Memezela Izindaba Ezinhle Zokuthi Umhlaba Omutsha Ususeduze!

NgoNovember sizakuba lomkhankaso wokutshela abantu izindaba ezinhle zokuthi umhlaba omutsha ususeduze. (Hu 37:10, 11; Sam 21:3-5) Hlela izimo zakho ukuze wenze okunengi emkhankasweni lo. Nxa ungaba liphayona elisizayo ngenyanga le, ungakhetha ukutshumayela amahola angu-30 kumbe angu-50.

Lungiselela ukuxoxa labantu abanengi ngevesi emayelana lomhlaba omutsha. Khetha umbhalo ohambelana lalokho abantu abasensimini okuyo abakuthandayo. Nxa umuntu angatshengisa ukuthi ulesifiso sokufunda okunengi uqala ukufika, mnike iNqabayokulinda No. 2 2021. Phindela masinyane ubusuzama ukuqalisa isifundo seBhayibhili usebenzisa ibhukwana elithi Ungathokoza Kuze Kube Nini Lanini! Kuyathokozisa sibili ukwenza okunengi emsebenzini wokutshela abantu “izindaba ezinhle zalokho okungcono”!—Isy 52:7, NWT.

BUKELANI IVIDIYO YENGOMA YE-BROADCASTING ETHI EMHLABENI OMUTSHA, BESELIPHENDULA IMIBUZO ELANDELAYO:

• Yiliphi ithemba elimangalisayo inkazana esengomeni elibona ngelihlo lengqondo?

• Kuyini okulindele ngabomvu emhlabeni omutsha?

• Ukucabangisisa ngethemba olalo kuzakunceda njani ukuthi ulungele ukwenza okunengi emkhankasweni ozabe ukhona ngoNovember?—Luk 6:45