Ncedisa Ofunda Labo IBhayibhili Ukuthi Babe Ngabangane BakaJehova

UJehova ufuna simkhonze ngoba simthanda. (Mat 22:37, 38) Abantu esifunda labo iBhayibhili bazenelisa ukwenza utshintsho empilweni yabo njalo baqinisele ebunzimeni nxa bemthanda uNkulunkulu. (1Jo 5:3) Ukumthanda yikho okuzabafuqa ukuthi babhabhathizwe.

Ncedisa ofunda labo iBhayibhili babone ukuthi uNkulunkulu uyabathanda. Nansi imibuzo ongababuza yona: “Lokhu kukufundisani ngoJehova?” “Lokhu kutshengisa njani ukuthi uNkulunkulu uyakuthanda?” Bancede babone indlela uJehova abancedisa ngayo. (2Imi 16:9) Batshele ukuthi uJehova uyiphendule njani imithandazo yakho ubusubakhuthaza ukuthi bananzelele indlela aphendula ngayo eyabo. Sizathokoza kakhulu nxa esifunda labo iBhayibhili bebona ukuthi uJehova uyabathanda futhi labo betshengisa ukuthi bayamthanda lokuthi bafuna ukuba ngabangane bakhe.

BUKELANI IVIDIYO ETHI NCEDISA OFUNDA LABO IBHAYIBHILI UKUTHI BABE NGABANGANE BAKAJEHOVA, BESELIPHENDULA IMIBUZO ELANDELAYO:

• 

  Yiluphi uhlupho uLanga ayesephakathi kwalo?

• 

  UNeeta wamnceda njani uLanga?

• 

  ULanga wenzani ukuze anqobe uhlupho lolo?