Sebenzisa Ibhukwana Lebhuku Elithi Ungathokoza Kuze Kube Nini Lanini! Ekutshumayeleni

Siyathokoza okwamagama ukuthi sesilebhukwana lebhuku elitsha esilisebenzisa ukuqhuba izifundo zeBhayibhili! Sikhulekela ukuthi uJehova asibusise njengoba sizama ukwenza abafundi abanengi. (Mat 28:18-20; 1Kr 3:6-9) Asetshenziswa njani amathuluzi la?

Ibhukwana lebhuku elithi Ungathokoza Kuze Kube Nini Lanini!, linceda abantu esifunda labo bazwisise iBhayibhili njalo lifundwa kusetshenziswa indlela entsha yokufundisa. Nanku okungakunceda nxa ulungiselela lalapho usuqhuba izifundo zeBhayibhili.a

• Balani indima ngayinye beselixoxa ngemibuzo

• Balani imibhalo ebhalwe ukuthi “bala” ubusunceda umfundi abone ukuthi isebenza njani

• Bukelani amavidiyo beselixoxa ngawo lisebenzisa imibuzo eyabe ifakiwe

• Zamani ukuqeda isifundo ngasinye

Nxa usekutshumayeleni ungaqalisa ngokuhambisa ibhukwana ukuze ubone ukuthi umuntu uyafuna yini ukufunda. (Khangela ibhokisi elithi “Ungalihambisa Njani Ibhukwana Elithi Ungathokoza Kuze Kube Nini Lanini! Nxa Uqala Ukufika?”) Nxa lingaqeda ukufunda ibhukwana futhi umfundi efuna ukuqhubeka efunda, mnike ibhuku beseliqalisa ngesifundo 04. Nxa ubusufunda lomuntu ibhuku kumbe ibhukwana esilisebenzisa ukufunda labantu iBhayibhili, tshintsha usebenzise elithi Ungathokoza Kuze Kube Nini Lanini! ubusubona ukuthi lingaqalisela ngaphi.

BUKELANI IVIDIYO ETHI KUKHOLISE UKUFUNDA IBHAYIBHILI!, BESELIPHENDULA IMIBUZO ELANDELAYO:

• Abafundi bazafundani ebhukwini elitsha?

• Kungani kumele ubukelise abantu oqalisa ukufunda labo ividiyo le?

• Yiziphi izinto ongakhuthaza umfundi ukuthi ahlele ukuzenza futhi azenze?—Khangela itshathi elithi “Inhloso Yengxenye Ngayinye Lalokho Umfundi Angahlela Ukukwenza”