Taditsha Ngendlela Ezakunceda

KUNGANI KUQAKATHEKILE: Ukutaditsha iLizwi likaNkulunkulu kusinceda ukuthi ‘sizwisise ngokugcweleyo ububanzi, lobude, lokuphakama, lokutshona’ kweqiniso. (Efe 3:18) Kusinceda lokuthi sihlale singasoleki njalo simsulwa phakathi kwesizukulwane esonakeleyo kanye lokuthi ‘siqhubeke siligagadlele ilizwi lokuphila.’ (Flp 2:15, 16) Ukutaditsha iLizwi likaNkulunkulu kwenza sithole lokho okungasinceda ezimpilweni zethu. Manje singenzani ukuze sithole okunengi nxa sitaditsha?

INDLELA YOKUKWENZA:

• Dwebela amavesi futhi ubhale imicijo eqakathekileyo eBhayibhilini lakho olisebenzisa nxa utaditsha. Lokhu ungakwenza kungelani lokuthi usebenzisa imitshina yakulezinsuku loba iBhayibhili eliphrintiweyo

• Ngesikhathi ubala iLizwi likaNkulunkulu zibuze imibuzo elandelayo: ‘Ngubani? Kuyini? Nini? Ngaphi? Kungani? Njani?’

• Usebenzisa amathuluzi okuchwayisisa esilawo ungadinga izihloko kumbe amavesi ukuze uyizwisise kuhle indaba

• Cabangisisa ngalokho okubalayo ukuze ubone ukuthi ungakusebenzisa njani empilweni yakho

• Kwenze lokho okufundayo.​—Luk 6:47, 48

BUKELANI IVIDIYO ETHI HLALANI “LIBAMBELELE NGOKUQINILEYO” NGOKUTADITSHA BESELIPHENDULA IMIBUZO ELANDELAYO:

• Abanye bathini ngokutaditsha?

• Kungani kumele sithandaze ngaso sonke isikhathi singakaqalisi ukutaditsha?

• Kuyini okungasinceda ukuthi siyizwisise kuhle indaba esiyibalayo eBhayibhilini?

• Yiphi imibala esingayisebenzisa eBhayibhilini esitaditsha ngalo?

• Kungani ukucabangisisa kuqakatheke kakhulu nxa sibala iLizwi likaNkulunkulu?

• Kumele senzeni ngalokho esikubalayo?