elizweni lakibo