Ncedisa Ofunda Labo IBhayibhili Ukuthi Batshiye Imikhuba Engcolileyo

Abantu abangaba ngabangane abaseduze bakaJehova yilabo abaziphethe kuhle kuphela. (1Pe 1:14-16) Nxa esifunda labo iBhayibhili bengatshiya imikhuba emibi, bazakuba lempilakahle, bazasebenzisa kuhle imali njalo imuli zabo zizathokoza.

Mcacisele ofunda laye iBhayibhili ukuthi uJehova ufuna siziphathe njani, ukuthi kungani efuna siziphathe njalo lokuthi kunceda ngani lokhu. Mncedise atshintshe indlela acabanga ngayo. Nxa ungenza njalo, kuzaba lula ukuthi enze okufunwa nguJehova. (Efe 4:22-24) Mqinisekise ukuthi uJehova angamncedisa atshiye umkhuba omubi osumile impande. (Flp 4:13) Mfundise ukuncenga uJehova ukuthi amncedise nxa eselingeka ukuthi enze isono. Mncedise ananzelele njalo axwaye izimo ezingenza awele esonweni. Mkhuthaze ukuthi enze izinto ezizamnceda kulokuthi enze izinto ezimbi. Uzathokoza nxa ungabona ofunda labo iBhayibhili bephumelela ukutshiya imikhuba emibi bencediswa nguJehova.

BUKELANI IVIDIYO ETHI NCEDISA OFUNDA LABO IBHAYIBHILI UKUTHI BATSHIYE IMIKHUBA ENGCOLILEYO, BESELIPHENDULA IMIBUZO ELANDELAYO:

• 

  Abadala loNeeta bamzondela yini uLanga sebethole ukuthi kulomkhuba omubi awenzayo?

• 

  UNeeta wamncedisa njani uLanga?

• 

  ULanga wenzani ukuze uJehova amncedise?